Գլուխ 21

Սուրբ Հոգու գործն այժմ ձեզ տարել է նոր երկինք և նոր երկիր։ Ամեն ինչ նորանում է, ամեն ինչ Իմ ձեռքերում է, ամեն ինչ սկսվում է նորի՛ց։ Իրենց պատկերացումներով մարդիկ ի վիճակի չեն հասկանալ դա, և դա նրանց համար անիմաստ է, բայց Ես եմ, որ գործում եմ, և Իմ իմաստությունը դրա մեջ է։ Ուստի, պետք է մտահոգվեք միայն ձեր բոլոր պատկերացումներն ու կարծիքները մի կողմ դնելով և հնազանդությամբ Աստծու խոսքն ուտելով ու խմելով. բացարձակապես ոչ մի կասկած մի ունեցեք։ Քանի որ Ես այսպես եմ գործում, Ես սուրբ պատասխանատվություն կկրեմ։ Իրականում, մարդիկ կարիք չունեն որևէ հատուկ ձևով վարվելու։ Փոխարենը, Աստված է հրաշալի բաներ գործում՝ դրսևորելով Իր ամենակարողությունը։ Մարդիկ չպետք է պարծենան, եթե չեն պարծենում Աստծով։ Հակառակ դեպքում կտուժես։ Աստված բարձրացնում է կարիքավորին փոշուց. խոնարհը պետք է բարձրացվի։ Ես կօգտագործեմ Իմ իմաստությունն իր բոլոր ձևերով՝ կառավարելու տիեզերական եկեղեցին, կառավարելու բոլոր ազգերին ու բոլոր ժողովուրդներին, որպեսզի նրանք բոլորն Իմ մեջ լինեն, և որպեսզի եկեղեցում դուք բոլորդ հնազանդվեք Ինձ։ Նրանք, ովքեր նախկինում չէին հնազանդվում, այժմ պետք է հնազանդ լինեն Իմ առաջ, պետք է հնազանդվեն, հանդուրժեն միմյանց. ձեր կյանքերը պետք է փոխկապակցված լինեն, և պետք է սիրեք միմյանց՝ բոլորդ օգտագործելով միմյանց ուժեղ կողմերը՝ ձեր իսկ թուլությունները լրացնելու համար, և ծառայեք համակարգված։ Այսպիսով եկեղեցին կկառուցվի, և Սատանան շահագործելու ոչ մի հնարավորություն չի ունենա։ Միայն այդ ժամանակ Իմ կառավարման ծրագիրը ձախողված չի լինի։ Թույլ տվեք ձեզ ևս մեկ հիշեցում անել այստեղ։ Թույլ մի տուր, որ քո մեջ թյուրիմացություններ առաջանան այն պատճառով, որ այսինչ մարդն այսպիսին է կամ վարվել է այսինչ կերպ, ինչի արդյունքում կայլասերվես քո հոգևոր վիճակում։ Ինչպես Ես եմ տեսնում, դա տեղին չէ, և անարժեք բան է։ Արդյոք Նա, Ում հավատում ես, Աստված չէ՞։ Դա ինչ-որ մարդ չէ։ Գործառույթները նույնը չեն։ Կա մեկ մարմին։ Ձեզնից յուրաքանչյուրը պետք է կատարի իր պարտականությունը, և լինի իր տեղում՝ դրսևորվելով լավագույն կերպով, քանզի յուրաքանչյուր կայծի համար պետք է լինի լույսի մեկ բռնկում, և պետք է կյանքում հասունության ձգտեք։ Այսպիսով Ես բավարարված կլինեմ։

Պետք է մտահոգվեք միայն Իմ առաջ խաղաղ լինելով։ Սերտորեն հաղորդակցվեք Ինձ հետ, ավելի շատ փնտրեք այնտեղ, որտեղ չեք հասկանում, աղոթքներ մատուցեք և սպասեք Իմ ժամանակին։ Ամեն ինչ հստակ տեսեք հոգուց։ Անխոհեմ մի գործեք, որպեսզի կանխեք ձեր մոլորվելը։ Միայն այս կերպ Իմ խոսքերի քո ուտելն ու խմելն իսկապես պտուղ կտա։ Հաճախ կեր և խմիր Իմ խոսքերը, խորհիր Իմ ասածի մասին, ուշադրություն դարձրու Իմ խոսքերը կիրարկելուն և կյանքով արտահայտիր Իմ խոսքերի իրականությունը. սա է հիմնական խնդիրը։ Եկեղեցու կառուցման գործընթացը նաև կյանքի աճի գործընթացն է։ Եթե կյանքդ դադարի աճել, չես կարող կառուցվել։ Ապավինելով բնականությանը, մսեղիին, եռանդունությանը, ներդրումներին՝ որակավորումներին. որքան էլ լավը լինես, եթե ապավինես այս բաներին, չես կառուցվի։ Պետք է ապրես կյանքի խոսքերի մեջ, ապրես Սուրբ Հոգու լուսավորման մեջ, իմանաս քո իրական իրադրությունը և լինես փոխված մարդ։ Պետք է ունենաս նույն ըմբռնումը հոգում, ունենաս նոր լուսավորում և կարողանաս համընթաց քայլել նոր լույսի հետ։ Պետք է կարողանաս անդադար մոտենալ Ինձ և հաղորդակցվել Ինձ հետ, առօրյա կյանքում քո գործողությունները հիմնել Իմ խոսքերի վրա, պատշաճ կերպով վարվել բոլոր տեսակի մարդկանց, իրադարձությունների և բաների հետ՝ հիմնվելով Իմ խոսքերի վրա, և ունենալ Իմ խոսքերը որպես քո չափանիշ ու կյանքով արտահայտես Իմ բնույթը քո կյանքի բոլոր գործողություններում։

Եթե ցանկանում ես հասկանալ և հաշվի առնել Իմ մտադրությունները, պետք է ուշադրություն դարձնես Իմ խոսքերին։ Անխոհեմ մի գործիր։ Այն ամենը, ինչին Ես հավանություն չեմ տալիս, վատ վախճան կունենա։ Օրհնությունը հասնում է միայն այնտեղ, ինչին Ես հավանություն եմ տվել։ Եթե Ես խոսեմ, դա կլինի։ Եթե հրամայեմ, դա հաստատուն կմնա։ Ինձ չզայրացնելու համար, բացարձակապես չպետք է անեք այն, ինչ Ես չեմ թույլատրել։ Եթե անեք դա, զղջալու ժամանակ չե՛ս ունենա։