თავი 68

ჩემი სიტყვა აღსრულდება ყველა ქვეყანაში, ადგილზე, ერსა და აღმსარებლობაში და ყოველ კუთხეში ნებისმიერ დროს. უბედურებები, რომლებიც ყველგან ხდება, არ არის ბრძოლები ადამიანთა შორის და არც იარაღით ბრძოლებია. ამის შემდეგ აღარ იქნება ომები. ყველაფერი ჩემს ხელშია. ყველა წარდგება ჩემი სამსჯავროს წინაშე და დაიტანჯება უბედურებით. დაე, მათ, ვინც მეწინააღმდეგება ისევე, როგორც მათ, ვინც არ იჩენს ინიციატივას ჩემთან ითანამშრომლონ, დაითმინონ სხვადასხვა უბედურების ტანჯვა; დაე, იტირონ და კბილები აღრჭიალონ მუდამ, დარჩნენ სამუდამოდ სიბნელეში და ვერ შეძლონ გადარჩენა. მე ვმოქმედებ პირდაპირ და სწრაფად; არ ვითვალისწინებ იმას, თუ რამდენად ერთგული იყავი ჩემ მიმართ წარსულში; სანამ მეწინააღმდეგები, განვრისხდები და ჩემი სამსჯავრო მყისიერად მოგწვდება — ერთი წამითაც კი არ დააგვიანებს — ყოველგვარი სიბრალულის გარეშე. მე მუდამ ვამბობდი, რომ ვარ ღმერთი, რომელიც ასრულებს თავის სიტყვას. ყოველი სიტყვა, რომელსაც წარმოვთქვამ, აღსრულდება და მე გაჩვენებთ თითოეულ მათგანს. სწორედ ეს არის ყველაფერში რეალობაში შესვლის ჭეშმარიტი მნიშვნელობა.

დიდი უბედურებები ნამდვილად არ დაატყდება თავს ჩემს ძეებს, ჩემს საყვარელ ადამიანებს; მე ვიზრუნებ ჩემს ძეებზე ყოველ წუთსა და ყოველ წამს. თქვენ ნამდვილად არ მოგიწევთ ამგვარი ტკივილისა და ტანჯვის ატანა. პირიქით, ამის მიზანია ჩემი ძეების სრულყოფა და ჩემი სიტყვის შესრულება მათზე, ვინც უბედურებებს იტანს, რათა თქვენ შეიცნოთ ჩემი ყოვლისშემძლეობა, კიდევ უფრო გაიზარდოთ სიცოცხლეში, უფრო მალე აიღოთ ტვირთი ჩემთვის და მთელი თქვენი არსება მიუძღვნათ ჩემი მართვის გეგმის დასრულებას. თქვენ უნდა ხარობდეთ სიხარულითა და ბედნიერებით ამის გამო. მე ყველაფერს თქვენ გადმოგცემთ, მოგცემთ რა საშუალებას, აიღოთ კონტროლი; მე მას თქვენს ხელთ მივანდობ. თუ მართალია, რომ ძე მემკვიდრეობით იღებს მამის მთელ ქონებას, მაშინ რამდენად უფრო ჭეშმარიტი იქნება ეს თქვენთვის, ჩემო პირმშო ძენო? თქვენ ჭეშმარიტად კურთხეულნი ხართ. ნაცვლად იმისა, რომ დაიტანჯოთ დიდი უბედურებებით, თქვენ დატკბებით მარადიული კურთხევიით. რაოდენ დიდი დიდებაა! რაოდენ დიდი დიდებაა!

აუჩქარეთ ნაბიჯს და მიჰყევით ჩემს ნაბიჯებს ყველგან და ყოველთვის; არ ჩამორჩეთ. დაე, თქვენი ფიქრები მიჰყვებოდეს ჩემს ფიქრებს და თქვენი გონება მიჰყვებოდეს ჩემს გონებას. ითანამშრომლეთ ჩემთან რთსულოვნად. ჭამეთ ჩემთან ერთად, იცხოვრეთ ჩემთან ერთად და დატკბით ჩემთან ერთად. საოცარი კურთხევები გელოდებათ თქვენ, რათა დატკბეთ და მიიღოთ ისინი. ასეთი შეუდარებელი სიუხვე არსებობს ჩემში. მცირედიც კი არ არის განკუთვნილი სხვისთვის; მე ამას მთლიანად ჩემი ძეებისთვის ვაკეთებ.

ამჟამად ის, რაც გონებაში მაქვს, არის ის, რაც შესრულდება. იმ დროისთვის, როდესაც დავასრულებ თქვენთან საუბარს, ეს საკითხები უკვე დასრულებული იქნება. საქმე ჭეშმარიტად ასე სწრაფად მიმდინარეობს და ის ყოველ წამს იცვლება. თუ თქვენი ყურადღება ერთი წამითაც კი გაიფანტება, მოხდება „ცენტრიდანული“ მოვლენა და თქვენ შორს გადავარდებით და ამ ნაკადს მოწყდებით. თუ გულმოდგინედ არ ისწრაფვით, თქვენ ვერ გაამართლებთ ჩემს საგულდაგულო განზრახვებს. მომავალში სხვადასხვა ქვეყნიდან უამრავი ხალხი მოაწყდება: შეძლებთ მათ წინამძღოლობას თქვენი ამჟამინდელი დონით? მე საფუძვლიანად გაგწვრთნით თქვენ, რათა გახდეთ კარგი ჯარისკაცები ამ მოკლე დროში, რათა შეძლოთ ჩემი დავალების შესრულება. მსურს, ყოველმხრივ განადიდოთ ჩემი სახელი და ჩემი ღირსეული მოწმენი იყოთ. დაე, ისინი, ვისაც ისინი ზემოდან უყურებდნენ, დღეს მათზე მაღლა დადგნენ, რათა უწინამძღოლონ და მართონ ისინი. გესმით ჩემი განზრახვები? გააცნობიერეთ ჩემი საგულდაგულო განზრახვა? ამ ყველაფერს თქვენთვის ვაკეთებ. ეს უბრალოდ იმაზეა დამოკიდებული, შეძლებთ თუ არა დატკბეთ ჩემი კურთხევით.

მე, ღმერთი, რომელიც აკვირდება ადამიანის ყველაზე იდუმალ გულს, დედამიწის დასალიერში წავალ. ვინ გაბედავს არ მემსახუროს? ყველა ქვეყანას შორის დაძაბულობა პიკს აღწევს და ისინი დაუნდობლად იბრძვიან; თუმცა, საბოლოოდ, ისინი ვერ გაექცევიან ჩემს მარწუხებს. ნამდვილად არ დავინდობ მათ ასე ადვილად. სათითაოდ წარვადგენ მათ სამსჯავროს წინაშე მათი ქმედებების, მიწიერი სტატუსებისა და მიწიერი სიამოვნებების მიხედვით. არავის დავინდობ. ჩემმა რისხვამ უკვე დაიწყო გაცხადება და ის მთლიანად დაატყდება მათ თავს. ყველაფერი სათითაოდ აღსრულდება მათზე; მათ თავად მოუტანეს ყოველივე ეს საკუთარ თავს. ადამიანები, რომლებმაც ვერ შეძლეს ჩემი შეცნობა ან ზემოდან მიყურებდნენ წარსულში, ახლა წარდგებიან ჩემი სამსჯავროს წინაშე. რაც შეეხება მათ, ვინც დევნიდა ჩემს ძეებს, განსაკუთრებით გავკიცხავ მათი წარსული სიტყვებისა და ქმედებების შესაბამისად. ბავშვებსაც კი არ დავინდობ. ყველა ეს ადამიანი სატანის მოდგმაა. მაშინაც კი, თუ ისინი არაფერს ამბობენ და არაფერს აკეთებენ, თუ გულის სიღრმეში სიძულვილს ატარებენ ჩემი ძეების მიმართ, არცერთ მათგანს არ დავინდობ. ყველას დავანახებ, რომ ჩვენ — ეს ადამიანთა ჯგუფი — ვმეფობთ და ვფლობთ ძალაუფლებას დღეს; ეს ნამდვილად არ არიან ისინი. ამ მიზეზით, თქვენ კიდევ უფრო მეტად უნდა მიუძღვნათ თქვენი უკიდურესი ძალა და გულწრფელად გაიღოთ თავი ჩემთვის, რათა განადიდოთ და დაამოწმოთ ჩემი სახელი ყველა ადგილას, კუთხეში, რელიგიასა და აღმსარებლობაში და გაავრცელოთ ის მთელ სამყაროში და დედამიწის დასალიერამდე!