Վերջին հանգրվանի մասին

Ամեն անգամ, երբ խոսվում է վերջին հանգրվանի մասին, դուք դրան առանձնահատուկ լրջությամբ եք վերաբերվում. ավելին, դա մի բան է, որի հանդեպ ամենքդ էլ առանձնապես զգայուն եք։ Ոմանք նույնիսկ անհամբերությամբ սպասում են, որ ծնկաչոք և և ճակատները գետնին կպցրած երկրպագեն Աստծուն, որպեսզի արժանանան լավ վերջին հանգրվանի։ Ես կարող եմ հասկանալ ձեր այդ փափագը, որը անգամ- խոսքերով արտահայտվելու կարիք չունի։ Դուք պարզապես չեք կամենում, որ ձեր մարմինը մատնվի աղետի, և առավել ևս չեք ցանկանում ապագայում ընկնել հավիտենական պատժի մեջ։ Դուք միայն հույս ունեք, որ կկարողանաք ապրել մի փոքր ավելի ազատ, մի փոքր ավելի հեշտ։ Եվ այդ պատճառով, երբ հիշատակվում է վերջին հանգրվանը, դուք հատկապես խռովքի մեջ եք ընկնում՝ խորապես վախենալով, որ բավականաչափ զգույշ չլինելու դեպքում գուցե վիրավորեք Աստծուն և դրա համար կրեք արժանի հատուցում։ Դուք չեք վարանել անգամ փոխզիջումների գնալ՝ հանուն ձեր վերջին հանգրվանի, և նույնիսկ ձեզնից շատերը, որոնք մի ժամանակ խորամանկ ու թեթևամիտ էին, հանկարծ դարձել են առանձնապես հեզ և անկեղծ։ Ձեր անկեղծության այդ դրսևորումը սարսափեցնում է մարդկանց։ Այնուամենայնիվ, դուք բոլորդ «ազնիվ» սրտեր ունեք և շարունակ բացել եք Ինձ ձեր սրտերը՝ ոչինչ գաղտնի չպահելով, լինի դա դժգոհություն, խաբեություն թե հավատարմություն։ Ընդհանուր առմամբ՝ դուք ամենայն անկեղծությամբ «խոստովանել» եք Ինձ ձեր հոգու ամենածածուկ խորքերում պահված բաները։ Իհարկե, Ես երբեք չեմ անտեսել դրանք, որովհետև Ինձ արդեն չափազանց ծանոթ է այդ ամենը։ Դուք ավելի շուտ պատրաստ կլինեիք մտնելու կրակի ծովը՝ հանուն ձեր վերջնական հանգրվանի, քան թեկուզ մի մազ կորցնել՝ Աստծո հավանությաննը արժանանալու համար։ Այնպես չէ, որ Ես չափազանց խիստ եմ ձեր հանդեպ, խնդիրն այն է, որ դուք զուրկ եք նվիրված սրտից, որպեսզի դեմ առ դեմ կանգնեք այն ամենի առաջ, ինչ Ես անում եմ։ Միգուցե դուք չհասկանաք այն, ինչ հենց նոր ասացի, ուստի թույլ տվեք ձեզ մի պարզ բացատրություն տալ. ձեզ պետք չեն ճշմարտությունն ու կյանքը, ոչ էլ անձնական վարքի սկզբունքները, և առավել ևս՝ Իմ տքնաջան աշխատանքը։ Ավելի շուտ, ձեզ պետք է այն ամենը, ինչ ունի ձեր մարմնավորը՝ հարստություն, կարգավիճակ, ընտանիք, ամուսնություն և այլն։ Դուք լիովին անտեսում եք Իմ խոսքերն ու աշխատանքը, ուստի Ես կարող եմ ձեր հավատքը մեկ բառով բնորոշել՝ մակերեսային։ Դուք պատրաստ եք դիմելու ցանկացած քայլի՝ հասնելու այն բաներին, որոնց լիովին նվիրված եք, բայց Ես հայտնաբերել եմ, որ նույնը չէիք անի Աստծո հանդեպ ձեր հավատի հետ կապված հարցերում։ Ճիշտ կլինի ասել՝ դուք որոշ չափով հավատարիմ եք և որոշ չափով՝` անկեղծ։ Այդ պատճառով էլ Ես ասում եմ, որ նրանք, ովքեր չունեն չափազանց անկեղծ սիրտ, ձախողված են Աստծո հանդեպ իրենց հավատքի մեջ։ Լա՛վ մտածեք, ձեր մեջ այդպիսի ձախողվածները շա՞տ են։

Դուք պետք է իմանաք, որ Աստծո հանդեպ հավատի հաջողությունը ձեռք է բերվում մարդկանց սեփական գործողությունների արդյունքում։ Երբ մարդիկ հաջողության չեն հասնում, այլ ձախողվում են, դա ևս իրենց իսկ գործողությունների հետևանքն է, և այստեղ որևէ այլ գործոն դեր չի խաղում։ Ես հավատում եմ, որ եթե խոսքը լիներ մի բանի մասին, որն Աստծուն հավատալուց ավելի դժվար է և ավելի շատ տառապանք է պահանջում, դուք կանեիք ամեն ինչ՝ դրան հասնելու համար, և դրան կվերաբերվեիք ամենայն լրջությամբ, այնքան, որ չէիք հանդուրժի ցանկացած սխալ. ահա այսպիսի անդադար ջանքեր եք դուք բոլորդ ներդնում ձեր սեփական կյանքի համար։ Դուք անգամ ունակ եք խաբելու իմ մարմնավորը այնպիսի հանգամանքներում, որոնցում չէիք խաբի ձեր ընտանիքի որևէ անդամի։ Ահա ձեր մշտական վարքագիծը և այն սկզբունքը, որով ապրում եք։ Մի՞թե դուք շինծու կերպար չեք ցուցադրում Ինձ մոլորեցնելու համար՝ հանուն ձեր վերջին հանգրվանի, որպեսզի այն կատարյալ գեղեցիկ լինի, և դուք ստանաք այն ամենը, ինչ ցանկանում եք։ Ես գիտեմ, որ ձեր հավատարմությունը միայն ժամանակավոր է, ինչպես և ձեր անկեղծությունը։ Մի՞թե ձեր վճռականությունն ու ձեր վճարած գինը միայն ներկա պահի համար չեն, ոչ թե ապագայի։ Դուք միայն ուզում եք գործադրել վերջին ջանքը՝ գեղեցիկ հանգրվան ապահովելու համար՝ գործարք կնքելու միակ նպատակով։ Դուք այդ ջանքը չեք գործադրում, որպեսզի ճշմարտությանը - պարտական չմնաք, առավել ևս՝ Ինձ հատուցելու համար այն գնի դիմաց, որ Ես վճարել եմ։ Մի խոսքով, դուք պատրաստ եք միայն խորամանկ միջոցների դիմելու՝ ստանալու այն, ինչ ուզում եք, բայց ոչ թե դրա համար անսքող պայքարելու։ Մի՞թե սրանք ձեր նվիրական մտքերը չեն։ Դուք չպետք է քողարկվեք, ոչ էլ ձեր վերջնական հանգրվանի մասին այնքան շատ մտատանջվեք, որ ցերեկը կորցնեք ուտելու և խմելու ախորժակը, իսկ գիշերը չկարողանաք խաղաղությամբ քնել։ Մի՞թե ճշմարիտ չէ, որ ի վերջո ձեր ելքն արդեն իսկ որոշված կլինի։ Ձեզնից յուրաքանչյուրը պետք է բաց և ազնիվ սրտով կատարի իր պարտականությունը և պատրաստ լինի վճարելու անհրաժեշտ ամեն գին։ Ինչպես դուք եք ասել, երբ այդ օրը գա, Աստված անարդար չի վարվի ոչ մեկի հանդեպ, ով հանուն Նրա տառապել է կամ գին է վճարել։ Այսպիսի համոզմունքին արժե կառչած մնալ, և ճիշտ է, որ դուք երբեք չմոռանաք դա։ Միայն այս կերպ Ես կարող եմ ձեզ համար հանգիստ լինել։ Հակառակ դեպքում, դուք հավիտյան կլինեք մարդիկ, որոնց պատճառով Ես չեմ կարող հանգիստ լինել, և դուք հավիտյան կլինեք Իմ դժգոհության աղբյուրը։ Եթե դուք բոլորդ կարողանաք հետևել ձեր խղճին և Ինձ տալ ամբողջը՝ Իմ աշխատանքի համար ոչ մի ջանք չխնայելով և ձեր ողջ կյանքի ուժըը Իմ Ավետարանի գործին նվիրելով, ապա մի՞թե Իմ սիրտը հաճախ ուրախությամբ չի ցնծա ձեզ համար։ Այդպես Ես կկարողանամ ձեզ համար լիովին հանգիստ լինել, ճի՞շտ է։ Ամոթ է, որ այն, ինչ դուք կարող եք անել, ընդամենը չնչին մի մասն է այն բանի, ինչ Ես ակնկալում եմ։ Եթե այսպես է, ապա ինչպե՞ս եք համարձակվում Ինձնից պահանջել այն, ինչի - հույսն ունեք -։

Ձեր վերջին հանգրվանն ու ձեր ճակատագիրը ձեզ համար շատ կարևոր են. դրանց նշանակությունը անասելի մեծ է։ Դուք կարծում եք, որ եթե ամեն բան մեծ զգուշությամբ չանեք, դա կնշանակի, որ դուք այլևս չունեք վերջնական հանգրվան, որ դուք ինքներդ եք կործանել ձեր ճակատագիրը։ Բայց երբևէ մտածե՞լ եք, որ այն մարդիկ, ովքեր ջանք են թափում միայն իրենց վախճանի համար, իզուր են տքնում։ Այդպիսի ջանքերն անկեղծ չեն. դրանք կեղծիք և խաբեություն են։ Ասել է թե՝ նրանք, ովքեր ջանք են թափում միայն իրենց վախճանի համար, կանգնած են իրենց վերջնական պարտության շեմին, որովհետև Աստծուն հավատալու ձախողումը ծնվում է խաբեությունից։ Ես նախկինում ասել եմ, որ չեմ սիրում, երբ Ինձ շողոքորթում կամ քծնում են կամ էլ վերաբերվում են խանդավառությամբ։ Ինձ դուր են գալիս ազնիվ մարդիկ, որոնք դեմ առ դեմ կանգնում են Իմ ճշմարտության և Իմ ակնկալիքների առաջ։ Առավել ևս, Ինձ դուր է գալիս, երբ մարդիկ կարողանում են առավելագույն հոգատարություն ցուցաբերել Իմ սրտի հանդեպ և նույնիսկ ընդունակ են ամեն ինչ զոհաբերելու հանուն Ինձ։ Միայն այս կերպ Իմ սիրտը կարող է մխիթարվել։ Հիմա քանի՞ բան կա ձեր մեջ, որ Ես չեմ սիրում։ Եվ քանի՞ բան կա, որ Ինձ դուր է գալիս։ Կարո՞ղ է լինել այնպես, որ ձեզնից ոչ ոք չի գիտակցել տգեղ պահվածքի այն բոլոր դրսևորումները, որ դուք ցույց եք տվել հանուն ձեր վերջնական հանգրվանի։

Իմ սրտի խորքում ես չեմ ցանկանում ցավ պատճառել ոչ մի դրական ու դեպի վեր ձգտող սրտի, և առավել ևս իսկապես չեմ ցանկանում մարել որևէ մեկի ձգտումը` իր պարտականությունը նվիրումով կատարելու։ Այնուամենայնիվ, ես պետք է հիշեցնեմ ձեզնից յուրաքանչյուրին իր անհամապատասխանատվությունների և այն կեղտոտ հոգու մասին, որը թաքնված է ձեր սրտերի ամենախորը խորշերում։ Ես դա անում եմ միայն այն հույսով, որ դուք ի վիճակի կլինեք Իմ խոսքերի դիմաց ընծայելու ձեր ճշմարիտ սիրտը, որովհետև այն, ինչ ես ամենից շատ եմ ատում, մարդկանց խաբեությունն է Իմ հանդեպ։ Ես միայն հույս ունեմ, որ Իմ գործի վերջին փուլում դուք կկարողանաք հանդես գալ ձեր լավագույն դրսևորմամբ, և որ դուք կնվիրվեք ամբողջ սրտով, այլևս առանց տատանվելու։ Անշուշտ, ես նաև հույս ունեմ, որ դուք բոլորդ կկարողանաք ունենալ լավ վերջին հանգրվան։ Այնուամենայնիվ, Ես դեռ ունեմ Իմ պահանջը, այն է՝ կայացնել լավագույն որոշումը՝ Ինձ ընծայելու ձեր բացառիկ և վերջնական հավատարմությունը։ Եթե որևէ մեկը չունի այդ բացառիկ հավատարմությունը, ապա նա, անշուշտ, Սատանայի թանկարժեք սեփականությունն է, և Ես այլևս նրան չեմ պահի Իմ ծառայության համար, այլ կուղարկեմ տուն՝ իր ծնողների խնամքին։ Իմ գործը մեծ օգնություն է ձեզ համար. այն, ինչ Ես հույս ունեմ ստանալ ձեզանից, ազնիվ և դեպի վեր ձգտող սիրտն է, սակայն առայժմ Ես ձեռնունայն եմ։ Խորհեք այս մասին. եթե մի օր Ես դեռ այնքան դառնացած լինեմ, որ խոսքերը չբավականացնեն այն արտահայտելու համար, ապա ինչպիսի՞ն կլինի Իմ վերաբերմունքը ձեր հանդեպ այդժամ: Արդյո՞ք այդ ժամանակ կլինեմ ձեր հանդեպ այնքան բարյացակամ, որքան հիմա եմ: Արդյո՞ք Իմ սիրտը կլինի այնքան խաղաղ, որքան հիմա է: Հասկանո՞ւմ եք արդյոք այն մարդու զգացումները, որ քրտնաջան աշխատանքով մշակել է արտը, սակայն ոչ մի հատիկ բերք չի ստացել։ Հասկանո՞ւմ եք, թե որքան խորն է վիրավորվում մարդու սիրտը, երբ նրան ծանր հարված է հասցվում։ Կարո՞ղ եք ճաշակել այն մարդու դառնությունը, որը ժամանակին լի էր հույսով, բայց ստիպված եղավ թշնամանքով բաժանվել։ Տեսե՞լ եք արդյոք այն զայրույթը, որ ժայթքում է հրահրված մարդուց։ Կարո՞ղ եք պատկերացնել վրեժխնդրության այն ձգտումը, որ ունի թշնամանքի ու նենգ վերաբերմունքի արժանացած մարդը։ Եթե դուք հասկանում եք այս մարդկանց մտածելակերպը, ապա կարծում եմ՝ ձեզ համար դժվար չպետք է լինի պատկերացնել այն վերաբերմունքը, որ Աստված կունենա Իր հատուցման ժամանակ։ Վերջապես, հույս ունեմ, որ դուք բոլորդ լուրջ ջանքեր կգործադրեք հանուն ձեր իսկ վերջին հանգրվանի, թեև լավ կլիներ, որ այդ ջանքերում նենգ միջոցներ չօգտագործեիք, այլապես Ես Իմ սրտում կշարունակեմ հիասթափված մնալ ձեզնից։ Իսկ ինչի՞ է հանգեցնում նման հիասթափությունը։ Մի՞թե դուք ինքներդ ձեզ չեք խաբում։ Նրանք, ովքեր մտահոգվում են իրենց վերջին հանգրվանի համար, բայց այնուամենայնիվ կործանում են այն, ամենադժվար փրկվողներն են։ Նույնիսկ եթե նրանք վրդովվեն ու կատաղեն, ո՞վ ողորմություն կցուցաբերի այդպիսի մարդու հանդեպ։ Ի վերջո, Ես դեռ ցանկանում եմ, որ դուք ունենաք վերջին հանգրվան, որը և՛ պատշաճ է, և՛ լավ, և ավելին՝ հույս ունեմ, որ ձեզանից ոչ ոք աղետի չի մատնվի։