60. Hais Lus Zoo Tab Sis Siab Phem Mas Mob Siab Tshaj

Nyob rau lub Yim Hlis Ntuj Xyoo 2020, kuv raug rho tawm vim hais tias kuv lam ua kuv tes hauj lwm kom dhau xwb yam tsis tau ua tes hauj lwm uas muaj tiag li. Kuv nyuaj siab heev thiab tu siab heev, thiab tom qab ntawd xav los lees txim hloov dua siab tshiab thiab ua tes dej num kom zoo lawm xwb.

Tom qab ntawd, tau muab kuv tso rau hauv pab pawg tsim ua yeeb yaj duab nrog rau ob peb tug viv ncaus lawm. Muaj ib hnub kuv nrog Viv Ncaus Yaj sib tham txog kuv tej kev xav tom qab raug rho tawm lawm. Thaum mloog yam kuv hais ntawd lawm, raug nws siab heev. Txij thaum ntawd los kuv pom tias nws tus cwj pwm coj rau kuv txawv lawm. Thaum kuv tham txog kuv tej kev ntsib kev pom nyob hauv tej kev sib txoos ua ke, nws mob siab mloog heev thiab ncaws hau nrog, thiab nws ib txwm pom zoo nrog kuv tej kev xav pom lawm. Zoo li nws kuj txhawj txog kuv txhua hnub ntau zuj zus lawm thiab. Kuv xav rau kuv tus kheej tias: “Zoo li nws hwm kuv thiab. Kuv tham txog yam kuv tau kawm thiab ua siab dawb paug nthuav tawm txog txoj kev lees txim hloov dua siab tshiab, yog li kuv yuav tsum ua qee yam kom khov kho. Nws yuav xav li cas yog nws tsis pom kuv hloov pauv ib qho dab tsi li? Nws puas xav tias kuv mas tsuas tham xwb tab sis kuv tsis xyaum ua raws qhov tseeb li? Tus yam ntxwv zoo uas nws muaj txog kuv ntawd puas yuav ploj mus?” Thaum xav li no lawm ua rau kuv nyuaj siab thiab txhawj, ces hauv kuv lub siab kuv cia li tsis xav ua kuv tes dej num mus ntxiv li lawm. Tej thaum kuv yuav tau zaum ua yeeb yaj duab ntev heev, thiab ua rau kuv mob duav ces kuv thiaj li xav so me ntsis, tab sis kuv ntshai tsam cov viv ncaus xav tias kuv mas tub nkeeg. Ces kuv thiaj li xav rau kuv tus kheej tias: “Kuv twb hais lawm tias kuv yuav ua kuv tes dej num kom zoo thiab yuav tsis tub nkeeg mus ntxiv lawm, yog li kuv yuav tsum cia lawv pom kuv qhov kev ua tiag.” Yog li kuv thiaj li tsis muaj cuab kav so thaum kuv sab lawm, ntshai tsam lawv xav tias kuv mas xav ua raws li qhov kuv xav tau xwb thiab tias kuv tsis leg kuv tes dej num li. Kuv tsis muaj cuab kav mus pw ntxov thaum kuv tsaug tsaug zog. Txawm tias kuv ua kuv tes dej num tiav lawm los xij, kuv yuam kuv tus kheej ua txuas mus ntxiv thiab yeej tsis tua kuv lub koo pis tawj mus txog ntua 11 teev 30 los sis 12 teev ib tag hmo. Tej thaum kuv tsheej hmo li thiab sawv yuav luag tsis taus rau thaum yav sawv ntxov, tab sis kuv pom cov viv ncaus mas sawv ntxov heev, ces kuv cia li tsis muaj cuab kav mus pw ntxiv lawm, ntshai tsam ua ib tug qauv phem. Muaj ib zaug, kuv pom Viv Ncaus Yaj muaj ob peb daim yeeb yaj duab yuav tau kho. Kuv tsis npaj los pab nws vim hais tias ob peb daim yeeb yaj duab ntawd mas nyuaj thiab cov nyom heev, thiab kuv tsis xav mus cuam tshuam txog qhov xav txog tej ntawd. Tab sis kuv kuj paub tias kuv tsis muaj kuv tus kheej ib txoj hauj lwm li thiab, yog li yog kuv tsis mus pab, nws yuav xav tias kuv lam tham xwb, thiab tsuas lam qhuab qhia yam tsis caum raws qhov tseeb li. Yog li kuv thiaj mus pab Viv Ncaus Yaj kho cov yeeb yaj duab ntawd.

Nyob rau lub sij hawm ntawd, txawm tias zoo li kuv tus kheej rau siab ntso ua kuv tes dej num los xij, kuv paub tias qhov ntawd puav leej yog tiv thaiv kuv tus yam ntxwv xwb. Kuv nyob tsis tswm thiab xav qhib siab lug hais txog kuv tus yam ntxwv rau cov viv ncaus, tab sis kuv ntshai tsam lawv paub tias kuv muaj tej kev txhawb siab zais ntsis txhua lub sij hawm, thiab lawv yuav xav tias kuv tsis tau lees txim hloov dua siab tshiab thiab tias kuv tsis xyaum ua raws qhov tseeb li. Tej zaum lawv yuav pom kuv zoo li ib tug hais lus zoo tab sis siab phem thiab rhuav tshem txhua yam kuv hais ces kuv mam paub tom qab kuv raug rho tawm lawm. Tej kev xav no ua rau kuv tsis xav qhia kuv tus kheej tawm. Nyob rau hauv tej rooj sibtxoos ua ke kuv tsuas tham txog txoj kev qias vuab tsuab uas lwm tus tau qhia tshwm, thiab qee yam kev ntsib kev pom thiab kev paub uas zoo xwb, hos muab kuv tej kev xav ntawd zais npog kom tob rau sab hauv kuv. Vim kuv tsuas qhia txog tej kev ntsib kev pom uas zoo xwb, cov viv ncaus haj tseem hwm kuv ntxiv, thiab nyob rau hauv ib rooj sib txoos ua ke Viv Ncaus Yaj txawm qhuas kuv vim muaj peev xwm xyaum ua raws qhov tseeb thiab qhia qhov tseeb uas muaj txoj kev xav uas meej meej. Tom qab ntawd kuv hnov lwm cov viv ncaus ob peb leeg hais tias kuv caum raws qhov tseeb, tias kuv hais tawm ncaj ncees txog kuv qhov kev qias vuab tsuab, thiab tias kuv rau siab ntso ua kuv tes dej num lawm. Kuv zoo siab heev, tab sis tshaj qhov ntawd, kuv mas txaj muag thiab tsis kaj siab li, vim kuv paub tias qhov lawv tab tom hais ntawd yeej tsis ze rau kuv qhov muaj tseeb li. Kuv tsis ncaj ncees kiag li, thiab kuv yeej tsis qhib siab lug qhia tawm txog qhov kev qias vuab tsuab phem uas nyob rau hauv kuv li. Kuv muaj tej kev txhawb siab uas txhawb txoj kev mob siab nyob rau hauv kuv tes dej num. Kuv xav rau kuv tus kheej tias: “Qhov no txaus ntshai kawg li. Txhua tus muab kuv lub ntsej muag los dag—kuv yuav tsum ua li cas?” Kuv hnov txhaum heev thiab xav qhib siab lug qhia tawm rau cov viv ncaus, tso tseg txhob dag lawv lawm, tab sis yog kuv qhia tawm, ces lawv yuav paub txog kuv tej kev xav thiab tej kev txhawb siab, thiab lawv yuav xav tias kuv yog ib tug neeg txawj dag, neeg lim hiam. Ces kuv tus yam ntxwv zoo yuav ploj mus thiab tsis muaj leej twg hwm kuv lawm. Thaum xav li no, kuv cia li tsis muaj cuab kav qhib siab lug los qhia tawm kuv lub siab rau lwm tus lawm.

Tom qab ntawd, kuv nyeem qee cov ntawm Vajtswv cov lus tias, “Nej puas paub tias ib tug Falixais zoo li cas tiag tiag? Puas muaj ib tug Falixais nyob ib puag ncig ntawm nej? Vim li cas thiaj li hu cov tib neeg no ua ‘cov Falixais’? Yuav piav qhia txog cov Falixais no li cas? Lawv yog cov tib neeg uas hais lus zoo tab sis siab phem, cuav nkaus xwb, thiab txhua yam uas lawv ua yog lam ua txuj ua xwb. Lawv lam ua txuj ua li cas? Lawv ua txuj ua zoo, ua siab zoo, thiab ua qhov zoo. Lawv yeej zoo li no tiag tiag lod? Yeej tsis zoo li no. Qhov uas lawv hais lus zoo tab sis siab phem, txhua yam uas tau ua rau pom meej tseeb thiab nthuav tawm nyob rau hauv lawv ntawd yog cuav xwb; txhua yam ntawd puav leej yog ua txuj—nws tsis yog lawv lub ntsej muag tseeb. Lawv lub ntsej muag tseeb zais nyob rau qhov twg? Lub ntsej muag ntawd zais tob rau hauv lawv lub siab lawm, lwm tus yeej tsis pom li. Txhua yam uas nyob rau sab nraud yog lam ua txuj ua, puav leej yog cuav xwb, tiam sis lawv tsuas dag tau tib neeg xwb; lawv dag tsis tau Vajtswv. Yog tib neeg tsis tshawb nrhiav qhov tseeb, yog lawv tsis xyaum ua raws li Vajtswv cov lus thiab tsis paub Vajtswv cov lus, ces lawv yeej tsis to taub qhov tseeb tiag tiag, yog li ntawd txawm lawv cov lus yuav zoo npaum li cas los xij, cov lus no tsis yog qhov tseeb qhov muaj tiag, tiam sis yog cov lus hais thiab tej kev qhuab qhia xwb. Ib txhia tib neeg tsuas mob siab rau qhov qog lus thiab tej kev qhuab qhia xwb, lawv qog tus uas qhuab qhia tau zoo tshaj plaws, vim li ntawd ob peb xyoos xwb lawv cov lus hais thiab tej kev qhuab qhia mas zoo heev li lawm, thiab ntau tus tib neeg qhuas thiab hwm lawv, uas tom qab ntawd lawv pib zais lawv tus kheej, thiab ua tib zoo saib xyuas qhov lawv hais thiab ua, uas qhia tias lawv tus kheej mas coj txoj kev ntseeg nruj thiab paub sab ntsujplig heev. Lawv siv qhov uas hu ua tej kev xav ntawm sab ntsujplig no los zais lawv tus kheej. Txhua qhov chaw uas lawv mus lawv puav leej tham txog tej no, tej yam uas zoo li muaj tseeb uas haum rau tib neeg tej kev xav phem, tiam sis tsis muaj qhov tseeb qhov muaj tiag ib qho li. Yog li ntawd vim txoj kev tshaj tawm tej no—tej uas mus raws li tib neeg tej kev xav phem thiab tej kev nyiam—es tej ntawd thiaj li dag tau ntau tus tib neeg. Lwm tus tib neeg saib mas zoo li cov tib neeg zoo li no muaj lub siab ncaj ncees thiab txo hwj chim heev, tiam sis tseeb tiag yog cuav xwb; zoo li lawv ua siab ntev, ua siab dav, thiab muaj kev hlub, tiam sis tseeb tiag yog ua txuj xwb; lawv hais tias lawv hlub Vajtswv, tiam sis tseeb tiag yog lam ua txuj hlub xwb. Lwm tus xav hais tias cov tib neeg zoo li no mas dawb huv, tiam sis tseeb tiag yog cuav xwb. Tus tib neeg uas dawb huv tiag tiag ntawd pom nyob rau qhov twg? Tib neeg txoj kev dawb huv puav leej yog cuav xwb. Puav leej yog lam ua txuj ua, thiab ua txuj xwb. Nyob rau sab nraud mas, zoo li lawv ua lub siab ncaj ncees rau Vajtswv, tiam sis tseeb tiag lawv tsuas lam ua rau lwm tus pom xwb. Thaum tsis muaj leej twg saib lawm, lawv tsis ua lub siab ncaj ncees ib qho me me li, thiab txhua yam uas lawv ua yog lam taus lam ua xwb. Lawv lam muab lawv tus kheej fij rau Vajtswv thiab muab lawv tsev neeg thiab tej hauj lwm tso tseg xwb. Tiam sis qhov uas lawv tab tom ua yam zais ntshis ntawd yog dab tsi? Lawv tab tom ua lawv tus kheej txoj lag luam thiab khiav lawv tus kheej txoj hauj lwm nyob rau hauv pawg ntseeg, kom tau txiaj ntsig los ntawm pawg ntseeg thiab nyiag tej khoom fij ntawd yam zais ntshis los ntawm qhov ua txuj ua hauj lwm rau Vajtswv…. Cov tib neeg no yog cov Falixais uas hais lus zoo tab sis siab phem uas nyob rau tiam tshiab” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Rau Yam Ua Tau Tshwm Sim Tiag ntawm Lub Neej Kev Loj Hlob). Thaum xav txog Vajtswv txoj lus, kuv xav txog qhov cov Falixais coj ncaj, txo hwj chim, thiab muaj kev hlub npaum li cas. Lawv ib txwm sawv hauv kev thov Vajtswv thiab piav Vajluskub rau hauv pawg ntseeg, tab sis lawv tsis ua raws li Vajtswv cov lus tiag. Lawv ua kom pom lawv tus kheej zoo li zoo los ntawm lawv tej kev ua los zais thiab npog lawv tus kheej. Lawv siv tej tswv yim thiab kev dag los ntxias tib neeg thiab ua kom lawv nkag siab yuam kev, kom lawv thiaj li tau txais kev pe hawm thiab kev qhuas. Thaum muab sib piv, kuv tsis ua zoo kiag li cov neeg hais lus zoo tab sis siab phem li cov Falixais lod? Yuav ua kom cov viv ncaus xav tias kuv twb lees txais hloov dua siab tshiab lawm tiag tiag lawm, thiab tias kuv yog ib tug neeg uas tsis yog lam tham nkaus xwb, yuav kom pov thaiv tau kuv tus yam ntxwv uas zoo nyob hauv lawv lub siab, kuv thiaj li yuav tsum tau zais kuv tus kheej tiag, npog kuv tus kheej. Kuv tsis muaj cuab kav so thaum kuv ua kuv tes dej num sab sab los sis tsis muaj cuab kav pw thaum kuv sab rau yav hmo ntuj, thiaj kuv tau yuam kuv tus kheej tawm saum txaj los yam pw tsis txaus li. Kuv tsis xav pab Viv Ncaus Yaj kho cov yeeb yaj duab ntawd kiag li, tab sis kuv xav kom nws hwm kuv, yog li kuv thiaj li mus pab kho cov yeeb yaj duab ntawd yam tsis txaus siab li, qhov tseeb tiag, kuv tsis ua kuv tes dej num yam ua siab dawb paug li. Tiam sis saib sab nrauv mas kuv ua txuj nquag kawg thiab pib zoj zeeg, thiab txawm kuv paub meej meej tias kuv muaj kev txhawb siab yuam kev rau kuv tes dej num, tias kuv coj tsis ncaj rau Vajtswv thiab cov viv ncaus, thiab tias kuv yuav tsum qhib siab lug rau lawv los xij, kuv npog tag nrho tej kev txhawb siab uas ntxim ntxub ntawd ces thiaj li tsis qhia ib tug twg txog tej ntawd kom tiv thaiv tau kuv tus yam ntxwv xwb. Qhov no ua kom cov viv ncaus qhuas kuv. Qhov no tsis yog kuv txoj kev ntxias dag thiab kev dag lod? Kuv mas txawj dag tiag tiag thiab kuv taug tib txoj kev li cov neeg Falixais uas hais lus zoo tab sis siab phem. Kuv mas maj ua txhua lub sij hawm. Qhov ntawd mas sab heev thiab ua rau kuv hnov txhaum, thiab ua rau Vajtswv qias thiab ntxub. Tom qab paub tias qhov ntawd yog ib qho teeb meem loj lawm, kuv thiaj li ua siab tawv qhawv thaum nyob hauv ib lub rooj sib txoos ua ke los qhib siab lug qhia tawm rau cov viv ncaus txog kuv tej kev txhawb siab thiab kev hais lus zoo tab sis siab phem. Kuv kaj siab lug tom qab ntawd thiab kuv tus yam ntxwv hloov pauv mus rau qhov zoo dua lawm. Tab sis kuv kuj hnov zoo li nyuaj heev rau kuv los kho tej kev xav uas kuv zais rau hauv kuv tes dej num lawm thiab, yog li kuv thiaj li los rau ntawm Vajtswv xub ntiag los thov Vajtswv, thov kom Nws coj kuv kev los daws qhov teeb meem no thiab muaj lub siab dawb huv thiab ncaj ncees los ua kuv tes dej num.

Muaj ib hnub tom qab ntawd, kuv txawm pom ib co lus los ntawm Vajtswv los nyob hauv ib daim yeeb yaj duab uas hais txog ib tug txoj kev ntsib kev pom: “Vajtswv tsis ua cov neeg uas txawj dag kom zoo tiav log. Yog koj lub siab tsis ncaj ncees—yog koj tsis yog ib tug neeg ncaj ncees—ces Vajtswv yeej yuav muab tsis tau koj li. Ib yam nkaus, koj yuav tsis muab tau qhov tseeb, thiab kuj yuav tsis muaj peev xwm muab tau Vajtswv li thiab” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Rau Yam Ua Tau Tshwm Sim Tiag ntawm Lub Neej Kev Loj Hlob). Thaum pom tias qhov no ua rau lwj siab thiab ua tau nyuaj siab heev. Kuv yog ib tug neeg txawj dag uas muaj lub siab tsaus ntuj nti thiab phem puv npo, muaj kev txawj dag puv npo. Kuv tsis xav tias yuav xyaum ua raws qhov tseeb thiab ua kuv tes dej num kom zoo li cas, tab sis feem ntau, ces tsuas ua kom tau txais kev qhuas, thiab hais lus zoo rau lwm tus xwb. Kuv haj tseem txhawj thiab xav tsis txawj tag thaum mus pw. Vajtswv nyiam cov neeg coj yooj yim thiab coj ncaj, thiab tsuas yog cov neeg coj ncaj xwb thiaj li tau txais Nws qhov kev pom zoo thiab tsim nyog tau txais Nws txoj kev cawm dim. Tab sis kuv qhov kev txhawb siab mas ib txwm yog kev dag thiab kev phem. Txawm tias kuv tus kheej yuav hnav zoo npaum li cas los xij, los sis txawm tias txhua tus qhuas thiab hwm kuv los xij, kuv yeej tsis tau txais Vajtswv qhov kev pom zoo, yog li thaum kawg Vajtswv thiaj li ntxub thiab rau txim rau kuv zoo nkaus li cov Failixais uas hais lus zoo tab sis siab phem ntawd ntag. Kuv mas tsis muaj kev cia siab rau kuv tus kheej li lawm. Ntau lub xyoo dhau los ntawm kuv txoj kev ntseeg, kuv tsis to taub qhov muaj tseeb ntawm qhov tseeb uas yog lub hauv paus ntawm txoj kev coj ncaj, ces kuv thiaj li tseem txawj dag li qub. Kuv pom tias kuv nyob deb ntawm qhov Vajtswv cheem tsum heev.

Tom qab ntawd, kuv nyeem ib zaj lus ntawm Vajtswv cov lus: “Nyob rau hauv txhua qhov xwm txheej, koj yuav tsum muab txhua yam nthuav tawm rau Vajtswv kom tag nrho thiab koj yuav tsum coj ncaj thiab hais qhov tseeb—tsuas yog qhov no xwb thiaj li yog tib tug yam ntxwv thiab tus moj yam uas tsim nyog tuav cia rau ntawm Vajtswv lub xub ntiag. Tab txawm thaum koj tsis qhia tawm los xij, tab sis koj yeej qhia tawm rau ntawm Vajtswv xub ntiag lawm. Los ntawm Vajtswv txoj kev xav los, Nws paub tej uas muaj tseeb, txawm koj yuav qhia tawm los sis tsis qhia tawm los xij. Tsis yog koj ruam heev lod yog tias koj tsis pom tshab rau qhov ntawd? Yog li ntawd koj yuav ua ib tug tib neeg ntse tau li cas? Ua tau los ntawm qhov muab koj tus kheej qhia tawm rau Vajtswv. Koj paub tias Vajtswv tshawb xyuas txhua yam kom meej thiab paub txhua yam, yog li ntawd txhob xav tias koj tus kheej ntse dua, thiab txhob xav tias tej zaum Nws yuav tsis paub; vim yeej muaj tseeb tias Vajtswv soj ntsuam tib neeg lub siab zais ntshis, cov tib neeg ntse yuav tsum coj ncaj thiab hais qhov tseeb me ntsis, dawb huv me ntsis, thiab coj ncaj—ua li ntawd thiaj li yog ntse” (Txoj Lus, Phau 4. Kev Nthuav Tawm Cov Tawm Tsam Khetos. Yam Yim: Lawv Yuav Ua Kom Lwm Tus Mloog Lawv Lus Nkaus Xwb, Tsis Yog Qhov Tseeb los sis Vajtswv li (Ntu Ob)). Vajtswv pom mus rau puag hauv peb lub siab lub ntsws, yog li Nws paub kuv tus kheej tej kev txhawb siab thiab paub tias kuv yog hom neeg twg tiag tiag. Txawm tias kuv zais kuv qhov kev qias vuab tsuab kom txhua tus txhob pom los xij, Vajtswv yeej paub qhov ntawd tag nrho. Kuv yog ib tug ntseeg uas tsis lees txais Vajtswv txoj kev tshawb xyuas, ces qhov ntawd tsis ua rau kuv yog ib tug tsis ntseeg lod? Kuv mas ruam tshaj thiab ntxim hlub tshua tshaj. Qhov kuv tas zog ua txuj kom zoo li tus uas caum raws qhov tseeb thiab lees txim hloov dua siab tshiab kom tau txais kev hwm thiab kev qhuas tiag tiag ntawd mas tua kuv tiag tiag li. Qhov tseeb tiag, peb yuav tsum so thaum peb sab lawm los sis tsaug tsaug zog lawm; tsuav yog peb tsis tub nkeeg los sis tsis ntshaw ntawm sab cev nqaij daim tawv xwb, ces qhov no yeej yog yam ib txwm muaj lawm, tab sis kuv tseem tsis lees tib neeg cov kev cai lij choj hais txog tes hauj lwm thiab kev so. Kuv tsuas ua kom tib neeg hwm kuv xwb. Kev ua neej zoo li no mas sab tshaj. Vajtswv hais tias cov neeg ntse yuav tsum xyaum kawm kom paub coj ncaj thiab ua siab dawb paug, lees txais Vajtswv txoj kev tshawb xyuas thiab coj ncaj ncees. Qhov ntawd thiaj li yog kev ua neej nyob tau ywj pheej xwb. Thaum paub li no lawm, kuv thiaj li tsis xav ua txuj lawm. Kuv so thaum kuv sab, thiab kuv yuav mus pw nyob rau yav hmo ntuj thaum kuv tsaug tsaug zog lawm. Kuv qhib siab lug qhia thiab qhia txog kuv tus yam ntxwv tiag nyob rau hauv tej rooj sib txoos ua ke, thiab ua kuv lub luag hauj lwm hauv kuv tes dej num tiav tag lawm. Thaum ntsib tej yam tsis zoo, kuv hais rau kuv tus kheej tias qhov ntawd yog kuv tes dej num thiab tsis yog cia rau lwm tus pom. Thaum twg kuv xav nqis tes ua, kuv yuav xav txog Vajtswv cov lus no: “Cov uas muaj peev xwm muab qhov tseeb coj los xyaum ua raws ntawd tuaj yeem lees txais Vajtswv txoj kev tshawb xyuas kom meej nyob rau hauv yam uas lawv ua. Thaum koj lees txais Vajtswv txoj kev tshawb xyuas kom meej lawm, ces koj lub siab thiaj li yuav to taub txhua yam yog” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Vajtswv cov lus no yuav pab kuv coj ncaj thiab npaj txhij los lees txais Vajtswv txoj kev tshawb xyuas kom meej ntau dua qub.

Ib ntus tom qab ntawd, kuv tau qhia ib yam kev txawj tshiab rau Viv Ncaus Yaj. Thaum xub thawj kuv yeej uv tau nws kawg, tab sis thaum kuv pom tias nws yog ib tug kawm qeeb thiab ua ntau yam yuam kev, kuv txawm pib meem txom thiab pib dhuav thiab saib tsis taus nws, tab sis kuv ntshai tsam nws yuav hais tias kuv tsis muaj kev hlub, yog li kuv thiaj li uv tsis npau taws mus ntxiv lawm. Kuv paub tias kuv npau taws heev, tab sis kuv tsis hais tawm kuv tej kev xav tiag nyob rau hauv tej rooj sib txoos ua ke li, vim kuv txhawj tias yog kuv hais qee yam ces kuv cov viv ncaus yuav xav tias kuv mas tsis muaj kev hlub thiab ua tsis taus siab ntev, ces qhov ntawd yuav rhuav tshem kuv tus yam ntxwv. Tshaj qhov ntawd, thaum kuv pom cov viv ncaus no qhia txoj kev qias vuab tsuab los sis kev xav phem thiab qaug zog, ces kuv txawm hnov dhuav lawv tsim tsawv thiab tsis xav cuab pob ntseg mloog lawv lawm, txawm tias kuv lam ua txuj txhawj thiab to taub xwb los xij. Kuv ces yeej tsis npaj muab tag nrho tej ntawd los qhia tawm li vim ntshai tsam lawv hais tias kuv tsis muaj kev hlub tshua thiab haum nrog nyuaj.

Muaj ib hnub nyob rau lub Kaum Ib Hlis Ntuj, ib tug thawj coj muab kuv mus tuav ib teg dej num rau lwm qhov chaw. Cov viv ncaus txawm hais tias lawv tu siab thaum pom kuv mus. Viv Ncaus Lig hais tias kuv qhov kev qhia mas zoo thiab pab tau rau nws kawg li, tias kuv mas coj ncaj rau lwm tus heev thiab yeej tsis muaj qhov saib tsis taus tib neeg li, thiab zoo siab txais tos cov uas to taub thiab caum raws qhov tseeb rau txhia qhov chaw. Thaum hnov nws qhuas li no lawm ces txawm ua rau kuv tsis kaj siab. Kuv hais nws kom txhob qhuas los sis hwm lwm tus, qhov ntawd tsis zoo rau lawv. Txawm tias Viv Ncaus Yaj tsis qhuas kuv ncaj qha los xij, kuv yeej hnov tau rau hauv nws lub suab tias nws pom kuv zoo tib yam li Viv Ncau Lig pom kuv thiab. Kuv hnov zoo li kuv muaj ib qho hnyav hnyav kuv lub siab. Kuv xav paub tias seb puas yog kuv dag lawv lawm thiab seb kuv puas muaj teeb meem. Tab sis thaum muab saib rau lwm txoj hau kev, txawm kuv muaj tus moj yam qias vuab tsuab los xij, kuv kuj mob siab los tig xav txog kuv tus kheej thiab, thiab thaum kuv ntsib teeb meem kuv kuj nrhiav qhov tseeb los daws tej teeb meem ntawd thiab. Tej zaum kuv yeej zoo dua lawv tiag tiag, es vim li ntawd lawv thiaj li hwm kuv. Thaum xav li ntawd, kuv thiaj li tshem tej kev txhawj ntawd tawm ntawm kuv lub siab thiab tsis xav txog tej ntawd ntxiv lawm.

Tom qab ntawd, kuv pom ib daim yeeb yaj duab hais lus tim khawv, Ib Tug Neeg Hais Lus Zoo tab sis Siab Phem Txoj Kev Lees Txim Hloov Dua Siab Tshiab, qhov uas ib tug viv ncaus qhia txog qhov nws tsuas tham txog yam zoo rau hauv nws qhov kev qhia rau ntawm tej rooj sib txoos ua ke, thiab qhov lwm tus puav leej hwm nws heev xwb. Nws raug rho tawm lawm tab sis thaum txog sij hawm los xaiv tsa lwm tus neeg los saib xyuas, tag nrho cov nus thiab cov viv ncaus tseem xaiv nws los saib xyuas thiab, zoo li lawv ua tsis tau yog tsis muaj nws. Lawv hwm thiab saib taus nws heev uas lawv yuav luag saib nws zoo li Vajtswv. Qhov no ua rau kuv tsim dheev los: Qhov no yog ib qho teeb meem loj. Kuv xav txog qhov lwm tus qhuas thiab hais lus zoo txog kuv tau ib ntus tsis ntev los no thiab kuv xav tias tej zaum kuv tsuas zoo li tus viv ncaus ntawd xwb, ib txwm tham txog feem zoo tas li, thiab tias kuv yuav tsum tau thim xav. Tom qab ntawd kuv nyeem ib zaj lus ntawm Vajtswv cov lus. Vajtswv Tus Uas Muaj Hwj Chim Loj Kawg Nkaus hais tias: “Cov tawm tsam Khetos mas txawj ua txuj heev thaum nrog lwm tus tib neeg nyob. Zoo ib yam li cov Falixais xwb, nyob rau sab nraud mas zoo li lawv ua siab dav thiab ua siab ntev rau tib neeg heev, txo hwj chim thiab muaj tus yam ntxwv zoo—zoo li lawv siab dawb heev thiab ua siab dav rau txhua tus. Thaum daws teeb meem, lawv pheej ua qhia tias lawv mas siab dav npaum li cas rau tib neeg los ntawm lawv lub meej mom, thiab nyob rau hauv txhua yam mas zoo li lawv siab zoo thiab siab dav heev, tsis thuam lwm tus, thiab qhia rau tib neeg tias lawv zoo thiab siab zoo npaum li cas. Tseeb tiag lawm, cov tawm tsam Khetos puas muaj tej ntsiab tseeb no tiag tiag? Lawv ua kom zoo rau lwm tus, ua siab dav rau tib neeg, thiab pab tau tib neeg nyob rau hauv txhua qhov xwm txheej, tiam sis qhov uas lawv muaj siab ua tej no yam zais ntshis ntawd yog dab tsi? Lawv puas tseem yuav ua tej no yog lawv tsis ua kom kov yeej tib neeg thiab kom tib neeg nyiam? Cov tawm tsam Khetos yeej coj zais ntshis zoo li no tiag tiag puas yog? Lawv puas zoo li thaum lawv nrog lwm tus tib neeg nyob tiag tiag—uas yog txo hwj chim thiab ua siab ntev, ua siab dav rau lwm tus, thiab pab lwm tus los ntawm txoj kev hlub? Lawv puas muaj ib lub ntsiab tseeb zoo li no thiab tus moj yam zoo li no? Lawv tus cwj pwm puas zoo li no? Tsis zoo li no kiag li. Txhua yam uas lawv ua yog ua txuj thiab ua los dag tib neeg thiab ua kom tib neeg nyiam kom tib neeg haj yam los nyiam lawv coob nyob rau hauv tib neeg lub siab, thiab kom tib neeg xav txog lawv ua ntej thiab nrhiav kev pab los ntawm lawv thaum tib neeg muaj ib qho teeb meem. Vim xav kom ua tiav lub hom phiaj no, cov tawm tsam Khetos thiaj li txhob txwm dag muaj plhus ntsuav rau lwm tus, los hais thiab ua qhov yog. Ua ntej lawv hais lus, tsis muaj leej twg paub tias lawv yuav muab lawv cov lus hauv lawv lub siab lim los sis kho pes tsawg zaus lawm. Lawv yuav txhob txwm dag thiab ua tib zoo xav, xav txog lawv cov lus, tej kev hais lus tawm, lub suab nrov, lub suab hais, thiab haj tseem xav txog qhov lawv ua rau tib neeg pom thiab lub suab uas lawv hais lus thiab. Lawv yuav xav seb tus uas lawv nrog tham ntawd yog leej twg, seb tus tib neeg ntawd laus los hluas, seb tus tib neeg ntawd lub meej mom siab los qis dua lawv lub meej mom, seb tus tib neeg ntawd puas muab lawv saib rau lub sam xeeb, seb tus tib neeg puas tsis txaus siab rau lawv twj ywm, seb tus tib neeg ntawd tus xeeb ceem puas haum rau lawv tus xeeb ceem, tus tib neeg ntawd ua tes dej num dab tsi, thiab seb tus tib neeg ntawd txoj hauj lwm uas nyob rau hauv pawg ntseeg thiab hauv lawv cov kwv tij thiab cov muam lub siab ntawd zoo li cas. Lawv yuav ua tib zoo soj ntsuam thiab ua tib zoo xav txog tej no, yog li ntawd thaum lawv xav tawm tej no lawm, lawv yuav muaj tej hauv kev los saib xyuas txhua hom tib neeg. Txawm cov tawm tsam Khetos yuav ua zoo li cas rau txhua hom tib neeg los xij, lawv lub hom phiaj ces yog ua kom tib neeg muab lawv saib rau lub sam xeeb, kom tib neeg txhob saib lawv tias loj sib luag sib txhig lawm tiam sis kom cia siab rau lawv, kom haj yam muaj tib neeg qhuas thiab cia siab rau lawv thaum lawv hais lus, nyiam thiab raws lawv qab thaum lawv ua ib yam dab tsi, thiab zam txim thiab tiv thaiv lawv thaum lawv ua ib qho yuam kev, thiab kom haj yam muaj tib neeg pab tiv thaiv lawv, sawv cev rau lawv los yws yam npau taws ntsuav, thiab sawv los nrog Vajtswv sib cav thiab tawm tsam Vajtswv thaum Vajtswv muab lawv nthuav tawm thiab tsis kam txais yuav lawv. Thaum lawv poob hwj chim lawm, lawv muaj ntau tus tib neeg pab, txhawb, thiab tiv thaiv lawv, uas qhia hais tias lub meej mom thiab lub hwj chim uas cov tawm tsam Khetos tau txhob txwm dag los cob qhia nyob rau hauv pawg ntseeg ntawd tau cog tob rau hauv tib neeg lub siab lawm, thiab qhia tias qhov lawv ‘siv zog’ ntawd muaj qab hau heev” (Txoj Lus, Phau 4. Kev Nthuav Tawm Cov Tawm Tsam Khetos. Yam Cuaj: (Ntu Kaum)). Vajtswv cov lus hais txog cov tawm tsam Khetos qhia tias lawv txo hwj chim, ua siab ntev thiab hlub kom tau txais lwm tus txoj kev hwm thiab qhuas, qhov no yog qhov lawv dag lwm tus thiab yuav kom tau lawv lub siab. Kuv mas coj zoo kiag li ib tug tawm tsam Khetos ntag. Thaum kuv tab tom cob qhia Viv Ncaus Yaj, txawm tias kuv hnov dhuav los xij, kuv tseem ua hauj lwm ntsiag to kom tau txais nws txoj kev qhuas. Thaum kuv pom cov viv ncaus muaj kev qias vuab tsuab lawm, kuv txawm saib tsis taus lawv thiab tsis xav lees paub lawv lawm, tab sis kuv tseem coj zoo li muaj kev txhawj thiab kev to taub, thiab yeej tsis qhib siab rau lawv ib tug twg li. Kuv ntshai tsam qhov ntawd rhuav tshem lawv tus yam ntxwv ntawm kuv. Kuv thiaj li ntxias dag los ua kom lawv qhuas thiab hwm kuv. Kuv pom tias kuv mas txawj dag heev.

Kuv txawm pib xav txog tias vim li cas kuv thiaj li tso tsis taus tseg. Qhov no yog tus moj yam dab tsi? Ces kuv nyeem ib zaj lus ntawm Vajtswv cov lus tias, “Kev dag yeej pom nyob rau sab nraud: Qee tus neeg tham tej uas tsis tseem ceeb los sis siv hom lus nyuaj nyuaj xwb, kom thiaj li tsis muaj leej twg nyeem tau qhov lawv tab tom xav ntawd. Qhov ntawd yog kev dag. Tus yam ntxwv tseem ceeb ntawm txoj kev phem yog dab tsi? Yog qhov hais tias lawv cov lus mas zoo li zoo heev, thiab nyob rau saum daim tawv mas zoo li txhua yam yog heev. Zoo li tsis muaj ib qho teeb meem li, thiab zoo li txhua yam mas zoo heev nyob rau txhua fab. Thaum lawv ua ib yam dab tsi mas, koj tsis pom lawv siv ib qho kev phem hlo li, thiab nyob rau sab nraud mas, tsis muaj ib qho uas tsis zoo los sis txhaum li, es lawv thiaj li ua tau raws li lawv lub hom phiaj. Lawv ua txhua yam yam zais ntshis xwb. Cov tawm tsam khetos dag tib neeg li no. Cov tib neeg thiab tej yam uas zoo li no mas yog yam uas paub nyuaj tshaj plaws. Qee tus tib neeg mas yeej hais yam yog, siv cov lus zoo los daws li ub li no, thiab siv qee lo lus qhuab qhia, siv paj lug, los sis siv tej kev ua uas mus raws li tib neeg txoj kev hlub los dag tib neeg. Lawv hais ib yam hos ua ib yam lawm kom tau raws li lawv lub hom phiaj uas zais ntshis. Qhov no yog txoj kev phem, tab sis tib neeg feem coob suav hais tias cov cwj pwm no yog txawj dag xwb. Tib neeg tsis muaj kev to taub thiab kev soj ntsuam txog txoj kev phem ntawd. Tseeb tiag, txoj kev phem mas yeej paub nyuaj dua li txoj kev dag vim txoj kev phem ntawd zais tob dua, thiab txoj kev phem ntawd tej tswv yim thiab tej kev ua mas nyuaj dua. Yog ib tug tib neeg twg muaj ib tug moj yam uas txawj dag nyob rau hauv nws lawm mas, feem ntau, lwm tus nrog nws sib tham li ob los sis peb hnub xwb yeej qhia tau nws txoj kev dag lawm, los sis lawv yeej paub qhov nthuav tawm txog nws tus moj yam uas txawj dag uas nyob rau hauv tus tib neeg ntawd tej kev ua thiab cov lus lawm. Txawm li cas los xij, piv txwv hais tias tus tib neeg ntawd mas phem: Qhov no tsis yog ib yam uas siv li ob los sis peb hnub xwb ces txawm siv paub lawm, vim hais tias yog tsis muaj ib qho xwm txheej tseem ceeb twg los sis ib qho xwm txheej uas tshwj xeeb twg tshwm sim rau ib lub sij hawm luv luv li, ces yeej tsis yooj yim paub ib yam dab tsi los ntawm qhov mloog tus tib neeg ntawd tham li. Tus tib neeg ntawd ib txwm hais thiab ua qhov yog, thiab hais cov lus qhuab qhia uas yog ib qho tag ib qho tuaj xwb. Tom qab nrog tus tib neeg ntawd sib tham li ob peb hnub lawm, tej zaum koj yuav xav hais tias tus tib neeg no mas zoo heev, muaj peev xwm tso txhua yam tseg thiab siv nws tus kheej, muaj kev to taub ntawm sab ntsujplig, muaj ib lub siab hlub Vajtswv, thiab muaj lub siab uas txawj xav thiab muaj ntsiab nyob rau hauv qhov nws ua. Tab sis tom qab tus tib neeg ntawd daws ob peb qho teeb meem lawm, koj pom hais tias nws cov lus thiab tej kev ua mas sib xyaws pes daws nrog ntau yam heev, uas muaj ntau txoj kev npaj siab uas phem heev. Koj mam li paub hais tias tus tib neeg no mas coj tsis ncaj tab sis txawj dag—yog ib qho phem. Tus tib neeg ntawd pheej siv cov lus yog thiab tej kab lus zoo uas mus raws li qhov tseeb thiab muaj tib neeg txoj kev hlub los nrog tib neeg sib tham. Ib qho mas, tus tib neeg ntawd tsim tsa nws tus kheej, hos lwm qhov mas, nws dag lwm tus kom tau lub koob meej thiab lub meej mom rau ntawm tib neeg xwb. Cov tib neeg zoo li no mas txawj dag heev, thiab thaum lawv tau lub hwj chim thiab lub meej mom lawm mas, lawv tuaj yeem dag thiab rhuav ntau tus tib neeg. Cov tib neeg uas muaj cov moj yam phem mas phom sij heev” (Txoj Lus, Phau 4. Kev Nthuav Tawm Cov Tawm Tsam Khetos. Yam Tsib: Lawv Dag, Ntxias, Hem, thiab Tswj Tib Neeg). Thaum tau nyeem Vajtswv cov lus lawm ces kuv thiaj li to taub. Qhov txhawb kuv txoj kev hais lus zoo tab sis siab phem ntawd yog ib tug moj yam phem uas tab tom tswj kuv, uas ntsia pom tau nyuaj dua li yog ib tug txawj dag. Cov tib neeg uas muaj tus moj yam phem tas zog ua txhua yam uas saib zoo li yog qhov zoo thiab ntxim haum nrog qhov tseeb los dag tib neeg thiab kov yeej lawv lub siab txhawm rau lawv tus kheej tej kev txhawb siab uas zais ntshis, thiab lwm tus raug dag yam xav tsis txog li. Kuv mas zoo li ntawd ntag. Kuv paub tias txhua tus yeej nyiam cov tib neeg uas caum raws qhov tseeb thiab cov uas ntxim hlub, tias lawv raug hwm thiab qhuas nyob rau hauv Vajtswv lub tsev, yog li kuv thiaj li ua txuj ua zoo li hom neeg ntawd. Saib zoo li kuv yeej npaj txhij los tiv kev txom nyem, thev taus, nquag plias ua kuv tes dej num, thiab ua kom ntxim hlub, thiab sab nrauv mas saib zoo li kuv ua raws qhov tseeb txoj kev ua neeg lawm, tab sis kuv lub hom phiaj mas yeej tsis yog xyaum ua raws qhov tseeb li. Qhov ntawd yog xav kom tau txais kev qhuas xwb. Xav kom lwm tus pom tias kuv zoo, nyob rawv hauv lawv lub siab. Kuv mas phem thiab ntxim ntxub tshaj li. Yog qhov ntawd tsis yog vim txoj kev txiav txim thiab kev nthuav tawm ntawm Vajtswv cov lus, ces kuv yuav xav tias qhov muab ib daim npog ntsej muag los npog ntsej muag ntawd tsuas yog kev txawj dag xwb, tab sis kuv yuav tsis pom tias qhov ntawd yog lub ntsiab ntawm ib hom moj yam phem los sis qhov ntawd dag tib neeg thiab nyob rawv hauv lawv lub siab zoo li tab tom taug txoj kev tawm tsam Vajtswv. Peb yog cov Vajtswv tsim tawm los thiab tsuas yog Vajtswv thiaj li tsim nyog pe hawm xwb, tab sis kuv raug Ntxwgnyoog ua qias vuab tsuab tob heev lawm, thiab kuv tseem xav muaj ib qib dej num siab rau ntawm kuv cov kwv tij thiab cov viv ncaus thiab tseem xav kom tau txais kev qhuas thiab tau txais kev pe hawm tas li thiab. Kuv coj zoo li tus thawj tub txib qaum ntuj kiag ntag. Yeej ua txhaum tsis tau rau Vajtswv tus moj yam ncaj ncees li, yog li yog kuv tsis lees txim hloov dua siab tshiab, ces kuv paub tias thaum kawg kuv yeej yuav raug Vajtswv foom phem thiab ntxub zoo ib yam nkaus li cov neeg Falixais ntag. Qhov no ua rau kuv ntshai. Kuv paub tias kuv nyob rau hauv cov dej phom sij lawm yog kuv pheej tseem ua li ntawd mus ntxiv. Kuv thiaj li txiav txim siab tso lub cev nqaij daim tawv tseg thiab los ua ib tug neeg dog dig, coj ncaj lawm.

Tom qab ntawd, kuv thiaj li tso kuv tus kheej tseg, thiab kuv pib qhib siab lug lawm. Muaj ib zaug, kuv txawm tso ib daim yeeb yaj duab uas ua hauj lwm tsis zoo yog li muaj teeb meem ntau heev. Kev rov qab ua dua mas ua rau qeeb peb tes hauj lwm ntau heev. Thaum ib tug viv ncaus hais rau kuv tias kuv tsis leg lub hauj lwm thiab vam khom tsis tau li, ces kuv txawm tawm tsam rau qhov ntawd thiab cav nrog nws nyob rau hauv kuv lub siab. Ces ib tug thawj coj txawm nug kuv txog kuv tus yam ntxwv nyob rau hauv ib lub rooj sib txoos ua ke tom qab ntawd, thiab kuv xav tias: “Yog kuv muab txhua yam qhia, ces cov nus thiab cov viv ncaus yuav xav tias kuv tsis lees txais qhov tseeb, tias kuv tsuas tiv thaiv kuv tus kheej xwb. Ces txhua tus yuav xav li cas rau kuv? Qhov zoo dua mas kuv txhob hais tawm.” Tom qab ntawd kuv pom meej meej tias kuv rov qab coj li ntawd dua lawm, yog li kuv thiaj li thov Vajtswv, thiab txawm nco tau ib zaj lus ntawm Vajtswv cov lus. Vajtswv hais tias, “Txhua zaus uas koj ua ib yam dab tsi tiav lawm, tab txawm yog koj ntseeg hais tias ua tau yog heev lawm los xij, tej zaum yuav tsis mus raws li qhov tseeb. Yuav tsum tau soj ntsuam qhov ntawd, thiab yuav tsum tau muab qhov ntawd coj los piv, txheeb xyuas, thiab cais raws li Vajtswv cov lus. Ua li no, mas txawm qhov ntawd yog thiab yuam kev los yuav paub tseeb. Tshaj ntawd ntxiv, yam uas koj xav tias koj ua yuam kev lawm yuav tsum tau muab coj los soj ntsuam thiab. Qhov no mas cov kwv tij thiab cov muam yuav tsum tau ua ke siv sij hawm kom ntau ntxiv los kawm, nrhiav, thiab ib leeg pab ib leeg. Koj yim kawm, ces koj lub siab yim kaj, thiab koj yim yuav to taub qhov tseeb tej hauv paus ntsiab lus. Qhov no yog Vajtswv txoj koob hmoov. Yog nej tsis muaj leej twg qhib nej lub siab, thiab nej txhua tus puav leej npog nej tus kheej, cia siab tias lwm tus yuav nyiam thiab xav kom lawv muab nej saib siab thiab tsis txhob luag nej, ces nej yuav tsis ntsib tsis pom qhov kev loj hlob tiag. Yog koj pheej zais koj tus kheej thiab yeej tsis qhia tawm li, ces koj yuav tsis tau txais qhov Vajntsujplig Dawb Huv qhuab qhia, thiab koj yuav tsis to taub qhov tseeb. Yog li qhov tshwm sim los ntawd yuav zoo li cas? Koj yuav nyob rau hauv txoj kev tsaus ntuj mus ib txhis, thiab koj yuav tsis dim. Yog koj xav tau qhov tseeb thiab hloov koj tus moj yam, koj yuav tsum tiv kev txom nyem mas thiaj li yuav tau qhov tseeb thiab xyaum ua qhov tseeb, thiab koj yuav tsum qhib koj lub siab thiab kawm nrog lwm tus. Qhov no muaj txiaj ntsig rau koj txoj kev to taub lub neej txoj sia thiab koj txoj kev hloov tus moj yam” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Lub Hauv Paus Kev Xyaum Ua Raws Yooj Yim Tshaj Plaws ntawm Kev Ua ib Tug Neeg Ncaj Ncees). Vajtswv cov lus ua rau kuv muaj ib txoj kev xyaum ua raws lawm. Kuv yuav tsum lees txais Vajtswv txoj kev tshawb xyuas, thiab txawm tias lwm tus tib neeg yuav xav li cas rau kuv los xij, kuv yuav tsum tau qhib siab lug thiab xyaum ua raws qhov tseeb. Tsuas yog li no xwb thiaj li daws tau kuv qhov teeb meem. Nyob rau theem ntawd kuv muab tag nrho kuv lub peev xwm los qhib siab lug qhia txog kuv tus yam ntxwv thiab nthuav tawm kuv txoj kev qias vuab tsuab rau txhua tus. Tom qab ua li ntawd lawm, kuv hnov kaj siab lawm ntau heev, thiab txoj kev qhia lwm tus ntawd pab kuv to taub kuv qhov teeb meem.

Qhov raug qhia tshwm rau thaum lub sij hawm ntawd qhia kuv tias kuv muaj tus moj yam txawj dag, phem. Kuv ib txwm ua txuj kom lwm tus qhuas thiab hwm. Yog tsis muaj kev txiav txim ntawm Vajtswv cov lus, ces ntshe kuv twb tsis muaj peev xwm los paub kuv tus kheej li lawm thiab ntshe kuv twb tsis muaj peev xwm hloov pauv tau li lawm. Kuv kuj to taub qhov tseem ceeb ntawm peb tej kev txhawb siab hauv kev ua txhua yam, thiab tias kev kawm los lees txais Vajtswv txoj kev tshawb xyuas thiab kev daws tej kev txhawb siab hauv yus tes dej num, thiab qhib siab lug thiab coj ncaj mas thiaj li yog tib txoj hau kev yuav tau txais Vajtswv txoj kev pom zoo thiab ua rau Nws xyiv fab xwb.