Im Wayòm nan

Foul moun yo aplodi Mwen, foul moun yo fè pou lwanj mwen; tout bouch ap site non sèl vrè Bondye a, tout moun leve je yo gade zèv mwen yo. Wayòm nan desann sou moun nan mond lan, moun Mwen ye a rich epi li abondan. Kiyès ki pa t ap rejwi nan sa? Kiyès ki pa t ap danse pou jan l kontan? O, Siyon! Leve banyè triyonfan ou pou selebre M! Chante kantik triyonfan nan viktwa ou pou gaye non mwen ki sen an! Tout kreyasyon an jouk nan dènye bout latè! Prese netwaye nou pou nou ka fè ofrann pou mwen! Konstelasyon ki anwo nan syèl la! Prese tounen nan plas ou yo pou montre gwo pouvwa mwen nan fimaman an! Mwen prete zòrèy Mwen ak vwa moun yo ki sou latè, ki ban mwen tout lanmou ak respè yo ki p ap fini an nan chan! Nan jou sa a, lè tout kreyasyon an jwenn lavi ankò, M ap desann nan mond lèzòm nan. Nan moman sa a, Nan sikonstans presi sa a menm, tout flè yo ap fleri ak fòs, tout zwazo yo ap chante kòmsi se yon sèl vwa, tout bagay ap palpite tèlman yo nan lajwa! Nan son salitasyon wayòm nan, wayòm Satan an ap ranvèse, l ap disparèt nèt nan bri im wayòm nan, li pa p janm leve ankò!

Ki moun sou latè k ap oze kanpe epi reziste? Lè M ap desann sou latè, M ap pote dife, pote kòlè, pote katastwòp tout kalite. Wayòm latè yo se wayòm Mwen an kounye a! Anwo nan syèl la, nyaj yo ap degrenngole epi y ap fè toubiyon; anba nan syèl la, lak yo ak rivyè yo ap koule epi y ap pwodwi yon melodi ki vibran ak kè kontan. Zannimo ki t ap repoze yo sòti nan pak yo, epi Mwen reveye tout moun ki t ap dòmi yo. Jou tout foul moun yo t ap tann nan rive anfen! Yo ofri M chan ki pi bèl yo!

Nan bèl moman sa a a, nan tan pasyonan sa a,

Louwanj ap retanti tout kote, anwo nan syèl yo ak sou tè a anba. Ki moun ki pa t kontan sa?

Ki moun kè yo pa t ap aleje? Ki moun ki pa t ap kriye nan sèn sa a?

Syèl la se pa syèl nan tan lontan, li se syèl wayòm nan kounye a.

Tè a pa t tè li te ye a, kounye a li se tè ki sen an.

Aprè yon gwo lapli fin pase, yo refè vye mond sal la nèt.

Mòn yo ap chanje … dlo yo ap chanje …

Moun yo ap chanje tou … tout bagay yo ap chanje….

Ah, mòn ki fè silans yo! Leve epi danse pou Mwen!

Ah, dlo ki trankil yo! Kontinye koule san pwoblèm!

Ou menm gason k ap fè rèv! Reveye w epi al chache bagay pou fè!

Mwen vini … Mwen se wa….

Tout limanite pral wè fas Mwen ak pwòp je yo, yo pral tande vwa Mwen ak pwòp zòrèy yo,

Yo pral viv lavi wayòm nan poutèt yo….

Ala jan sa dou … ala jan sa bèl….

Inoubliyab … enposib pou bliye….

Nan dife kòlè Mwen, gwo dragon wouj la ap lite;

nan gran jijman Mwen an, move lespri yo moutre vrè fòm yo;

akòz pawòl sevè Mwen yo, moun yo santi yo wont anpil, epi yo pa gen pyès kote pou yo kache.

Yo sonje tan lontan, jan yo te konn pase M nan betiz ak jan yo te konn pase M nan rizib.

Pa t janm gen yon lè yo pa t fè tèt yo parèt, pa t janm gen yon lè yo pa t defye M.

Jodi a, ki moun ki pa kriye? Ki moun ki pa santi yo gen remò?

Lemond antye nèt ak dlo nan je …

yo plen ak son rejwisans … yo plen ak vwa moun k ap ri….

Jwa yo pa ka konpare … jwa ki pa gen konparezon….

Yon ti lapli k ap tonbe … gen gwo bout nèj k ap flote….

Anndan moun yo, lapenn ak lajwa melanje … kèk menm ap ri …

Kèk ap kriye … epi kèk lòt ap rejwi….

Kòm si tout moun bliye … si wi ou non sa a se yon sezon prentan ki plen ak lapli ak nyaj,

yon sezon lete ki gen flè k ap fleri, yon lotòn ki gen rekòt ki gra,

oswa yon sezon ivè ki frèt tankou jèl ak glas, pèsonn pa konnen….

Nwaj yo ap flote nan syèl la, lanmè yo menm ap gronde sou tè a.

Pitit gason yo ap balanse men yo … moun yo deplase pye yo nan danse….

Zanj yo ap travay … zanj yo ap travay bèje….

Tout moun ki sou tè a ajite, epi tout bagay sou tè a milipliye.