8. Cov Kev Qhia Uas Kawm Tau Los Ntawm Cov Pawg Ntseeg Me

Lub hau xyoo tas los no, vim yog peb cov pawg ntseeg loj hlob tuaj lawm, ces tus thawj coj thiaj li txiav txim siab rov muab kuv thiab lwm tus neeg ua hauj lwm ua ke tej luag hauj lwm faib dua. Thaum xub thawj kuv tsis xav txog qhov ntawd luaj twg thiab, tab sis thaum kuv paub ntau ntxiv txog yam uas tab tom tshwm sim ntawd lawm, ces kuv pom tias tej uas kuv yuav los thaj tsob ntawd mas muaj teeb meem ntau tshaj. Cov tswv cuab feem coob tseem tsis tau muaj kev ruaj siab rau lawv txoj kev ntseeg, thiab tseem puav leej tsis tau xaiv tau tej thawj coj thiab tej tub leg num li. Tab sis cov pawg ntseeg uas Viv Ncaus Luv saib xyuas mas zoo tshaj kuv cov lawm. Cov ntseeg tshiab ntawd mas muaj lub hauv paus zoo thiab muaj peev xwm heev, thiab lawv tej thawj coj thiab tej tub leg num mas thaj tsob tiag tiag li. Kuv ua tsis tau li cas ces txawm pib khib nws. Kuv xav paub tias vim li cas es nws thiaj li tau cov pawg ntseeg zoo dua, hos kuv cov mas muaj teeb meem ntau ua luaj li. Nws yuav ua rau kuv siv zog heev li! Yog tias kuv tsis tuaj yeem daws thiab ua txhua yam, ces tus thawj coj yuav xav li cas rau kuv? Nws puas yuav hais tias kuv tsis muaj peev xwm thiab ua tsis tau ib yam dab tsi tiav li? Tej zaum nws yuav tsis hwm kuv heev lawm. Thaum xav li ntawd lawm mas ua rau kuv tsis txaus siab kiag li. Tom qab ntawd thaum mus rau ntawm cov pawg ntseeg ntawd tej kev sib txoos ua ke mas, yeej muaj ib qho teeb meem tas li uas yuav tau hais uas siv sij hawm ntau heev li. Ib pawg rau ib pawg los puav leej muaj tej teeb meem no. Kuv tsis tau pw txaus thiab kuv mas siv zog tiag tiag li. Kuv thiaj li xav tias tej yam uas Viv Ncaus Luv siv ib teev xwb twb ua tiav lawm ces kuv mas siv ob los sis peb teev diam. Kuv tus kheej tsis muaj peev xwm thiab tej kev txawjtxaus, tab sis cov pawg ntseeg mas muaj teeb meem ntau heev li. Tsis pom kuv ua tau nce qib li txawm tias siv txhua lub sij hawm thiab siv zog heev lawm los xij, yog li thaum tus thawj coj muab kuv tej txiaj ntsig piv rau tus Viv Ncaus Luv tej, ces nws yeej yuav xav tias kuv mas tsis luaj twg li, tias kuv ua tsis tau zoo thiab tsis piv Viv Ncaus Luv li. Kuv thiaj li muaj tus yam ntxwv tsis zoo nyob rau lub sij hawm ntawd thiab thaum uas kuv ntsib ib qho teeb meem twg ces kuv chim siab heev thiab ua txhaum kawg li. Kuv lub cev thiab lub siab mas sab heev li lawm. Yog li, kuv thiaj li los rau ntawm Vajtswv xub ntiag los thov thiab taij, hais tias, “Vajtswv, kuv paub tias Koj tau muab tes hauj lwm no faib lawm ces kuv tsim nyog zwm rau Koj tej kev npaj xwb, tab sis kuv pheej tseem tsis txaus siab li thiab. Thov qhia kuv kom to taub Koj txoj kev xav thiab kuv tus kheej txoj kev qias vuab tsuab os.”

Ces tom qab ntawd kuv thiaj li nyeem qee zaj ntawm Vajtswv cov lus, thiab muaj ib zaj mas raug kiag kuv tus yam ntxwv nyob rau lub sij hawm ntawd. Vajtswv hais tias, “Qhov muab lub nra ntxiv rau koj ntawd mas tsis yog ua kom txhua yam nyuaj rau koj, tab sis yog kiag qhov cheem tsum tau ntag: Qhov no yog koj tes dej num, yog li ntawd txhob sim tsawv thiab xaiv, los sis tsis kam lees, los sis khiav tawm ntawm qhov ntawd. Vim li cas koj thiaj li xav tias qhov ntawd nyuaj? Qhov tseeb tiag, yog hais tias koj sib zog me ntsis ntxiv xwb, ces koj yeej yuav ua tau qhov no lawm. Qhov uas koj xav tias nyuaj ntawd, thiab cuag nkaus li coj tsis ncaj rau koj, cuag nkaus li lom txwm ua kom nyuaj rau koj, mas yog kev nchuav tawm tus moj yam qias vuab tsuab, qhov no yog kev tsis kam lees ua koj tes dej num, thiab tsis kam txais ntawm Vajtswv los; qhov no tsis yog kev xyaum ua raws qhov tseeb. Thaum koj tsawv thiab xaiv koj tes dej num, qhov ua ib teg dej num uas tsis nyuaj thiab yooj yim, tes dej num uas ua rau koj zoo, ces qhov no yog Ntxwgnyoog tus moj yam qias vuab tsuab xwb. Yog hais tias koj tsis muaj peev xwm lees txais koj tes dej num, thiab tsis muaj peev xwm zwm rau, ces qhov no ua pov thawj qhia tau tias koj tseem ntxeev siab rau Vajtswv, tias koj tawm tsam, tsis kam lees txais yuav, zam kom dhau—uas yog ib tug moj yam qias vuab tsuab. Yog li ntawd thaum koj paub tias qhov no yog ib tug moj yam qias vuab tsuab lawm ces koj tsim nyog ua li cas? Thaum koj xav tias txoj hauj lwm uas muab rau lwm tus lawm mas yuav ua tiav tau yooj yim heev, hos txoj hauj lwm uas muab rau koj ntawd mas yuav ua rau koj khwv mus ntev loo, thiab koj yuav tau siv sij hawm ntau heev los tshawb fawb, qhov no thiaj li ua rau koj tsis zoo siab. Qhov ntawd puas yog tias koj tsis zoo siab lawm? Yeej tsis yog li. Yog li ntawd koj tsim nyog ua li cas thaum koj paub tias qhov no tsis yog lawm? Yog hais tias koj rov tig xav rau hauv siab, thiab xav tias, ‘Txhua zaus uas muab tej hauj lwm faib mas, kuv yeej tau tes hauj lwm uas nyuaj tshaj, phem tshaj, thiab dhuav neeg tshaj xwb. Lwm tus tib neeg mas ib txwm tau tej hauj lwm uas zoo, yooj yim, thiab ntxim nyiam tas li. Qhov no tsis yog ib qho kev yuam rau kuv lod? Qhov no mas tsis ncaj ncees li!’ Qhov koj xav li no mas tsis yog lawm. Tsis hais txog qhov tias txawm hais tias thaum faib tej hauj lwm ntawd es yuav muaj los sis tsis muaj kev txawv txav los sis yuav muaj los sis tsis muaj qab hau li cas los xij, qhov Vajtswv saib ntsoov yog dab tsi? Nws soj ntsuam tib neeg lub siab thiab saib seb puas muaj kev mloog lus nyob hauv lawv lub siab, seb lawv puas muaj peev xwm ris lub nra hnyav rau Vajtswv. Muab piv rau Vajtswv tej kev cheem tsum mas, koj tej kev hle ub hle no ntawd tsis muaj qab hau li, koj txoj kev ua koj tes dej num los tsis tau zoo raws li tus qauv li, thiab koj tsis muaj qhov muaj tiag ntawm qhov tseeb li. Koj tsis muaj kev mloog lus, thiab nyiam yws thaum koj ua ib txoj hauj lwm uas dhuav neeg los sis qias neeg. Qhov teeb meem nyob qhov twg? Ua ntej tshaj plaws, koj txoj kev xav mas tsis yog lawm. Txoj kev xav uas tsis yog no yog hais txog dab tsi? Hais txog qhov koj coj tus cwj pwm tsis yog rau koj tes dej num lawm ntag. Koj tsuas xav txog koj tus kheej txoj kev khav theeb thiab tej kev ntshaws xwb, koj yeej tsis xav txog Vajtswv txoj kev xav, thiab tsis muaj kev mloog lus li—uas tsis yog tus cwj pwm coj kom yog rau yus tes dej num lawm” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb). Thaum nyeem qhov no, ces kuv tig xav txog qhov uas kuv tau nthuav tawm ob peb hnub dhau los lawm. Thaum pom tias cov tswv cuab ntawm cov pawg ntseeg uas kuv tuav ntawd tsis muaj kev ruaj siab zoo thiab cov ua tau tes dej num tsis muaj pes tsawg tus, ces kuv tsis txaus siab kiag li. Tej thawj coj thiab tej tub leg num pauv leej tsis tau xaiv tau li thiab muaj ntau tes hauj lwm uas tswj nyuaj, yog li kuv tsis yog tsuas yuav tsum tau siv sij hawm thiab siv zog los ua txhua yam xwb, tab sis tej zaum tej yam yuav ua tsis tau zoo, ces tom qab ntawd yuav saib kuv tsis zoo thiab. Kuv tsuas xav tswj cov pawg ntseeg uas twb ua tau zoo lawm xwb, kom kuv thiaj li tsis tas yuav txhawj txog txhua yam thiab kuv thiaj li yuav ua tau txiaj ntsig yooj yim dua, es lwm tus thiaj li yuav hwm kuv dua. Kuv pheej xav tias qhov muab tes hauj lwm faib li ntawd mas tsis ncaj rau kuv lawm, tias Viv Ncaus Luv tau tes hauj lwm yooj yim uas yuav ua rau saib nws zoo heev, tab sis kuv tau tes hauj lwm nyuaj, sab. Kuv yuav tsis tau ntsej tau muag li. Yog li kuv thiaj li tawm tsam qhov ntawd heev thiab tsis xav lees txais qhov ntawd li. Tab sis los ntawm Vajtswv cov lus, ces kuv thiaj li pom tias txoj kev uas kuv xav txog ntawd yog kev tsis lees tes dej num ntawd lawm, xav xaiv qhov zoo thiab tsis xav ua ib yam twg uas tsis ua rau kuv muaj koob meej li. Kuv mas tsis mloog lus ib qho me me li. Kuv ib txwm xav tias kuv yeej rau siab thiab thaj tsob kuv tes dej num heev lawm, thiab kuv yeej tsis tau xav tias yuav raug qhia tshwm li ntawd li. Kuv pom tias kuv tej kev txhawb siab thiab tej kev xam pom hauv kev tes dej num tsis yog lawm. Tsis hais tias ua kom Vajtswv txaus siab hos, kuv ho xav kom lwm tus hwm thiab qhuas xwb. Kuv yuav tau txais Vajtswv txoj kev pom zoo los ntawm qhov muab tej kev xav ntawd zais rau hauv kuv tes dej num tau li cas?

Kuv nrhiav tau ib zaj lus los ntawm Vajtswv los. “Yog koj xav muab txhua yam uas koj ua fij rau kom ua tau zoo raws Vajtswv txoj kev xav, ces koj ua tsis tau ib teg dej num nkaus xwb; koj yuav tsum lees txais txhua cov lus txib uas Vajtswv muab tso rau koj. Txawm tias nws yuav raug raws los sis tsis raug raws li koj tej kev xaiv thiab poob rau hauv koj tej kev ntshaw thiab tsis poob los xij, los sis yog qee yam uas koj tsis xyiv fab ua los sis yeej tsis tau ua dua li, los sis yog qee yam uas nyuaj, los koj tseem yuav tau lees txais tej ntawd thiab zwm rau. Tsis yog koj yuav tsum tau lees txais tej ntawd nkaus xwb, tiam sis koj yuav tsum rau siab ntso koom tes, kawm txog tej ntawd, thiab paub tej ntawd thiab ua kom tau txais kev to taub qhov tseeb. Txawm tias koj tiv kev txom nyem los, txhob khav, raug txaj muag, thiab raug cais los, koj tseem yuav tsum tau muab koj qhov kev fij rau. Koj yuav tsum xam tej ntawd li yog koj tes dej num uas yuav tau ua kom tiav hlo, tsis yog tus kheej txoj hauj lwm, tiam sis li yog koj tes dej num ntag. Tib neeg tsim nyog to taub lawv tej dej num li cas? Yog tej yam uas tus Tswv Tsim—Vajtswv—muab rau lawv ua; qhov no yog tib neeg tej dej num los li cas los. Cov lus txib uas Vajtswv muab rau koj ntawd yog koj tes dej num, thiab tes dej num ntawd raug npaj tseg ua ntej los saum Ntuj Ceeb Tsheej thiab raug lees paub rau hauv lub ntiaj teb uas koj ua koj tes dej num raws li Vajtswv hais lawm. Yog koj pom tau tias koj tab tom txais Vajtswv cov lus txib, ces qhov ntawd yog Vajtswv txoj kev hlub thiab Vajtswv tej koob hmoov uas muab rau koj ntag, ces koj thiaj li muaj peev xwm lees txais koj tes dej num los lub siab uas hlub Vajtswv, thiab koj thiaj li muaj peev xwm mob siab txog Vajtswv txoj kev xav rau thaum koj ua koj tes dej num, thiab koj thiaj li muaj peev xwm kov yeej txhua yam kev nyuaj kom Vajtswv txaus siab. Cov uas muab fij rau Vajtswv tiag tiag ntawd yeej tsis muaj hnub yuav tsis kam lees txais Vajtswv cov lus txib, tsis muaj hnub uas lawv yuav tsis kam lees txais ib teg dej num li. Txawm Vajtswv muab tes dej num dab tsi tso rau koj los xij, txawm yuav muaj kev nyuaj dab tsi los xij, koj yuav tsum lees txais. Qhov no yog txoj kev xyaum ua, uas xyaum ua raws li qhov tseeb thiab ua lub neej raws txoj kev fij rau txhua yam, kom Vajtswv txaus siab. Tej kev dag uas tsi ntsees rau theem ntawm no nyob qhov twg? Nws yog nyob ‘hauv txhua yam.’ ‘Txhua yam’ tsis tau txhais tias yog tej yam uas koj nyiam los sis ua tau zoo, yog tej yam uas koj haj yam swm tsawg. Tej thaum, koj ua tsis tau qee yam zoo, tej thaum koj yuav tsum tau kawm, tej thaum koj yuav ntsib tej kev nyuaj thiab tej thaum koj yuav tsum tiv kev txom nyem. Txawm li cas los xij, txawm yuav yog txoj hauj lwm dab tsi los xij, tsuav nws yog raug txib ntawm Vajtswv los xwb, ces koj yuav tsum lees txais tej ntawd los ntawm Nws, txais tes dej num ntawd thiab ua tes dej num ntawd kom zoo, xws li tias koj ua lub neej raws li koj txoj kev pe hawm thiab kom tau zoo raws Vajtswv txoj kev xav: Qhov no yog txoj kev xyaum ua raws. Txawm yuav muaj dab tsi tshwm sim rau koj los xij, koj yuav tsum nrhiav qhov tseeb tas li thiab kiag thaum koj paub meej tias hom twg ntawm kev xyaum ua raws uas haum raws li Vajtswv txoj kev xav lawm, ces koj yuav tsum xyaum ua raws tej ntawd. Tsuas yog ua li no nkaus xwb thiaj li yog qhov kev xyaum ua raws qhov tseeb, thiab tsuas yog thaum ntawd xwb koj thiaj li to taub qhov muaj tiag ntawm qhov tseeb” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Ntu Peb). Thaum nyeem qhov no, ces kuv paub tias qhov no muaj tseeb. Ib teg dej num los ntawm Vajtswv los, ces yog Nws txoj lus txib peb thiab yog peb lub luag hauj lwm. Txawm tias nws nyuaj npaum li cas los sis muaj lub koob meej me npaum li cas los xij, qhov ntawd yog peb lub nra uas peb yuav tsum tau lees txais. Qhov ntawd yog tus cwj pwm uas peb yuav tsum tau muaj, thiab nws yog qhov laj thawj uas ib tug neeg raug tsim tawm los yuav tsum tuav rau ntawm Vajtswv xub ntiag. Cov pawg ntseeg uas kuv tswj ntawd mas tsis yog qhov kuv xav tau thiab yuav tsis tau raws li qhov kuv ntsaws lub meej mom, tab sis qhov no yog qhov Vajtswv tso cai. Kuv yuav tsum tau lees txais cov lus txib ntawd, thiab tso txoj kev nqis tes ua kuv tes dej num los ntawm kev xam pom tsis yog ntawd tseg. Kuv thiaj li los rau ntawm Vajtswv xub ntiag los thov Vajtswv, xav los zwm rau Nws tej kev npaj, los ua txhua yam uas kuv ua tau hauv kuv tes dej num, saib xyuas cov ntseeg tshiab kom zoo, thiab pab kom lawv muaj txoj kev tseeb sai. Kuv tus cwj pwm coj rau kuv tes dej num ntawd thiaj li zoo me ntsis tuaj tom qab thov Vajtswv tag thiab kuv thiaj li tsis chim siab heev lawm.

Tau ib ntus tom qab ntawd, ces thiaj li tsa tau ntau pawg ntseeg zuj zus tuaj lawm, yog li tus thawj coj thiaj li muab peb tej luag hauj lwm faib dua. Raws li cov pawg ntseeg nyob rau hauv kuv thaj tsam, tsuas muaj ib tug thiaj li ua tau zoo zog xwb thiab tib tug viv ncaus uas ua tes hauj lwm saib xyuas tau zoo ntawd raug muab xa mus rau lwm tus neeg saib xyuam lawm. Kuv mas chim tiag tiag li thiab tsis zoo siab rau qhov ntawd kiag li. Kuv hnov zoo li lawv to taub txog kuv qhov xwm txheej zoo heev lawm, tias kuv tau tuav cov pawg ntseeg uas muaj teeb meem tshaj plaws thiab kuv twb ua hauj lwm hnyav heev lawm. Qhov nrhiav tau tus viv ncaus uas saib xyuas tau zoo ntawd mas tsis yooj yim kiag, thiab nws raug muab coj mus lawm, yog li kuv yuav ua ib yam twg hauv kuv tes hauj lwm kom tiav tau li cas? Yog kuv pheej peem kom tau txais tej txiaj ntsig zoo xwb, lwm tus yuav xav li cas rau kuv? Lawv yuav xav tias kuv ruam thiab ua tsis tau kom txhua yam tiav li. Qhov ntawd yuav ua rau txaj muag heev! Tom qab ntawd kuv yuav tawm kuv lub ntsej muag rau hauv tej rooj sib tham rau cov neeg ua hauj lwm ua ke tau li cas? Thaum xav li no rau hauv kuv lub siab lawm ua rau kuv los kua muag. Kuv kuj paub tias kuv yuav tsis txaus siab thiab tsis mloog lus dua lawm. Kuv thiaj li txhos caug ntua thov Vajtswv kiag tam sid, thiab pib tig xav txog kuv tus kheej. Ces kuv thiaj li nyeem ib zaj lus ntawm Vajtswv cov lus. “Txawm tias lawv yuav ua tes hauj lwm twg los xij, hom tib neeg uas yog ib tug tawm tsam Khetos ntawd mas yeej tsis xav txog tej kev ntshaw ntawm Vajtswv lub tsev li. Lawv tsuas xav tias seb lawv tus kheej tej kev ntshaws puas raug cuam tshuam xwb, tsuas xav txog tes hauj lwm me me nyob ntawm lawv hau ntej uas muaj txiaj ntsim rau lawv xwb. Rau lawv mas, pawg ntseeg tes hauj lwm tseem ceeb tsuas yog qee yam uas lawv ua rau thaum lawv xyeej sij hawm xwb. Lawv tsis mob siab ua tes hauj lwm ntawd hlo li. Lawv tsuas lam ua xwb, tsuas ua qhov lawv nyiam ua xwb, thiab tsuas ua tes hauj lwm kom tuav tau lawv txoj hauj lwm thiab lub hwj chim xwb. Raws li qhov lawv xam pom mas, ib teg hauj lwm uas Vajtswv lub tsev npaj, tes hauj lwm tshaj tawm txoj moo zoo, thiab kev to taub lub neej txoj sia ntawm cov neeg Vajtswv xaiv mas tsis tseem ceeb li. … txawm cov tawm tsam Khetos ua tes dej num dab tsi los xij, txhua yam uas lawv xav txog ces yog qhov seb puas txhawb nqa tau lawv lub suab npe xwb; tsuav yog txhawb nqa tau lawv lub koob lub npe xwb, ces lawv yuav tawm tswv yim nrhiav kev los xyaum ua qhov ntawd, los ua kom tshwm sim; txhua yam uas lawv txhawj txog mas yog qhov seb qhov ntawd puas ua rau lawv zoo dua lwm tus. Txawm tias lawv yuav ua dab tsi los sis xav li cas los xij, lawv tsuas txhawj rau lawv tus kheej lub suab npe thiab lub meej mom xwb, lawv tsuas sib tw seb leej twg nyob siab dua los sis qis dua, leej twg muaj yeej los sis leej twg swb, leej twg muaj koob muaj npe loj dua xwb. Lawv tsuas txhawj txog seb muaj tib neeg pes tsawg leej hwm lawv, muaj tib neeg pes tsawg leej mloog lawv lus, thiab muaj cov raws lawv qab pes tsawg leej xwb. Lawv yeej tsis qhia qhov tseeb los sis daws tsis tau tej teeb meem tiag li. Lawv yeej tsis xav tias yuav ua txhua yam kom haum raws li lub hauv paus ntsiab lus thaum ua yus tes dej num li, seb lawv puas muaj kev ncaj ncees, ua lawv lub luag hauj lwm puas tiav, ua puas tau qhov zoo txawv, los sis seb puas pom muaj ib qho teeb meem tshwm sim, thiab seb lawv xav li cas rau qhov Vajtswv hais, thiab Vajtswv txoj kev xav yog dab tsi li. Lawv yeej tsis muaj kev mob siab rau tej no ib qho me me kiag li. Lawv tsuas nyo hau nris ua txhua yam txhawm rau lub meej mom thiab lub ntsej lub muag, kom tau raws li lawv tus kheej tej kev ntshaw thiab qhov xav tau xwb. Qhov no yog kev qhia tshwm txog txoj kev twm xeeb thiab kev phem, tsis yog lod? Qhov no qhia tshwm tag nrho txog lawv lub siab lub ntsws nrog lawv tej kev ntshaw, tej kev xav tau, thiab tej kev tim tsum uas tsis muaj qab hau; txhua yam lawv ua raug tswj los ntawm lawv tej kev ntshaw thiab tej kev xav tau lawm. Txawm lawv ua dab tsi los xij, kev txhawb siab thiab theem pib mas yog lawv tus kheej tej kev ntshaw, tej kev xav tau, thiab tej kev tim tsum uas tsis muaj qab hau. Qhov no yog kev qhia tshwm txog txoj kev twm xeeb thiab kev phem” (Txoj Lus, Phau 4. Kev Nthuav Tawm Cov Tawm Tsam Khetos. Lub Ntsiab Tseeb Plaub: Qhov Muab Cov Tawm Tsam Khetos Tus Cwj Pwm thiab Lub Ntsiab Tseeb ntawm Lawv Tus Moj Yam Zoj Zog Los Hais Ua Lub Ntsiab (Ntu Ib)). Vajtswv cov lus tham txog tias cov tawm tsam Khetos mas siab nqaim thiab phem npaum li cas, tias lawv muaj lawv tus kheej tej kev muab hlob thiab tej kev ntshaws nyob hauv lawv tes dej num thiab ib txwm tiv thaiv lawv tus kheej tej kev ntshaw rau hauv lawv txoj kev nqis tes ua txhua yam. Txawm tias lawv ua tes dej num dab tsi los xij, lawv yeej tsis xav txog Vajtswv txoj kev xav, yuav ua lawv tes dej num kom zoo, los sis ua kom paub meej tias tes hauj lwm ntawm Vajtswv lub tsev tsis raug kev txom nyem li cas. Lawv tsuas xav txog lub suab npe thiab lub meej mom xwb, tsis xav txog pawg ntseeg li. Hais txog kuv tus cwj pwm mas, thaum pom tias cov pawg ntseeg hauv kuv txoj kev saib xyuas ntawd muaj teeb meem ntau heev, ces thawj yam uas nyob hauv kuv lub siab tsis yog qhov seb yuav vam khom rau Vajtswv li cas es thiaj li ua tau kuv qhov zoo tshaj plaws los txhawb cov pawg ntseeg ntawd, tab sis nws yog kuv txoj kev ntshai tsam ua tsis tau zoo thiab muaj lwm tus thuam kuv, uas yuav yog ib qho kev txaj muag. Kuv mas tawm tsam thiab tsis zoo siab rau qhov muab tes hauj lwm ntawd faib, thiab haj tseem tsis mob siab rau kuv tes dej num li thiab. Thaum kuv paub tias tus viv ncaus ua tau tes hauj lwm zoo uas kuv saib xyuas ntawd yuav raug xa mus rau lwm qhov lawm, ces kuv thawj qhov kev xav yog qhov tias kuv yuav plam ib tug neeg ua tau hauj lwm zoo, yog li kuv tus kheej tej kev ua tiav hauv tes hauj lwm yuav plam mus. Ces tus thawj coj yuav xav tias kuv ruam thiab kuv tsis to taub pawg ntseeg tes hauj lwm. Kuv thiaj li paub tias txhua yam uas kuv xav txog hauv kuv tes dej num ntawd mas yog kuv tus kheej lub suab npe thiab tej kev ntshaw xwb, kuv yuav khiav saum cov dej khov yam tsis siv zog ntau, es tseem ua tau zoo thiab tau txais lwm tus txoj kev qhuas li cas. Kuv tsis saib rau qhov tseem ceeb ntawm pawg ntseeg tes hauj lauj lwm. Kuv mas siab nqaim heev, thiab qhov ntawd yog ib tug tawm tsam Khetos tus moj yam xwb. Thaum ua tib zoo xav txog qhov ntawd lawm, ces kuv thiaj li paub tias qhov muab kuv tso ua tus saib xyuas cov pawg ntseeg uas nyuaj dua ntawd yog Vajtswv txoj kev xav. Cov pawg ntseeg uas muaj cov ntseeg los tshiab uas tseem tsis tau teeb tsa ntawd cheem tsum kom kuv vam khom rau Vajtswv thiab nrhiav qhov tseeb kom ntau los daws txhua txoj kev nyuaj ntawd ntxiv. Kuv kuj yuav tsum tiv kev txom nyem kom ntau los txhawb lawv ntxiv thiab, kom lawv thiaj li yuav paub qhov tseeb txog Vajtswv tes hauj lwm thiab tau txais lub hauv paus rau txoj hau kev tseeb. Qhov ntawd yog ib txoj kev cob qhia uas zoo heev rau kuv. Thiab txhua yam yim nyuaj, ces nws yim yuam kom kuv los cuag Vajtswv los nrhiav qhov tseeb thiab nrhiav kev daws, yog li kuv thiaj li yuav paub ntau qhov tseeb los ntawm qhov ua li ntawd. Qhov ntawd zoo rau kuv txoj kev to tuab lub neej txoj sia. Ces kuv thiaj li paub tias tes dej num ntawd tsis yog leej twg tas zog ua kom txhua yam nyuaj rau kuv, tab sis Vajtswv pom zoo rau qhov ntawd thiab qhov ntawd muaj txiaj ntsim rau kuv. Kuv yuav tsum tau lees txais qhov ntawd thiab zwm rau, thiab muab kuv lub siab tso rau qhov ntawd. Qhov paub li no tau pab kom kuv hloov kuv tus cwj pwm, thiab kuv tsis xav phem ntxiv lawm.

Tom qab ntawd kuv thiaj li nyeem lwm zaj lus ntawm Vajtswv cov lus uas pab kuv to taub kuv qhov teeb meem zoo tshaj qub. Vajtswv Tus Uas Muaj Hwj Chim Loj Kawg Nkaus hais tias, “Yog ib tug twg hais tias lawv nyiam qhov tseeb thiab tias lawv nrhiav qhov tseeb, tab sis nyob hauv lub ntsiab tseeb, lub hom phiaj uas lawv nrhiav yog ua kom paub lawv tus kheej, khav theeb, ua kom tib neeg hwm lawv, kom ua tiav lawv tus kheej tej kev ntshaw, thiab kev ua lawv tes dej num mas tsis yog mloog Vajtswv lus los sis ua kom Vajtswv txaus siab li, tiam sis ho ua kom tau lub ntsej lub muag thiab lub meej mom xwb, ces lawv txoj kev nrhiav thiaj li tsis raug cai. Vim muaj li ntawd, ces thaum tham txog pawg ntseeg tes hauj lwm, lawv tej kev ua puas yog ib qho kev cuam tshuam, los sis lawv puas pab ua kom nce qib mus rau tom ntej? Pom meej tseeb tias lawv yog ib qho kev cuam tshuam; lawv ua tsis tau kom nce qib mus rau tom ntej li. Ib txhia tib neeg tuav tus chij ntawm kev ua pawg ntseeg tes hauj lwm tiam sis tsuas nrhiav lawv tus kheej lub ntsej lub muag thiab lub meej mom xwb, leg lub hauj lwm rau lawv tus kheej, tsim pab pawg me me rau lawv tus kheej, tsim lub nceeg vaj me me rau lawv tus kheej—hom neeg no puas ua lawv tes dej num? Tag nrho tes hauj lwm uas lawv ua ntawd mas tsuas yog cuam tshuam, tab kaum, thiab rhuav tshem pawg ntseeg tes hauj lwm xwb. Qhov lawv nrhiav lub meej mom thiab lub ntsej lub muag ntawd yuav tau dab tsi los? Ua ntej tshaj, qhov no yuav raug rau cov neeg Vajtswv xaiv txoj kev noj thiab kev haus Vajtswv txoj lus thiab kev to taub qhov tseeb, qhov ntawd tav lawv txoj kev to taub lub neej txoj sia kev lawm, qhov ntawd cheem kom lawv txhob taug tau txoj kev ntseeg Vajtswv uas yog, thiab ua rau lawv taug txoj kev uas tsis yog—uas yuav ua rau cov neeg xaiv tseg ntawd piam sij, thiab coj kev puas tsuaj los rau lawv. Thiab thaum kawg qhov ntawd yuav muaj feem xyuam li cas rau pawg ntseeg tes hauj lwm? Qhov ntawd yog kev faib cais, kev cuam tshuam thiab kev tshwm sim tsis zoo. Qhov no yog qhov tau los ntawm tib neeg txoj kev nrhiav suab npe thiab lub meej mom. Thaum lawv ua lawv tes dej num li no lawm, tsis yog qhov no txhais tau tias tab tom taug ib tug tawm tsam Khetos txoj kev lod? Thaum Vajtswv hais kom tib neeg tso lub meej mom thiab lub ntsej lub muag tseg, qhov ntawd tsis yog Nws tav tib neeg kev kom txhob muaj cai los xaiv; tab sis, nws yog vim hais tias, thaum nrhiav lub ntsej lub muag thiab lub meej mom, tib neeg tab kaum thiab cuam tshuam pawg ntseeg tes hauj lwm thiab kev to taub lub neej txoj sia ntawm cov neeg Vajtswv xaiv, thiab haj yam cuam tshuam rau lwm tus txoj kev noj thiab kev haus Vajtswv cov lus, kev to taub qhov tseeb, ces thiaj li tau txais Vajtswv txoj kev cawm dim. Qhov no yog ib qho tseeb uas hloov tsis tau. Thaum tib neeg nrhiav lub ntsej lub muag thiab lub meej mom rau lawv tus kheej, ces paub tseeb tias lawv yuav tsis nrhiav qhov tseeb thiab tias lawv yuav tsis ua lawv tes dej num kom ncaj ncees. Lawv tsuas tham lus thiab ua rau lub ntsej lub muag thiab lub meej mom xwb, thiab tag nrho tes hauj lwm lawv ua, ces yog txhawm rau tej ntawd, yam tsis muaj kev zam ib qho me me li. Kev coj thiab kev ua zoo li ntawd mas yog, yam tsis muaj lus nug li, taug cov tawm tsam Khetos txoj kev lawm; qhov ntawd yog ib qho kev tab kaum thiab kev cuam tshuam Vajtswv tes hauj lwm, thiab tag nrho tej uas tau los ntawd mas cuam tshuam txoj kev tshaj tawm lub nceeg vaj txoj moo zoo thiab Vajtswv txoj kev xav nyob hauv pawg ntseeg. Yog li ntawd, yus yuav hais tau tseeb tias txoj kev uas cov nrhiav lub ntsej lub muag thiab lub meej mom taug ntawd mas yog txoj kev tawm tsam Vajtswv. Qhov ntawd mas txhob txwm tawm tsam Nws ntag, tsis hais dab tsi rau Nws li—qhov ntawd yog sib koom tes nrog Ntxwgnyoog nyob rau hauv txoj kev tawm tsam Vajtswv thiab ua yeeb ncuab rau Nws. Qhov no yog tus yeeb yam ntawm tib neeg txoj kev nrhiav lub meej mom thiab lub ntsej lub muag. Qhov teeb meem uas ntsig txog tib neeg txoj kev nrhiav lawv tus kheej tej kev ntshaw ces lub hom phiaj uas lawv nrhiav ntawd yog Ntxwgnyoog lub hom phiaj—tej ntawd yog lub hom phiaj uas lim hiam thiab tsis ncaj ncees. Thaum tib neeg nrhiav tus kheej tej kev ntshaws xws li lub ntsej lub muag thiab lub meej mom, lawv cia li rais los ua Ntxwgnyoog ib qho kev siv yam ras tsis txog lawm, lawv rais los ua ib txoj kev rau Ntxwgnyoog, thiab tshaj qhov ntawd, ces lawv rais los ua Ntxwgnyoog tus duab lub cev lawm. Lawv tuav ib teg hauj lwm phem nyob rau hauv pawg ntseeg; rau pawg ntseeg tes hauj lwm, thiab rau pawg ntseeg lub neej uas ib txwm muaj thiab rau txoj kev nrhiav ntawm cov neeg Vajtswv xaiv, qhov kev cuam tshuam uas lawv ua yog tab kaum thiab rhuav tshem; lawv muaj ib qho kev cuam tshuam tsis zoo thiab phem. Thaum ib tug twg nrhiav qhov tseeb, lawv muaj peev xwm ua tig zoo xav txog Vajtswv txoj kev xav, thiab mob siab rau Vajtswv lub nra. Thaum lawv ua lawv tes dej num, lawv txhawb nqa pawg ntseeg tes hauj lwm rau txhua fab. Lawv muaj peev xwm qhuas Vajtswv thiab ua tim khawv rau Vajtswv, lawv coj txiaj ntsim los rau cov kwv tij thiab cov muam, thiab txhawb nqa lawv, thiab pab cuam rau lawv, ces Vajtswv thiaj li tau txais lub yeeb koob thiab lus tim khawv, uas ua rau Ntxwgnyoog txaj muag. Vim lawv txoj kev nrhiav, Vajtswv thiaj li tau txais ib tug uas raug tsim tawm los uas muaj peev xwm hwm Vajtswv thiab ntxub dab phem tiag tiag, uas muaj peev xwm pe hawm Vajtswv. Vim lawv txoj kev nrhiavib yam nkaus thiab es thiaj li ua tiav Vajtswv txoj kev xav, thiab muaj peev xwm ua rau Vajtswv tes hauj lwm nce qib tau. Raws li qhov Vajtswv xam pom mas, qhov kev nrhiav zoo li ntawd yog qhov zoo, yog qhov ncaj ncees. Qhov kev nrhiav zoo li ntawd yeej muaj txiaj ntsim tshaj plaws rau cov neeg Vajtswv xaiv, thiab muaj txiaj ntsim tag nrho rau pawg ntseeg tes hauj lwm huv si, qhov ntawd pab txhawb pawg ntseeg tes hauj lwm mus rau tom ntej, ces Vajtswv thiaj li qhuas” (Txoj Lus, Phau 4. Kev Nthuav Tawm Cov Tawm Tsam Khetos. Yam Cuaj: (Ntu Ib)). Qhov no ua rau kuv to taub ntxiv txog kuv txoj kev caum tus kheej txoj kev ntshaw. Kuv thiaj li paub tias thaum tib neeg ua li ntawd, ces yog lawv tab tom sawv cev ua tam Ntxwgnyoog ntag, ua ib yam cuab yeej rau nws los tab kaum pawg ntseeg tes hauj lwm. Thaum i kuv xav tias tsuas yog qhov ua tej yam phem uas pom tseeb kiag, qhov khuam pawg ntseeg tes hauj lwm thiab pawg ntseeg lub neej yam meej ntsiav xwb mas thiaj li yog qhov ua li Ntxgnyoog ib tug qhev. Tab sis tom qab ntawd kuv pom lawm tias yog peb tsuas caum raws tus kheej tej kev ntshaw hauv peb tes dej num xwb es tsis xav txog pawg ntseeg tej kev ntshaw li, ces peb tsuas yuav muaj kev cuam tshuam tsis zoo rau pawg ntseeg tes hauj lwm thiab raug tab kaum xwb. Kuv thiaj li xav txog qhov kuv nthuav tawm nyob rau hauv kuv tes dej num, thiab txawm tias nws zoo li kuv yeej tsis tau nyob, tias kuv ua tau qee tes hauj lwm hnyav thiab ua hauj lwm lig, thiab kuv yeej tsis tau ua ib yam dab tsi tab kaum kom uas pom tseeb kiag li los xij, kuv yeej tsis muaj tej kev txhawb kom yog rau kuv tes dej num li. Qhov ntawd tsis yog ua kom Vajtswv txaus siab, tab sis qhov ntawd yog ib qho siv zog ua kom tau ntsej muag thiab tau txais lwm tus txoj kev qhuas xwb. Thaum kuv tsis nyiam qhov uas muab tes hauj lwm ntawd faib, ces kuv yeej tsis txaus siab thiab tsis xav ua kiag li. Kuv cia li tsis zwm thiab xav txog qhov ua tes dej num ntawd kom zoo, los sis qhov muab kev txhawb tej nus thiab tej viv ncaus kiag tam sim ntawd li. Yog tsis paub txog qhov ntawd, ces ntshe kuv twb tab kaum peb tes dej num txhawb siab lawm. Qhov tseeb mas yog qhov tias kuv muaj kev ntsib kev pom ntau dua kuv tej neeg ua hauj lwm ua ke lawm. Ib txhia viv ncaus mas tseem tshiab rau tesj hauj lwm thiab tsis tau swm rau pawg ntseeg tes hauj lwm, yog li qhov muab cov pawg ntseeg thiab cov neeg txhawb siab zoo dua rau lawv tuav mas zoo rau peb tes hauj lwm tag nrho. Tab sis kuv mas siab nqaim, xav tuav cov pawg ntseeg thiab cov neeg txhawb siab zoo dua ntawd rau hauv kuv txoj kev saib xyuas xwb. Tab sis yog tias txhua yam mus raws li qhov kuv xav thiab muab cov neeg ua hauj lwm ua ke tshiab ntawd tuav cov pawg ntseeg uas muaj teeb meem dua, ces tes hauj lwm yuav raug kev txom nyem thiab tes hauj lwm ntawd yuav ua tsis tau zoo, uas yuav tsis zoo rau pawg ntseeg. Kuv cov pawg ntseeg mas muaj teeb meem ntau dua, tab sis tseeb tiag ces nws yog txoj kev cob qhia zoo heev rau kuv. Kuv tsuas siv zog me ntsis ntxiv xwb ces ua tau qee yam ntawm tej ntawd tiav lawm, ces peb qhov ua tau zoo tag nrho ntawd yuav zoo tuaj lawm. Qhov ntawd tsis yog txoj kev npaj uas zoo tshaj plaws lod? Ces kuv thiaj li mam paub tias tes dej num no coj qhov kaj los rau kuv txoj kev siab nqaim, phem thiab kev xav yam tsis muaj qab hau li cas. Kuv kuj pom tias yog kuv muaj tus kheej tej kev ntshaw hauv kuv tes dej num, ces qhov ntawd tsuas yuav ua piam sij rau pawg ntseeg tes hauj lwm xwb. Nyob rau yav tag los ntawd, kuv tsuas caum raws lub suab npe thiab lub meej mom, thiab tus kheej tej kev ntshaws hauv kuv tes dej num xwb, thiab tau ua txhaum lawm. Yog tias zaum no kuv tsis hloov, tab sis pheej tawv qhawv tiv thaiv kuv tus kheej tej kev ntshaw xwb, ces kuv paub tias kuv yuav ua mob rau pawg ntseeg tes hauj lwm dua, thiab Vajtswv yuav tsis lees paub. Qhov no yog ib txoj kev xav uas ua rau kuv ntshai. Kuv thiaj li los cuag Vajtswv los thov thiab lees txim hloov dua siab tshiab. Kuv hais tias, “Vajtswv, hauv kuv tes dej num mas kuv ua tsis tiav ib yam dab tsi li tab sis tiv thaiv kuv tus kheej tej kev ntshaw yam tsis xav txog pawg ntseeg tes hauj lwm los sis Koj txoj kev xav li. Raws li kuv txoj kev ua neej mas, kuv tsis tsim nyog tau txais ib teg dej num li lawm. Vajtswv, kuv xav los lees txim hloov siab tshiab tiag tiag li.”

Ces kuv thiaj li nyeem ib zaj ntawm Vajtswv cov lus tom qab ntawd uas ua rau kuv muaj ib txoj kev to taub tiag tiag lawm. “Rau ntawm nej txhua tus uas ua nej tes dej num puv npo, txawm tias koj yuav nkag siab qhov tseeb zoo npaum li cas los sis nkag siab ntiav li cas los xij, txoj hau kev ntawm kev xyaum ua uas yooj yim tshaj plaws kom to taub qhov muaj tiag ntawm qhov tseeb mas yuav tsum xav txog tej kev ntshaw ntawm Vajtswv lub tsev hauv txhua yam, thiab tso koj tej kev ntshaw ntawm tej kev twm xeeb, koj tus kheej tej kev xav, tej kev txhawb siab ntsws, kev khav theeb, thiab lub meej mom tseg. Muab tej kev ntshaw ntawm Vajtswv lub tsev tso ua ntej tshaj—qhov no yog qhov tsawg kawg nkaus uas yus yuav tsum tau ua. Yog ib tug neeg ua lawv tes dej num tsis tuaj yeem ua tau ntau li qhov no, ces lawv muaj peev xwm hais tau tias yuav ua lawv tes dej num tau li cas? Qhov no tsis yog ua yus tes dej num. Koj yuav tsum xav txog tej kev ntshaw ntawm Vajtswv lub tsev ua ntej tshaj plaws, ua twb zoo xav txog Vajtswv txoj kev xav, thiab xav txog pawg ntseeg tes dej num, thiab muab tej kev xav no xav ua ntej thiab tseem ceeb tshaj plaws; tsuas yog tom qab ntawd nkaus xwb koj thiaj li tuaj yeem xav txog kev ruaj khov ntawm koj lub meej mom los sis lwm tus pom koj li cas. Nej tsis xav tias nws yuav ua rau yooj yim dua thaum nej muab nws faib ua cov kauj ruam no thiab sib cog lus rau qee yam los? Yog koj xyaum ua zoo li no mus ib ntus, koj yuav hnov tias kev ua tau zoo raws Vajtswv yeej tsis nyuaj li. Ntxiv rau qhov no, yog koj yuav tsum muaj peev xwm ua kom tau koj lub luag hauj lwm puv npo, ua koj yam uas yuav tau ua thiab tej dej num, tso koj tej kev ntshaw ntawm kev qia dub tseg, tso koj tus kheej tej kev npaj siab thiab tej kev txhawb siab ntsws tseg, muaj kev xav rau Vajtswv txoj kev xav, thiab xub muab tej kev ntshaw ntawm Vajtswv lub tsev, pawg ntseeg tes dej num, thiab tes dej num uas koj yuav ua ntawd tso ua ntej tso. Ces tom qab txoj kev ntsib kev pom qhov no mus ib ntus lawm, koj mam li hnov tias qhov no yog ib txoj hau kev zoo los coj koj tus kheej. Nws yog kev ua neej nyob ncaj ncees thiab siab dawb paug, yog tsis yog ib tug muaj paus ntsis los sis tsis muaj ib qho zoo li, thiab tsuas yog ua neej nyob thiab ntxim hwm dua li qhovntxim ntxub thiab siab phem. Koj mam li hnov tias qhov no yog yam uas ib tug neeg yuav tsum ua neej nyob thiab coj li cas. Maj mam ib qho zuj zus, txoj kev xav tau nyob hauv koj lub siab ua raws li koj tus kheej tej kev ntshaw thiaj li yuav muaj tsawg zuj zus mus” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim). Qhov nyeem Vajtswv cov lus ntawd qhia rau kuv tias Vajtswv lub tsev yuav tsum xub los ua ntej txhua yam uas tshwm sim, tsis yog kuv tus kheej qhov txiaj ntsim. Lub suab npe thiab lub meej mom mas yog ib ntus xwb, thiab qhov caum raws tej ntawd mas tsis muaj qab hau li. Txhob ua neej rau txoj kev qias vuab tsuab, xyaum ua raws qhov tseeb, thiab ua raws li Vajtswv txoj kev xav thiaj li yog tib txoj hau kev kom tau txais Vajtswv txoj kev pom zoo xwb. Qhov to taub li no mas yog kev qhia kom kuv paub. Txawm tias muab tes hauj lwm ntawd faib li cas los xij, kuv yuav tuav tsis tau kuv tus kheej tej kev ntshaw, thiab kuv lub ntsej muag thiab lub meej mom, tab sis kuv yuav tsum tau ua raws thiab ua kuv tes dej num kom zoo. Txawm tias kuv tsis tau txais tej txiaj ntsig zoo los xij, kuv yuav tsum tau mob siab ua neej rau ntawm Vajtswv xub ntiag thiab lees txais Nws txoj kev tshawb xyuas kom meej. Txawm lwm tus yuav xav li cas rau kuv los xij, qhov muab kuv lub siab tso rau hauv kuv tes dej num thiab muaj kev thaj tsob ntawd thiaj li yog tib txoj hau kev los ua raws li Vajtswv txoj kev xav xwb.

Ob peb hnub tom qab ntawd, ces kuv thiaj li yuam kuv tus kheej los ua kuv tes dej num, tsis xav txog kuv tus kheej tej kev ntshaw lawm. Los ntawm qhov ua li ntawd, ces kuv thiaj li hnov zoo li kuv tsis raug kuv txoj kev qias vuab tsuab tswj heev lawm. Thaum sib tham txog qhov ua hauj lwm nrog ib tug viv ncaus ob peb hnub tom qab ntawd, ces nws txawm hais tias nws hais tsis tau lus Askiv zoo pes tsawg thiab nws xav tau ib tug neeg txhais lus thaum nws tshuaj xyuas cov los tshiab ntawd pawg ntseeg. Nws muaj tej kev nyuaj thiab ua tsis tiav ntau yam hauv nws tes dej num. Thaum nws hais tias, kuv xav tias kuv cov lus Askiv siv tau lawm, yog li ces tej zaum kuv yuav hloov tau nws lawm, thiab kuv yuav taug tau pawg ntseeg ntawd tes hauj lwm. Tab sis tom qab ntawd kuv paub tias pawg ntseeg ntawd muaj teeb meem heev, yog li qhov ua qhov ntawd mus mas yuav tsum siv zog heev thiab tej zaum yuav tsis muaj kev nce qib ntau. Kuv thiaj li txhawj xeeb tias qhov ntawd yuav cuam tshuam lwm tus txoj kev xav rau kuv, yog li ces kuv tsis xav hloov nws lawm. Tab sis thaum xav li ntawd lawm, ces kuv thiaj li mam paub tias kuv tsuas xav txog kuv tus kheej qhov txiaj ntsig, tiv thaiv kuv lub ntsej muag thiab lub meej mom dua lawm xwb, yog li kuv thiaj li maj nroos los rau ntawm Vajtswv xub ntiag los thov Vajtswv, npaj txhij los muab kuv tus kheej tso tseg thiab xyaum ua raws li qhov tseeb lawm. Tom qab thov Vajtswv lawm, ces kuv thiaj li mam paub tias qhov xwm txheej ntawd yog ib qho kev sim kuv thiab muab ib lub hwv tsam rau kuv los xyaum ua raws qhov tseeb xwb. Kuv yuav pheej ua neej rau txoj kev qias vuab tsuab, tiv thaiv kuv tus kheej tej kev ntshaw li yav tag los tsis tau lawm. Yog tias qhov hloov li no yuav muaj txiaj ntsig rau pawg ntseeg tes hauj lwm, ces kuv yuav tsum tau hloov xwb. Yog li kuv thiaj li ua tib zoo xav txog peb lwm cov neeg ua hauj lwm ua ke tej luag hauj lwm thiab hnov zoo li qhov zoo tshaj plaws rau kuv ces yog los hloov tus viv ncaus ntawd. Kuv thiaj li qhia kuv tej kev xav rau tus thawj coj ces nws thiab lwm cov neeg ua hauj lwm ua ke puav leej pom zoo rau qhov ntawd. Kuv kaj siab tiag tiag li tom qab peb sib hloov lawm, thiab kuv nco qhov ntawd txiaj ntsig yam piav qhia tsis tau li. Kuv hnov zoo li thaum kawg kuv tau xyaum ua raws qhov tseeb thiab ua ib tus neeg tiag tiag lawm. Ib yam li Vajtswv hais tias, “Yog koj yuav tsum muaj peev xwm ua kom tau koj lub luag hauj lwm puv npo, ua koj yam uas yuav tau ua thiab tej dej num, tso koj tej kev ntshaw ntawm kev qia dub tseg, tso koj tus kheej tej kev npaj siab thiab tej kev txhawb siab ntsws tseg, muaj kev xav rau Vajtswv txoj kev xav, thiab xub muab tej kev ntshaw ntawm Vajtswv lub tsev, pawg ntseeg tes dej num, thiab tes dej num uas koj yuav ua ntawd tso ua ntej tso. Ces tom qab txoj kev ntsib kev pom qhov no mus ib ntus lawm, koj mam li hnov tias qhov no yog ib txoj hau kev zoo los coj koj tus kheej. Nws yog kev ua neej nyob ncaj ncees thiab siab dawb paug, yog tsis yog ib tug muaj paus ntsis los sis tsis muaj ib qho zoo li, thiab tsuas yog ua neej nyob thiab ntxim hwm dua li qhovntxim ntxub thiab siab phem. Koj mam li hnov tias qhov no yog yam uas ib tug neeg yuav tsum ua neej nyob thiab coj li cas. Maj mam ib qho zuj zus, txoj kev xav tau nyob hauv koj lub siab ua raws li koj tus kheej tej kev ntshaw thiaj li yuav muaj tsawg zuj zus mus” (Txoj Lus, Phau 3. Tej Kev Sib Tham ntawm Khetos ntawm Tiam Kawg. Tshem Yus Tus Moj Yam Qias Vuab Tsuab Tawm Xwb Thiaj Li Tau Txais Kev Ywj Pheej thiab Kev Dim).

Tom qab ntawd, ces kuv thiaj li tso txoj kev xav phem txog cov pawg ntseeg uas kuv saib xyuas ntawd tseg lawm, tab sis kuv siv kuv qhov zoo tshaj plaws los saib xyuas txhua pawg ntseeg tes hauj lwm. Thaum cov neeg saib xyuas ntawd ib txhia yws txog lawv tes hauj lwm tej kev nyuaj, ces kuv yuav muab Vajtswv cov lus los kho lawv tej kev xam pom uas tsis yog lawm, thiab vam khom rau Vajtswv thiab nrhiav qhov tseeb nrog lawv los daws tej teeb meem ntawd. Thaum kuv pom qee tus los tshiab muaj teeb meem ntau thiab tsis koom tej kev sib txoos ua ke lawm, ces kuv tso txoj kev liam lawv rau kev nyuaj ntawd tseg lawm, tab sis kuv muaj kev sib tham nrog tej nus thiab tej viv ncaus tiag tiag kom to taub txog lawv tej kev nyuaj, thiab qhia rau lawv txog Vajtswv cov lus. Vim tsis muaj cov thawj coj thiab cov tub lej num txaus, ces kuv thiaj li ua hauj lwm ntau ntxiv rau txoj kev cob qhia cov uas muaj peev xwm. Kuv thiaj li qhia rau tej nus thiab tej viv ncaus uas muaj lub peev xwm zoo dua, uas yog tus haum rau tej luag hauj lwm no dua lawm, txog qhov tseem ceeb thiab tej hauv paus ntsiab lus ntawm kev ua ib teg dej num, thiab siv qee lub sij hawm ua hauj lwm nyob nrog nraim ntawm lawv ib sab. Thaum kuv pom tias muaj qee tes hauj lwm nyuaj heev nyob rau hauv cov pawg ntseeg thiab tsis muaj leej twg tshuaj xyuas qhov ntawd li, ces kuv thiaj li siv zog los ua qhov ntawd. Thaum xub thawj mas kuv tsis paub tias kuv puas yuav ua tau qhov ntawd zoo, tab sis kuv tsis ntseeg li tias kuv yuav muab kuv tus kheej tso nrug deb ntawm tej teeb meem ntawd tsis tau, tias kuv yuav cia li ua siab nqaim xav txog kuv txoj thaj tsam me me ntawm tes hauj lwm ntawd xwb tsis tau, tab sis kuv yuav tsum tau xav txog Vajtswv txoj kev xav thiab txhawb pawg ntseeg tes hauj lwm tag nrho. Tau ib ntu tom qab ntawd ces kuv tes hauj lwm txawm nce qib lawm, ces thiaj li xaiv tau txhua tus thawj coj thiab txhua tus tub leg num hauv cov pawg ntseeg uas kuv saib xyuas lawm. Hauv qee pawg ntseeg mas, muaj neeg coob li ob npaug los tuav ib teg dej num, thiab qee tus los tshiab tuaj yeem ua tau ib teg dej num los ntawm lawv tus kheej lawm. Hauv cov pawg ntseeg uas tsis tau ua tau zoo los dua li, ces txhua feem ntawm lawv tes hauj lwm zoo tuaj lawm. Kuv tuaj yeem pom Vajtswv tej kev ua hauv qhov ntawd tiag tiag li. Kuv kuj tau ntsib tau pom kiag tias qhov Vajtswv xav tau yog tib neeg lub siab thiab kev mloog lus, yog li yog tias peb tuaj yeem xav txog Nws txoj kev xav thiab tsuas xav txog Vajtswv lub tsev tes hauj lwm xwb, es tsis xav txog peb tus kheej tej kev ntshaws li, ces peb yuav tau txais Vajtswv txoj kev coj qhia thiab tej koob hmoov. Thaum to taub li no lawm ces ua rau kuv txoj kev ntseeg Vajtswv muaj zog tuaj lawm. Ua Vajtswv tsaug!