თავი 56

მე დავიწყე მოქმედება, რათა დავსაჯო ისინი, ვინც ბოროტებას სჩადის და ვინც ძალაუფლებას ფლობს და დევნის ღვთის ძეებს. ამიერიდან ჩემი ადმინისტრაციული განკარგულებები მუდამ შეეხება მათ, ვინც გულით მეწინააღმდეგება. იცოდეთ ეს! ეს არის ჩემი განკითხვის დასაწყისი და არავის მიმართ არ იქნება გამოჩენილი წყალობა, არც არავინ იქნება დანდობილი, რადგან მე ვარ ღმერთი, რომელსაც არ გააჩნია ხორციელი გრძნობები და აღასრულებს სამართლიანობას, და კარგი იქნება, თუ თქვენ ყველანი აღიარებთ ამას.

ეს იმას კი არ ნიშნავს, რომ მათი დასჯა მსურს, ვინც ბოროტებას სჩადის; პირიქით, ეს არის საზღაური, რომელიც მათ თავად მოიტანეს საკუთარ თავზე თავიანთი ბოროტი საქმეებით. მე არ ვჩქარობ ვინმეს დასჯას, არც არავის ვექცევი უსამართლოდ — ყველას მიმართ სამართლიანობას ვახორციელებ. ნამდვილად მიყვარს ჩემი ძენი და ნამდვილად მძულს ის ბოროტნი, რომლებიც მეწინააღმდეგებიან; ეს არის ჩემი ქმედებების მიღმა არსებული პრინციპი. თითოეულ თქვენგანს უნდა ჰქონდეს გარკვეული წარმოდგენა ჩემს ადმინისტრაციულ განკარგულებებზე; თუ არ გაქვთ, მაშინ თქვენ არ გექნებათ იოტისოდენა შიშიც კი და უდარდელად მოიქცევით ჩემ წინაშე. თქვენ ასევე არ გეცოდინებათ, რისი აღსრულება მსურს, რისი მიღწევა მსურს, რისი მოპოვება მსურს, ან როგორი ადამიანი სჭირდება ჩემს სასუფეველს.

ჩემი ადმინისტრაციული განკარგულებებია:

1. ვინც არ უნდა იყო, თუ გულში მეწინააღმდეგები, განკითხული იქნები.

2. ისინი, ვინც მე ავირჩიე, მყისიერად გაიწვრთნებიან ნებისმიერი არასწორი ფიქრისთვის.

3. მე გვერდზე გადავდებ მათ, ვისაც არ სწამს ჩემი და ნებას დავრთავ, ისაუბრონ და იმოქმედონ უდარდელად; საბოლოოდ, მე საფუძვლიანად დავსჯი მათ და გავუსწორდები მათ.

4. მე ვიზრუნებ და დავიცავ მათ, ვისაც ჩემი ყოველთვის სწამს. მე ყოველთვის მივაწვდი მათ სიცოცხლეს ხსნის გზით. ამ ადამიანებს ექნებათ ჩემი სიყვარული და ისინი ნამდვილად არ დაეცემიან ან არ დაკარგავენ გზას. ნებისმიერი სისუსტე, რაც მათ აქვთ, მხოლოდ დროებითი იქნება და მე ნამდვილად არ გავიხსენებ მათ სისუსტეებს.

5. ისინი, ვისაც თითქოს სწამს, მაგრამ სინამდვილეში ასე არ არის — ვისაც სწამს, რომ არსებობს ღმერთი, მაგრამ არ მიჰყვება ქრისტეს, თუმცა არც ეწინააღმდეგება — ესენი ყველაზე შესაბრალისი ტიპის ადამიანები არიან და ჩემი საქმეების მეშვეობით მე მათ ნათლად დავანახებ. ჩემი ქმედებებით მე ვიხსნი ასეთ ადამიანებს და დავაბრუნებ მათ.

6. პირმშო ძენი, პირველნი, ვინც მიიღო ჩემი სახელი, კურთხეულნი იქნებიან! მე აუცილებლად გიბოძებთ საუკეთესო კურთხევას, და მოგცემთ საშუალებას, დატკბეთ მისით თქვენი გულის წადილისამებრ; ვერავინ გაბედავს, ხელი შეუშალოს ამას. ყველაფერი სრულად არის მომზადებული თქვენთვის, რადგან ეს არის ჩემი ადმინისტრაციული განკარგულება.

უნდა შეგეძლოთ დაინახოთ ყოველმხრივ ჩემი ხელით განხორციელებული ყველა ქმედება და ყველა ჩემი გულის წადილი. განა ეს ყველაფერი თქვენთვის არ არის? ვინ არის თქვენ შორის ჩემთვის? ჩაღრმავებიხართ ფიქრებს თქვენს გულებში ან სიტყვებს თქვენს ბაგეებზე? კეთილსინდისიერად მიუდექით ამ საკითხებს? დაბნეულნო! თავაშვებულნო! თქვენ არ იღებთ სულიწმიდის შეზღუდვებს! მე ისევ და ისევ ვახმიანებ ჩემს ხმას შენში, თუმცა ამას არავითარი რეაქცია არ გამოუწვევია. ნუღარ იქნები ბრიყვი! ჩემი განზრახვების წვდომა შენი მოვალეობაა; გარდა ამისა, ეს არის გზა, რომელსაც უნდა დაადგე. შენ დაბნეული ხარ, არ გაქვს გამჭრიახობა და ნათლად ვერ ხედავ, რისი აღსრულება მსურს შენში ან რისი მიღება მსურს შენგან! ჩემი განზრახვების ჩასაწვდომად, შენ უნდა დაიწყო ჩემთან დაახლოებით და ჩემთან მეტი თანაზიარებით. შენ ყოველთვის ამბობ, რომ არ შეგიძლია ჩემი განზრახვების წვდომა. შენ უკვე აღვსილი ხარ საკუთარი თავით; მაშ, მე როგორღა ვიმოქმედო შენზე? შენ არ იჩენ ინიციატივას და არ მოდიხარ ჩემ წინაშე, არამედ მხოლოდ პასიურად ელოდები. მე ვამბობ, რომ შენ მატლს ჰგავხარ, თუმცა თავს შეურაცხყოფილად გრძნობ და უარს ამბობ ამის მიღებაზე. ამჯერად შენ უნდა აღდგე და ითანამშრომლო ჩემთან! ნუ იქნები პასიური! ეს უკან დახევს შენს სიცოცხლეს. აქტიურობას მოაქვს სარგებელი შენთვის და არა სხვებისთვის. ნუთუ ჯერ კიდევ არ გიღიარებია და არ გიცნობირებია ეს საფუძვლიანად? ჩემი განზრახვები მუდმივად ცხადდება შენში. ნუთუ არ შეგიმჩნევია ისინი? რატომ არასოდეს მიგიქცევია მათთვის ყურადღება? რატომ არასოდეს შეგეძლო ჩემი განზრახვების წვდომა? ნუთუ ჩემი განზრახვების წვდომა ნამდვილად არ მოგიტანდა არავითარ სარგებელს?

მსურს, ყოველმხრივ გაითვალისწინო ჩემი განზრახვები, რათა შენში მქონდეს სავალი გზა და სახლი დასავანებლად. ნუღარ შემაფერხებ — ეს მეტისმეტად უგულობაა! შენ არ გესმის ჩემი სიტყვები და არავითარ პასუხს არ სცემ მათ. შეხედე, რა დროა ახლა; მეტი ლოდინი აღარ შეიძლება! თუ შენ კვალდაკვალ არ მიჰყვები ჩემს ნაბიჯებს, მაშინ მეტისმეტად გვიან იქნება, მით უმეტეს, აღარ იარსებებს არავითარი გზა, რომლითაც შეძლებ მის გამოსწორებას!