85. Tsuas Yog Cov Nkauj Xwb Ntse Xwb Thiaj Li Tuaj Yeem Txais Tos tus Tswv

Tswv Yexus tau hais ua lus faj lem tias yuav muaj ob hom neeg thaum Nws rov qab los, cov nkauj xwb ntse thiab cov nkauj xwb ruam. Tag nrho cov uas hnov tus Tswv lub suab, thiab cov uas tom qab ntawd lees txais thiab zwm rau, thiaj li yog cov nkauj xwb ntse. Tag nrho cov uas tsis hnov Nws lub suab, los sis cov uas hnov lub suab tab sis tsis ntseeg, los sis haj tseem tsis lees txais thiab teem txim rau Nws, yog cov nkauj xwb ruam. Qhov paub tus Tswv lub suab ntawd mas tsis yooj yim li. Thaum tib neeg muaj tej kev xav phem thiab tej kev xav hauv nruab siab puv npo lawm ces lawv cia li thim rov qab thaum lawv hnov tus Tswv lub suab thiab lawv yuav tsis ntseeg kiag li. Cov nkauj xwb ntse mas yeej ntse vim hais tias lawv hnov tus Tswv lub suab thiab pom tau tias qhov ntawd yog Vajtswv tus Ntsujplig tab tom hais lus. Lawv muaj peev xwm tso lawv tej kev xav phem tseg thiab lees txais qhov Vajtswv tshwm sim thiab tes hauj lwm. Vim li ntawd es lawv thiaj li tuaj yeem txais tos tus Tswv. Tab sis cov nkauj xwb ruam tsis mloog tus Tswv, lawv tsuas mloog thawj coj thiab ntseeg lawv tus kheej tej kev xav phem xwb. Tej zaum lawv yuav hnov tus Tswv lub suab, tab sis lawv tsis kam lees txais lub suab ntawd, ces yog li ntawd lawv thiaj li plam lawv lub hwv tsam los txais tos tus Tswv lawm. Qhov no yog qhov uas cov nkauj xwb ruam ua tsis yog lawm. Kuv keev yog ib tug nkauj xwb ruam. Kuv qi muag nti mloog cov thawj coj lus, xav tias vim cov Khetos cuav yuav tshwm los rau tiam kawg ces ntshe kuv yuav tsum txhob tshuaj xyuas tej lus tim khawv tias Tswv Yexus twb rov qab los lawm thiab tab tom qhov tseeb tawm los ua tes dej num ntawm kev txiav txim nyob rau tiam kawg. Kuv yuav luag plam tus Tswv txoj kev cawm dim ntawm tiam kawg! Kuv xav muab kuv txoj kev ntsib kev pom los qhia.

Kuv ua raws li kuv tsev neeg txoj kev ntseeg thaum kuv tseem me thiab kuv ib txwm hnov tus pov thawj hais rau hauv Kev Pe Hawm tias, “Lub sij hawm tus Tswv rov qab los mas ze lawm. Txhob mloog ib tug twg tej lus qhuab qhia. Vajluskub hais tias, ‘Ces yog muaj ib tug neeg twg hais rau nej hais tias: Leej Npleev nyob ntawm no, los sis nyob tod, tsis txhob ntseeg tus ntawd. Vim yeej yuav muaj cov Leej Pleev cuav thiab cov yaj saub cuav tshwm tuaj, thiab yuav ua tej txuj ci tseem ceeb thiab tej txuj ci phim hwj ntau heev los dag (seb dag puas tau) cov xaiv tseg’ (Lub Moo Zoo Raws Li Mas Tais 24:23–24). Cov Khetos cuav yuav tshwm los nyob rauv tiam kawg. Koj lub siab me me thiab koj tsis muaj kev thoob tsib, yog li ntawd koj thiaj li raug dag yooj yim. Kev ntseeg yuam kev ces yuav yog kev ntxeev siab rau tus Tswv ntag! Peb yuav tsum taug tus Tswv txoj hau kev thiab tos Nws rov los coj peb mus rau hauv Nws lub nceeg vaj. Peb yeej yuav tsis mloog, nyeem, los sis saib mus rau lwm tus tej kev qhia li, tshwj xeeb mas yog tus uas hais tias tus Tswv twb rov qab los lawm.” Qhov no puav leej muaj qab hau rau kuv lawm. Kuv tsis paub tab thiab tsis muaj kev thoob tsib, yog li ntawd yog hais tias kuv raug tus Khetos cuav coj mus yuam kev ces ntshe kuv txoj kev ntseeg los tau npaum li no lub xyoos yuav tsis muaj nqis li. Kuv tsa tes cog lus rau kuv tus kheej tias kuv yuav ua tib zoo ceev faj thiab kuv yuav tsis mloog ib tug twg uas qhuab qhia tej yam uas txawv lawm.

Muaj ib hnub nyob rau lub Plaub Hlis Xyoo 2012 Zag, uas yog ib tug neeg raug txim, hais tias, “Tswv Yexus twb rov qab los lawm. Nws yog Vajtswv Tus Uas Muaj Hwj Chim Loj Kawg Nkaus nyob rau hauv cev nqaij daim tawv. Nws tab tom ua tes hauj lwm tshiab, tes dej num ntawm kev txiav txim uas pib ntawm Vajtswv lub tsev mus uas tau muab hais ua lus faj lem nyob rau hauv phau Vajluskub lawm.” Kuv mas ceeb tag li thiab tsis ntseeg thaum kuv hnov qhov no lawm. Kuv nug nws tias, “Koj paub tus Tswv twb rov qab los lawm thiab tab tom ua tes hauj lwm tshiab tau li cas? Koj paub tseeb tau li cas?” Nws teb tias, “Tswv Yexus hais tias, ‘Kuv cov yaj yeej mloog Kuv lub suab: thiab Kuv paub cov yaj ntawd, thiab cov yaj ntawd caum raws Kuv qab’ (Lub Moo Zoo Raws Li Zam 10:27). ‘Thiab thaum ib tag hmo txawm muaj ib lub suab quaj hu tias: Saib nawb tus nraug vauv tuaj lawm lau, nej cia li mus cuag nws’ (Lub Moo Zoo Raws Li Mas Tais 25:6). ‘Saib nawb, Kuv sawv ntawm qhov rooj khob. Yog ib tug neeg twg hnov Kuv lub suab es qhib qhov rooj rau Kuv, ces Kuv yuav los rau nws thiab yuav nrog nws noj mov ua ke, thiab nws nrog Kuv noj ua ke’ (Qhib Yav Tom Ntej 3:20). Tswv Yexus qhia rau peb tias Nws yuav rov qab los thiab los khob peb lub qhov rooj los ntawm Nws cov lus. Nws cov yaj yuav paub Nws lub suab los ntawm qhov uas Nws hais. Lawv yuav txais tos tus Tswv qhov rov qab los thiab mus koom tus Me Nyuam Yaj rooj tshoob. Lawv yog cov nkauj xwb ntse. Tsuas xav txog thaum Tswv Yexus tshwm los ua hauj lwm xwb. Cov tib neeg zoo li Petus, Yauhas thiab Felis mloog Nws lub suab lawm thiab paub tias Nws yog tus Mexiyas uas lawv tos ntsoov. Lawv raws Tswv Yexus qab thiab tau txais Nws txoj kev cawm dim lawm. Kuv tau nyeem Vajtswv Tus Uas Muaj Hwj Chim Loj Kawg Nkaus cov lus ntau heev lawm ces kuv thiaj li lees tias tej lus ntawd yog qhov tseeb. Tej lus ntawd muaj hwj chim thiab Vajtswv lub suab. Qhov ntawd yog qhov uas kuv ntseeg tias Vajtswv Tus Uas Muaj Hwj Chim Loj Kawg Nkaus yog tus Tswv Yexus uas rov qab los lawm. Yog peb tsis mob siab mloog tus Tswv lub suab tab sis tsuas qi muag nti tawm tsam cov Khetos cuav xwb, kaw peb lub qhov rooj vim ntshai tsam peb raug dag, ces peb yuav kaw tus Tswv qhov rooj lawm thiab plam Nws txoj kev cawm dim ntawm tiam kawg lawm!”

Qhov kev sib qhia no mas ua rau kuv tig ras to taub lawm. Kev mloog tus Tswv lub suab los txais tos Nws mas yeej haum nrog phau Vajluskub thiab tus Tswv cov lus lawm. Yog hais tias kuv tsis saib qhov ntawd los sis sim los mloog tus Tswv lub suab thaum ib tug neeg twg hais tias Tswv Yexus twb rov qab los lawm, ces kuv yuav txais tos Nws li cas? Kuv yeej tsis hnov dua ib qho kev qhia zoo npaum li no li thiab kuv xav paub kom ntau ntxiv, tab sis thaum kuv nco tau tus pov thawj tej lus ceeb toom tas li txog cov Khetos cuav uas los ntawm tiam kawg los dag peb thiab tias peb mloog tsis tau ib tug twg tej lus qhuab qhia li. Ces kuv txawm tiv thaiv kuv kiag tam sim ntawd thiab txiav txim siab tias kuv mloog tsis tau lwm tus tej kev qhia lawm. Tsis yog txoj kev ntseeg qhov tsis yog ntawd nkim kuv txoj kev ntseeg los tau npaum li no lub xyoos mas? Kuv saib tsis taus Zag. Nws hais ob peb zaug rau kuv lawm tias kom kuv nyeem Vajtswv Tus Uas Muaj Hwj Chim Loj Kawg Nkaus cov lus los saib seb qhov ntawd puas yog Vajtswv lub suab, tab sis kuv mas ceev faj dhau lawm, yog li ntawd kuv ib txwm nrhiav tej lus hle ub hle no los ntiab nws tawm.

Muaj ib hnub ob peb lub hlis tom qab ntawd kuv tus txiv nqa tau ib co ntawv theej ntawm Txoj Lus Tshwm Hauv Lub Cev Nqaij Daim Tawv los tsev. Nws hais tias qhov ntawd yog “yam uas Leej Ntuj Plig hais rau cov pawg ntseeg nawb” (Qhib Yav Tom Ntej 3:6) thiab tias Vajtswv Tus Uas Muaj Hwj Chim Loj Kawg Nkaus mas yog tus Tswv Yexus uas rov qab los lawm. Nws hais kom kuv saib. Kuv mas ntshai tsam nws raug coj mus yuam kev lawm, yog li ntawd kuv thiaj li hais rau nws kom nws txhob mloog ib tug twg li, tab sis nws twb txiav txim siab los ntseeg Vajtswv Tus Uas Muaj Hwj Chim Loj Kawg Nkaus lawm. Kuv mas ntshai tsam nws ntxeev siab rau tus Tswv. Ces ntshe kuv yuav quaj, yoo mov thiab thov Vajtswv rau nws. Ob peb hnub tom qab ntawd, kuv niam pog kuj tuaj thiab hais tias tus Tswv twb rov qab los lawm. Nws hais tias, “Tus Tswv hais tias, ‘Kuv los sai sai no’ (Qhib Yav Tom Ntej 22:7). Yog peb ntshai tsam raug cov Khetos cuav dag thiab txiav txim tias tej xov xwm ntawm qhov tus Tswv rov qab los ntawd mas yog cuav xwb, ces yuav tsis lees txais yuav tag nrho tej ntawd huv si, yuav tsis yog peb tsis lees txais thiab teem txim rau tus Tswv qhov rov qab los ntawd lod? Tsis yog peb rov rhuav tshem peb tus kheej xwb lod? Yog hais tias peb tshem tus Khetos tiag tawm lawm, ntshe yuav lig heev rau peb tej kev khuv xim lawm. Tus Tswv twb kom peb tawm tsam cov Khetos cuav los mus qhia peb tias tus tseem Khetos yuav los rau tiam kawg thiab cov Khetos cuav yuav coj zoo kiag li tus tseem Khetos ntag, yog li ntawd peb yuav tsum kawm kom paub cov Khetos cuav. Yog hais tias peb ua tsis tau li ntawd, tab sis tsuas nias qees tsis lees txais yuav thiab tsis kam lees mloog ib qho xov xwm ntawm tus Tswv qhov rov los li, ces ntshe peb yeej yuav plam peb lub hwv tsam los txais tos tus Tswv thiab yuav raug Nws tso tseg xwb xwb li.” Qhov nws hais ntawd mas txhawb kuv kawg li lawm. Kuv xav tias “Kuv twb nyob tos ua hnub ua hmo los txais tos tus Tswv lawm. Yog hais tias kuv tsuas qi kuv qhov muag thiab pob ntseg xwb, ces kuv yuav ua li cas hnov Vajtswv lub suab thiab yuav txais tos tus Tswv tau li cas?” Qhov ntawd zoo li tsis muaj kev daws li. Kuv mas ruam tshaj uas tsis kam lees txais yuav tus Tswv li! Tom qab kuv niam pog mus lawm, kuv pom kuv tus txiv nquag nyeem Txoj Lus Tshwm Hauv Lub Cev Nqaij Daim Tawv heev. Kuv xav txog ob peb lub xyoos dhau los ntawd, pawg ntseeg hnov qhuav qhawv, cov nyob hauv pawg ntseeg hnov qaug zog thiab xav phem thiab lawv txoj kev ntseeg tau ploj mus lawm li cas. Kuv tus txiv txoj kev ntseeg zoo li ruaj khov dua qub lawm. Cov lus ntawd puas muaj hwj chim, puas muaj cai npaum li lawv hais mas? Tej lus ntawd puas yog Vajtswv lub suab? Kuv kuj xav txog qhov Zag tau hais ntawd tias muaj kuab npaum li cas. Yog hais tias tus Tswv twb rov qab los lawm tiag tiag ne yuav zoo li cas? Kuv xav tias kuv yuav tsum ua tib zoo saib xyuas kom kuv txhob plam kuv lub hwv tsam los txais tos tus Tswv qhov rov qab los. Thiab yog li ntawd, kuv thiaj li thov Vajtswv kom ua rau kuv thoob tsib kom kuv thiaj li hnov Nws lub suab.

Kuv tus txiv thiab kuv nyeem zaj lus no ntawm Vajtswv Tus Uas Muaj Hwj Chim Loj Kawg Nkaus cov lus tom qab noj hmo lawm: “‘Kev ntseeg Vajtswv’ txhais tau hais tias ntseeg hais tias muaj ib tug Vajtswv; qhov no yog qhov ntsiab lus uas yooj yim tshaj plaws txog kev ntseeg Vajtswv. Qhov tshaj ntawd, qhov kev ntseeg hais tias muaj ib tug Vajtswv tsis yog ib yam nkaus li qhov kev ntseeg Vajtswv tiag tiag; tab sis, nws yog ib yam kev ntseeg yooj yooj yim uas muaj lub tseem ntsiab zais tob rau sab kev ntseeg. Kev ntseeg Vajtswv tiag tiag mas txhais tau li nram no: Nyob rau qhov hauv paus keeb cag ntawm qhov kev ntseeg hais tias Vajtswv muaj hwj chim kav tag nrho txhua yam, yus tau ntsib tau pom Nws tej lus thiab tes hauj lwm, ntxuav yus tej moj yam uas qias vuab tsuab kom dawb huv, ua kom haum li Vajtswv txoj kev xav, thiab los paub Vajtswv. Tsuas yog tib txog kev taug ntawm hom zoo li no xwb mas thiaj li hu tau hais tias ‘kev ntseeg Vajtswv’” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej). Cov lus uas los ntawm Vajtswv los no mas zoo heev. Kuv pom tias txoj kev ntseeg tsis yog tsuas thov Vajtswv txhua hnub, mus koom tej rooj sib txoos ua ke thiab Kev Pe Hawn zoo li rab teev dhia xwb. Qhov ntawd kuj yog kev xyaum ua raws Vajtswv cov lus, muab peb tus moj yam qias vuab tsuab tshem tawm, thiab muaj kev paub tseeb txog Vajtswv thiab. Txoj kev ntseeg zoo li no mas thiaj li mus raws li Vajtswv txoj kev xav. Kuv yim xav txog qhov ntawd, ces kuv yim paub tias Vajtswv Tus Uas Muaj Hwj Chim Loj Kawg Nkaus cov lus mas zoo npaum li ntawd, tias tej lus ntawd yog qhov tseeb, thiab tsis yog qee yam uas ib tug ib neeg twg yuav hais tau. Kuv xav tias tej ntawd yuav tsum yog Vajtswv cov lus. Ces kuv thiaj li tsis tiv thaiv kuv lawm.

Ob peb hnub tom qab ntawd, Zag txawm tuaj rau tim peb lub khw ces kuv txawm hais kuv tej kev txhawj xeeb rau nws. Nws qhia kuv tias nws keev xav tib yam li ntawd thiab. Nws ntshai tsam raug tus Khetos cuav dag, yog li ntawd nws thiaj li qi muag nti mloog tus pov thawj hais thiab tsis mloog ib txoj moo zoo twg uas hais tias tus Tswv twb rov qab los lawm. Tab sis nws yeej tsis xav seb qhov tus pov thawj hais ntawd puas mus raws li tus Tswv cov lus li. Tus Tswv qhia peb tias cov Khetos cuav yuav dag tib neeg nyob rau hauv tiam kawg kom peb thiaj li kawm tias yuav paub cov Khetos cuav ntawd tau li cas. Tab sis tus pov thawj ntawd hais tsis yog li qhov Tswv Yexus hais lawm, qhia peb kom txhob tshuaj xyuas los sis txhob mloog ib qho xov xwm txog tus Tswv qhov rov qab los li. Tsis yog nws tas zog txwb peb kom txhob txais tos tus Tswv qhov rov qab los lod? Yog hais tias nws txhawj tsam peb raug ntxias dag, vim li cas nws thiaj li tsis qhia peb kom paub tus tseem Khetos los ntawm cov cuav mas? Yog hais tias peb ua tau li ntawd, ces peb yuav tsis raug coj mus yuam kev li. Qhov nws piav qhia ntawd ua rau kuv nkag siab zoo lawm. Tus pov thawj ntawd qhia peb kom ceev faj rau peb txoj kev tiv thaiv uas yeej tsis mus raws li qhov tus Tswv hais li thiab yog ib txoj kev dag kom peb txhob tau los txais tos Nws qhov rov qab los xwb. Kuv paub tias kuv yuav tsis lam qi muag nti mloog nws mus hais mus ntxiv lawm. Kuv yuav tsum tau ua ib tug nkauj xwb ntse thiab nrhiav Vajtswv lub suab los txais tos tus Tswv. Kuv hais kom Zag piav qhia rau kuv seb yuav paub tus tseem Khetos los ntawm cov cuav tau li cas. Ces nws txawm hais tias, “Tswv Yexus qhia lub hauv paus ntsiab lus rau peb los mus qhia tej ntawd ib qho zuj zus nyob rau hauv Mathai 24:24. Cov Khetos cuav thiab cov cev Vajtswv lus cuav yuav ua tej cim thiab tej txuj ci phim hwj. Qhov ntawd yog yam tseem ceeb uas lawv yuav ua nyob rau tiam kawg los dag tib neeg.” Tom qab ntawd nws nyeem ib zaj lus ntawm Vajtswv Tus Uas Muaj Hwj Chim Loj Kawg Nkaus cov lus rau kuv. “Yog tias, nyob rau niaj hnub no, muaj ib tug tib neeg los es muaj peev xwm ua tej cim thiab tej txuj ci phim hwj, ntiab dab tawm, kho cov muaj mob zoo, thiab ua ntau yam txuj ci tseem ceeb, thiab yog tias tus tib neeg no hais tias lawv yog Yexus tus uas tau los lawm, ces qhov no yuav yog ib qho cuav uas tsim los ntawm tej ntsujplig phem uas yog xyaum Yexus xwb. Nco ntsoov qhov no! Vajtswv tsis rov ua tes dej num qub dua lawm. Yexus theem ntawm tes dej num twb tau ua tiav log lawm, thiab Vajtswv yeej yuav tsis rov ua dua theem ntawm tes dej num no lawm. Vajtswv tes dej num yeej tsis ua raws li tib neeg tej kev xav phem kiag li; piv txwv li no, phau Vajluskub Qub twb tau qhia txog qhov yuav los ntawm tus Mexiyas, thiab qhov muaj tshwm sim ntawm lo lus faj lem no yog qhov Yexus los. Qhov no twb tau muaj tshwm sim los lawm, nws yuav yog qhov txhaum rau lwm tus Mexiyas rov los dua thiab. Yexus twb los ib zaug lawm, thiab nws yuav yog qhov txhaum yog tias Yexus rov los dua zaum no. Muaj ib lub pe rau txhua tiam, thiab txhua lub npe muaj ib tug yam ntxwv rau tiam ntawd. Nyob rau hauv tib neeg tej kev xav phem, Vajtswv yuav tsum ib txwm ua tej cim thiab tej txuj ci phim hwj, yuav tsum ib txwm kho cov muaj mob zoo thiab ntiab dab tawm, thiab yuav tsum ib txwm zoo li Yexus xwb. Tab sis zaum no, Vajtswv tsis zoo li ntawd kiag li. Yog tias, nyob rau tiam kawg, Vajtswv tseem ua tej cim thiab tej txuj ci phim hwj, thiab tseem ntiab dab tawm thiab kho cov muaj mob zoo—yog tias Nws ua tib yam xws nkaus li Yexus—ces Vajtswv yuav yog rov ua dua tib tes dej num qub xwb, thiab Yexus tes dej num yuav tsis muaj qab hau los sis tsis muaj nuj nqi li. Yog li, Vajtswv ua ib theem ntawm tes dej num hauv txhua txhua tiam. Thaum txhua theem ntawm Nws tes dej num tau ua tiav log lawm, nws raug cov ntsujplig phem muab coj los xyaum ua raws tsis ntev ntawd, thiab tom qab Ntxwgnyoog pib caum raws Vajtswv tej luj taws, Vajtswv hloov mus rau ib txoj kev txawv lawm. Thaum Vajtswv tau ua ib theem ntawm Nws tes dej num tiav log lawm, nws raug cov ntsujplig phem muab coj los xyaum ua raws. Nej yuav tsum pom tseeb txog qhov no” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Qhov Paub Vajtswv Tes Dej Num Hnub No). Tom qab nyeem zaj lus no lawm, Zag hais tias, “Vajtswv mas yeej tshiab tas li, yeej tsis qub li. Nws tsis rov qab ua Nws tes hauj lwm qub li. Txhua zaus Nws los ua tes hauj lwm mas, Nws yeej pib ib tiam tshiab thiab muab tiam qub xaus, coj tes hauj lwm tshiab dua, thiab siab dua los. Thaum Tswv Yexus ua Nws tes hauj lwm, Nws tsis rov qab ua tes hauj lwm ntawm Tiam Muaj Kev Cai dua lawm. Nws tsim raws li lub hauv paus ntawm tiam ntawd tes hauj lwm los txhiv tib neeg ntiaj teb dim. Nws pib Tiam Hmoov Hlub thiab muab Tiam Muaj Kev Cai xaus lawm. Yog hais tias tus Tswv los thiab rov qab ua tes hauj lwm qub ntawm kev txhiv dim nyob rau hauv tiam kawg, kho cov neeg muaj mob zoo, ntiab dab tawm, ua cov cim thiab tej txuj ci phim hwj, ces Vajtswv tes hauj lwm yuav ntsaus ntsho. Vajtswv Tus Uas Muaj Hwj Chim Loj Kawg Nkaus los rau tiam kawg, pib Tiam lub Nceeg Vaj thiab xaus Tiam Hmoov Hlub. Nws tab tom ua tes dej num ntawm kev txiav txim uas pib ntawm Vajtswv lub tsev mus raws li lub hauv paus ntawm tes dej num ntawm kev txhiv dim, hais tawm qhov tseeb los txiav txim thiab yaug tib neeg kom dawb huv, yog li ntawd peb thiaj li yuav dim plaws tej pob caus ntawm peb tus yeeb yam txhaum, raug yaug kom dawb huv, thiab raug Vajtswv cawm tau puv npo. Tab sis cov Khetos cuav mas yog cov ntsujplig phem thiab cov dab phem nyob hauv lub ntsiab tseeb. Txawm lawv yuav qhia tawm cov cim thiab cov txuj ci phim hwj dab tsi los xij, los sis txawm lawv yuav hu lawv tus kheej tias yog Vajtswv los xij, lawv tsis tuaj yeem nthuav tawm qhov tseeb los sis nthuav tawm Vajtswv cov lus. Tshwj xeeb ces thaum lawv tsis tuaj yeem pib tiam tshiab thiab xaus tiam qub. Cov Khetos cuav tuaj yeem qog raws tus Tswv cov qub lus thiab tes hauj lwm, qhia tawm tau qee yam cim thiab tej txuj ci phim hwj uas yooj yim, los sis hais tej yam phem kom mloog zoo li yog yam tiag los ntxias dag cov tib neeg uas tsis muaj kev thoob tsib. Tab sis Tswv Yexus tej txuj ci tseem ceeb xws li pub mov rau 5,000 leej neeg noj nrog tsib lub ncuav ci thiab ob tug ntshes xwb, cheem cua thiab dej hiav txwv, thiab ua kom Laxalau rov ciaj los ntawm txoj kev tuag mas yeej qog tsis tau li. Cov Khetos cuav yeej ua tsis tau tej yam zoo li ntawd li.” Qhov no yog kev qhuab qhia rau kuv. Kuv xav tias, “Kuv yeej tsis hnov ib qho kev piav qhia meej tseeb npaum li no txog qhov qhia tus tseem Khetos los ntawm cov cuav li. Vajtswv Tus Uas Muaj Hwj Chim Loj Kawg Nkaus cov lus yog qhov tseeb thiab tej lus ntawd qhib txoj kev taug rau tib neeg ua raws. Tam sis no kuv pom cov Khetos cuav tsuas qog tau tus Tswv tes hauj lwm ua tiav nyob rau yav dhau los thiab qhia tawm tej txuj ci tseem ceeb me ntsis los ntxias dag tib neeg lawm xwb. Tsuas yog Vajtswv xwb thiaj li tuaj yeem pib ib tiam tshiab thiab xaus tiam qub, thiab nthuav tawm qhov tseeb los txhawb peb xwb.”

Thaum ntawd Zag nyeem ob peb zaj lus ntawm Vajtswv Tus Uas Muaj Hwj Chim Loj Kawg Nkaus cov lus ntxiv. “Vajtswv rais los muaj cev nqaij daim tawv ces hu ua Khetos, thiab tus Khetos uas muaj peev xwm muab tau qhov tseeb rau neeg ces hu ua Vajtswv. Yeej tsis muaj dab tsi tshaj qhov no li, vim Nws muaj lub ntsiab tseeb ntawm Vajtswv, thiab muaj Vajtswv tus moj yam, thiab qhov kev txawj ntse nyob rau hauv Nws tej hauj lwm, uas tib neeg yeej tsis muaj li. Cov uas hu lawv tus kheej ua Khetos, tab sis ua tsis tau Vajtswv txoj hauj lwm, yog cov dag noj dag haus xwb. Khetos mas tsis lam yog tus uas Vajtswv tshwm sim los ua kiag nyob rau hauv ntiaj teb no nkaus xwb, tab sis tseem yog cev nqaij daim tawv uas Vajtswv siv thaum uas Nws ua Nws tes hauj lwm kom tiav hlo nyob nrog tib neeg. Lub cev no mas tsis muaj ib tug neeg twg uas yuav los hloov tau li, tab sis yog ib lub cev uas yeej ris tau Vajtswv tes hauj lwm hauv ntiaj teb, thiab qhia tau txog Vajtswv tus moj yam, thiab sawv cev Vajtswv tau zoo heev, thiab muab txoj sia rau tib neeg. Tsis yog tam sim no los yeej yog lwm hnub, cov uas ua txuj dag hais tias yog Khetos yeej yuav poob tsag, vim txawm hais tias lawv dag hais tias lawv yog Khetos, los lawv yeej tsis muaj lub ntsiab tseeb ntawm Khetos ib qho li. Thiab yog li ntawd Kuv thiaj hais tias qhov tseeb txog Khetos ntawd yeej tsis muaj ib tug neeg twg yuav muab tshab txhais tau li, tab sis tsuas yog raug teb thiab txiav txim siab los ntawm Vajtswv Tus Kheej xwb” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tsuas Yog Khetos ntawm Tiam Kawg Nkaus Xwb Mas Thiaj Yuav Muab Tau Txoj Kev ntawm Txoj Sia Ntev Dhawv Mus Ib Txhis Rau Tib Neeg). “Nws tus uas yog tus Vajtswv uas yug los ua neeg ntawd mas yuav muaj lub ntsiab tseem ceeb li Vajtswv, thiab Nws tus uas yog tus Vajtswv uas yug los ua neeg yuav muaj yam tshwm sim kom pom li Vajtswv. Vim Vajtswv rais los muaj cev nqaij daim tawv, Nws yuav coj tes hauj lwm Nws npaj siab yuav ua tawm los, thiab vim Vajtswv rais los muaj cev nqaij daim tawv, Nws yuav ua tawm kom pom hais tias Nws yog leej twg, thiab yuav muaj peev xwm coj qhov tseeb los rau tib neeg, muab txoj sia pub rau lawv thiab taw qhia txoj kev rau lawv. Lub cev nqaij daim tawv uas tsis muaj lub ntsiab tseem ceeb ntawm Vajtswv ces yeej tsis yog tus Vajtswv uas yug los ua neeg tiag tiag li; ntawm qhov no mas yeej muaj tseeb li ntawd. Yog tib neeg npaj siab nug seb nws puas yog tus Vajtswv uas yug los ua neeg lub cev nqaij daim tawv, ces lawv yuav tsum ua kom paub meej los ntawm tus moj yam uas Nws nthuav tawm thiab tej lus uas Nws hais. Ces hais tau hais tias, yuav kom paub meej hais tias seb qhov ntawd puas yog Vajtswv lub cev nqaij daim tawv uas Nws yug los rau los tsis yog, thiab seb qhov ntawd puas yog txoj kev tseeb los tsis yog, yus yuav tsum tau muab cais tawm ntawm lub hauv paus ntawm Nws lub ntsiab tseem ceeb. Thiab yog li ntawd, kev muab soj ntsuam xyuas seb nws puas yog lub cev nqaij daim tawv ntawm tus Vajtswv uas yug los ua neeg los tsis yog, tus yawm sij nyob rau hauv Nws lub ntsiab tseem ceeb (Nws tes hauj lwm, Nws tej lus hais tawm, Nws tus moj yam, thiab lwm cov yeeb yam), ntau dua qhov kev tshwm sim sab nraud. Yog tib neeg tsuas tshuaj xyuas Nws qhov kev tshwm sim nraud xwb, thiab ua li ntawd ces tsis saib zoo Nws lub ntsiab tseem ceeb, qhov no qhia tau hais tias tib neeg ces ruam heev thiab tsis paub dab tsi kiag li” (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej).

Tom qab nws nyeem qhov no rau kuv lawm, nws hais tias, “Khetos yog Vajtswv looj lub cev nqaij daim tawv li Neeg leej tub uas los tshwm thiab ua hauj lwm nrog tib neeg ua ke. Saib sab nrauv los, Nws zoo nkaus li ib tug neeg dog dig xwb, tab sis Nws lub ntsiab tseeb yog lub hwj huaj saum qaum ntuj. Vim li ntawd Nws thiaj li tuaj yeem nthuav tawm qhov tseeb thiab Vajtswv tus moj yam, thiab ua tes dej num ntawm kev txhiv dim thiab kev cawm tib neeg ntiaj teb. Tsis muaj tib neeg ntiaj teb yuav ua li ntawd tau li. Qhov tseem ceeb uas los paub txog tus tseem Khetos ntawd yog kev saib seb lawv puas tuaj yeem nthuav tawm qhov tseeb thiab ua tes dej num ntawm kev cawm dim. Qhov no yog qhov tseem ceeb tshaj plaws, yog lub hauv paus ntsiab lus uas tseem ceeb tshaj plaws. Thaum Tswv Yexus tshwm los ua hauj lwm lawm ces Nws zoo nkaus li ib tug neeg dog dig xwb, tab sis Nws nthuav tawm cov lus zais tob ntawm lub nceeg vaj saum ntuj ceeb tsheej thiab coj txoj kev lees txim hloov dua siab tshiab los. Nws qhia tib neeg kom hlub tus Tswv kawg lawv lub siab lub ntsws, thiab kawg lawv tus ntsuj, kom hlub lwm tus li hlub lawv tus kheej, kom zam txim rau tib neeg xya caum xya zaus. Nws nthuav Vajtswv txoj kev hlub, tus moj yam hlub tshua tawm thiab thaum kawg Nws raug ntsia rau saum tus ntoo khaub lig theej txhoj rau tib neeg ntiaj teb, yog li ntawd thiaj li yuav ua tiav tes dej num ntawm kev txhiv tib neeg ntiaj teb dim. Peb tuaj yeem ruaj siab los ntawm Tswv Yexus tes hauj lwm thiab cov lus, thiab tus moj yam uas Nws nthuav tawm tias Nws yog Khetos, Nws yog Vajtswv Tus Kheej nyob rau hauv cev nqaij daim tawv. Tam sim no Vajtswv Tus Uas Muaj Hwj Chim Loj Kawg Nkaus twb los rau hauv tiam kawg lawm thiab Nws ua tes dej num ntawm kev txiav txim uas yog pib ntawm Vajtswv lub tsev mus. Nws nthuav tawm tag nrho qhov tseeb uas tuaj yeem cawm tib neeg thiab yaug kom tib neeg dawb huv. Vajtswv Tus Uas Muaj Hwj Chim Loj Kawg Nkaus tau nthuav tawm tej lus zais tob ntawm Vajtswv txoj kev npaj cawm tib neeg 6,000 xyoo los cawm tib neeg ntiaj teb, peb mas raug Ntxwgnyoog ua qias vuab tsuab li cas, Vajtswv cawm peb ib kauj ruam zuj zus li cas, qhov lus zais tob ntawm Vajtswv qhov kev yug los ua neeg, qhov tseem ceeb ntawm Vajtswv tes dej num txiav txim nyob rau tiam kawg, Nws txiav txim rau tib neeg lub hom phiaj thiab qhov ua tau los li cas, Khetos lub nceeg vaj thiab muaj ntau yam tshwm sim rau hauv lub ntiaj teb tau li cas. Vajtswv Tus Uas Muaj Hwj Chim Loj Kawg Nkaus tsis yog tsuas nthuav tawm tej lus zais tob ntawm phau Vajluskub xwb, tab sis Nws kuj qhia tshwm thiab txiav txim rau lub hauv paus keeb cag uas ua rau tib neeg ua kev txhaum thiab tawm tsam Vajtswv thiab, uas yog peb tus yeeb yam phem thiab peb tus moj yam phem. Nws kuj nthuav tawm Nws tus moj yam ncaj ncees, dawb huv uas yuav tsis zam kev txhaum thiab qhia rau peb txog txoj hau kev los mus ntiab txoj kev txhaum tawm thiab raug ntxuav kom dawb huv. Nws qhia peb txog qhov yuav lees txim hloov dua siab tshiab li cas thiab yuav nkag mus rau hauv Vajtswv lub nceeg vaj li cas, peb yuav tsum muaj kev ntseeg li cas, thiab peb yuav tsum zwm rau Vajtswv thiab hlub Vajtswv li cas, qhov ua Nws txoj kev xav yog dab tsi, thiab ntau yam ntxiv. Vajtswv Tus Uas Muaj Hwj Chim Loj Kawg Nkaus tes hauj lwm nyob rau tiam kawg ntawd twb tau tsim ib pawg kov yeej lawm thiab tau tsim ntau qhov lus tim khawv txog txoj kev kov yeej Ntxwgnyoog lawm. Vajtswv Tus Uas Muaj Hwj Chim Loj Kawg Nkaus lub nceeg vaj txoj moo zoo tau muab tshaj tawm ntawm sab Hnub Tuaj mus rau Sab Hnoob Poob lawm, uas muaj tiav mus raws nraim li Tswv Yexus cov lus faj lem lawm: ‘Xob laim sab hnub tuaj tshwm mus rau sab hnub poob li cas: ces Neeg Leej Tub yuav tshwm los yuav zoo ib yam li ntawd’ (Lub Moo Zoo Raws Li Mas Tais 24:27). Qhov tseeb uas Nws nthuav tawm, tes dej num ntawm kev txiav txim uas Nws ua, thiab cov txiv ntawm Nws tes hauj lwm puav leej ua pov thawj qhia tau tias Nws yog tus Tswv Yexus uas rov qab los lawm. Nws yog qhov kev tshwm sim ntawm Khetos ntawm tiam kawg. Tsis muaj leej twg yuav tuaj yeem tsis lees qhov no li. Qhov ntawd yog nkaus li qhov Vajtswv Tus Uas Muaj Hwj Chim Loj Kawg Nkaus hais tias: ‘Nws cia Nws tes hauj lwm qhia hais tias Nws yog leej twg tiag xwb, thiab cia tej uas Nws thuav tawm qhia ntawd ua pov thawj rau Nws lub ntsiab tseeb xwb. Nws lub ntsiab tseeb tsis yog lam hais xwb; qhov uas Nws yog leej twg tiag ntawd mas tsis yog Nws ob txhais tes mus txeeb los; qhov ntawd yog los ntawm Nws tes hauj lwm thiab Nws lub ntsiab tseeb’ (Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Lub Ntsiab Tseeb Ces Yog Kev Mloog Lus Raws Leej Txiv Saum Ntuj Ceeb Tsheej Txoj Kev Xav). Cov Khetos cuav tsis muaj lub ntsiab tseeb uas muaj hwj huaj saum qaum ntuj thiab lawv tsis muaj peev xwm nthuav qhov tseeb tawm. Txawm lawv nias qees tias lawv yog Vajtswv, tias lawv yog Khetos los xij, qhov ntawd puav leej yog cuav thiab ntxias dag xwb. Kev caum raws lawv qab ces zoo li kev nce lub nkoj uas tub sab txhav ntag. Yuav tig rov qab tsis tau lawm. Txawm lawv yuav muaj qhov zoo li Khetos los xij, lawv tsuas ntxias dag tib neeg tau ib lub sij hawm xwb. Tsis ntev los sis sai lawv yeej yuav raug qhov tseeb muab qhia tshwm thiab raug kov yeej. Tsuas yog Khetos xwb thiaj li tuaj yeem nthuav tawm qhov tseeb thiab ua tes hauj lwm kev cawm tib neeg xwb. Vim li ntawd qhov tseem ceeb los paub tus tseem Khetos los ntawm cov cuav mas yog qhov saib seb lawv puas tuaj yeem nthuav tawm qhov tseeb thiab paub Vajtswv lub suab. Qhov ntawd mas tseem ceeb tshaj plaws.”

Kuv raug qhuab qhia ntau heev los ntawm qhov no lawm. Qhov tseem ceeb los mus paub tus tseem Khetos ces yog qhov saib seb lawv puas tuaj yeem nthuav tawm qhov tseeb, thiab yog tuaj yeem nthuav tawm, no ces qhov ntawd thiaj li yog Khetos, qhov ntawd thiaj li yog tus Tswv uas rov qab los lawm. Ib tug twg uas tsis tuaj yeem nthuav tawm qhov tseeb tab sis hais tias lawv yog Khetos mas yog ib tug Khetos cuav, ib tug neeg dag xwb. Kuv xav tias lub tswv yim ntawm kev thoob tsib no mas yooj yim thiab muaj qab hau kawg. Cas yuav yog ib txoj kev xyaum ua uas zoo ua luaj li! Vajtswv Tus Uas Muaj Hwj Chim Loj Kawg Nkaus cov lus mas yeej hais meej meej txog cov Khetos cuav los ntawm tus tseem Khetos lawm. Tej lus ntawd yeej yog qhov tseeb! Kuv xav txog qhov kuv ruam thiab tsis paub qab hau, tsuas ua qi muag nti mloog tus pov thawj lus xwb. Kuv tsis nrhiav los sis tsis tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm ntawm tiam kawg li, ntshai tsam raug tus Khetos cuav dag. Kuv mas tsis mloog Vajtswv lub suab li, yog li kuv yuav luag plam kuv lub hwv tsam los txais tos tus Tswv. Kuv mas tsuas ua kom txhua yam phem tuaj xwb thiab yog kiag ib tug nkauj xwb ruam ntag! Yog hais tias qhov ntawd tsis yog vim Vajtswv txoj kev hlub tshua thiab kev zam txim, thiab tsis yog vim kev khob kuv lub qhov rooj los ntawm cov neeg uas kuv hlub thiab vim Zag qhia txoj moo zoo zaum tas zaum thiab, ces kuv yuav tuav rawv txoj kev ntseeg mus tag kuv sim neej yam tsis hnov Vajtswv lub suab li los sis tsis tau txais tos tus Tswv qhov rov qab los li. Kuv ua tsaug rau Vajtswv txoj kev cawm dim tiag tiag!