64. Tag Nrho Phau Vajluskub Puas Yog Vajtswv Tshoov?

Nyob rau xyoo 1998 ntawd, kuv tus npawg, Yaj, tuaj qhia Tswv Yexus txoj moo zoo rau kuv. Nws nqa ib phau Vajluskub tuaj rau kuv, thiab hais rau kuv tias tag nrho phau Vajluskub yog Vajtswv tshoov, tias txhua yam nyob rau hauv mas yog Vajtswv txoj lus, thiab tias nyob rau hauv mas muaj txoj kev mus rau Vajtswv lub nceeg vaj thiab txoj sia ntev dhawv mus ib txhis. Thaum hnov kiag tias kuv tuaj yeem yuav tau txais txoj sia ntev dhawv mus ib txhis ntawd ua rau kuv xav paub xav pom, ces tom qab ntawd, kuv thiaj li nyeem phau Vajluskub thaum kuv muaj sij hawm. Tsis ntev ntawd kuv txawm paub tias Tswv Yexus yog tus Txhiv noob neej dim, ces thiaj li lees txais Nws lawm. Vim hais tias kuv muaj kev ntshaw txog qhov nrhiav Vajtswv, tom qab ntawd kuv tau los ua ib tug ua hauj lwm-ua ke lawm ces txawm pib tshaj tawm txoj moo zoo thiab tshaj tawm rau pawg ntseeg. Kuv ntseeg khov kho tias phau Vajluskub yog lub hauv paus thiab txoj kev coj rau kuv txoj kev ntseeg.

Tau ob peb lub xyoos dhau los no, pawg ntseeg cia li qhuav qhawv lawm thiab cia li paub txog Vajntsujplig tes hauj lwm nyuaj zuj zus lawm. Cov ntseeg feem coob mas tub nkeeg thiab qaug zog heev, lawv txoj kev ntseeg twb txias tag lawm, thiab muaj ntau tus haj tseem rov qab mus rau lub ntiaj teb uas tsis muaj kev ntseeg lawm. Thaum raug txhua yam li no lawm thiaj li ua rau kuv nyuaj siab thiab tag kev cia siab lawm, ces thiaj li muaj kev qaug zog nyob rau hauv kuv lub siab. Tus Tswv puas tau tso peb tseg mas? Tab sis txhua zaus uas kuv xav txog qhov tus Tswv hais tias, “Tus uas thev mus txog thaum kawg yuav dim” (Mathai 10:22), kuv ntseeg tias tus Tswv yuav tsis saib tsis taus cov uas ua lub siab dawb paug raws Nws qab, thiab yuav muab kuv tus kheej fij rau tus Tswv txuas ntxiv mus. Kuv nquag thov Vajtswv nyob rau hauv kuv lub siab thiab thov kom tus Tswv txhawb peb txoj kev ntseeg. Lub sij hawm no yog thaum uas ib pawg ntseeg hu ua Qhov Xob Laim Sab Hnub Tuaj tau tshwm los. Lawv ua tim khawv tias tus Tswv twb rov qab los lawm, tab tom nthuav tawm ntau qhov tseeb, thiab tab tom ua tes dej num ntawm kev txiav txim nyob rau tiam kawg. Cov kwv tij thiab cov muam coob tus uas ntseeg tus Tswv tau hloov siab mus rau Qhov Xob Laim Sab Hnub Tuaj lawm. Kuv hnov lawv qhia tias phau Vajluskub muaj Vajtswv thiab tib neeg cov lus tib si, ces kuv thiaj li lees txais qhov ntawd tsis tau. Phau Vajluskub yeej hais meej meej tias “Txhua nqe Vajluskub yog muab los ntawm kev tshoov siab ntawm Vajtswv” (2 Timaute 3:16). Txhua yam nyob rau hauv phau Vajluskub yeej yog Vajtswv txoj lus, cov xib fwb thiab cov txwj laug yeej hais li no tas li. Yog li ntawd tsis yog Qhov Xob Laim Sab Hnub Tuaj hais txawv mus ntawm phau Vajluskub thiab ntxeev siab rau tus Tswv lod? Vim yog li no, kuv thiaj li tawm tsam Qhov Xob Laim Sab Hnub Tuaj heev. Txij thaum ntawd los, ces peb cov rooj sib tham feem ntau yeej sib tham txog qhov yuav ceev faj thiab cheem Qhov Xob Laim Sab Hnub Tuaj, thiab yuav tiv thaiv pawg ntseeg li cas kom pawg ntseeg pab yaj thiaj li tsis ploj. Yuav kom tiv thaiv tau tib neeg kom Qhov Xob Laim Sab Hnub Tuaj txhob nyiag tau peb cov yaj, ces kuv yuav tsum hais rau kuv cov kwv tij thiab cov muam tias: Phau Vajluskub yeej yog Vajtswv tshoov tag nrho, thiab tag nrho Vajtswv cov lus puav leej nyob rau hauv lawm. Yog hais tias peb ntseeg Vajtswv, ces peb yeej tso tsis tau phau Vajluskub tseg li. Qhov ua li ntawd mas yog kev txhaum. Los ntawm qhov ua li no, kuv cia siab tias yuav tiv thaiv tau lawv kom txhob tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg, tab sis lawv pheej lees txais Vajtswv Tus Uas Muaj Hwj Chim Loj Kawg Nkaus mus ntxiv.

Muaj ib zaug, thaum rov los tsev tom qab pawg ntseeg lub rooj sib txoos ua ke lawm, kuv txawm pom kuv poj niam zuaj hmoov pob kws, thiab muaj ib tug poj niam muaj hnub nyoog rau caum tawm xyoo zaum ntawm nws ib sab, tuav rawv ib phau ntawv ntawm nws txhais tes thiab qhia rau kuv poj niam. Kuv khwv yees tias nws ntseeg Vajtswv Tus Uas Muaj Hwj Chim Loj Kawg Nkaus lawm, ces kuv txawm hais chim siab ntsuav tias, “Koj tsis lees txais thiab twb tso phau Vajluskub tseg lawm, tiam sis cas koj tseem hais tias koj ntseeg Vajtswv thiab lod? Tawm ntawm no mus!” Ces tus muam ntawd txhawm ua siab ntev ntev hais rau kuv tias, “Tus nus, txhob chim siab mas. Txhob qi muaj nti hais tej lus xaus li ntawd. Peb los kuj keev nyeem phau Vajluskub thiab hais txog nqe lus thiab, ‘Txhua nqe Vajluskub yog muab los ntawm kev tshoov siab ntawm Vajtswv’ (2 Timaute 3:16), txhais hais tias tag nrho cov lus nyob hauv phau Vajluskub yeej yog Vajtswv cov lus. Tsuas yog tom qab ntawd es peb thiaj li mam paub tias txoj kev tshab txhais no tsis raug lawm xwb.” “Koj muaj pov thawj dab tsi mas?” Kuv txawm nug yam saib tsis taus li ntawd. Ces tus muam ntawd thiaj li hais tias, “Piv txwv li, Luka Txoj Moo Zoo hais tias: ‘Raws li muaj coob leej twb tshaj tawm txog tej uas peb ntseeg tshaj plaws ntawd lawm, Tej uas lawv tau qhia rau peb ntawd, uas yog los ntawm cov neeg uas qhov muag pom txij thaum pib los, thiab yog cov qhia txoj lus ntawd’ (Luka 1:1–2). Qhov no tsis txhais tau tias Luka sau Luka Txoj Moo Zoo los ntawm nws tej kev paub xwb lod? Luka tsuas sau qee qhov uas muaj tseeb raws li nws pom thiab hnov nyob rau thaum lub sij hawm ntawd xwb. Qhov no yog ib phau ntawv uas tib neeg sau, yog li ntawd peb yuav hais tau li cas tias nws yog Vajtswv txoj lus tag nrho ma? Txhua yam uas Vajtswv tsoov mas tib neeg tsis tim tsum paub li los sis txuam nrog tib neeg tej tswv yim li. Ob qho ntawd mas sib txawv heev li.” Kuv yoob me ntsis txog tus muam ntawd cov lus uas hais tias: Muaj qhov sib txawv nyob rau ntawm cov lus Vajtswv tshoov thiab cov uas tib neeg sau raws li qhov lawv pom thiab hnov. Kuv los nrhiav tsis tau tias nws cov lus muaj kev txhaum li thiab. Ces kuv thiaj li ua ib pas thiab ua tav muag ntsia tus muam ntawd, xav hais tias: “Nws twb laus lawm thiab ntxim li tsis muaj kev kawm siab, tiam sis nws muaj kev nkag siab tob zoo li no. Tsis txaus ntseeg li!” Lub sij hawm ntawd kuv xav tsis tau ib lo lus teb rau qhov nws tau hais lawm, ces kuv lub ntsej muag thiaj li liab ploog. Kuv txhawj tsam kuv raug dag yog hais tias kuv pheej mloog yam nws hais ntawd, yog li ntawd kuv txawm hnoos thiab hais tias: “Txaus lawm, wb muaj kev ntseeg sib txawv. Txhob tuaj ntawm no ntxiv lawm nawb.” Thaum kuv hais li no, kuv thawb ntiag tus muam ntawd tawm ntawm qhov rooj mus lawm. Thaum pom nws lub zeeg muag qhia tawm tiag tiag thiab nws lub cev yiag txias nyob nrog cov cua txias zias lawm, kuv hnov muaj ib yam ntse ntse chob kiag kuv lub siab, thiab kuv tsis paub xyov qhov kev xav no yog dab tsi lawm. Tab sis kuv nco tau tias tag nrho cov lus nyob hauv phau Vajluskub yog los ntawm Vajtswv los, thiab lwm yam ces tsis yog kev ntseeg Vajtswv lawm. Qhov lawv tshaj tawm ntawd mas dhau ntawm phau Vajluskub mus lawm, tiam sis lawv ho tuaj ntawm peb pawg ntseeg tuaj nyiag cov yaj. Ces kuv mloog tsis tau yam lawv tshaj tawm ntawd lawm, thiab kuv yuav tsum sawv khov kho rau kuv sab xwb. Tom qab qhov no, kuv tseem muaj kev thaj yeeb lug nrog kuv txoj kev xav thiab tej kev ua, thiab tsis tseg dag zog los “tiv thaiv” pab yaj li. Txawm zoo li no los xij, txhua zaus kuv pom ib tug twg tuaj ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tuaj mas, kuv nyuaj siab li. Lawv qhov kev qhia yeej muaj qab hau thiab qhov tsis lees txais mas nyuaj. Tsis muaj ib yam dab tsi muaj feem ntsig txog dua ntawm qhov siv lub tswv yim tawv qhawv, thiab siv txoj kev cai ntawm qhov tsis mloog lawv hais, tsis nyeem lawv cov phau ntawv, los sis tsis sib txuas lus nrog lawv.

Tos kuv paub xwb, twb yog lub caij nplooj ntoo zeeg ntawm xyoo 2004 lawm. Kuv tus npawg, Yaj, hu xov tooj tuaj rau kuv tias nws tim tsum kom kuv ua qee yam sai sai. Kuv thiaj li maj nroos mus, ces kuv tus npawg qhia Kwv Tij Vam rau kuv. Nws hais tias Kwv Tij Vam yog ib tug kws qhuab qhia, thiab nws thov kom peb sib tham txog peb txoj kev to taub txog tus Tswv. Kuv mas zoo siab tshaj, thiab tom qab hais nyob zoo tag lawm, kuv tus npawg txawm muab ib phau Vajluskub rau kuv thiab muab ob phau ntawv uas daim plhaub npog txhav txhav tawm los. Kuv saib pom daim plhaub npog sau hais tias: Txoj Lus Tshwm Hauv Lub Cev Nqaij Daim Tawv. Cov no yog ntau phau ntawv tuaj ntawm Qhov Xob Laim Sab Hnub Tuaj tuaj! Ces kuv txawm sawv tsee, thiab hais tias: “Yaj, koj puas tau lees txais Qhov Xob Laim Sab Hnub Tuaj mas?” Kuv tus npawg txawm luag nyav thiab hais tias: “Qhov ko yog lawm. Hnub no kuv nug koj rau ntawm no vim hais tias kuv xav qhia rau koj ntag. Kuv vam tias koj yuav saib txog Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg.” Nyob rau theem no, kuv rov nco tau qhov cov xib fwb thiab cov txwj laug ib txwm hais tias Phau Vajluskub mas yeej yog Vajtswv tshoov tag nrho li, thiab tag nrho Vajtswv cov lus muaj nyob rau hauv lawm. Tej kev qhia ntawm Qhov Xob Laim Sab Hnub Tuaj mas dhau phau Vajluskub mus lawm, tej lus ntawd txawv ntawm Vajtswv tej kev qhia lawm. Vim li no peb tsis tsim nyog mloog tej lus ntawd. Peb qhov tawm tsam uas zoo tshaj plaws ces yog zam tej lus ntawd. Yog li ntawd kuv thiaj li hle ub hle no tias kuv tim tsum rov qab mus saib xyuas qee yam rau tim tsev lawm. Ces kuv tus npawg txawm ua lub siab ntev los hais tias, “Vim li cas koj thiaj li khiav txhua zaus thaum koj pom ib tug uas ntseeg Vajtswv Tus Uas Muaj Hwj Chim Loj Kawg Nkaus? Yog hais tias koj paub qhov tseeb, vim li cas koj thiaj li ntshai tsam raug dag? Vim koj nyob rau ntawm no lawm, vim li cas ho tsis ua kom koj lub siab nqhig es nrhiav me ntsis?” Ces kuv txawm ua tsis tau li cas li lawm thiaj li rov qab mus rau kuv lub rooj zaum, tab sis kuv lub siab mas ntxhov quas niab tias: Hnub no kuv tsim nyog tswj qhov xwm txheej no li cas? Ces kuv thiaj li thov twj ywm rau hauv kuv lub siab rau tus Tswv tias: “Au, tus Tswv! Kuv muab qhov xwm txheej no tso rau Koj. Thov tiv thaiv kuv thiab coj kuv kev.” Ces kuv tus npawg txawm tsawv nkaus Txoj Lus Tshwm Hauv Lub Cev Nqaij Daim Tawv los thiab nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus txoj lus: “Kuv hais qhia rau nej kom ua twb zoo taug txoj kev ntawm kev ntseeg Vajtswv. Tsis txhob lam dhia mus rau qhov xaus lus; tshaj qhov ntawd, tsis txhob lam ua dog dig thiab ua twb zoo xav rau nej txoj kev ntseeg Vajtswv. Nej yuav tsum paub hais tias, yam tsawg kawg nkaus, cov uas ntseeg Vajtswv yuav tsum muaj kev txo hwj chim thiab muaj lub siab hwm Vajtswv. Cov uas twb tau hnov qhov tseeb lawm thiab tab sis ho tsa ntswg rau xwb ces yog cov ruam thiab tsis paub dab tsi li. Cov uas twb tau hnov qhov tseeb lawm thiab tab sis tseem ho lam tau lam dhia mus rau qhov xaus lus los sis cem nws ces yog raug kev khav theeb mooj lawm. Tsis muaj ib tug twg uas ntseeg Yexus es yuav zoo tsim nyog mus foom los sis cem lwm tus li. Nej sawv daws yuav tsum ua ib tug neeg uas txawj xav thiab lees txais qhov tseeb. Tej zaum, tau hnov txoj kev ntawm qhov tseeb lawm thiab tau nyeem cov lus pub txoj sia lawm, koj ntseeg hais tias tsuas yog ib ntawm 10,000 lo lus no xwb thiaj li yog raws li koj tej kev xam pom thiab phau Vajluskub, thiab ces koj yuav tsum nrhiav ntxiv hauv qhov thib 10,000 ntawm cov lus no. Kuv yeej tseem qhia kom koj txo hwj chim, tsis txhob ruaj siab tshaj tshaj, thiab tsis txhob qhuas koj tus kheej rau chaw siab dhau heev lawm. Yog koj tseem muaj ib lub siab hwm Vajtswv me me, ces koj yuav tau txais kev kaj ntau dua. Yog koj ua twb zoo soj ntsuam xyuas thiab ua twb zoo xav ntau zaus txog tej lus no, koj yuav to taub hais tias puas yog qhov tseeb los tsis yog, thiab seb puas yog txoj sia los tsis yog” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Thaum lub Sij Hawm Koj Pom Yexus Lub Cev Sab Ntsujplig, Vajtswv Yuav Tsim Lub Ntuj thiab Lub Ntiaj Teb Tshiab Lawm). Zoo li kuv zaum twj ywm rau tod xwb, tab sis qhov tseeb tiag cov lus hauv phau ntawv ntawd ua rau kuv zoo siab heev. Tag nrho tej lus sam hwm no yeej mus raws li Tswv Yexus cov lus lawm. Tus Tswv hais tias, “Tau koob hmoov ces yog cov pluag ntawm sab ntsujplig: rau qhov lawv li yog lub teb chaws saum ntuj ceeb tsheej” (Mathai 5:3). Cov uas ntseeg Vajtswv ntawd tsim nyog muaj ib tug cwj pwm txo hwj chim thiab nrhiav. Kuv qi muag nti teem txim thiab txiav txim rau Qhov Xob Laim Sab Hnub Tuaj yam tsis nrhiav los sis tsis tshuaj xyuas li. Kuv mas khav theeb tiag tiag thiab qhuas tias kuv tus kheej coj ncaj heev. Kuv hnov txhaum, thiab xav rau kuv tus kheej tias: “Cov lus no yog qee yam tshwj xeeb, cov lus no zoo xws li tus Tswv tej kev qhuab qhia ntag. Cov lus no puas yog cov lus hais tawm los ntawm tus Tswv uas twb rov qab los lawm tiag tiag?” Kuv kuj xav txog txhua zaus uas kuv sib txuas lus nrog cov tib neeg tuaj ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tuaj thiab tias: Lawv muaj meej mom thiab ncaj ncees, lawv tshaj tawm txoj moo zoo los ntawm txoj kev hlub, ua lub siab ntev dhawv, thiab lawv tej kev piav qhia rau tej lus nug mas muaj paus ntsis zoo thiab txaus ntseeg heev. Lawv puas tuaj yeem ua tiav qhov no los ntawm lawv tus kheej yog tsis muaj Vajntsujplig tes hauj lwm? Qhov no qhia tias Vajtswv Tus Uas Muaj Hwj Chim Loj Kawg Nkaus txoj hau kev mas tshwj xeeb heev. Yog hais tias Vajtswv Tus Uas Muaj Hwj Chim Loj Kawg Nkaus yeej yog tus Tswv Yexus uas rov qab los lawm tiag tiag, thiab kuv tsis nrhiav los sis tsis tshuaj xyuas li, ces kuv yuav tsis plam lub hwv tsam los txais tus Tswv qhov rov los thiab thaum kawg raug Nws tsis lees txais yuav lod? Kuv xav tias: “Kuv tsim nyog tso qhov tawv ncauj tseg lawm. Vim li cas niaj hnub no kuv tsis sim nrhiav seb tus Tswv puas tau los tiag los sis tsis tau? Ces kuv thiaj li muaj qhov paub meej.” Kuv xav ib pliag, ces txawm hais tuag nti tias: “Cov lus koj nyeem ntawd mas yeej zoo, thiab tshwj xeeb heev. Tab sis kuv tsis to taub. Phau Vajluskub yog txoj kev cai ntawm Txoj Kev Ntseeg Vajtswv. Tshaj ob txhiab xyoo lawm, txoj kab lis kev ntseeg hauv ntiaj teb ib txwm ntseeg tias phau Vajluskub yog Vajtswv tshoov tag nrho, thiab tias txhua yam teev tseg nyob rau hauv phau Vajluskub yog Vajtswv txoj lus, ces yog li ntawd phau Vajluskub thiaj li sawv cev tam rau tus Tswv. Kuv lees tias qhov no yeej muaj tseeb los tau npaum li no lub xyoo ntawm qhov kuv yog ib tug Ntseeg Vajtswv, tab sis tam sim no koj ho hais tias phau Vajluskub muaj Vajtswv thiab tib neeg cov lus tib si lawm. Qhov no tsis txawv ntawm phau Vajluskub lod? Qhov no yog kev tsis lees tus Tswv, tig nrab qaum rau Nws, thiab yog hais lus thuam mom uas ntxim ntxub!” Ces Kwv Tij Vam thiaj li ua lub siab ntev dhawv hais tias: “Qhov hais tias phau Vajluskub yog Vajtswv tshoov tag nrho ntawd puas haum rau qhov muaj tiag mas? Tej lus los ntawm tus Tswv los twg uas peb muaj ua pov thawj?” Lo lus nug no ua rau kuv tsis muaj lus hais li lawm. Qhov ko yog lawm. Cov lus no yog Povlauj hais, tsis yog Tswv Yexus hais. Ces Kwv Tij Vam txawm hais tias: “Tswv Yexus yeej tsis tau hais tias phau Vajluskub yog Vajtswv tshoov tag nrho, thiab Vajntsujplig yeej tsis tau ua tim khawv rau qhov no lawm thiab. Qhov Povlauj hais mas tsuas sawv cev rau nws tus kheej txoj kev to taub txog phau Vajluskub xwb, thiab tsis sawv cev rau Vajtswv kiag li.” Kuv tsis muaj lus hais lawm. Nws hais yog lawm. Ces, Kwv Tij Vam txawm nug tias: “Povlauj hais tias, ‘Txhua nqe Vajluskub yog muab los ntawm kev tshoov siab ntawm Vajtswv’ (2 Timaute 3:16). Thaum nws hais tias ‘Vajluskub,’ puas yog nws hais tag nrho phau Vajluskub tiag tiag, los sis tsuas yog ib feem ntawm vajluskub xwb?” Kuv xav rau kuv tus kheej tias, “Nws yeej hais txog phau Vajluskub tag nrho kiag.” Kwv Tij Vam txawm hais ntxiv tias: “Qhov tseeb tiag, Povlauj sau 2 Timaute tshaj li 60 lub xyoos tom qab tus Tswv los lawm, thiab nyob rau lub sij hawm ntawd mas, tseem tsis tau kho Phau Vajluskub Tshiab li, tsuas muaj Phau Vajluskub Qub xwb. Tom qab tus Tswv los tau tshaj 90 lub xyoos lawm, Yauhas sau cov yog toog uas nws tau pom nyob rau ntawm lub pov txwv Pamos, uas tom qab ntawd rais los ua Phau Qhia Tshwm lawm. Tom qab tus Tswv los tau tshaj 300 lub xyoo lawm, nyob rau ntawm ib lub rooj sib tham nyob hauv Naixisas, cov thawj coj sab kev lis kev cai ntseeg uas tuaj ntawm ntau lub teb chaws tuaj tau xaiv plaub phau ntawv hais txog Txoj Moo Zoo thiab ib txhia ntawm lwm cov ntaub ntawv uas los ntawm ntau tsab ntawv tuaj ntawm cov thwj tim tuaj, thiab, nrog rau Yauhas Phau Qhia Tshwm, tau kho tej ntawd mus ua Phau Vajluskub Tshiab lawm. Tom qab ntawd, lawv thiaj li muab Phau Vajluskub Qub thiab Phau Vajluskub Tshiab los tso ua ib phau lawm xwb, uas yog tag nrho phau Vajluskub Qub thiab Tshiab uas peb niaj hnub nyeem tam sim no. Phau Vajluskub Tshiab raug kho tom qab 300. A.D., thiab Povlauj sau 2 Timaute tom qab 60 A.D., uas yog tshaj 200 xyoo ua ntej kho Phau Vajluskub Tshiab. Los ntawm qhov no los, peb pom tau tias thaum Povlauj hais tias, ‘Txhua nqe Vajluskub yog muab los ntawm kev tshoov siab ntawm Vajtswv,’ phau vajluskub uas nws hais txog ntawd tsis muaj sau rau hauv Phau Vajluskub Tshiab.” Tom qab kuv hnov li no lawm, kuv thiaj li ncaws hau thiab hais tias: “Yog hais tias phau vajluskub uas Povlauj tham txog ntawd tsis muaj sau rau hauv Phau Vajluskub Tshiab, ces nws yuav tsum txhais tau tias yog Phau Vajluskub Qub.” Ces Kwv Tij Vam thiaj li hais tias: “Yog, tab sis txawm hais tias Phau Vajluskub Qub tsis yog Vajtswv tshoov tag nrho los xij. Qhov ntawd yuav paub meej thaum peb nyeem Vajtswv Tus Uas Muaj Hwj Chim Loj Kawg Nkaus cov lus.”

Vajtswv Tus Uas Muaj Hwj Chim Loj Kawg Nkaus hais tias: “Koj yuav tsum paub hais tias phau Vajluskub muaj pes tswg feem nyob rau hauv; phau Vajluskub Qub muaj Chiv Keeb, Khiav Dim…, thiab kuj tseem muaj ntau phau ntawv ntawm tej lus qhia txog yav tom ntej uas cov xib fwb cev Vajtswv lus sau. Nyob rau thaum kawg, phau Vajluskub Qub xaus rau Malakhi Phau Ntawv. … Cov ntawv txog tej lus qhia txog yav tom ntej mas txawv lwm cov ntawv nyob rau hauv Vajluskub; cov ntawd yog cov lus uas hais thiab sau los ntawm cov uas tau txais tus Ntsujplig ntawm kev cev lus qhia txog yav tom ntej—los ntawm cov uas tau tej yog toog los sis lub suab los ntawm Yehauvas los. Dhau ntawm cov ntawv ntawm cov lus qhia txog yav tom ntej lawm, tag nrho lwm yam nyob rau hauv Vajluskub Qub ces yog tej lus teev los ntawm cov neeg tom qab uas Yehauvas tau ua Nws tes hauj lwm tag lawm. Cov ntawv no yuav hloov tsis tau cov lus qhia txog yav tom ntej los ntawm cov xib fwb cev Vajtswv lus uas raug tsa los ntawm Yehauvas, ib yam nkaus li Chiv Keeb thiab Khiav Dim uas muab piv tsis tau rau phau Ntawv ntawm Yaxaya thiab phau Ntawv ntawm Daniyee. Cov lus qhia txog yav tom ntej ces twb tau hais ua ntej yuav ua tes hauj lwm lawm; lwm cov ntawv, nyob rau tib lub sij hawm ntawd, ces yog sau tom qab uas tes hauj lwm twb ua tiav lawm, uas yog qhov uas tib neeg muaj peev xwm ua tau” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog phau Vajluskub (1)). “Tsis yog txhua yam hauv phau Vajluskub yuav yog ib co lus teev tseg txog cov lus uas Vajtswv tus kheej tau hais kiag. Phau Vajluskub tsuas teev ua ntaub ntawv txog ob theem dhau los ntawm Vajtswv tes hauj lwm xwb, uas muaj ib ntu ces yog cov lus teev tseg txog cov lus qhia txog yav tom ntej ntawm cov xib fwb cev Vajtswv lus, thiab ib ntu ces yog kev ntsib kev pom thiab kev paub uas raug sau tseg los ntawm cov neeg uas Vajtswv siv thoob plaws txhua tiam. Tib neeg tej kev ntsib kev pom ces yeej raug tsuas dub los ntawm tib neeg tej kev xav thiab kev paub, thiab qhov no yog tej qho uas yeej zam tsis dhau li. Nyob rau hauv ntau ntau phau ntawv ntawm phau Vajluskub ces yog tib neeg tej kev xav phem, tib neeg tej kev xav tsis ncaj ncees, thiab tib neeg tej kev to taub ruam ruam xwb. Muaj tseeb, feem ntau ntawm tej lus no mas yeej yog qhov uas tshwm sim los ntawm txoj kev qhuab qhia thiab kev paub tseeb los ntawm Vajntsujplig, thiab lawv yog tej kev to taub uas yog—tab sis yeej tseem hais tsis tau hais tias lawv yeej yog tej kev nthuav tawm txog qhov tseeb uas yeej teev tau yog tag nrho. Lawv tej kev xav txog qee yam ces yeej tsis muaj dab tsi tshaj tej kev paub uas tau los ntawm lawv tus kheej tej kev ntsib kev pom li, los sis kev qhuab qhia ntawm Vajntsujplig. Cov lus qhia txog yav tom ntej ntawm cov xib fwb cev Vajtswv lus ces yeej yog Vajtswv tus kheej qhia kiag: Cov lus qhia txog yav tom ntej ntawm cov zoo li Yaxaya, Daniyee, Exala, Yelemi, thiab Exekhee ces yog los ncaj qha ntawm Vajntsujplig cov lus qhia los; cov neeg no yog cov pom yav tom ntej, lawv tau txais tus Ntsujplig ntawm kev cev lus txog yav tom ntej, thiab lawv sawv daws yog cov xib fwb cev Vajtswv lus ntawm Vajluskub Qub. Nyob rau Tiam Muaj Kev Cai, cov neeg no, cov uas tau txais kev tshoov siab ntawm Yehauvas, tau hais ntau qhov lus qhia txog yav tom ntej, uas yog tau txais kev qhia ncaj qha los ntawm Yehauvas” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog phau Vajluskub (3)). Tom qab qhov no lawm, Kwv Tij Vam qhia tias: “Vajtswv Tus Uas Muaj Hwj Chim Loj Kawg Nkaus cov lus mas meej heev li Cov xib fwb cev Vajtswv lus cov lus faj lem yog Vajntsujplig tus kheej qhia kiag, thiab raug nthuav tawm los ntawm cov xib fwb cev Vajtswv lus. Ces tej no yog Vajtswv cov lus, thiab yog kiag Vajtswv lub ntsiab lus ntag. Cov lus uas Vajtswv tshoov mas ib txwm yeej cim meej meej nyob rau hauv phau Vajluskub lawm; piv txwv li, nyob rau thaum pib ntawm phau Yaxaya mas nws hais tias, ‘Amoj tus tub Yaxaya zaj yog toog’ (Yaxaya 1:1). Nyob rau thaum pib ntawm phau Yelemis hais tias, ‘Yehauvas txoj lus los rau leej twg’ (Yelemi 1:2). Cov tib neeg tsuas tim tsum cuab pob ntseg mloog qee cov lus uas Vajtswv tshoov xwb. Dhau ntawm cov phau ntawv faj lem ntawd lawm, ces cov seem ntawm phau Vajluskub mas yog tib neeg sau tom qab twb paub Vajtswv tes hauj lwm lawm xwb. Feem ntau ntawm cov lus no yog cov lus teev tseg ua kev nco lawm xwb, thiab tej kev ntsib kev pom thiab cov lus no mas puav leej yog los ntawm tib neeg los xwb, peb thiaj li hais tsis tau tias tej ntawd yog Vajtswv cov lus, yog li ntawd qhov tsis pub tej lus ntawd txuam nrog tib neeg lub ntsiab lus mas yuav zam tau nyuaj heev. Zoo li qhov hais tseg rau hauv 2 Xamuyee 24:1 uas hais tias, ‘Thiab Yehauvas rov qab npau taws rau cov Yixayees dua lawm thiab, ces Nws thiaj li tshoov Davi siab kom mus tawm tsam lawv hais tias, Cia li mus suav cov Yixayees thiab cov Yudas.’ Tiam sis, 1 Vaj Keeb Kwm 21:1 hais tias: ‘Thiab Ntxwgnyoog sawv tawm tsam cov Yixayees, thiab ua kom Daviv mus suav cov Yixayees.’ Ob nqe lus no teev tej uas thaum Davi mus suav cov Yixayee tseg. Nyob rau hauv ib qho muas hais tias Vajtswv Yehauvas txhawb kom Davi mus suav cov Yixayee, thiab nyob rau lwm qhov mas ho hais tias yog Ntxwgnyoog txhawb Davi. Yog hais tias qhov yog Vajtswv tsoov no, ua li cas ho muaj qhov sib txawv ntau npaum li no mas? Yog hais tias tag nrho Phau Vajluskub Qub yog Vajtswv tsoov, ces puas yog Vajtswv tau ua ib qho yuam kev thaum tshoov ib qho xwm txheej tib yam nkaus li ntawd?” Tom qab hnov Kwv Tij Vam cov lus lawm, ces kuv lub siab thiaj li qhib plho lawm, ces txoj kev tawv ncauj uas tawm tsam ntawd thiaj li pib tsuag lawm. Kuv thiaj li hais tias: “Yog Phau Vajluskub Qub tsis yog Vajtswv tshoov tag nrho, ces peb yuav xam tsis tau tias Phau Vajluskub Tshiab yog Vajtswv txoj lus tag nrho thiab, vim hais tias tej lus ntawd puav leej yog tej teev tseg los ntawm cov tub txib los.” Kwv Tij Vam thiaj li hais yam zoo siab hlo tias: “Ua Vajtswv tsaug, koj txoj kev to taub yeej yog lawm. Qhov tseeb tiag, nyob rau hauv Phau Vajluskub Tshiab ntawd, tsuas yog Tswv Yexus cov lus thiab cov lus faj lem hauv Qhia Tshwm xwb thiaj li yog Vajtswv cov lus. Ces cov lus seem ntawd ces yog los ntawm cov thwj tim, cov neeg Falixai, cov neeg pes nrab, cov tub rog, thiab tus dab phem los. Tsis yog ib qho ruam heev uas hais tias txhua yam nyob rau hauv phau Vajluskub mas yog Vajtswv txoj lus? Qhov no tsis yog hais lus tuam mom lod?”

Tom qab qhov no lawm, Kwv Tij Vam txawm nyeem lwm zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv: “Niaj hnub no, tib neeg ntseeg hais tias phau Vajluskub yog Vajtswv, thiab hais tias Vajtswv yog phau Vajluskub. Yog li ntawd, ib yam nkaus li thiab, lawv ntseeg hais tias tag nrho cov lus hauv phau Vajluskub thiaj yog tib co lus uas Vajtswv hais nkaus xwb, thiab hais tias tag nrho tej lus ntawd yog Vajtswv hais. Cov uas ntseeg Vajtswv tseem xav hais tias, txawm hais tias tag nrho rau-caum-rau phau ntawv hauv phau Vajluskub Qub thiab Tshiab ntawd yog tib neeg sau, los lawv puav leej yog tau txais kev tshoov siab los ntawm Vajtswv tib si, thiab ib co lus teev tseg ntawm tej lus hais tawm ntawm Vajntsujplig. Qhov no yog kev to taub yuam kev ntawm tib neeg, thiab nws tsis sib dhos raws li tej qhov tseeb lawm. Qhov tseeb, dhau ntawm cov ntawv txog cov lus qhia txog yav tom ntej lawm, feem ntau ntawm Vajluskub Qub ces yog tej lus teev txog keeb kwm. Ib txhia ntawm cov ntawv ntawm phau Vajluskub Tshiab los yog ntawm tib neeg tej kev ntsib kev pom los, thiab ib txhia yog los ntawm kev qhuab qhia ntawm Vajntsujplig los; Povlauj cov ntawv, muab piv txwv, tshwm los ntawm tes hauj lwm ntawm ib tug tib neeg, tag nrho lawv ces puav leej yog qhov tshwm sim los ntawm Vajntsujplig qhov kev qhuab qhia, thiab tej ntawd ces yog sau rau cov pawg ntseeg, thiab tej lus ntuas thiab lus txhawb siab rau cov kwv tij thiab cov nkauj muam ntawm cov pawg ntseeg. Cov ntawd tsis yog cov lus uas Vajntsujplig hais—Povlauj tsis muaj peev xwm yuav hais tau lus sawv cev Vajntsujplig, thiab nws kuj tsis yog ib tug xib fwb cev Vajtswv lus, nws haj yam tsis pom tej yog toog uas Yauhas pom thiab. Nws cov ntawv ces yog sau rau cov pawg ntseeg ntawm Efexau, Khaulee, Kalatia, thiab lwm cov pawg ntseeg. … Yog tib neeg pom Povlauj cov ntawv los sis cov lus hais tawm li uas yog Vajntsujplig cov lus hais tawm, thiab pe hawm lawv li Vajtswv, ces tsuas hais tau hais tias lawv mas tsis txawj saib qhov yog los tsis yog li. Yog yuav muab hais nchav zog, ces qhov no tseem tsis yog kev thuam txoj kev ntseeg thiab lod? Ib tug tib neeg yuav hais lus sawv cev Vajtswv tau li cas? Thiab ua cas tib neeg ho nyo hau rau tej lus teev tseg ntawm nws cov ntawv thiab rau cov lus nws hais cuag nkaus li lawv yog ib phau ntawv dawb huv, los sis ib phau ntawv qaum ntuj? Vajtswv tej lus puas yuav muaj ib tug neeg lam tau lam muab coj los hais tau mas? Ib tug tib neeg yuav ua cas hais lus sawv cev Vajtswv tau mas?” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hais Txog phau Vajluskub (3)). Kuv yim mloog ces kuv yim to taub. Kuv tu siab tias: “Yav dhau los, kuv yeej tsis to taub lub ntsiab hauv qhov uas Povlauj hais cov lus no. Kuv xav tias Vajluskub yog Vajtswv tshoov tag nrho, thiab tias tej lus ntawd puav leej yog Vajtswv cov lus, thiab tias qhov ntseeg Vajluskub mas yog qhov ntseeg Vajtswv ntag. Qhov kev tshab txhais li no mas ruam tshaj li!” “Kuv nias qees ntseeg tias tib neeg cov lus nyob rau hauv phau Vajluskub yog Vajtswv cov lus, ces kuv thiaj li siv cov lus no ua lub hauv paus rau kuv txoj kev ntseeg. Qhov no tsis yog txawv ntawm tus Tswv txoj hau kev lawm lod?”

Ces Kwv Tij Vam thiaj li qhia hais tias phau Vajluskub mas tsuas yog ib qho lus tim khawv rau Vajtswv tes hauj lwm, thiab tias yog ib phau ntawv keeb kwm yav thaum ub dhau los lawm xwb. Kwv Tij Vam hais tias qhov ntawd yog ib qho kev teev tseg txog Vajtswv tes hauj lwm nyob rau Tiam Muaj Kev Cai thiab Tiam Hmoov Hlub. Qhov ntawd yuav ua li cas muab tso tau rau tib theem li Vajtswv tau li cas? Yog li ntawd Tswv Yexus thiaj li cem cov neeg Falixai hais tias: “Tshawb tej nqe Vajluskub; vim nyob rau hauv lawv mas nej xav hais tias nej muaj txoj sia ntev dhawv mus ib txhis: thiab lawv yog cov uas hais lus ua pov thawj txog Kuv. Thiab koj yuav tsis los cuag Kuv, kom koj thiaj li muaj txoj sia” (Yauhas 5:39–40). Yog mas, phau Vajluskub mas tsuas yog ib qho kev ua tim khawv rau Vajtswv xwb, phau Vajluskub tsis tuav txoj sia ntev dhawv mus ib txhis. Tsuas yog Vajtswv xwb thiaj li muab rau txoj sia ntev dhawv mus ib txhis rau tib neeg! Kuv nco tau kuv tus npawg tau qhia ib yam nkaus lawm tias los ntawm qhov nyeem phau Vajluskub, peb thiaj li to taub Vajtswv tes hauj lwm nyob rau hauv Tiam Muaj Kev Cai thiab Tiam Hmoov Hlub, peb paub tias txhua yam nyob rau hauv lub qab ntuj khwb no yog Vajtswv tsim, Vajtswv thiaj li tshaj tawm tias yuav siv txoj cai los coj tib neeg li cas, thiab peb tsim nyog ua lub neej nyob rau hauv lub ntiaj teb thiab pe hawm Vajtswv li cas. Peb paub tias kev txhaum yog dab tsi, thiab paub tias hom tib neeg twg Vajtswv thiaj li foom koob hmoov rau thiab foom phem rau. Peb kuj paub tias peb tsim nyog lees peb tej kev txhaum thiab lees txim hloov dua siab tshiab rau tus Tswv li cas, yuav txo hwj chim li cas, yuav ua lub siab ntev li cas, yuav zam txim li cas, thiab yuav kwv tus ntoo khaub lig li cas thiab yuav raws tus Tswv qab li cas. Peb pom Tswv Yexus txoj kev khuv leej thiab kev hlub uas tsis muaj hnub kawg rau peb, thiab to taub tias tsuas yog ntseeg Tswv Yexus thiab los rau ntawm Nws xub ntiag xwb es peb thiaj li yuav xyiv fab tau rau Vajtswv txoj hmoov hlub thiab qhov tseeb uas muaj nplua mias. Tab sis hais txog qhov tseeb uas Vajtswv nthuav tawm nyob rau tiam kawg, thiab qhov Vajtswv yuav txiav txim rau tib neeg thiab yaug tib neeg txoj kev qias vuab tsuab kom dawb huv, thiab daws lub hauv paus ntawm peb txoj kev txhaum li cas ntawd, peb tsis muaj tswv yim ib qho me me kiag li vim hais tias tej qhov tseeb no tsis raug muab teev tseg nyob rau hauv phau Vajluskub. Nyob rau ntawm lub hauv paus ntawm Tswv Yexus tes hauj lwm ntawm kev txhiv dim ntawd, Vajtswv Tus Uas Muaj Hwj Chim Loj Kawg Nkaus ntawm tiam kawg tau ua tes dej num ntawm kev txiav txim uas pib ntawm Vajtswv lub tsev mus, tau nthuav tawm txhua qhov tseeb txog txoj kev ntxuav noob neej kom dawb huv, thiab tau nthuav tawm cov tib neeg qias vuab tsuab tus moj yam thiab tus yeeb yam phem, kom peb txoj kev qias vuab tsuab thiaj li raug ntxuav kom dawb huv ces peb thiaj li rais los ua cov tib neeg uas hlub Vajtswv thiab mloog Vajtswv lus, thiab peb raug tsim los kom lees paub tias Vajtswv tus moj yam mas dawb huv thiab ncaj ncees thiab tsis tso cai rau txoj kev ua txhaum. Cov lus no yog txoj hau kev tseeb ntawm txoj sia ntev dhawv mus ib txhis ces cov lus ntawv thiaj li yuav ua tau Tswv Yexus lo lus faj lem tiav hlo: “Kuv tseem muaj ntau yam hais rau nej, tab sis nej ris tsis taus tej ntawd tam sim no. Txawm li cas los xij, thaum Nws, tus Ntsujplig ntawm qhov tseeb, los, Nws yuav coj nej mus rau txhua qhov tseeb” (Yauhas 16:12–13). Phau ntawv Txoj Lus Tshwm Hauv Lub Cev Nqaij Daim Tawv no, yog lo lus faj lem nyob rau hauv Qhia Tshwm uas Vajntsujplig hais rau txhua pawg ntseeg. Qhov ntawd yog thooj ntawv uas tus Me Nyuam Yaj muab nthuav los ntag. Los ntawm qhov nyeem Vajtswv Tus Uas Muaj Hwj Chim Loj Kawg Nkaus cov lus, cov ntseeg Vajtswv tseeb los ntawm lub ntiab teb sab kab lis kev cai ntseeg thiaj li nco tau Vajtswv lub suab, rov los cuag Vajtswv Tus Uas Muaj Hwj Chim Loj Kawg Nkaus, thiab tau los raws tus Me Nyuam Yaj cov hneev taw lawm.

Tom qab nws hais li no lawm, ces Kwv Tij Vam thiaj li nyeem lwm zaj lus ntawm Vajtswv Tus Uas Muaj Hwj Chim Loj Kawg Nkaus cov lus: “Khetos ntawm tiam kawg ntawd nqa txoj sia los, thiab nqa txoj kev ntawm qhov tseeb uas ruaj khov thiab kav mus ib txhis ntawd los. Qhov tseeb no yog txoj kev uas tib neeg tau txoj sia, thiab nws yog tib txoj kev uas tib neeg yuav paub Vajtswv thiab tau txais kev pom zoo los ntawm Vajtswv. Yog koj tsis nrhiav txoj kev muaj sia nyob uas Khetos muab thaum tiam kawg ntawd, ces koj yeej yuav tsis tau txais kev pom zoo los ntawm Yexus ib zaug li, thiab yeej yuav tsis muaj hnub tsim nyog tau nkag rau hauv lub rooj vag ntawm vaj loog ceeb tsheej, vim koj yog ib tug moj zeej thiab neeg raug txim ntawm keeb kwm xwb. Cov uas raug tswj los ntawm tej kev cai, los ntawm tej lus, thiab raug keeb kwm tej sawv hlaus khi cia ces yuav tsis tau txoj sia los sis tsis tau txoj kev muaj sia nyob uas tsis paub kawg. Qhov no mas vim yog tag nrho qhov lawv muaj ces tsuas yog tej nyuag dej nro uas lawv tuav rawv tseg los tau ntau txhiab xyoo uas tsis yog cov dej cawm siav uas txhawv ntawm lub zwm txwv los. Cov uas tsis tau txais cov dej cawm siav ces tsuas yog lub niag cev tuag, yog Ntxwgnyoog tej nyuag khoom ua si, thiab yog tub ki ntawm dab teb mus ib txhis xwb. Yog li ntawd, yuav ua cas es lawv thiaj yuav pom Vajtswv? Yog koj pheej xav tuav rawv rau yav tag los, tsuas sawv twj ywm es tuav txhua yam cia kom zoo li qub xwb, es tsis kam hloov qhov uas muaj tam sim no thiab muab keeb kwm tso pov tseg, ces tsis yog koj pheej yuav tawm tsam Vajtswv tas zog li los? Cov txheej txheem ntawm Vajtswv tes hauj lwm mas dav thiab loj heev li, zoo ib yam li nthwv dej nphau npog thiab nthwv xob nroo nrov deeg daws—tab sis koj tseem zaum twj ywm nyob tos kev puas tsuaj, khawm rawv koj txoj kev ruam thiab tsis ua ib qho dab tsi li. Nyob rau qhov no, yuav ua cas es thiaj yuav xam tau hais tias koj yog ib tug uas taug tus Me Nyuam Yaj tus hneev taw mas? Yuav ua cas es koj thiaj yuav ua pov thawj hais tias tus Vajtswv uas koj cia siab rau ntawd yog ib tug Vajtswv uas tshiab tas li xwb es yeej tsis txawj qub li? Thiab yuav ua cas es cov lus hauv koj phau ntawv daj ntawd thiaj li yuav coj tau koj hla mus rau tiam tshiab? Yuav ua cas es thiaj yuav coj tau koj mus nrhiav tej kauj ruam ntawm Vajtswv tes hauj lwm? Thiab yuav ua cas es thiaj coj tau koj mus rau saum ceeb tsheej? Qhov koj tuav ntawm koj txhais tes ces tsuas yog tej lus uas muab tau kev kaj siab ib nyuag pliag rau koj xwb, tsis yog tej qhov tseeb uas yuav muaj cuab kav muab tau txoj sia rau koj. Tej lus ntawm tej nqe Vajluskub uas koj nyeem ntawd tsuas pab tsim kho tau koj tus nplaig xwb, thiab tsis yog cov lus ntawm lub tswv yim uas pab tau kom koj paub tib neeg lub neej txoj sia, haj yam tsis yog txoj kev uas yuav coj tau koj mus rau qhov kev zoo tag nrho. Qhov uas zoo tsis sib xws no tseem tsis ua kom koj tig rov los xav txog koj tus kheej thiab los? Qhov ntawd tsis ua rau koj ras txog tej lus to taub nyuaj nyob rau hauv thiab los? Koj puas muaj peev xwm coj tau koj tus kheej mus saum ceeb tsheej mus ntsib Vajtswv? Yog hais tias Vajtswv tsis los, koj puas yuav coj tau koj tus kheej mus rau saum ceeb tsheej mus ntsib txoj kev zoo siab li tsev neeg nrog rau Vajtswv? Koj puas tseem npau suav toog tam sim no mas? Yog li ntawd, Kuv xav hais kom koj tsis txhob npau suav toog lawm thiab tig los saib tus uas tab tom ua hauj lwm tam sim no—saib kom pom hais tias leej twg tab tom ua tes hauj lwm cawm tib neeg nyob rau tiam kawg. Yog koj tsis ua li, koj yuav tsis muaj hnub tau txais qhov tseeb, thiab yuav tsis tau txoj sia” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Khetos ntawm Tiam Kawg Nkaus Xwb Mas Thiaj Yuav Muab Tau Txoj Kev ntawm Txoj Sia Ntev Dhawv Mus Ib Txhis Rau Tib Neeg). Tom qab hnov cov lus no lawm, kuv mas ntshai hnyo xwb. Yog hais tias kuv tuav rawv rau kuv tus kheej tej kev xav ntawm sab kab lis kev cai ntseeg, ces nyob rau thaum kawg kuv yuav yog tus swb. Kuv xav txog txoj kev paub Vajluskub ntau npaum li cas uas kuv tau txais los tau npaum li no lub xyoos rau thaum ua ib tug Ntseeg Vajtswv, tiam sis kuv yuav luag tsis muaj ib qho kev to taub txog qhov tseeb los sis txog Vajtswv li. Qhov txawv mas yog, kuv yim khav theeb ntxiv tuaj lawm xwb. Tus Tswv twb rov qab los lawm, tab sis tsuas yog yog kuv tsis tshuaj xyuas xwb, kuv haj tseem siv cov lus los ntawm phau Vajluskub los teem txim rau Vajtswv Tus Uas Muaj Hwj Chim Loj Kawg Nkaus qhov kev tshwm sim thiab tes hauj lwm thiab. Kuv zoo nkaus li cov Falixai uas tawm tsam Vajtswv ntag. Kuv mas dig muag tiag tiag thiab yeej tsis paub Vajtswv kiag li! Tsis yog kuv tuav rawv rau kuv tej kev xav phem xwb, kuv haj tseem tas zog xav mus cuam tshuam lwm tus kom txhob tshuaj xyuas thiab. Qhov no tsis yog kev tab kaum lod? Yog hais tias lwm tus txais tos tsis tau tus Tswv los sis tsis ua raws li Nws tes hauj lwm tshiab, ces lawv yuav plam lawv lub hwv tsam tau nkag mus rau hauv Vajtswv lub nceeg vaj. Kuv tab tom cab lwm tus nkag mus rau hauv dab tuag teb thiab tawm tsam Vajtswv! Kuv tau ua txhaum ib qho kev phem zoo li ntawd lawm, tiam sis Vajtswv tseem qhia txoj kev khuv leej thiab txoj hmoov hlub tawm rau kuv thiab. Vajtswv cia kuv hnov Nws lub suab thiab pom Nws qhov kev tshwm sim. Kuv ua tsaug ntau ntau rau Vajtswv! Tom qab qhov no lawm, peb tseem sib qhia txog phau Vajluskub txuas ntxiv. Peb kuj tham txog qhov vim li cas pawg ntseeg nyob rau hauv Tiam Hmoov Hlub thiaj li kho siab zim, qhov Vajtswv cawm tib neeg los ntawm peeb theem hauj lwm, thiab ntau yam ntxiv li cas thiab.

Nyob rau lub sij hawm uas lawv qab liag ntawd, kuv nyeem Vajtswv Tus Uas Muaj Hwj Chim Loj Kawg Nkaus cov lus ntau heev, thiab lees txais Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg lawm. Tom qab ntawd, kuv poj niam los kuj lees txais tes hauj lwm ntawd lawm thiab. Ua tsaug rau Vajtswv!