47. Kuv Tau Pom Kuv tus Xib Fwb Lub Ntsiab Tseeb Lawm

Kuv nco tias thaum kuv xub pib los ua ib tug ntseeg Vajtswv, peb tus Xib Fwb Tsheej ntawm pawg ntseeg thiab nws tus poj niamhwm kuv tshaj. Lawv teeb tsa kuv ua tus thawj coj ntawm Pab Pawg Foom Koob Moo Zoo thiab ua ib tug xib fwb qhia ntawv rau hnub Xasdem thiab txhawj kuv heev tas li. Thaum twg los xij kuv muaj teeb meem los sis qaug zog, nkawv thov Vajtswv rau kuv. Nkawv tau saib xyuas lwm cov tswv cuab ntawm pawg ntseeg ib yam thiab. Thaum twg los xij muaj ib tug neeg twg nyuaj siab los sis qaug zog nkawv yuav sib qhia txog Vajluskub los pab lawv. Kuv hnov tau tias nkawv ob leeg mas hlub kuv tshaj thiab peb muaj hmoo kawg uas muaj nkawv. Nyob hauv kuv nruab siab, kuv yeej ib txwm hnov zoo li nkawv yog kuv niam thiab txiv tus ntsujplig niam thiab txiv nyob hauv txoj kev ntseeg.

Los txog xyoo 2018, kuv tau ntsib ib co kwv tij thiab muam ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus hauv oos lais. Tom qab hnov lawv cov lus tim khawv lawm, kuv paub tias tus Tswv Yexus twb rov qab los lawm, yug los ua Vajtswv Tus Uas Muaj Hwj Chim Loj Kawg Nkaus lawm. Nws tab tom nthuav tawm qhov tseeb los txiav txim thiab yaug tib neeg kom dawb huv nyob rau tiam kawg, ua tiav hlo nqe lus faj lem 1 hauv Petus 4:17 uas hais txog: “Rau qhov lub sij hawm tab tom los lawm uas txoj kev txiav txim yuav tsum pib ntawm Vajtswv tsev mus.” Kuv zoo siab heev, ces kuv tsev neeg thiab kuv tau saib txog Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg ua ke. Vim kev nyeem Vajtswv Tus Uas Muaj Hwj Chim Loj Kawg Nkaus cov lus peb puav leej paub tseeb tias nws yog Vajtswv lub suab thiab Vajtswv Tus Uas Muaj Hwj Chim Loj Kawg Nkaus yog tus Tswv Yexus uas tau rov qab los lawm. Peb puav leej tau lees txais Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg lawm. Tom qab ntawd, Xib Fwb Tsheej tau tuaj ceeb toom rau kuv. Nws ib txwm qhia peb tas li kom tos saib tus Tswv qhov kev nqis los, yog li ntawd kuv thiaj li xav tias ntshe nws yuav zoo siab heev yog hnov tias tus Tswv twb rov qab los lawm. Kuv thiaj li txiav txim siab qhia qhov xov xwm zoo no rau nws.

Muaj ib zaug thaum tab tom sib sau ua ke, Xib Fwb Tsheej hais tias, “Peb nyob hauv tiam kawg thiab tus Tswv yuav rov qab los txhua lub sij hawm. Peb yuav tsum thov thiab tos saib.” Kuv zoo siab thaum hnov nws hais li no, yog li ntawd kuv thiaj li hais tias, “Tsis ntev los no kuv tau ntsib ib txhia kwv tij thiab muam hauv oos lais ua tim khawv tias tus Tswv twb rov qab los lawm. Kuv tau nkag mus koom lub rooj sib sau ua ke nrog lawv, ua rau muaj kev paub heev.” Nws cov lus teb ces yog, “Kev sib sau ua ke hauv oos lais yog ib qhov zoo tshaj thiab lawv tuaj yeem pab ua kom peb nkag siab txog tus Tswv cov lus zoo dua tuaj.” Ces nws tsuas hais nws cov lus qhia mus ntxiv. Kuv zoo siab kawg, xav tias, “Xib Fwb Tsheej mas yog ib tug neeg uas nrhiav qhov tseeb. Kuv yuav tau qhia Vajtswv txoj moo zoo ntawm tiam kawg nrog nws tam sim no.” Ceeb tag li, tau ob peb hnub tom qab xwb Xib Fwb Tsheej thiab nws tus poj niam tau tuaj tim kuv tsev. Lub sij hawm nkawv nkag los tsev, Xib Fwb Tsheej ua ntsej muag npau taws vog nug kuv tias, “Koj tau hais txog kev sib sau ua ke rau hauv oos lais. Koj puas tau mus koom lwm pawg ntseeg dua li?” Saib zoo li nws tsis txaus siab ua rau kuv yoob me ntsis. Ua ntej kuv yuav teb, kuv niam tau hais luag ntxhi tias, “Mus lawm ma, Xib Fwb. Peb kuj tau tshuaj xyuas Pawg Ntseeg ntawm Vajtswv Tus Uas Muaj Hwj Chim Loj Kawg Nkaus lawm. Qhov ntawd ua rau peb paub tias tus Tswv twb rov qab los lawm. Nws tab tom nthuav tawm qhov tseeb ntau heev thiab tab tom ua tes hauj lwm ntawm kev txiav txim uas pib hauv Vajtswv lub tsev.” Xib Fwb Tsheej teb npau taws vog tias, “Tus Tswv twb rov los lawm lod? Yeej tsis muaj tseeb! Phau Vajluskub cov lus faj lem hais meej tseeb tias: ‘Saib nawb, Nws los nrog cov huab; thiab txhua lub qhov muag yuav pom Nws, thiab lawv kuj yog cov nkaug Nws los yeej pom tib si: thiab txhua hom neeg hauv ntiaj teb yuav quaj tu siab vim yog Nws’ (Qhia Tshwm 1:7). Tus Tswv yuav rov qab los rau sauv tauv fuab nyob hauv tiam kawg kom txhua tus pom. Yog tias Nws twb rov los lawm no, vim li cas peb hos tsis tau pom Nws li ma?” Kuv niam tau teb tias, “Muaj ntau cov lus faj lem ntawm vajluskub hais txog tus Tswv qhov rov los. Dhau ntawm qhov uas Nws nqis los rau saum tauv fuab qhib lug lawm, kuj muaj qee nqe lus hais txog qhov Nws nqis los zais ntshis thiab, xws li Kev Qhia Tshwm 16:15, ‘Saib nawb, Kuv los li ib tug tub sab,’ Kev Qhia Tshwm 3:3, ‘Yog vim li ntawd yog koj tsis saib, ces Kuv yuav los rau ntawm koj li ib tug tub sab,’ thiab Mathais 25:6, ‘Thiab thaum ib tag hmo muaj ib lub suab quaj hu tias, Saib nawb, tus nraug vauv tuaj lawm laus; nej tawm mus ntsib nws.’ Kev hais tias Nws los zoo li ib tug tub sab txhais tau tias Nws rov qab los ntsiag to tsis muaj ib tug neeg twg paub txog qhov no li. Yog hais tias tus Tswv tsuas los rau saum tauv fuab qhib lug xwb ces, ntshe txhua tus yuav pom Nws lawm. Qhov ntawd yuav zoo li ib tug tub sab tau li cas, thiab leej twg yuav qw tias tus nraug vauv tau nqis los?” Xib Fwb Tsheej npau taws heev hais tias, “Tsis yog koj hais tias tus Tswv los zais ntshis tsis raug raws li cov lus faj lem ntawm qhov Nws los rau saum ib tauv fuab lod? Qhov no nws tsis haum raws li Vajluskub lawm. Peb tseem tsis tau pom tus Tswv los rau saum ib tauv fuab dua li, uas ua pov thawj tias Nws yeej tsis tau rov los. Peb yuav tsis ntseeg qhov ntawd!”

Ntsia zoo li nws tsis nkag siab txog qhov no kiag li, yog li kuv thiaj li hais tias, “Xib Fwb Tsheej, cov lus faj lem ntawm qhov Nws los ua cev nqaij daim tawv yam zais ntshis thiab qhov Nws los rau saum ib tauv fuab qhib lug mas qhov tseeb tiag ces yeej tsis yog tsis sib raug. Qhov Nws rov qab los tshwm sim nyob rau ob ntus. Ntu ib, Nws los zais ntsis ua cev nqaij daim tawv, nthuav tawm qhov tseeb los mus txiav txim thiab yaug tib neeg kom dawb huv, thiab tsim ib pawg neeg muaj yeej ua ntej tej kev puas tsuaj. Thaum ua tiav qhov ntawd lawm, Nws tes hauj lwm zais ntsis yuav los ze lawm thiab tom qab ntawd Nws yuav xa tej kev puas tsuaj los, muab nqi zog rau kev ua zoo thiab rau txim rau kev phem. Nws yuav rhuav tshem Vajtswv txhua tus yeeb ncuab, txhua tus uas yog Ntxwgnyoog cov neeg. Nws yuav tshwm sim yam qhib lug rau txhua haiv neeg thiab txhua cov neeg tsuas yog tom qab tej kev puas tsuaj loj tshaj tau tag mus lawm xwb. Cov uas hnov Vajtswv lub suab thiab saib ntsoov Nws tes hauj lwm thaum lub sij hawm Nws nyob ntawm no ua hauj lwm zais ntshis txhua tus los rau tom hau ntej ntawm Vajtswv lub zwm txwv, lees txais Nws txoj kev txiav txim nyob rau tiam kawg, ces lawv tej kev qias vuab tsuab thiaj li yuav raug yaug kom dawb huv. Thaum kawg lawv yuav raug coj los rau hauv Vajtswv lub nceeg vaj. Lawv yog cov nkauj xwb ntse uas Vajluskub tau faj lem lawm. Cov uas tsis hnov Vajtswv lub suab thaum lub sij hawm Nws ua hauj lwm zais ntshis no thiab cov uas tseem teem txim thiab tsis lees txais yuav Vajtswv Tus Uas Muaj Hwj Chim Loj Kawg Nkaus yog cov nkauj xwb ruam. Lawv yog cov tsis ntseeg, cov tawm tsam Khetos, thiab cov ua phem uas qhia tshwm los ntawm Vajtswv tes hauj lwm ntawm tiam kawg lawm. Thaum Vajtswv los rau saum ib tauv fuab qhib lug, lawv yuav pom tias Vajtswv Tus Uas Muaj Hwj Chim Loj Kawg Nkaus uas lawv tawm tsam ntawd yog tus Tswv Yexus uasrov qab los lawm tiag, tab sis lawv qhov kev khuv xim los lig dhau lawm. Lawv yuav raug tej kev puas tsuaj, thiab raug rau txim thaum lawv quaj nyiav. Yuav ua tiav hlo qhov no raws li tus Tswv hais tias: ‘Saib nawb, Nws los nrog cov huab; thiab txhua lub qhov muag yuav pom Nws, thiab lawv kuj yog cov nkaug Nws los yeej pom tib si: thiab txhua hom neeg hauv ntiaj teb yuav quaj tu siab vim yog Nws’ (Qhia Tshwm 1:7). Qhov no yog cov lus faj lem ntawm tus Tswv qhov nqis los zais ntshis thiab los qhib lug tiav hlo.” Ces kuv niam thiaj li hais tiag tiag tias, “Xib Fwb, nws hais yog lawm. Phau Vajluskub hais txog Neeg leej tub qhov nqis los ntau zaus. Piv txwv li: ‘Vim ib yam li xob laim tim sab hnub tuaj tuaj, thiab ci mus txog ntua rau sab hnub poob; yog li thaum Neeg Leej Tub los kuj yuav zoo ib yam nkaus li’ (Mathai 24:27). ‘Vim zoo ib yam nkaus li xob laim, uas laim txias saum ib sab ntuj tuaj, ci ntsa paug mus rau ib sab ntuj; yog li Neeg Leej Tub yuav zoo tib yam nkaus li ntawd nyob rau hnub Nws rov los. Tab sis ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais’ (Luka 17:24–25). Qhov Neeg leej tub hais ces hais txog Vajtswv tus yug los ua neeg, ib yam nkaus li tus Tswv Yexus yog Neeg leej tub. Nws yug los ua neeg thiab muaj txhua yam li kev ua neej nyob. Yog hais tias tus Tswv rov qab los nyob rau hauv Nws tus Ntsujplig, ces Nws yuav tsis raug hu ua Neeg leej tub. Thiab yog hais tias tus Tswv rov qab los ua Vajtswv tus Ntsujplig, ces leej twg yuav muaj cuab kav tsis lees txais yuav los sis tawm tsam Nws? Nws yuav ua li cas ‘ua ntej tshaj Nws yuav tsum raug kev txom nyem ntau yam, thiab yuav raug cov neeg tiam no tsis lees txais’? Tus Tswv Yexus twb rov qab los ua Vajtswv Tus Uas Muaj Hwj Chim Loj Kawg Nkaus tus uas yug los ua neeg lawm. Koj yuav tsum saib Vajtswv Tus Uas Muaj Hwj Chim Loj Kawg Nkaus tej lus.” Thaum kuv niam hais, nws hais raws li Vajtswv Tus Uas Muaj Hwj Chim Loj Kawg Nkaus tej lus rau xib fwb. Nws tsuas yog tsis lees los saib qhov ntawd xwb, tab sis npau taws ntsuav thiab nthe tias, “Qhov no yeej tsis yog Vajtswv txoj lus kiag li. Vajtswv cov lus mas puav leej nyob rau hauv Vajluskub thiab tsis muaj ib qho yuav tsis nyob rau hauv li!”

Kuv ceeb tag uas pom Xib Fwb Tsheej cheem tsis tau nws tus yeeb yam thiab haj tseem ua lub ntsej muag liab ploog npau taws ntsuav thiab. Nws ib txwm siab zoo tshaj—nyob nyob nws txawm hloov txawv mus lawm. Kuv txawm pib hnov txaj muag me ntsis, Yog li kuv thiaj li hais lus taij thov Vajtswv ntsiag tos thov kom Nws muab txoj kev ntseeg rau kuv thiab coj kuv kev kom muaj kev sib qhia mus ntxiv. Qhov ntawd ua rau kuv siab txias me ntsis tuaj. Kuv ua siab txias hais rau nws tias, “Xib Fwb Tsheej, tsis muaj ib qho vajluskub twg uas yuav ua rau koj hais tau tias Vajtswv txhua lo lus muaj nyob rau hauv Vajluskub thiab tsis nyob rau lwm qhov twg li. Nws tsis haum raws li qhov tseeb lawm. Nws muaj hais nyob rau hauv Txoj Moo Zoo ntawm Yauhas, ‘Thiab kuj muaj ntau yam uas Yexus ua, qhov uas, ntshe yog muab txhua yam sau tseg mas, Kuv xav hais tias ntshe lub ntiaj teb kiag los yuav ntim tsis tag cov ntawv uas tsim nyog sau’ (Yauhas 21:25). Tus Tswv Yexus tau hais ntau heev nyob rau peb lub xyoo thiab ib nrab xyoo uas Nws tau ua hauj lwm thiab qhuab qhia nyob hauv ntiaj teb, tab sis yam uas raug muab kaw cia nyob rau Plaub Txoj Moo Zoo tsuas siv li ob peb teev los hais xwb. Qhov no qhia tshwm tias yeej tsis muaj ib txoj hau kev twg yuav hais tias txhua los lus ntawm tus Tswv Yexus raug sau cia rau hauv Vajluskub. Tsis tas li xwb, muaj ntau yam uas cov tib neeg sau tsis tag raws li Vajluskub, yog li ntawd muaj ib txhia yaj suab cov lus faj lem thiaj li tsis raug muab sau rau hauv Vajluskub lawm. Qhov ntawd suav txog Vajtswv qee cov lus uas tus yaj suab Islas muab qhia tshwm tias tsis raug suav rau hauv Vajluskub. Qhov ntawd txhais tau tias cov ntawv uas tsis muab Vajtswv cov lus los sau rau hauv Vajluskub ces thiaj li tsis muaj tseeb!”

Kuv niam kuj hais tiag tiag tias, “Tsis yog muaj Vajtswv ib txhia lus uas tsis raug sau rau hauv Vajluskub xwb, tab sis kuj muaj Vajtswv cov lus nyob rau hauv tiam kawg thiab! Tus Tswv Yexus tau hais lus faj lem tias: ‘Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau qhov tseeb’ (Yauhas 16:12–13). Nws kuj tau faj lem ntau zaus rau hauv Kev Qhia Tshwm lawm thiab: ‘Tus uas muaj pob ntseg, cia nws mloog qhov yam uas tus Ntsujplig hais rau pawg ntseeg’ (Qhia Tshwm Tshooj 2, 3). Nws kuj kuj hais txog Thooj Ntawv uas muab nthuav tawmn thiab. Tej no puav leej yog cov lus faj lem ntawm tus Tswv cov lus hais thaum Nws rov los. Yog hais tias tsis muaj ib cov lus twg ntawm Vajtswv uas tsis nyob rau hauv Vajluskub lawm, ces cov lus faj lem no yuav raug ua tiav tau li cas? Vajtswv Tus Uas Muaj Hwj Chim Loj Kawg Nkaus tab tom ua tes hauj lwm ntawm kev txiav txim, nthuav tawm txhua qhov tseeb uas los yaug tib neeg kom dawb huv thiab cawm tib neeg kom puv npo. Nws tau nthuav tawm txhua txoj kev zais tob ntawm Vajtswv txoj kev npaj cawm tib neeg, tau qhia tshwm thiab tau txiav txim qhov tseeb ntawm tib neeg txoj kev qias vuab tsuab thiab lub hauv paus ntawm tib neeg txoj kev tawm tsam rau Vajtswv. Nws tau muab txoj kev taug rau peb los lees txim hloov dua siab tshiab tiag thiab nkag mus rau lub nceeg vaj. Qhov tau faj lem rau hauv Qhov Kev Qhia Tshwm txog Vajntsujplig yog kev hais rau cov pawg ntseeg thiab Thooj Ntawv uas tau nthuav tawm txog Vajtswv Tus Uas Muaj Hwj Chim Loj Kawg Nkaus cov lus. Cov lus tshiab no ua ntej no hos raug sau cia rau hauv Vajluskub tau li cas? Puas yog hais tias tsis muaj Vajtswv cov lus tshwm sim hauv Vajluskub es yuav hais li cas los tau no los? Vajtswv yog kev tsim ntawm tus Tswv thiab yog cov dej uas ntws mus ib txhis. Tab sis Vajtswv tes hauj lwm thiab cov lus raug sau cia rau Vajluskub mas muaj tsawg heev li. Peb yuav tsis tuaj yeem hais tau tias Vajtswv tsuas nyob hauv Vajluskub raws li peb tej kev xav phem xwb. Qhov ntawd ntshe yuav yog qhov tsis lees txais qhov tseeb, tsis lees txais Vajtswv tus kheej tes hauj lwm thiab cov lus!”

Qhov no ua rau Xib Fwb Tsheej npau taws heev, tab sis nws yuav tsis lees tsis tau. Ces nws tsuas hais tias, “Tsis tso cai rau koj los saib txog qhov no raws li koj tus kheej txoj kev xav zoo. Koj mas tsis paub qab hau nyob hauv lub neej li thiab nkag siab yuam kev lawm. Lees txhaum thiab lees txim hloov dua siab tshiab rau tus Tswv tam sim no!” Kuv teb kiag tam sim ntawd tias, “Xib Fwb Tsheej, peb twb los xaus lus lawm tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas twb rov qab los lawm tsuas yog los ntawm kev mob siab nrhiav thiab kev nyeem Vajtswv Tus Uas Muaj Hwj Chim Loj Kawg Nkaus tej lus kom ntau xwb. Koj yeej tsis tau nyeem Nws cov lus, yog li ntawd thiaj li muaj qee qhov ua xyem xyav thiab muaj tej kev xav phem. Tus Tswv Yexus hais tias: ‘Cia li thov, thiab nws yuav muab rau nej; cia li nrhiav, thiab nej yuav nrhiav pom; cia li khob, thiab nws yuav qhib rau nej’ (Mathai 7:7). Thaum twg los xij yog tias koj tsis txaus siab nrhiav, thiab tsis nyeem Vajtswv Tus Uas Muaj Hwj Chim Loj Kawg Nkaus cov lus, ces koj tej kev tsis meej pem yuav puav leej raug tshem mus tau tag nrho.” Kiag tam sim uas kuv hais tag ces nws tus poj niam tau nug kuv txog cov kwv tij thiab cov muam ntawd tej chaw nyob uas siv sib txuas lus los ntawm Pawg Ntseeg thiab tau hais tias nws mam li nkag mus saib tom qab ntawd. Ua raws li nws hais, kuv thiaj li muab tej chaw nyob rau nkawv lawm. Nkawv txais kiag ces mus lawm.

Kuv hnov zoo li sawv tsis ntseg me ntsis tom qab uas nkawv ob tug mus lawm. Kuv ib txwm xav tias nkawv yog neeg zoo, txo hwj chim. Nkawv hais rau peb tas li tias kom tos saib tus Tswv qhov rov qab los, tab sis thaum nkawv tau hnov tej xov xwm hais txog tus Tswv qhov rov qa los ces nkawv ho tsis quav ntsej kiag li. Nkawv tsuas tawv qhawv tuav rawv Vajluskub cov lus xwb. Vim li cas nkawv ho tsis ua raws li yam nkawv tau qhia? Kuv mas tag kev cia siab thiab chim siab heev, tab sis vam tias nkawv yuav nug xyuas Vajtswv tes hauj lwm nyob rau hauv tiam kawg, Kuv thiaj li taij thov rau nkawv ntsiag to. Kuv kuj xa ib qho chaw nyob uas yog zaj yeeb yaj kiab txoj moo zoo uas Qhia Tawm txog Kev Zais Tob Ntawm Vajluskub mus rau nkawv, cia siab tias zaj yeeb yaj kiab no yuav ua rau nkawv muab tej kev xav phem tso tseg thiab los nrhiav Vajtswv Tus Uas Muaj Hwj Chim Loj Kawg Nkaus tes hauj lwm thiab txais tos tus Tswv sai sai no. Kuv muaj kev cia siab puv npo, tab sis kuj muaj tej yam xav tsis txog tau tshwm sim lawm tiag. Nkawv tau xa tag nrho cov xov xwm lus xaiv hais thuam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tuaj rau kuv ua kom kuv txav deb ntawm tej ntawd. Pom tau tias tsis cuam tshuam rau kuv, ces nkawv thiaj li xa ib co lus phem ntau heev mus thab cov tswv cuab ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Nkawv kuj nkag mus hauv Facebook thiab tshaj tawm tej xov xwm phem ntau heev thiab tawm tsam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus kom nkag siab yuam kev thiab ua kom lwm tus txhob nug xyuas txoj hau kev tseeb. Thiab nkawv tsis tsum rau qhov ntawd xwb. Nkawv tau mus ib lub tsev dhau ib lub tsev mus hais rau cov kwv tij thiab cov muam kom lawv tsis txhob nrog kuv ua ib qho dab tsi li, txiav txim thiab hais tsis zoo rau kuv. Ua rau muaj tib neeg coob leej nkag siab yuam kev thiab txav deb ntawm kuv mus. Muaj qee tus tau xav ntawv iab liam tuaj rau kuv thiab qee tus tsis nrog kuv tham thaum peb sib ntsib. Muaj qee tus haj tseem tsis qhib qhov rooj rau kuv thaum uas kuv mus saib lawv. Qhov no mas ua rau kuv chim siab heev. Yav tag los kuv ib txwm swm zoo rau cov kwv tij thiab cov muam no, tab sis tam sim no lawv txav deb ntawm kuv thiab tsis lees txais yuav kuv lawm, vim xib fwb tej lus dag ntxias. Kuv yuav luag tsis ntseeg tias qhov no puav leej ua los ntawm tus xib fwb uas muaj ib zaug kuv tau hwm nws heev. Kuv mas txom nyem thiab hnov qaug zog hauv nruab siab heev. Kuv xav tsis tawm li. Kuv twb tsis tau ua ib yam dab tsi tsis yog. Kuv tsuas yog lees txais Vajtswv tes hauj lwm ntawm tiam kawg xwb. Vim li cas tus xib fwb ho coj li ntawd rau kuv?

Thaum lub sij hawm uas ib tug muam hauv Pawg Ntseeg ntawm Vajtswv Tus Uas Muaj Hwj Chim Loj Kawg Nkaus paub txog qhov no, nws thiaj li muab kev pab txhawb nqa rau kuv thiab nyeem Vajtswv cov lus ib kab rau kuv mloog. “Nyob rau txhua kauj ruam ntawm tes dej num uas Vajtswv ua rau hauv tib neeg, sab nraud ces nws tshwm muaj kev sib tshuam mus los ntawm tib neeg, li uas yog yug ntawm tib neeg tej kev npaj los sis los ntawm tib neeg txoj kev sib cuam tshuam. Tab sis nyob rau tom qab, txhua kauj ruam ntawm tes dej num, thiab txhua yam uas tshwm sim, yog ib lo lus twv los ntawm Ntxwgnyoog rau ntawm Vajtswv xub ntiag, thiab cheem tsum tib neeg tuav lawv tej lus tim khawv khov kho rau Vajtswv. Muab thaum Yauj raug sim coj los ua piv txwv: Nyob rau tom qab, Ntxwgnyoog muaj ib qho lus twv nrog Vajtswv, thiab yam uas muaj tshwm sim rau Yauj yog tej kev ua ntawm tib neeg thiab kev sib cuam tshuam ntawm tib neeg. Nyob rau tom qab txhua kauj ruam ntawm tes dej num uas Vajtswv ua rau hauv nej yog Ntxwgnyoog lo lus twv nrog Vajtswv—nyob rau tom qab nws yog ib ntsug rog” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Txoj Kev Hlub Vajtswv Xwb Thiaj Yog Txoj Kev Ntseeg Vajtswv Tiag). Tom qab ntawd kuv nkag siab tias qhov tus xib fwb tab tom tab kaum thiab ua kom lwm cov tswv cuab ntawm pawg ntseeg cais kuv mas puav leej yog ib qho ntawm Ntxwgnyoog tej kev sim siab. Ntxwgnyoog xav kom kuv tso txoj hau kev tseeb tseg thiab ntxeev siab rau Vajtswv thiab plam Nws txoj kev cawm dim ntawm tiam kawg. Ntxwgnyoog mas ntxim ntxub tshaj! Kuv xav tias, “Vim kuv twb hais meej tseeb tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm, tawm hais tias kuv yuav ntsib kev nyuab npaum li cas los xij kuv yuav tsum tsis ywj fab ywj fwj ua raws Nws qab kom txog thaum kawg.”

Ces tus muam thiaj li tau qhia qhov sib qhia no tias: “Vajtswv siv tej xwm txheej no los qhia kom peb nkag siab txog lwm tus. Txoj kev uas tib neeg coj rau qhov tus Tswv rov los qhia tshwm txog lawv tus cwj pwm coj rauqhov tseeb thiab Vajtswv, thiab nthuav tawm lawv lub ntsiab tseeb.” Ces nws tau nyeem lwm nqe lus ntawm Vajtswv cov lus. “Nej puas xav paub lub hauv paus keeb cag ntawm qhov uas vim li cas cov Falixais thiaj li tawm tsam Yexus mas? Nej puas xav paub lub ntsiab tseeb ntawm cov Falixais? Lawv ces muaj tej kev npau suav nruab hnub puv npo txog tus Mexiyas. Tshaj qhov ntawd, lawv tsuas ntseeg hais tias tus Mexiyas yuav los, tab sis tsis duam nrhiav qhov tseeb ntawm lub neej. Thiab yog li ntawd, txawm yog niaj hnub no kiag los lawv tseem tos ntsoov tus Mexiyas, vim lawv tsis muaj ib qho kev paub txog txoj kev ntawm lub neej txoj sia li, thiab tsis paub hais tias txoj kev ntawm qhov tseeb yog dab tsi. Yuav ua cas, nej hais nas, es cov neeg ruam, tawv ncauj thiab tsis paub tab li ntawd thiaj yuav tau txais Vajtswv tej koob hmoov mas? Yuav ua cas lawv thiaj yuav pom tus Mexiyas? Lawv tawm tsam Yexus vim lawv tsis paub txoj xub ke ntawm Vajntsujplig tes hauj lwm, vim lawv tsis paub txoj kev ntawm qhov tseeb uas Yexus tau hais txog, thiab, tshaj qhov ntawd, vim lawv tsis to taub tus Mexiyas. Thiab vim lawv tsis tau pom dua tus Mexiyas li thiab yeej tsis tau nrog dua tus Mexiyas ua ke li, lawv thiaj ua yuam kev rau qhov uas tsuas lam tuav rawv tus Mexiyas lub npe rau thaum uas tab tom siv txhua yam los tawm tsam lub ntsiab tseeb ntawm tus Mexiyas xwb. Cov Falixais nyob rau hauv lub ntsiab tseeb ces tawv ncauj, khav theeb, thiab tsis ua raws li qhov tseeb. Qhov tseem ntsiab ntawm lawv txoj kev ntseeg Vajtswv ces yog: Tsis hais Koj tej kev qhuab qhia yuav tob npaum li cas, tsis hais Koj lub hwj chim yuav siab npaum li cas li, Koj yeej tsis yog Khetos tshwj tsis yog hais tias Koj raug hu ua tus Mexiyas. Txoj kev ntseeg no tseem tsis yog tej yam txawv heev thiab txaus luag heev thiab lod?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). Tom qab ntawd, nws tau sib qhia txog qhov kaj ntawm Vajtswv cov lus ntau ntxiv thiab ua kom pom meej txog tus pov thawj no tu cwj pwm. Kuv ib txwm xav tias vim nkawv paub txog Vajluskub zoo, ua hauj lwm hnyav los tiam tus Tswv ntau xyoo lawm, muaj kev hlub rau kev tuaj sib sau ua ke, thiab tas zog qhia peb kom tos saib tus Tswv qhov rov qab los, txhais tau tias nkawv hlub qhov tseeb thiab tos ntsoov tus Tswv qhov rov qab los. Tab sis qhov tseeb qhia rau kuv tias nws tsis zoo li yam ua kuv xav lawm. Nkawv tej kev txo hwj chim, kev hlub ces tsuas yog ib sab uas dag thiab ntxias dag tib neeg xwb thiab nkawv ces tsis txawv cov neeg Falixais uas hais lus zoo tab sis siab phem li. Cov neeg Falixais kuj ntsia zoo li coj txoj cai nruj kawg li thiab. Lawv tau piav qhia Vajluskub nyob hauv tsev teev hawm txhua hnub, lawv thov Vajtswv rau ntawm ntug kev es lwm tus thiaj li yuav pom tias lawv ua li ntawd. Lawv puav leej tau tos Mexiyas los, tab sis thaum lub sij hawm tus Tswv Yexus tau tshwm sim lawm thiab Nws tau nthuav tawmqhov tseeb, thiab qhia txog tej cim thiab tej txuj ci phim hwj ntau heev, uas puav leej los ntawm Vajtswv meej tseeb lawm, cov neeg Falixais tsis xav paub txog qhov no li. Lawv tawv qhawv tuav rawv tej cai ntawm vajluskub thiab siv tej lus ntawm Vajluskub los rau txim Vajtswv tes hauj lwm. Nkawv tau pab tus Tswv Yexus raug ntsia rau saum tus ntoo khaub lig ces thiaj li raug Vajtswv rau txim lawm. Kuv tus xib fwb mas zoo kiag li ntawd ntag. Nws tshwm sim los ua tus txo hwj chim tiam rau tus Tswv thiab tos Nws qhov rov qab los, tab sis paub zoo puv npo tias Vajtswv Tus Uas Muaj Hwj Chim Loj Kawg Nkaus twb nthuav tawm qhov tseeb thiab ua tes hauj lwm ntawm kev txiav txim, nws tseem tsis saib qhov ntawd kiag li. Nws tsuas tuav rawv raws li nws tus kheej tej kev xav phem thiab raws cov lus ntawm Vajluskub xwb, tawm tsam thiab rau txim rau Vajtswv tes hauj lwm tshiab. Nws hais tias yog Nws tsis los rau saum ib tauv fuab, ces Nws tsis yog tus Tswv Yexus thiab txhua yam uas tsis raug sau rau hauv Vajluskub ces tsis yog Vajtswv tes hauj lwm, thiab lwm yam ntxiv. Nws ua txhua yam uas nws tuaj yeem ua tau kom lwm tus txhob nug xyuas tau txoj hau kev tseeb. Nws thiab nws tus poj niam yeej tsis tau tos tus Tswv qhov rov los kiag li, tab sis nkawv yog cov neeg Falixais tshiab niam no uas ntxub qhov tseeb, thiab dhuav Vajtswv txoj kev tshwm sim thiab tes hauj lwm. Qhov ntawd qhia kuv txog tus Tswv Yexus qhov kev rau txim cov neeg Falixais, hais tias, “Muab kev puas tsuaj rau nej lau, cov kws sau ntawv thiab cov Falixais, cov neeg dag! Vim nej zoo li lub qhov zeb faus tuag xim dawb, uas sab nraud mas zoo li zoo nkauj heev li, tab sis sab hauv mas muaj tej neeg tuag tej pob txha puv nkaus xwb, thiab tej yam tsis huv tag nrho. Txawm hais tias sab nraud mas zoo li nej yeej ncaj ncees rau tib neeg, tab sis sab hauv mas nej muaj kev txawj dag thiab kev phem puv nkaus xwb” (Mathai 23:27–28). Kev to taub txog txhua yam no ua rau kuv paub me ntsis txog txoj hau kev uas tus pov thawj ua. Tab sis yam tshwm sim ntxiv qhia rau kuv meej tseeb txog nkawv lub ntsiab tseeb lawm.

Muaj ib hnub thaum tav su, Txwj Laug Vam thiab ob tug muam tim kuv pawg ntseeg qub tau tuaj ntawm kuv tsev thiab ntsia kuv nruj nruj tsis hais ib lo lus li. Ces Txwj Laug Vam thau nws lub xov tooj tawm los, hu xov tooj, thiab muab cev rau kuv tham. Thaum kuv txais, kuv hnov Xib Fwb Tsheej hais txhua yam phem npau taws ntsuav ces tom qab ntawd nws tau hais rau kuv tias, “Txwv tsis pub koj tuaj cuag cov tswv cuab hauv peb pawg ntseeg thiab tshaj tawm Vajtswv Tus Uas Muaj Hwj Chim Loj Kawg Nkaus txoj moo zoo nyob hauv peb pawg ntseeg. Txhob nyiag kuv cov yaj nawb!” Kuv chim siab kawg ces thiaj li hais rau nws tias, “Vim li cas kuv tsis tuaj yeem qhia tej xov xwm zoo zoo ntawm Tswv qho rov qab los tau? Vim li cas koj pheej tas zog ua kom cov neeg txhob nrhiav txoj hau kev tseeb? Lawv yog Vajtswv cov yaj. Vim li cas koj tsis cia lawv hnov Vajtswv lub suab?” Tom qab tua xov tooj, Txwj Laug Vam thiab ob tug muam nrog kuv tham me ntsis ces mus lawm. Tom qab ntawd tus xib fwb tas zog cuam tshuam kuv tsev neeg thiab haj tseem nthuav peb cov npe qhib lug rau hauv pawg ntseeg thiab. Kuv tsev neeg cia li dhau los qaug zog thiab xav phem, tsis tuaj yeem tiv taus txoj kev phem no. Xib fwb tej kev ua phem ua rau luv npau taws heev. Kuv tau nyeem Vajtswv Tus Uas Muaj Hwj Chim Loj Kawg Nkaus cov lus ntxiv. “Muaj ib txhia nyeem Vajluskub hauv tej tsev teev hawm uas loj kawg nkaus thiab qog cov lus ntawd tas hnub, tab sis tsis muaj ib tug twg ntawm lawv cov ntawd to taub lub hom phiaj ntawm Vajtswv tes hauj lwm li. Tsis muaj ib tug twg ntawm lawv cov ntawd muaj peev xwm paub txog Vajtswv; tseem muaj tsawg tus ntawm lawv cov ntawd thiaj muaj peev xwm ua raws li Vajtswv lub siab nyiam. Lawv txhua tus tsis tsim nqi dab tsi li, yog neeg phem, txhua tus sawv siab qhuab ntuas Vajtswv. Lawv txaus siab hlo tawm tsam Vajtswv rau thaum lawv tseem kwv rawv Nws tus chij. Hais tias ntseeg Vajtswv, lawv tseem noj noob neej li nqaij thiab haus noob neej li ntshav. Tag nrho cov tib neeg zoo li no yog cov dab phem uas nqos tib neeg tus ntsuj, cov thawj dab uas tav txoj kev ntawm cov uas xav taug mus rau txoj kev yog, thiab dawm thaiv cov uas nrhiav Vajtswv. Tej zaum lawv yuav mas zoo li ‘muaj lub cev zoo khov kho,’ tab sis cov uas caum raws lawv yuav ua cas paub tau tias lawv ces twb yog kiag cov tawm tsam khetos uas coj tib neeg sawv tawm tsam Vajtswv ntag? Cov caum raws lawv yuav ua cas paub tau tias lawv yog cov dab phem ciaj sia uas rau siab ntso nqos tib neeg tej ntsuj?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Txhua Tus Tib Neeg Uas Tsis Paub Vajtswv Yog Cov Tib Neeg Uas Tawm Tsam Vajtswv). Vajtswv Tus Uas Muaj Hwj Chim Loj Kawg Nkaus cov lus ua rau kuv paub meej tseeb txog lub ntsiab tseeb tiag ntawm tus pov thawj thiab lawv qhov kev tawm tsam rau Vajtswv. Lawv ua zoo npaum nkaus li lawv tab tom tiv thaiv Vajtswv pab pawg tsis pub peb qhia txog Vajtswv txoj moo zoo, tab sis qhov tseeb tiag, lawv ntshai tsam txhua tus yuav ua raws Vajtswv Tus Uas Muaj Hwj Chim Loj Kawg Nkaus qab thiab tsis muaj leej twg mloog lawv hais ntxiv lawm. Ces lawv yuav plam lawv lub meej mom. Yog li ntawd lawv thiaj li ua txhua yam raws li qhov lawv tuaj yeem ua tau kom cov ntseeg txhob nug xyuas tau txoj hau kev tseeb. Qhov ntawd ua rau kuv xav txog tus Tswv Yexus cov lus: “Muab kev puas tsuaj rau nej, cov kws sau ntawv, cov Falixais, cov neeg ncauj lus zoo siab nkhaus! Vim nej kaw lub nceeg vaj saum ntuj ceeb tsheej rau tib neeg lawm: vim nej tus kheej yuav tsis tau nkag mus, los sis nej yeej txwv cov uas yuav nkag mus rau hauv tib si” (Mathai 23:13). “Muab kev puas tsuaj rau nej, cov kws sau ntawv, cov Falixais, cov neeg ncauj lus zoo siab nkhaus! Vim nej ncig lub hiav txwv thiab daim av mus muab ib tug neeg hloov nws txoj kev ntseeg, thiab thaum nws ua tau li ntawd lawm, nej muab nws ua ib tug me nyuam rau ntuj tawg tshaj nej tus kheej lawm ob npaug” (Mathai 23:15). Tsis yog tias tus pov thawj lawv tus kheej tsis lees los nrhiav txoj hau kev tseeb xwb, tab sis ua txhua yam kom puas npe thiab rau txim rau Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg thiab ua kom cov ntseeg nkag siab yuam kev. Muaj tib neeg cooj leej uas tsis paub qhov tseeb cia li mus nrog lawv ua ib nqag rau txim rau Vajtswv Tus Uas Muaj Hwj Chim Loj Kawg Nkaus. Puas yog lawv hloov cov tib neeg ntawd los ua cov tub ntawm dab tuag teb ib yam li lawv, yog li ntawd ces lawv yuav raug rau txim ua ke ntag? Lawv mas phem heev rau lub paus. Tus pov thawj txoj kev ntseeg sab yeeb ceeb ces ntxub qhov tseeb. Lawv tawm tsam thiab rau txim rau Vajtswv tes hauj lwm ntawm tiam kawg thiab kaw Vajtswv cov yaj rau hauv lawv lub nkuaj yam tsis txaj muag li, sib ntaus sib tua nrog Vajtswv ua kom yeej cov neeg uas Nws xaiv. Lawv ces tsuas zoo ib yam li cov neeg Falixais uas raug tus Tswv Yexus foom phem rau 2,000 lub xyoo tag los lawm xwb. Lawv yog cov tub qhe phem, cov tawm tsam Khetos uas raug Vajtswv muab qhia tshwm hauv Nws tes hauj lwm ntawm tiam kawg! Kuv pom puv npo thiab meej tseeb txog lawv tus yeeb yam phem, tus yeeb yam tawm tsam Vajtswv thiab qhov lawv ntxub rau qhov tseeb. Ces kuv thiaj li txiav txim siab los ua raws Vajtswv Tus Uas Muaj Hwj Chim Loj Kawg Nkaus qab lawm txawm tias lawv pheej tas zog thaiv txoj hau kev los xij! Txhua tus hauv kuv tsev neeg kuj tau txais kev nkag siab los ntawm kev nyeem Vajtswv Tus Uas Muaj Hwj Chim Loj Kawg Nkaus cov lus thiab tsis hnov raug quab yuam mus ntxiv lawm.

Rov xav txog thaum lub sij hawm lawv tas zog thab plaub thiab hais lus phem rau peb, txawm hais tias kuv txom nyem me ntsis los xij, qhov ntawd ua rau kuv muaj kev nkag siab rau tus pov thawj. Kuv pom lawv lub ntsiab tseeb—lawv ntxub qhov tseeb thiab tawm tsam Vajtswv. Kuv yeej yuav tsis yuam kev los sis raug lawv quab yuam mus ntxiv lawm. Kuv kuj kawm tau tias nyob rau sab ntsujplig kev sib ntau sib tua nrog cov neeg Falixais thiab cov tawm tsam Khetos, yog hais tias peb thov Vajtswv thiab vam khom rau Vajtswv lawm, ces Nws yuav siv Nws cov lus los coj peb kev kom to taub qhov tseeb thiab kov yeej Ntxwgnyoog tej kev sim siab. Kuv txoj kev ntseeg loj hlob tuaj vim muaj txoj kev ntsib kev pom ntawd. Ua tsaug rau Vajtswv Tus Uas Muaj Hwj Chim Loj Kawg Nkaus!