Konsènan Fason pou Rete Kè Poze Devan Bondye

Pa gen etap ki pi esansyèl pou antre nan pawòl Bondye pase pou rete kè poze nan prezans Li. Sa se yon leson tout moun gen yon bezwen ijan pou yo absòbe kounye a. Chemen yo pou antre nan rete kè poze devan Bondye yo jan li suiv lan la:

1. Retire kè ou nan sa ki deyò yo. Mete ou an pè devan Bondye epi bay tout atansyon ou nan priye Bondye.

2. Ak kè ou ki an pè devan Bondye, manje, bwè epi pran plezi nan pawòl Bondye.

3. Medite epi kontanple lanmou Bondye epi reflechi sou zèv Bondye anndan kè ou.

Dabò, kòmanse apatiaspè lapriyè an. Priye ak yon atansyon total epi nan lè fiks. Kèlkeswa jan ou kwense pou tan, jan travay ou kenbe ou okipe oswa sa ki mal ki rive ou, priye chak jou nòmalman epi manje e bwè pawòl Bondye nòmalman. Toutotan ou manje epi bwè pawòl Bondye, kèlkeswa sa antouraj ou yo ye, ou pral gen gwo lajwa nan lespri ou epi moun, evennman oswa bagay ki ozalantou ou yo pap deranje ou. Lè ou kontanple Bondye nan kè ou abityèlman, sa k ap pase deyò an pa ka toumante ou. Se sa sa vle di pou ou gen reyonnman. Kòmanse ak lapriyè: Priye san fè bri devan Bondye se sa ki pote plis fwi. Apresa, manje epi bwè pawòl Bondye, chèche limyè nan pawòl Bondye lè ou reflechi sou yo, dekouvri chemen pou pratike an, konnen objektif Bondye nan pale pawòl Li epi konprann yo san deviyasyon. Abityèlman, li ta dwe nòmal pou ou kapab rapwoche ou sou Bondye nan kè ou, kontanple lanmou Bondye epi reflechi sou pawòl Bondye, san bagay ki deyò yo pa deranje ou. Lè kè ou atenn yon sèten nivo lapè, ou pral kapab reve an silans epi, andann ou, kontanple lanmou Bondye epi rapwoche ou tout bon vre sou Li, kèlkeswa antouraj ou, jouk ou finalman rive nan pwen kote louwanj ranpli kè ou, e sa menm pi bon pase lapriyè. Lè sa a, ou pral gen yon sèten reyonnman. Si ou kapab akonpli etap ki dekri anwo yo, se pral prèv kè ou vreman an pè devan Bondye. Sa se premye leson debaz lan. Se sèlman apre moun yo kapab an pè devan Bondye Sentespri an ap ka pran kontwòl yo, epi Sentespri an ap ka mete yo nan limyè epi louvri je yo, e se sèlman lè sa a yo ap kapab gen vre kominyon ak Bondye, ansanm ak kapte volonte Bondye ak oryantasyon Sentespri an. Lè sa a yo ap gentan antre sou vre chemen lavi espirityèl yo. Lè antrennman yo pou yo viv devan Bondye rive nan yon sèten pwofondè, epi yo kapab abandone tèt yo, meprize tèt yo, epi viv nan pawòl Bondye, lè sa a kè yo ap an pè tout bon vre devan Bondye. Kapasite pou yon moun meprize tèt li, modi tèt li epi abandone tèt li se efè zèv Bondye akonpli, e moun pa ka fè l pou kont yo. Nan sans sa a, pratike rete kè poze devan Bondye se yon leson moun ta dwe kapte tousuit. Pou kèk moun, non sèlman yo abityèlman enkapab pou yo an pè devan Bondye, men yo pa ka rete kè poze devan Bondye menm lè yo ap priye. Sa pase twò akote estanda Bondye yo! Si kè ou pa ka an pè devan Bondye, èske Sentespri an ka pran kontwòl ou? Si ou se yon moun ki pa ka an pè nan prezans Bondye, ou riske distrè lè yon moun parèt oswa lè lòt moun ap pale epi lespri ou ka dewoute lè lòt moun ap regle kichòy, e nan ka sa a ou pa p viv nan prezans Bondye. Si kè ou vreman an pè devan Bondye tout bon vre, anyen k ap pase nan mond lan deyò an pa p deranje ou oubyen okenn moun, evennman oswa bagay pa p okipe atansyon ou. Si ou gen aksè ak sa a, lè sa a eta negatif sa yo ak tout bagay negatif yo—nosyon sou moun, filozofi pou viv, relasyon ki pa nòmal ant moun, epi lide ak panse, elatriye—pral disparèt tou natirèlman. Akoz ou toujou ap reflechi sou pawòl Bondye, epi kè ou toujou ap rapwoche sou Bondye epi li toujou okipe ak pawòl aktyèl Bondye ladan l, bagay negatif sa yo pral tonbe lwen ou san ou pa reyalize sa. Lè bagay tounèf epi ki pozitif kenbe atansyon ou okipe, ansyen bagay negatif yo pa p gen okenn plas, donk pa prete atansyon ak bagay negatif sa yo. Ou pa bezwen fè efò pou kontwole yo. Ou dwe konsantre ou pou ou an pè devan Bondye, manje, bwè epi pwofite pawòl Bondye otan ou kapab, chante kantik pou fè louwanj pou Bondye otan ou kapab epi bay Bondye yon chans pou travay sou ou, paske Bondye pèsonèlman vle rann limanite san defo kounya, e Li vle jwenn kè ou; Lespri Li touche kè ou e si, dapre oryantasyon Sentespri an, ou rive viv nan prezans Bondye, ou pral satisfè Bondye. Si ou fè atansyon pou viv dapre pawòl Bondye epi angaje ou plis nan kominyon sou laverite an pou jwenn limyè ak klate Sentespri an, alò nosyon relijyon sa yo ak otosatisfaksyon ou epi otosifizans ou pral disparèt, epi ou pral konnen kijan pou ou konsakre tèt ou pou Bondye, kijan pou renmen Bondye, epi kijan pou satisfè Bondye. Epi san ou pa reyalize l, bagay sa yo ki pa sot nan Bondye pral disparèt konplètman nan konsyans ou.

Reflechi epi priye sou pawòl Bondye pandan ou ap manje epi bwè pawòl aktyèl Li yo se premye etap pou ou an pè devan Bondye. Si ou ka an pè tout bon vre devan Bondye, alò, limyè ak klate Sentespri an pral avè ou. Yon moun atenn nivo espirityèl se lè li an pè nan prezans Bondye. Lè ou ap priye, ou dwe an pè devan Bondye, e se sèlman lè sa a Sentespri an ka pran kontwòl ou. Lè ou an pè devan Bondye, lè ou ap manje epi bwè pawòl Bondye, ou ka vin nan limyè epi je ou vin louvri, e ou ka vin jwenn yon revelasyon tout bon sou pawòl Bondye. Lè, nan aktivite meditasyon ak konsekrasyon abityèl ou yo epi ou ap rapwoche ou sou Bondye nan kè ou, ou vin an pè nan prezans Bondye, ou pral kapab jwi yon entimite tout bon ak Bondye, gen yon konpreyansyon tout bon sou lanmou Bondye ak zèv Li, epi montre vre konsiderasyon ak sousi ki al nan sans volonte Bondye. Plis ou kapab an pè devan Bondye nan yon fason òdinè, plis je ou pral louvri epi plis ou pral kapab konprann pwòp defo ou, kisa ou manke, kisa ou ta dwe fè, ki fonksyon ou ta dwe ranpli epi ki kote fay ou yo ye. Tout sa a reyalize lè ou an pè nan prezans Bondye. Si ou atenn pou tout bon dimansyon nan lapè ou devan Bondye, ou pral kapab kapte kèk mistè lespri an, kapte kisa Bondye swete reyalize nan ou, kapte yon konpreyansyon pi fon sou pawòl Bondye a, kapte nannan pawòl Bondye a, reyalite pawòl Bondye a, epi ou pral kapab wè chemen pou pratike an pi klè epi ak plis presizyon. Si ou pa rive atenn ase dimansyon pou ou vin an pè nan lespri ou, Sentespri an pral sèlman pran kontwòl ou yon ti kras; ou pral santi ou gen plis fòs anndan ou epi ou ap santi yon sèten kantite lajwa ak lapè, men ou pa p kapte anyen ki pi pwofon. Mwen te di anvan: Si moun yo pa itilize tout ti fòs yo, li pral difisil pou yo tande vwa M oswa wè figi M. Sa fè referans ak lè yon moun atenn dimansyon lapè l devan Bondye e non pa ak fo mouvman. Yon moun ki ka vreman nan lapè nan prezans Bondye kapab libere tèt li anba lyen mond lan, epi pou Bondye pran kontwòl li. Tout sila yo ki pa kapab an pè nan prezans Bondye, san okenn dout, yo se moun ki nan deboch oswa ki fonksyone san rezèv. Tout sila yo ki kapab an pè devan Bondye se sila yo ki apa devan Bondye, epi k ap chèche Bondye. Se sèlman sila yo ki an pè devan Bondye ki valorize lavi, valorize kominyon nan lespri, swaf pawòl Bondye, epi ki ap pousuiv laverite. Nenpòt moun ki pa bay lè li an pè devan Bondye valè epi ki pa fè mannèv pou li an pè devan Bondye se yon moun ki vid epi ki san fondman, ki kole sou mond lan epi ki san lavi; menm si yo di yo kwè nan Bondye, yo jis ap bay bèl diskou. Sila yo Bondye finalman rann san defo epi konplè yo se moun ki an pè nan prezans Li. Kòm konsekans, sila yo ki an pè devan Bondye resevwa gwo benediksyon. Moun ki raman pran tan pou manje epi bwè pawòl Bondye pandan jounen an, ki toujou okipe ak preyokipe ak bagay ki deyò yo epi ki plase ti kras valè sou patisipasyon nan lavi an—sa yo se ipokrit ki pa gen okenn posiblite kwasans pou demen. Se sila yo ki an pè devan Bondye epi ki kominye tout bon vre ak Bondye ki moun Bondye.

Pou ou vin devan Bondye pou aksepte pawòl Li antanke lavi ou, ou dwe dabò an pè devan Bondye. Se sèlman lè ou an pè devan Bondye Bondye pral mete ou nan limyè epi ba ou konesans. Plis moun yo an pè devan Bondye, plis yo kapab resevwa limyè ak klate Bondye. Tout sa a egzije pou moun yo mete yo apa epi gen lafwa; se sèlman nan konsa yo ap ka vin san defo. Leson fondamantal pou antre nan lavi espirityèl se rete an pè nan prezans Bondye. Se sèlman si ou an pè nan prezans Bondye fòmasyon espirityèl ou pral efikas. Si kè ou pa kapab an pè devan Bondye, ou pa p kapab resevwa zèv Sentespri an. Si kè ou an pè devan Bondye kèlkeswa sa ou ap fè an, eben ou se yon moun k ap viv nan prezans Bondye. Si kè ou an pè devan Bondye epi vin pi pre Bondye kèlkeswa sa ou ap fè an, sa pwouve ou se yon moun ki an pè devan Bondye. Si, lè ou ap pale ak lòt moun, oswa mache, ou kapab di: “Kè mwen ap pwoche pre Bondye, e li pa konsantre sou bagay ki deyò yo, e mwen ka an pè devan Bondye,” eben ou se yon moun ki an pè devan Bondye. Pa angaje nan anyen ki rale kè ou nan direksyon bagay ki deyò yo, oswa ak moun ki separe kè ou ak Bondye. Nenpòt sa ki ka distrè kè ou pou li pa pwòch ak Bondye, mete l sou kote oswa rete lwen l. Sa se nan pi bon avantaj pou lavi ou. Kounya se egzakteman moman an pou gwo travay Sentespri an, moman an kote Bondye pèsonèlman rann moun san defo. Si, nan moman sa a, ou pa ka an pè devan Bondye, eben ou pa yon moun ki pral tounen devan twòn Bondye. Si ou pousuiv lòt bagay olye Bondye, pa p gen okenn mwayen pou Bondye rann ou san defo. Sila yo ki ka tande deklarasyon konsa yo nan men Bondye epoutan yo pa rive an pè devan Li jodi an se moun ki pa renmen verite an epi ki pa renmen Bondye. Si ou pa p ofri tèt ou nan moman sa a, kisa ou ap ret tann? Pou yon moun ofri tèt ou se lè li rete kè poze devan Bondye. Sa ta p yon ofrann ki otantik. Nenpòt moun ki ofri kè yo tout bon vre bay Bondye gen asirans kounya Bondye rann yo konplè. Anyen, kèlkeswa sa l ye an, pa ka deranje ou; kit se pou atake ou oswa afwonte ou oubyen kit ou kontre fistrasyon oswa echèk, kè ou ta dwe toujou rete an pè devan Bondye. Kèlkeswa jan moun trete ou, kè ou ta dwe an pè devan Bondye. Kèlkeswa sikonstans ou rankontre—kit advèsite, soufrans, pèsekisyon oswa diferan zeprèv ap wonje ou—kè ou ta dwe toujou an pè devan Bondye; se konsa chemen yo pou yo rann ou san defo an ye. Se sèlman lè ou an pè tout bon vre devan Bondye pawòl aktyèl Bondye an pral vin klè pou ou. Ou ka apresa pratike nan yon fason ki plis kòrèk epi san devyasyon limyè ak klate Sentespri an, kapte ak plis klate entansyon Bondye yo ki pral bay sèvis ou an yon direksyon ki pi klè, kapte ak plis presizyon deplasman ak oryantasyon Sentespri an, epi gen asirans ou ap viv anba oryantasyon Sentespri an. Sa yo se efè ki riveki akonpli lè ou an pè tout bon vre devan Bondye. Lè moun yo pa klè sou pawòl Bondye, pa gen okenn chemen pou yo pratike, pa rive kapte entansyon Bondye, oswa manke prensip pou pratike yo, se paske kè yo pa an pè devan Bondye. Objektif pou ou an pè devan Bondye an se pou ou sensè epi pragmatik, pou chèche sa ki kòrèk lan epi transparans nan pawòl Bondye epi finalman rive konprann laverite an epi konnen Bondye.

Si kè ou pa souvan an pè devan Bondye, Bondye pa gen okenn mwayen pou rann ou san defo. Lè ou san rezolisyon se menm jan ak lè ou pa gen kè, e yon moun ki san kè pa ka an pè devan Bondye; yon moun konsa a pa konnen ki kantite travay Bondye fè oswa nan ki nivo li pale ni yo pa konnen kijan pou yo pratike. Èske sa a se pa yon moun ki san kè? Èske yon moun san kè ka an pè devan Bondye? Bondye pa gen okenn mwayen pou rann moun ki san kè san defo—yo pa diferan ak bèt ki pote chay yo. Bondye pale tèlman klè epi ak transparans, poutan kè ou rete san li pa touche, e ou rete enkapab pou ou an pè devan Bondye. Èske ou pa yon vye sovaj? Kèk moun pèdi wout yo nan jan yo pratike pou yo an pè nan prezans Bondye. Lè se moman pou fè manje, yo pa fè manje e, lè se moman pou fè travay nan kay, yo pa fè yo, men yo jis ale priye epi medite. An pè devan Bondye pa vle di pa fè manje oswa travay nan kay, oswa pa viv lavi ou; olye sa, se lè ou kapab rete kè poze devan Bondye nan tout eta nòmal yo epi gen yon plas pou Bondye nan kè ou. Lè ou ap priye, ou ta dwe mete ou ajenou kòmsadwa devan Bondye pou priye; lè ou ap fè travay nan kay oswa prepare manje, rete kè poze devan Bondye, reflechi sou pawòl Bondye oswa chante kantik. Kèlkeswa sitiyasyon ou twouve ou ladan l lan, ou ta dwe gen pwòp fason ou pou ou fè pratike, ou ta dwe fè tout sa ou kapab fè pou mete ou pre Bondye e ou ta dwe eseye ak tout pouvwa ou pou ou rete kè poze devan Bondye. Lè sikonstans yo pèmèt sa a, priye ak detèminasyon; lè sikonstans yo pa pèmèt sa a, rapwoche ou toupre Bondye nan kè ou pandan ou ap fè travay ki nan men ou lan. Lè ou ka manje epi bwè pawòl Bondye, eben manje epi bwè pawòl Li; lè ou ka priye, eben priye; lè ou ka kontanple Bondye, eben kontanple Li. Nan yon lòt sans, fè maksimòm ou pou ou antrene tèt ou pou ou kapab fè yo dapre anviwonnman ou. Kèk moun ka an pè devan Bondye lè pa gen anyen, men kou yon bagay rive, lespri yo divage. Se pa sa ki rele an pè devan Bondye an. Fason ki kòrèk pou eksprimante an se sa a: Nan okenn sikonstans kè ou pa dwe ale lwen Bondye, oswa santi moun deyò, evennman oswa bagay deranje l, epi se sèlman lè sa a ou se yon moun ki an pè tout bon vre devan Bondye. Kèk moun di, lè yo rasanble pou yo priye, kè yo ka an pè devan Bondye, men lè yo nan kominyon ak lòt moun yo pa kapab an pè devan Bondye, epi panse yo vin fou. Se pa sa ki rele an pè devan Bondye an. Jodi an, pifò moun nan eta sa a, kè yo enkapab pou l toujou an pè devan Bondye. Konsa, nou dwe fè plis efò nan egzèse tèt nou nan domèn sa a, mete nou, etap pa etap, sou bon chemen eksperyans lavi an, epi anbake nsnou chemen pou Bondye rann nnou san defo an.