Arnam Asai Lapen Monit Akeklem-kedam

Arnam asai monit angbong ke monit along pen chekak un’elo, athe monit ke laso asai aphan ajatonlo, lapen Arnam kapinchong api pima Arnam ahakhi kipi unji lachotlo. Monit akai-achethe lapen kadokave monit arnivang kachoklem-chodam ke Arnam pen chekak un’elo, lapen la kadokave tame Arnam arideng pen si langchari ponlo, lapen lake puson ta ningjeme pima madu tame Arnam pen angtan inutvet puke reng un’elo. Madu ta lake patepek un’elo, athe lake ahok alamlo. Kadokave pima Arnam keklem anke monit akhei ale apharman henlo lapen lake Sobar abidi langno abirudhe pen si klemlo. Kadokave pima monit akenangji anke Arnam pen si vanglo, lapen Arnam ke monit achethe atirilo. Lasi, monit ke Arnam pen chenam si chekak un’elo. Arnam, anpartame, monit along pen kachekakji aphan ke akemathadam thangnat ave. Laso asai pima Arnam keklempon ke kadokave monit akhei aphan ajoinelo, lapen Alangli kamunthidam anke doan ta ingdukjin. Monit aphan, tangte, Arnam asai lapen Arnam kemathadam (lake pima, Arnam akar’idam) anke “kelangdammeklo” pima monit atum kachinidun nangji. Lason kelangdammek heihui tame Arnam akisik-kedanglo, lapen pima laso asai ke monit arpum ke klem un’elo. Arnam pima monit aphan kaselampon Alangli sai ahut akenangji doan, nonmat ke, laphan monit “keklem-kedam” pusi pulo. Mohut kelangdammek anta Arnam Amethang keklem asailo, mate lahei anke Alangli akar’idamlo monit akhei aphan mate Alangli sai kemangdam lapen akenangsotlo. Kelangdammek aphan tame kisik-kedang apharlo pu pudetmelo, athe laso kisik-kedang ta Arnam asailo, lapen ke monit aphan si jongdamlo, atheke pima lake laso asai pima monit angbong si Arnam klemlo. Laso asai ke athe monit Arnam aphan kachinidamlong pu angthek lapen atovarlo, lapen lake monit aphan akenangsotnei asonlo. Jongsi, Arnam asai aphuthak kachiniji aphan apor kachipidun alar ke, monit atum Arnam aphan kekroi kethan alam aron aphan si ardi pidunrong chotlo, mate akenangsot kali masapsap alam, tangte latum ke Arnam aphan chenam si chininelo, lapen, anpartame, Arnam aning aphiphi kalidetpo. Arnam keklem asai pima monit Arnam aphuthak kachinidam abatpik akerap kelong puke kelangdammek pu aphanlo. Laheihui kelangdammek anke Arnam asai saidelo, Arnam akar’idamlo, lapen Arnam asai akemang lapen akenangsot ardilo; lahei doan ke monit aphan ale dopetlo. Keklem-kedam pu kejongdam ke pima monit atum pachun nangji asailo, pima athe ke Arnam aphiphi kidun api doan ke klemvek nangpo, lapen lake monit atum adeng amatlo. Kopilo monit aphan keklem nangji pu ketoi ke pima ha kecheng ahut pen kopine monit kachini ason aphan kali, bonta lake pima Arnam Alangli sai keklem ahut monit aphan kaselam akenang’i henlo. Laheihui akenang doan ke Arnam keklem si pajo pen ansose thelo lapen ansose ingtuilo. Langdam sinang, Aron Akai ahut, monit ke aron abe dun nanglo, lapen Kanghon-Kangjinso Akai ahut, monit ke thengparpan archak nanglo. Khristo Kepangri Arat Akai ke prekdak: Monit aphan akenangji doan Aron Akai lapen Kanghon-Kangjinso Akai ahut aphan mute non ingtuimulang. Kelangdammek heihui ansose kangtui keman pen, monit aphan akenangji doan tame ingtuidun muchotlo, lapen ansose si klardaklo lapen ansose si ahokpet manlo. Lasonthot si, kelangdam heihui tame kebatbom ahokpetlo. Laheihui penang an ahok kelangdammek doan ke Arnam aphan monit athikpet ale anchot kali, bonta, anpartame, Arnam aphuthak alang kachini alelo.

Kedamtang akai doan pen pangbardam lote, Khristo Kepangri Arat Akai ahut Arnam asai ansose si keklem cheklangdak muchot, monit atiri aphan ansose si chejalo lapen alang akun along chelarlo, lapen ansose si Arnam Amethang aphan hakhi chipi’un muchotlo athe pima kadokave halahei Alangli phiphi kidun atum an. Akaprek pen pulote, Khristo Kepangri Arat Akai ahut, Alangli keklem pen, kedamtang apor ahut pen anparte monit aphan Arnam ansose si Amethang chepaklang ponlo, atheke pima monit kachinidam nangji kelangdammek doan ke kedamtang akai pen anpar ingtuimulo. Athema Arnam asai monit angbong ke aphrang pen kithivet ahoi kave along lut tanglo, Khristo Kepangri Arat Akai ahut monit kachinidam kelangdammek heihui anke kadokave akisik-kedang asai angbong pen kangtuineilo. Arnam asai ke kepathikvet ahoi kave along an lut tanglo, lapen lasi kadokave kelangdammek doan angbong pen monit kachinidun nangji akelangdammek si kangtuinei chemanlo, lapen monit akeklem-kedam angthek sitame kedamtang akai ahut doan pen ingtuimulo, athe kelangdammek pen si monit akeklem-kedam anta akengkam chelardunlo, lapen kelangdammek akechoklim pu angthek pen si monit akenangji doan akechoklim pu cheklang’ilo. Kadokave Arnam kisik-kedang doan le kesanglo pulo tangte, lasonsi monit akeklem-kedam antame kangtonlo, lapen Arnam asai klemklepin pen, monit ke jat ta chongvainolo bonta kedamtang apor ahut kekroi kethan aron alam kachibi anchotlo, mate chenam si nahok tame kachetevarji athai avelo. Akimi kelangdammek avepin pen, monit atum akimi keklem-kedam tame avedetpo; plenglim kelangdammek avete, monit atum tame thangnat kechoklim keklem-kedam avedetpo; kangtuiving kelangdammek avete, monit tame kangtuiving keklem-kedam avedetpo. Monit akeklem-kedam ke Arnam akengbot along pen si chelardunlo, lapen, lasonsi, Arnam asai along pen si monit kachinidam lapen kachomatlong tame chelardunlo. Koanma monit ke kethek dolo sitame, nonputa alang ke Arnam pen chekak un’elo, lapen jongsi malomso aphan pu tame Arnam le sai klem ingtonkok lote, monit ke Alangli ningkithi pen menmen amat si thilotji. Monit ke thangnat ane chepatheji athai ave, athe pini arni koanma monit akethek ingtuilo sitame, koanma alang kepchetonglong thedunglo pu sitame, alang ke Arnam asai pen chekak un’elo – athe monit akeklem-kedam, lapen pima atheke alang Arnam along si alang kekroi ridun nangji, anke kelangdammek along pen chekak un’elo. Arnam asai asontin along sitame, ladak kelangdammek dolo pima monit kachinidun nangji, lapen, lahei abe kidun nangji, monit aphan kaselam akenang atheng saidelo. Laheihui kelangdammek kecheng anujok avete, monit ke chenam si keklem-kedamji un’edetpo, mate monit ke Arnam aphiphi thirkluk pen dun thekthedetpo. Jongsi monit le Arnam aphan chinine mate Arnam akar’idam chinidundedet, tangte kadokave pima monit keklem anke ale avelo, lapen Arnam pen kedengponji aphan chokchelo. Koanma keplengchon monit anongne dolo tame, nonputa alang ke Arnam asai lapen Arnam akethan-kapare pen chekak un’elo. Koanma monit atum asai amo akeme mate koanma penang an asai amo monit cheklemlo tame, nonputa latum ke Arnam asai aphan panglar un’elo. Lapen lasi, aling pen tame monit akeklem-kedam ke kelangdammek doan pen pachekak un’elo. Komatmatma akimi kelangdammek kedengdunde atum anke akimi keklem-kedam avelo. Alangtum akeklem-kedam ke ahok along jat ta kachepho avelo athema latum ke kekroi kethan aron alam si ottiplo lapen kithitang aron si chibilo; latum along ke akimi kelangdammek amat si avelo, lapen laso angthek ke, latum akimi akai along pen keklem-kedam ahut thangnat ta jokdundelo. Latum ke kelangdammek pangbodetlo, lapen lason keklem pen latum ke Karjong Kangthir asai sitame chepangbodundetlo, lapen latum along ahok ta ingbodetlo. Komatmatma ahok kavedet atum anke kiludet aso-asu saidelo, latum doan ke thekdak Sobar amung saidelo. Kopi amonit apun loma komatne ke pu sitame, latum ke Arnam asai kelangdammek avepin pen ke kalilo, lapen Karjong Kangthir kedodunde pen puke kalilo; kelangdammek le matne kachepangbo pen lote, Meherang along si lake klodamphitpo lapen kangting angbong si dopo. Monit atum komatmatma thangnat chininepin pen Arnam aphiphi kidun atum anke kelangdammek avelo, latum doan ke komatmatma Karjong Kangthir asai pen duredet khangjang atumlo, lapen latum doan ke meherang along si dodunlo. Lason amonit atum ke ahok aphan ridundelo, bonta alar ke Arnam amen aphan tarpangthek ason si vekloklo. Komatmatma Karjong Kangthir asai kachinidunde atum an, komatma Arnam ok kachepharlotang abang aphan kachinine, komatma Arnam kisik-kedang angton pen pasonthom asai angdeng kachinine atum an – latum ke kelangdammek ta chininelo, lapen lasi ahok ta avedetlo. Lapen ke komatmatma ahok kavedet atum anke kadokave ta kaheno asai keklem saide kalilangma? Komatmatma ahok ateng pen keklem-kedamji ninghang atum an, komatma Arnam aphuthak kachiniji kiri ninghang atum doan, lapen komatma ahokpet Arnam pen jalangrappet amonit atum anke kelangdammek ke kecheng anujok si chemanlo. Latum doan ke Arnam dengponlo athema latum ke Arnam along jalangdun rappetlo, lapen lake laso kajalangdun rappet henlo pima monit keklem-kedam along kejokdunvek nangji.

Kelangdammek along ke penang an atovar do keklem-kedamji aphan. Monit atum keklem-kedam akehangdam anta kelangdammek along si dopetlo, athe lake Arnam asailo pima monit kachinidam nangji. Kedamtang ahut, prekjek kachingrum mate thedung kachingrum pima prekjam adim along kepado ahut, isi ahin keklem-kedam atovar ansi ningjedamchot. Lason akeklem-kedam ke pima atheke Kanghon-Kangjinso Akai ahut keklemponvek nangpo, lapen Arnam aphuthak kachini along ke masapso akachepho ansi dochotlo, athe Kanghon-Kangjinso Akai ahut kelangdammek ke Jisu apran kedam akelangdammek anchotlo, lapen akaprek thangnat ta thedung kelangdammek avelo. Monit ke Alangli apran kedamnang pen ajok monit akhei aphan pap kepajok asai pen anpar ansose chinidun nangjilang, lapen lasi Kanghon-Kangjinso Akai ahut monit aphan ke akaprek kelangdammek kachini nangji avedetlo. Lason pen si, monit ke masap anchot si Arnam aphuthak chinilo, lapen Jisu akanghon lapen kadiyathek aphuthak kachinidam pen anpar, alang keklem-kedam along kejokdun nangji aphan masapso joike lapen jinsomeme ason dokoklo, pima lake pini arni ason pen cheprekpik anlang. Kedamtang ahut, alang kachingrum kopima ajat ason pen le dolo tame, monit ke Arnam asai keklem-kedam aphuthak kachinidam kethanji thekthelo, atheke monit kilutdun nangji kechoknei keklem-kedam atovar ke inutnat tame paklardak pen ningje thekthedetlo. Monit ke masapso joike alam si thapdun chotlo kachechak’un lapen chepaningdingthek kecheng anujok along; alang keklem-kedam atiri along ke chenam si jat ta kachelar avelo, athe laso akai along amat ke Arnam thangnat akimi asai klemklelo, lapen Alangli akenangji monit aphan kapinchong ke kachechak’un lapen chepaningdingthek anchot henlo, mate thengparpan parphangpon henlo. Lason akeklem-kedam pen anpar, Jisu apran kachipi pen akangtui ke thangnat kelangdammek ta avelo. Kedamtang ahut, akaprek kelangdammek pu kejongpon ave athema Arnam isi thedung asai amo klemponpelo, lapen athema Alangli monit aphan dorchit akenangji ansi hanglo. Lason pen si, monit kopima keklem langdamdepin pen, alang ke laheihui ahoi pen abat anke dam un’edetlo, laso ahoi atheke ajahak joike lapen karnukne ahormu monit keklem-kedam along kepon nangji. Pini arni Ne akaprek kelangdammek apot ningjelo athema pini arni, ansose sai klempon patanglo, laso asai pima akeongpi apor ahut Aron Akai lapen Kanghon-Kangjinso Akai along palitpik dolo. Monit akenangji doan, lasonsi, akeongpi apor ke kedamtang akai aphan ingtuimulo. Jongsi monit le lason asai angton pen chinidamdedetlo, tangte lake thangnat thedung akenangsot ardi longledetpo; lake pudamme pima monit ke lason asai angton pen kachinidam sungkrung doji jongsi alang akai dingpi kachepedukkrup apor chipipe pulote. Kachepahemphupon asai along, keklem-kedam atovar alam anchot si ningjelo pulote monit aphan kachepahemphu un’edetji. Kelangdammek aphuthak thangbakbe kaningjechot ke, monit aphan akenangji doan pathikthepin pen, lason ke monit aphan chepahemphuji pu along pidundelo. Jongsi thangnat alam ta ningjeje bonta keklem-kedam alam anchotlo, tangte lake monit akadurenei adim along kepaphodamji, mate monit kamunthidamthap alam kapapreidetji un’edet khangjangpo, lapen lasonthot si monit aphan angton pen chepahemphudetji ta un’edetpo. Kelangdammek henlo monit aphan kachepahaiji abidi kemeneilo, tebontame jongsi keklem-kedam atovar kelangdammek pen anpar ta avethudet pulote, monit ke aphiphi kidunji akrong avedetpo, thangnat ta kilutdunji ahin ave muchotpo. Lahenlo ha kecheng pen kijut an Arnam asai keklemji kachisik kekroidamlo: Kelangdammek kedo along ke pima athe keklem-kedam along pidunmelo, lapen lasonthot si keklem-kedamji aphan kebatdun tame kelangdammek dolo. Monit achethe lapen alang akun along kachelar aphant tame kelangdammek along kachelar chepondunlo. Monit le alang mena kachepeduk aphan anchot si chikidamlo, tangte lake alangphan un’edetpo ajat tame thedung kachelar aphant kelongdamji. Kelangdammek ke Arnam Amethang asai lapen Arnam kisik-kedangdam aphuthak si ningjelo. Keklem-kedam puke monit asai ateng pen keklemdun atovar aphan si jonglo, lapen monit kerengdunji akrong ahinlo; kadokave Arnam kisik-kedangpon along, kelangdammek lapen keklem-kedam angbong akachepho ke Arnam lapen monit akachepho asonlo. Jongsi kelangdammek doan le pavedetlo, mate jongsi lahei doan le keklem-kedam kalipin pen ningjedam’ilo, mate jongsi kelangdammek dochotlo lapen monit akeklem-kedam anke pavirtheilo, tangte laso ahormu ke Arnam kisik-kedangdamlo pu hok un’edetpo, laso aphan kipudam ke pima Arnam asai keklem monit akhei aphan ajoinelo pudamnothu muchotpo; lason pen si, monit adeng anchot le kapaveji kalilo, bonta lake Arnam asai akemangdam tame kapatepekdunlo. Jongsi, ha kecheng pen kijut an, monit le keklem-kedamji aphan akenangchot, Arnam asai kacherapdun avepin pen ta choklo, lapen, anpartame, jongsi monit le Arnam asai aphan kachinidunji akenang avelo, tangte lason asai aphan ke Arnam kisik-kedang pusi pudamlo puke dure muchotjilang. Jongsi monit le Arnam aphan chininelo, lapen Arnam akar’idam aphan mathakranglo, lapen chininepin si alang keklem-kedam along ke klardakde lapen thirthipthe ason pen klemlo pulote, alang ke angton pen isi api ateng atheng cheman un’edetpo. Lapen lasi, laheihui sonni ahormu ke akenangsotneilo. Jongsi Arnam asai anchot le dolo, atheke pudamme, jongsi kelangdammek dochotlo lapen jongsi monit ahin pen kajalangdun mate keklem-kedam avedet pulote, lason ahormu aphan ke Arnam kisik-kedangdam pu pudam un’edetpo. Jongsi monit akeklem-kedam lapen kilutdun anchot si dolo, tangte koanma akangtui atovar pu sitame pima monit la kilutdun, lake, lasonsi, dengpon un’edetpo. Monit kilutdun ke pajo pen asai lapen kelangdammek along si akengkam chelardunvek nangji; lake tongsekot pen amat chelar un’e. Monit akeklem-kedam kekroi kachisikpon along ke joike kali lapen kekhang ta ave bonta isi ahoi angdeng kibivet dolo. Lason keklemji kachisikdamvet akekroi ke kelangdammek asai pen si akengkam chelardunlo. Laso apot si, Arnam kisik-kedangdam padusi ke Arnam asai lapen monit akeklem-kedam along an vanglo.

Kisik-kedang asai kevang athe ke monit akhei ajoinelo, athema lake monit akhei kedokok ajoine pen si kangthur pu aphanlo. Monit akhei aphrang ke kisik-kedang asai ave, mate ha kecheng ahut, sining lapen pirthe lapen kadokave ahormu kapinchongpon ahut. Jongsi, kadokave Arnam asai along, monit aphan ale kedo akeklem-kedam avepin, lake pudam lote, jongsi Arnam le kahenodak amonit akhei aphan akenangji ateng pathikpememedet asonte (jongsi, Arnam keklemtang asai along, monit keklem-kedamji aphan akechok atovar avedet pulote), laso asai aphan ke Arnam akisik-kedangdamlo pu hok un’elo. Jongsi Arnam asai angton pen ta kahenodak amonit akhei aphan kosonsi alangtum akeklem-kedam aphuthak kedoji kethan along si dochotlo, lapen Arnam Alangli mena asai keklemji thangnat ta klemkledet lote, lapen masapsonat ta Alangli jakong ketheparpik lapen kethek-kere chepaklangkledetlo, tangte ajat tame koanma monit aphan Arnam akenangji ingtui, ajat tame koanma monit angbong Arnam kedo arjiding, monit ke Arnam akun thangnat ta chinidundelo; jongsi pima lason alamlo, tangte laso asai ajat ke Arnam kisik-kedanglo pu kehokji apun durepik anlo. Chenam si, Arnam kisik-kedang asai puke Arnam keklemtang asailo, lapen kadokave laso aber keklemtang anke Arnam akeja atenglo komatmatma Arnam kedengtang atum anlo. Lason asai aphan ke kisik-kedanglo pu pajirmidam melo. Akaprek alam pen, Arnam asai monit angbong ke, lasonthot si Alangli pen kajalang rappet kadokave komatmatma Alangli abe doan ke pangrumpet pen kisik-kedang pusi pudamlo. Ladak, Arnam asai aphan ke kelangdammek pusi pulo, lapen monit akajalnagdun rappet aphan ke keklem-kedam pulo. Koanma Arnam asai kangtui (pima lake, ansose si kelangdammek ingtuilo), puan sose si Arnam akun ke monit aphan kapajoikelo, kopuan lake akesung kedo monit kamunthidamthap alam pen, lapen ansose akangtui si monit keklem-kedam lapen kajalangdun chemanpo. Monit akenangji koanma kangtui, puan sose si Arnam asai abang ke sungpo monit kamunthidamthap alam pen, laso angthek athe ke monit aphan asat langpo, lapen pima alang kachetongvek nangji angdeng phopo, lahei anta kangtui chemanpo. Laso asai kepajut ahut, kadokave kelangdammek anta patangthei si peman nangpo, lapen pima atheke monit akenangji keklem-kedam along kejokdun tame choklim kemenei angdeng ansi ledunpo. Lake halaso apor ahutpo anuttin aphan tame kethakvetji, athe pima monit kachini nangji akenang tame monit aphan paklang’et tanglo. Lasi, kelangdammek tame alangtum kepajutsi angdeng lelote, laso asai tame kijut ahin amethang si patebokdampo, lapen monit akeklem-kedam tame kapajut kangtuinei adim lepo. Monit akeklem-kedam kelangdam ke Arnam asai pen ajoklo, lapen Arnam kisik-kedang ke angton pen monit akeklem-kedam lapen kajalangdun rappet apot kachoro alam kapajir puchotlo. Monit ke Arnam asai kapaklang’iji ajatonlo, lapen kadokave Arnam kisik-kedang asai along ajaton saidelo, lapen ke Arnam angton pen kisik-kedang along ahormulo. Jongsi Arnam le inutvet klempet, monit kajalangdun rappet avepin, tangte thangnat ta avepinpo pima Alangli angton asai along kapachithing-pacharkle ateng cheklangklepinpo, lapen anke Arnam kisik-kedangdam along masapsonat akenangsot ardi ta avedetpo. Arnam asai pen akaprek, Arnam pen ajok si Alangli sai ajaton apun kethanji ingvaiji lapen laso jakongketheparpik lapen kethek-kere angthek do si Arnam Alangli kisik-kedangdam akemang chundam unji, lapen laso asai kadokave ke’enpon pen Sobar aphan angton pen kaparemdet akemang chunji. Laso apot si, monit ke Arnam kisik-kedangdam asai along pen akenangsotnei apharlo, lapen monit henlo pima Arnam kisik-kedangdam ason athe pathe thekji lapen kepadusi akemang anta kelong unji kepaman abanglo; monit pen akaprek ke, majok chethe kedo api tame lason asai ke klempon un’edetji. Jongsi monit le Arnam kisik-kedangdam asai pacharkle-pachithing ahokpet chemanlo tangte, kahenodak monit akhei athikpetpe doan ta angton pen pavirthei nangpo. Laso kenangji ke pima monit aphan prekjam apor ahut tame keklem-kedam kipitang pajoike nangpo, lapen pima Arnam si monit angbong kacheraplok asai doan klemponlo. Lason pen anchot si Arnam kisik-kedangdam asai pachithing-pacharkle komatma isi adilung amonit atum aphan kepadusi ke longdampo. Arnam asai monit angbong ke Arnam Amethang aphan Arnam asai salajong pen ajok puke hakhi chipi un’elo; kelongdetji aphan, lason ahakhi ta kereng’et amonit atum si kenangji pima Alangli sai keklem’iji aphan. Arnam kechengsi ke laheihui amonit atum aphuthak si klemponpo, Alangli sai latum pen ajok si anke chethanponpo, lapen lasi lason ahakhi pen Alangli kar’idam alam tame pinchongtang api doan angbong cheklangpo, lapen laso along si, Arnam akar’idam ta Alangli sai akemang chunponpo. Arnam ke Sobar aphan kaparem salajong klemkle athema Alangli ke kadokave pinchongtang api doan angbong Amethang aphan amat ke hakhi chipipelo. Jongsi Alangli le keklem nangji pulote, lake monit aphan kebaipondetji puke chenam si un’elo, lasi Arnam ke monit aphan chepahemphuji ajoine si monit aphuthak sai klemlo, lapen lason pen anchot si kadokave pinchongtang api doan angbong Alangli hakhi longdam unpo. Jongsi komatma Arnam ansi klemchotlo, monit atum kajalangdun rappet avepin, mate jongsi monit ke kacherapdun nangji akenang avetlo, tangte monit ke Arnam akun chininedet khangjangpo, lapen ke Arnam akar’idam tame kaike si chininedetpo; Arnam asai aphan anke Arnam kisik-kedangdam asailo pu pudam un’edetpo. Jongsi monit anchot le amethang si klem chepeduklo, lapen rilo, lapen chitingkruplo, Arnam asai aphuthak kachini avepin pen, tangte monit ke kapachalai ason si kapathuloklo. Karjong Kangthir asai avepin pen ke, pima atheke monit ke Sobarlo, alang ke chedandong lapen kaheno keklem abanglo; Sobar si pima kadokave kahenodak amonit akhei atum keklem along anke cheklangdunlo, lapen pima thangnat ta Arnam pen kachingbardam puke avepinlo, lapen kadokave monit doan keklem ke Sobar apharman si kacheklangpi saidelo. Kadokave pima kaningjetang doan tame asontin ta kelangdammek lapen keklem-kedam pen ke angtan saidelo. Kelangdammek kecheng anujok along, monit keklem-kedam si rilo lapen athikpet atovar si longlo, laso pen pima alang alang kamunthidamthap alam an arei chibi’et thekji lapen halahei ason si pima alang kedamtang ahut cheparideng longlelang an longpo. Arnam akenangji ke pima monit Alangli pen jalang rappet henlo, pima monit angton pen Alangli kenangji along chipidundet, lapen Arnam Amethang keklemtang along monit aphan kapatheklongji kehang, Arnam jakongthepar pachomatlongji, lapen Arnam akun doan pachiniji. Laheihui, pathihek pen, doan ta Arnam kisik-kedanglo. Arnam monit pen kacherap kedo ke kisik-kedang henlo, lapen lake kethenei akisik-kedangdamlo.

Kopima kelangdammek pen kacheraplok alam anke kechengsi Arnam Amethang asai aphan si kejongdamlo, lapen pima atheke keklem-kedam kedo along anke monit si klemvek nangpo lapen ajat sitame Arnam aphan kachephodam avelo. Arnam asai ke Arnam Amethang si klem patanglo, lapen monit akeklem-kedam ke monit amethang si longdamlo. Pima atheke Arnam Amethang keklem patangvek nangji asai anke monit si keklem patangdun nangnelo, lapen pima atheke monit si keklem-kedamvek nangji anke Arnam aphan kachephodam avelo. Arnam asai ke Alangli mena birta keme pachethang asailo lapen monit along thangnat ta kacherap avelo. Laso asai ke monit keklem patangdun nangnelo, lapen, anpartame, monit ke Arnam keklem kapatang nangji asai ke klem un’edetji. Pima atheke monit keklem-kedam nangji akenangvek ke monit amat si chepalong nangji, lake alang chethe chehodaidet pu tame, mate Sobar aphan amethang hakhi kachipi karjapthip pu sitame – laheihui ke kadokave ta monit si chepalongvek nangpo. Arnam Amethang kadokave asai Alangli keklem nangji anke patangtheilo, lapen pima atheke monit keklem nangji anke monit aphan paklang etlo, lapen kedolang asai anke monit aphan si paklemtoilo. Arnam ke asai abat kedoan klemklelo. Alangli ke pima Alangli keklem nangji asai along apot an si klemponchotlo, lapen monit aphan si akrong paklanglo, lapen akrong kepaklangpon asai ansi klemchotlo, lapen laso akrong along kidun nangji asai ke klemklelo; lake kadokave ta chinidam nangji. Keklem-kedam along ahok ateng pen pu kipudam ke keklem-kedam along Arnam alamthe ateng pen pulo, lapen kadokave lake monit atum adenglo, pima atheke monit si klemvek nangpo, lapen ajat tame Arnam ahin pen kalipinlo. Jongsi monit atum chohanglo pima Arnam tame kisung lapen kapangthirpon ahok along chechak nanglo, lason thakthak si monit tamelo, tangte monit ke athikpetpedetlo. Arnam asai ke Alangli birta keme pachethang asai keklemji aphanlo, lapen monit adeng ke kadokave Arnam kepare alam an karjudun henlo, kachekhangthip avepin pen. Pima atheke monit kelong nangji anke alang adenglo kapachun nangji, Arnam keklem mate kedodun atheke ajat ahin pen pu sitame. Arnam Amethang anchot si monit akenangji doan peman unji, athe pudamlo tae, Arnam Amethang anchot si monit akenangji doan kapemanpon athenglo. Monit ke thangnat ta kachongvai nangnelo lapen jat ta klem nangnelo bonta angton pen chehodai lapen keklem-kedam henlo; lahenlo kachini nangji pima monit kacheparideng akenang. Laso asai pima Arnam Amethang si kapatangvek nangji asai tanglote, monit ke kachomatdun nangji akenanglo, angdeng pen angdenglo. Jongsi, mo kijut ahut an, kadokave Arnam kisik-kedang doan tangthei lote, monit ke nonpu tangtelang pima atheke Arnam si akenanglo, anke monit aphan ado kipi nangpo. Jongsi monit le Arnam akenangji doan pachun pipelo, tangte lake monit athikpetpedet ajoinelo; lake pima Arnam Alangli sai keklem arsikjikjedet apotlo puke pudamnolo. Kadokave komatmatma Arnam alam ateng pen keklem-kedam thekthedet atum, komatmatma Arnam akenangji doan pachunpi thekthedet atum, lapen komatmatma alang kachepabihek kachipidun thekthedet lapen alangtum adeng chepapleng thekthedet atum anke ado kipi phovekpo. Pini arni, kopima nangtum kenangji doan kelongji ke akaprek abat akehangdam kalilo, bonta monit adeng amatlo, lapen pima atheke kadokave amonit atum si klemvek nangpo. Jongsi nangtum doan le nangtum adeng cheklemji anta un’edetlo, mate klem pememedetlo, tangte nang ke nangmethang aphuthak si kisung chevanlo kalima? Tangte nang ke kithi aphan si ardi chipilo kalima? Kosonsi nang nonputa mohut lapen mohut kephodamji alam kedoji pu ningthe kedolo? Arnam asai ke monit akhei aphan ajoine si klemlo, lapen monit akajalangdun rappet ke Arnam kisik-kedangdam aphan ajoine si pidunlo. Arnam Alangli kadokave keklem nangji doan patangthei aphi ke pima, monit ke alang keklem-kedam along chekhangkhepin si kenangpo, lapen Arnam along cherapdunhet nangpo. Arnam asai keklem along, monit ke thangnat chepeduk nangne, alang athikpet si chipidun nangpo, lapen prekjam kamunthidamthap alam along dodundedet nangpo, mate kangni pangveve lapen kithi chonghongding nangnelo. Arnam ke monit apharman Amethang chehodaidet ta unlo, lasi monit le kosonsi alang athikpet kachipidun thekthe nangpo? Arnam ke monit aphan aning lapen aphu isivet kedo, lasi kosonsi monit le masap kacherapdun chipi thekthedet nangpo? Arnam ke monit akhei aphan si klemlo, lasi kosonsi monit ke Arnam kisik-kedangdam aphan ajoine alang ajahak adeng cheklem thekthedet nangpo? Arnam asai ke puan akahelo nangle etlo, tebonta nangtum ke nonputa langchotlo bontame klemkledetlo, nang arjulonglo bonta cheterekredetlo. Tangte lason amonit atum ke kai apar kai ado kipi kephoji ajaton atum kalima? Arnam ke Alangli angton pen monit aphan si chepidet tanglo, lasi kopi apot, pini arni, monit ke alang adeng cheklem tirlap un’edetlo? Arnam aphan, Alangli sai ke Alangli kechengsi adenglo, lapen Alangli kisik-kedangdam asai ke kethenei akenangsotlo. Monit aphan ke, Arnam alam ateng pen keklempon lapen Arnam akenangji doan kapaplengpi henlo alang kechengsi adenglo. Nangtum lake kadokave chinidamvek nangji. Nangtum aphan kaningjetang alam ke nangtum akedoivet aklong along an ledam’etlo, lapen Arnam asai ke ahoi kapathikvet kalidet along an lutdam etlo. Penang an amonit atum nonputa laso ahin ahok mate kapachobei alam chininedetlang; latum doan ke nonputa kachonghong lapen kelang, lapen alangtum adeng ke cheklemkledet. Alar ke, latum athetin lapen Arnam asai amotin si ingsirlo, latum ke kopima Alangli kecho lapen kachingthang ansi pangthekdunlo, lapen alangtum kamunthidamthap alam ke ansose kahenopik chemandetlo. Tangte lason amonit atum ke thangnat kalidet ason aphan si ardi chipirong kalima? Kosonsi lason amonit atum ke komatmatma Arnam aphan kiri atumpo? Lapen kosonsi latum le komatmatma Arnam along kachehodaidetji aningkematha atumpo? Latum ke alangtum athikpet lapen adeng tame alangtum kamatha anung si chibikoklo, lapen alar ke Arnam konatnat-kopipi kedo aphan si ardi chipilo. Latum doan ke aning sedengkaklo! Jongsi monit le kadokave pima alang kachinidam nangji an chinidamlo, lapen laso ateng si klem-damlo kadokave pima alang keklem-kedam along kachipidun nangji, tangte Arnam ke chenam si Alangli hirjume monit aphuthak pajirpo, athe pima Alangli monit aphan kenangji anke monit aphan adenglo, lapen pima atheke monit si klemvek nangpo. Jongsi monit le kopima alang kachinidam nangji alam chinidun thekthedetlo lapen ke kopima alang keklem-kedam along kipidunvek nangji ateng klem-dam thekthedetlo, tangte monit ke ado kipi phovekpo. Komatmatma Arnam pen cheraphethedet atum anke Arnam aphan ahotur saidelo, komatmatma akimi asai aphan kedengdundedet atum anke la khamkhedunlo, jongsi lason amonit atum thangnat ta klemkledetlo tame pima lake kekhamkhedunlo pusi pupo. Kadokave komatmatma Arnam akenangji ahok ateng keklem-kedam thekthedet atum anke chinilor si kekhamkhe amonit atumlo lapen ke Arnam alam kapatepek atumlo, jongsi lason amonit atum le Karjong Kangthir asai aphan prekjek ardi chipidun pu sitame. Monit atum komatma Arnam alam karjuje lapen Arnam aphan chipidetde atum anke chedandonglo, lapen latum doan ke Arnam abirudhe kithur atumlo. Monit atum komatma alangtum adeng kacheklemkle atum anke komatmatma Arnam along cherapdunhethelo, lapen monit atum komatma Arnam pen cheraphethedet atum anke komatmatma Karjong Kangthir asai dengdundedetlo.

Arnam asai le elong angdeng an keledam ahut, lapen Alangli kisik-kedangdam tame elong angdeng an ledamlo te, komatmatma Alangli ning aphiphi kidun atum anke kadokave ta Alangli akenangji doan paplengpidun thekpo. Arnam monit aphan akenangji doan pemanlo Alangli mena atengthot pen, lapen laso ateng pen ajok si atheke monit ke longdam theklo. Alangli kisik-kedangdam aphuthak chethanbom ahut, Alangli monit aphan akrong tame jonglo, lapen monit aphan kerengdunji atovar paklanglo. Arnam akisik-kedang lapen monit atum akeklem-kedam ke hini tame isivet asai angdeng alonglo lapen pardunron si klemponlo. Arnam kisik-kedangdam kachethan ke monit akun kachelar pen si pangbarlo, lapen pima atheke monit keklemvek nangji lapen monit akun kachelarvek nangji kachethan ke Arnam asai pen si pangbarlo; laheihui hini kachekakdakji puke lason apot amat si avelo. Monit keklem-kedam ke chelarvoilo, angdeng pen angdenglo. Lake athema Arnam akenangji monit aphan tame chelarvoilo, lapen athema Arnam asai ke kaiketa chelarvoi lapen paphrangbom. Jongsi monit akeklem-kedam le kekroi kethan aron alam along chingnanghet si doverlo, lake pulote pima alang Arnam asai lapen akethan pen chehelovinglo; jongsi monit akeklem-kedam le chelarledetlo mate akarnuk si damthulo, tangte lake pulote pima monit akeklem-kedam ke monit aningkehang ateng pen si klembomlo, lapen lake ahok ateng akeklem-kedam kalilo; jongsi monit le atheke kedamji aphan atovar avedetlo, tangte alang ke Sobar arideng along si klodam etlo, lapen ke Sobar si cheparidengthiplo, athe pulote pima alangphan ke karjong langno si chepahemphulo. Jongsi monit akeklem-kedam le akarnuk an damdedetlo, tangte Arnam asai ke chingthurthedetpo, lapen jongsi Arnam asai along le kachelar avedetlo, tangte monit kilutdun ke menmen si sangkokpo; lake chekokvekpo. Kadokave Arnam asai angton pen, jongsi monit le kaiketa Jehovah aron ateng cheotthiplo, tangte Arnam asai ke paphrangprelo, angton akai kijut an kevanji aphan un’edetji si manpo. Jongsi monit le kaiketa thengparpan along si dothipverlo lapen ningkiding lapen kachepabihek si klemverlo, tangte lake Arnam asai aphrang kedambomji aphan un’edetpo. Ningkan suri throk kisik-kedang ke komatma aron ke’otthip, mate thengparpan si otthip lapen ningkiding lapen chepabihek anchot kedo amonit atum angbong kijut chenam si van thekthedetpo. Alar ke, Arnam kisik-kedang angton pen asai ke komatmatma kijutsi arni ahut atum angbong si ingtonlo, komatma Arnam aphan kachini, komatma Sobar kebengthip pen kejokvan kelongthu abang, lapen komatma Sobar akebaipon along pen amethang aphan angton pen chepahelothek atum along. Lake Arnam asai kachekokvekji akronglo. Kopi apot si lason pulo pima komatmatma dhoromi amondoli along keklem-kedam atum anke aban cheman tanglo? Lake athema latum kopima keklem-kedam along kibi anke pini arni asai along pen chekakdun tanglo. Kanghon-Kangjinso Akai along, latum kopima keklem-kedampon ke choklo, bonta akai dambom pen lapen Arnam asai chelar tanglo, alangtum ningkiding tame pajo pen aban mantanglo. Lake akimi asai lapen akimi atur pen si aphi pabikoklo. Kecheng anujok abinong’et ateng pangdam si, Karjong Kangthir asai ke penang an akengkam karnuk paphrangpiklo. Tebonta komatmat nonputa hako kecheng Arnam asai angdeng along chingthanglok amonit atum do, lapen nonputa abarim keklem-kedam lapen aban atur along si dothipverlang. Arnam asai ke thedung kachelar ningkan kethom mate pho angbong unji, lasi tangte ningkan 2,000 angbong ke thedung akachelarphun klangkledetji puhe? Jongsi monit le akimi atur mate keklem-kedam avedet, lake pudamlo te pima alang ke Karjong Kangthir asai pen pachetontedetlo. Lahenlo monit akeremdamlo; Arnam akimi asai kedobom ke patepek un’elo athema, pini arni, komatmat kedamtang ahut Karjong Kangthir asai kelongtang atum anke nonputa abarim kilittang akeklem-kedam si otthipverlo. Karjong Kangthir asai ke kaiketa aphrang anat dambomlo, lapen kadokave komatmatma Karjong Kangthir aroi along si kedo atum anke akarnuk ahin si paphrangbom lapen chelardunbom nangji, angdeng pen angdeng. Latum isi angdeng along an sangkok nangnelo. Komatmatma Karjong Kangthir asai kachininedet atum anke Alangli kecheng abinong’et asai anglum si doverpo, lapen Karjong Kangthir akimi asai dengdundelo. Komatmatma athikpet kalidet atum anke Karjong Kangthir asai longdundedetpo. Jongsi monit keklem-kedam le Karjong Kangthir akimi asai along pachetondun thekthedetlo, tangte monit akeklem-kedam ke chenam si pini arni asai pen thakdakpo lapen ke chenam ta pini arni asai pen cheprekdakpo. Lason kebantang amonit atum ke laheihui chenam si Arnam akar; idam longdun un’edetpo, latum ke komatma kepadusi ke Arnam aphan ahakhi karjap nangji amonit atum chemanmelo. Angton pen kisik-kedang asai, anpartame, lason isi adilung amonit atum angbong si patangponpo. Athe komatmatma aphrang ahut Jehovah aron keottang atum, lapen komatmatma thengparpan aphan kachechaktang, jongsi latum le kijut arni asai angdeng dengdun thekthedetlo, tangte kadokave pima latum keklem anke ale kavedet si manpo, lapen ardi avelo. Karjong Kangthir asai keklardak kethanpon ke nonjong lapen nonmat kedengdun henlo, kedamtang along dothipver kalilo. Komatmatma pini arni asai ateng pen kachibidun thekthelang atum an, lapen komatma pini arni akeklem-kedam pen kachekakdak atum anke, komatmatma Karjong Kangthir asai aphan kekhamkhe lapen kedengdundedet atum saidelo. Lason amonit atum ke nonjong Arnam asai aphan chekroi dundelo. Latum le kedamtang aketheang atur cheotthiplo puvoiphit tame, lake pima latum Kajong Kangthir asai chinidundelo puke patepekdam un’elo. Kopi apot si kadokave laso monit akeklem-kedam along kachelar pu alam kachethan kedolo, kedamtang lapen pini arni keklem-kedam angbong akacheprek kedolo, kosonsi kedamtang akai ahut keklem-kedampon dolo, lapen kosonsi pini arni keklemponlo? Lason kachethak monit akeklem-kedam along kaiketa kachethandam ke athema Karjong Kangthir asai ke kaike amat aphrang anat dambom, lapen lasi monit akeklem-kedam tame kaike si chelardunbom akenang dolo. Jongsi monit le isi angdeng along an doverlo, tangte laso kipudam ke pima alang Arnam akimi asai lapen akimi atur kachibidunji thekthedetlo; lake pima Arnam kisik-kedang kemangdam chelarlelang puke jongdam un’elo. Komatmatma Karjong Kangthir aroi pen angtan kedokok atum anke kaiketa latum doan akechoklo pusi chemathalo, bonta ahokpet ke, Arnam asai latum along arjidingklui pen si che’odun’etlo, lapen latum along pen Karjong Kangthir asai ave’etlo. Arnam asai ke kedamtang arjidingklui pen si akaprek adilung amonit atum along cheterek etlo, laso adilung ke komatma Alangli akimi asai kepatangponji pu Alangli ninghang atenglo. Athema komatmat si dhorom along kedo atum anke Arnam akimi asai dengdun thekthelo, lapen aban asai kedamtang apot si otthipverlo, lasi Arnam ke laheihui amonit atum aphan che’obuplo, lapen Alangli akimi asai komatmat lasi akimi asai kedengdun amonit atum along si klemlo. Laheihui amonit atum ke komatma Alangli akimi asai along cherapdunhetlo, lapen lason pen anchot si Alangli kisik-kedangdam paplengpon unpo. Arnam kisik-kedangdam ke kaiketa aphrang dambomlo, lapen monit akeklem-kedam ta kaiketa akangtui ahin si arlubom. Arnam ke kaiketa klembom, lapen monit ke kaiketa kenangji, lason si pima hini ta alangtum aknagtuinei angdeng lepo lapen Arnam lapen monit tame choklim kachepho chelongpo. Lahenlo Arnam asai kepaplengpon kaningje alamlo, lapen lahenlo Arnam angton pen kisik-kedang kepadusi angthek kelong.

Arnam asai angdengtin along monit aphan akenangji kacheraplok ason tame dolo. Kadokave komatmatma Karjong Kangthir aroi along si kedo atum anke Karjong Kangthir kedover lapen aot-adur si cheparidengponlo, lapen komatmatma Karjong Kangthir aroi angbong kedodedet atum anke Sobar ahukum aber si dolo, lapen Karjong Kangthir asai thangnat ta avedetlo. Monit atum komatma Karjong Kangthir aroi along kedo atum anke komatmatma Arnam akimi asai kedeng atum anlo, lapen komatma Arnam akimi asai along kacherapdunthek atum saidelo. Jongsi komatmatma laso aroi angbong kedo atum anle cherapdunpet thekthedetlo, lapenlaso apor ahut Arnam akenangji ahok ateng keklem-kedamji un’edetlo, tangte latum aphan ke pakeng pemepo, lapen kahenoneiji ke Karjong Kangthir che’odunbuppo. Komatmatma Karjong Kangthir akimi asai kedengdun atum anke, Karjong Kangthir aroi along si dodunlo, lapen latum ke Karjong Kangthir akelana lapen akerai longdunpo. Komatmatma ahok ateng keklem-kedamji ningkehang atum anke Karjong Kangthir si patheangponlo, lapen komatmatma ahok ateng keklem-kedamji ninghanghedet atum anke Karjong Kangthir si pakengponpon, lapen ado kipi tame papho tahaipo. Latum kopi-koson abangphu loma pu langdamdepin pen, latum doan Karjong Kangthir aroi along si pima dolo, kadokave komatmatma Alangli akimi asai kedengdun athe ke Alangli men aphan ajoine pu atum anke Arnam si arpu che’endetpo. Komatmatma Alangli men aphan anong kapathe lapen ke Alangli lamthe ateng pen keklem-kedamji ninghang atum anke Alangli hirjume longpo; komatmatma Alangliphan kekroikre lapen Alangli lam ateng keklem-kedam kalidet atum anke Alangli ado kipi si phovekpo. Monit atum komatma Karjong Kangthir aroi along kedo komatmatma atum anke akimi asai dengdun tanglo, lapen latum ke akimi asai kedeng tangdet apot, latum ke Arnam pen kacherapdun pachoklim nangpo, lapen komatma alangtum adeng kacheklemkledet chedandong atum ason ke cheparjan nangnelo. Lahenlo monit aphan Arnam jasemetpet akenangji. Komatma akimi asai kedengdundedet amonit atum doan aphan atheke kalidet: Latum doan ke Karjong Kangthir aroi angtan si dolo, lapen Karjong Kangthir kapakeng lapen kedengde ke latum aphan thangnat ta kalilo. Kedoan arni, laheihui amonit atum ok angbong si dolo, latum alangtum kamatha angbong si dolo, lapen kadokave pima latum keklem anke alangtum mena aphu tarlok pen kangchapdam lapen kiritarlipdam kekroi kethan aron alam kapinchong atengthot si dolo. Lake kopima Karjong Kangthir akimi asai akenangji kalilo, lake Arnam pen kajalang rappet puke akijumlang. Komatmatma Arnam akimi asai kedengdedet atum anke Arnam kedodun puke chehelovinglo, lapen, anpartame, Arnam ahirjume lapen akeraikom ta durepiklo. Ongdung alangtum alamthe lapen asai amo ke Karjong Kangthir asai kedamtang ahut akenangji ateng si otthiplo; latum doan ke kekroi kethan aron alam, ahok kali. Lason kekroi kethan aron alam lapen aron-atang anke angthek paklang dorphluplo pima laheihui amonit atum kachingrum rappet ke thangnat ta kalilo bonta dhoromlo; latum doan ke kangvaitang atum kalilo, mate Arnam asai aphan ajaton ta kali. Kadokave komatmatma latum angbong kachingrum doan aphan ke thedung dhorom kachingrum pusi pudamchotlo, lapen lake mondoli pu pudam un’elo. Lake kachelar un’edet ahok alamlo. Latum along ke Karjong Kangthir akimi asai avelo; kopima latum keklem ke dhorom angnim asonlo, kopima latum kereng ke dhorom pen si plengsetlo; latum along ke Karjong Kangthir kedodunbom lapen asai cheparideng movelo, latum doan ke Karjong Kangthir kapakeng mate kapatheang atur kelongdunji aphan atheng kalidetlo. Laheihui amonit atum doan kadokave ta chethe kave kithitang arpumlo, lapen ingthanlo pima karjong plengset puke avepinlo. Latum ke monit kachedandong aot lapen kekhamkhe aphuthak chininepinlo, kadokave monit kaheno keklem doan tame chinidundelo, latum ke kadokave Arnam asai lapen Arnam non akar’idam alam anta kachini durepiklo. Latum doan ke kadokave mathakranglo, kahenodak amonit atumlo, lapen latum doan ke keterbung atumlo pima kekroi atum pu kehangji atheng kalipinlo! Latum keklem anke Arnam kisik-kedang pen thangnat ta kacherap avepinlo, Arnam akemangdam kaphangnoji durechetlang. Alangtum alamthe lapen keklem an amo vangvepik, ningoimemepik, lapen chenam si apun-achak kalipin. Koamtmatma Karjong Kangthir aroi along kedo kalidet atum an akeklempon ke thangnat ta Karjong Kangthir akimi asai pen kacherapdam avepin. Athema lasi, kopima latum le klem sitame, latum doan ke Karjong Kangthir kapakeng aot-adur pen kalilo, lapen, anpartame, Karjong Kangthir akatheang pen kalilo. Athe latum doan kadokave amonit atum komatma ahok aphan inghonhedetlo, lapen komatma Karjong Kangthir ahin pen kapadartang lapen kelangselettang atum saidelo. Latum doan aphan ke kaheno keklem atum pusi pulo athema latum ok aninghang si damlo lapen ajat tame Arnam atarpangthek arum along latum ningkangsam aling klemlo. Arnam asai ke bontame, latum doan Alangliphan theklor ahoturlo, lapen Alanglihin pen akaprek akrong si damlo. Monit Arnam pen kachelang thekthedet keremdam ke amethang along chedandong aot litchet apot, lasi komatmatma Arnam aphan abirudhe keklem theklor atum anke alangtum salajong ado kipi longvekpo kalima? Laheihui kaheno keklem amonit atum aphan jongdam ahut, ajahak amonit atum ke latum aphan hirjuno kipiji ar’idupiklo, tebontame Arnam latum aphan langplotlo. Monit aphan, laso kacheklang ke pima alangtum keklem amo Arnam amen aphan phodamlo, bonta ahokpet ke, Arnam aphan, latum Alangli men pen thangnat kachepho ave mate Alangliphan hakhi chipi movelo. Kopima laheihui amonit atum le klem tame, lake Arnam pen kacherap avepinlo: Lake Alangli men lapen Alangli nonjong keklem along jat ta kacherapdun avelo. Laheihui amonit atum methang aphan si chepatheraklo, lapen Sobar arjan si cheklanglo; latum doan kaheno keklem atumlo komatma ningkithi arni apharman kapaklang’ilo. Pini arni, alangtum keklem amo ajat pu tame, lapen latum Arnam kisik-kedang aphan khamkhedunde si dolo lapen Arnam akimi asai along pen thangnat ta chephophe, lason amonit atum anke hala pen kacheraplok ado kipi ke phodundelo, athe ningkithiji arni nonmat ke nangleledetlang. Ladak pima monit atum Arnam aphan kekroi ke penang an kachetongtanglo, lapen latum mathalo pima komatmatma kaheno keklem atum an aphan ke un’an akeprap pen ado kipi paphovek nangpo pulo. Bonta athema Arnam kisik-kedangdam asai ke nonputa kijut nanglelelang, lapen ningkithiji arni ke non si nnagkelejilang, kangthirthedet atum ke nonputa alangtum kangthirthedet amo si klembomlo. Ajahak atum pulo, “Komamatmatma dhorom along kedo atum anke Karjong Kangthir kedodun lapen asai along avelo, lapen latum ke Arnam amen aphan patherak vanlo; lasi kopi apot Arnam latum aphan pavirvedetlo, tebonta nonpu alangtum kekhangkhedet aot-adur chechakdunbomlo?” Laheihui amonit atum, komatma Sobar arjan kacheklang lapen komatma ok ateng si kaningje, latum doan ke mathakranglo, kaheno amonit atumlo; latum doan kea mo vangve amonit atumlo. Latum ke Arnam aningkithi kevangji langdundelo latum aphrangsi kosonsi Arnam Alangli monit angbong sai keklempon loma chinidamdetik anke, lapen latum aphan angton pen chepahemphudet aphi, komatmatma kaheno keklem atum anke kadokave ta alangtum aphan ado kipi phopo, lapen mo ningkithi arni ke latum angbong inutnat tame chepajok un’edetpo. Nonmat ke monit aphan ado kipi apor kalilang, bonta laso apor ke kachepahaidetji asai si klembomlang, komatmatma Arnam kisik-kedangdam phangnodun atum avetik, laso along ke latum aphan alangtum keklem amo ateng pen si ado kipipon kesung-kejoi langdampo. Arnam kisik-kedang monit akhei aphan ahut, kadokave komatmatma Karjong Kangthir aroi along kedo atum anke Arnam pen kachepho tame dolo. Komatmatma Karjong Kangthir ka’otang lapen kelangselettang atum anke Sobar kebaipon arum si dolo, lapen pima latum athe ke Arnam pen kachepho akeklem-kedam avedetlo. Komatmatma Arnam akimi asai kedengdun lapen Arnam pen kacherap kedo atum anke Arnam pen kachepho dolo, athe Arnam asai kejongdam ke komatmatma kedengdun atum aphan anchotlo, lapen lake kadokave amonit atum aphan kalidet, latum dengdun mate dengdunde pu langdamdelo. Arnam keklempon asai ke kaiketa ajaton do lapen ke menmen le keklemdet kali. Komatmatma Sobar pen kacherappet kedo atum anke Arnam ahakhi karjapji atheng kalilo, latum doan ke Arnam pen kajalangrappetji ta apun-achak kalidetlo.

Karjong Kangthir asai angdengtin along tame monit ahakhi ke akenang dolo. Asontin asai angdeng ta Arnam lapen Sobar angbong kachedanlo, lapen kachedandam athe ke Sobar ajoinelo, tebonta komatma laso asai pen kapachoklimji ke monit aphanlo. Arnam asai athe kapatheji mate pathethe puke monit ahakhi kachipi Arnam aphan koson ateng pen si langpo. Laso ahakhi ke kopima Arnam komatmatma Alangli phiphi kidun atum ke nangpo; lahenlo Sobar athengno ahakhi kipi nangji, lapen ke Alangli sai keklem angthek keklanglo. Arnam angton pen kisik-kedang ke pasonthom angdeng thaklo, lapen asontin angdeng ta, monit aphan apun-achak akenangji pemanlo. Anpartame, akai dambom lapen chingthurbom, Arnam akenangji ta kadokave monit akhei aphan ingtuipik si chemanlo. Lasi, angdeng pen angdeng, laso asai Arnam kisik-kedang ke kapajut ansi ledamlo, monit le “ok along si Lam kacheklang” ahokpet thekdam longlo puan, lapen laso pen si monit aphan akenangji doan ansose kangtui chemanlo, lasonsi monit aphan akenangji doan pen hakhi arjaplo. Koanma monit ke ahokpet Arnam pen kachelang rappet theklo, lapuan sose si alang Arnam aphan anong pathepo. Monit kacherappet ke hakhi henlo pima alang monit akeklem-kedam si dolo. Laso apot si, Arnam asai ke ajatnon theklor angthek dopo, lapen ajatnon ahokpet ahakhi dopo, lake kethak un’edet kachepho si monit pen kacherap lapen hakhi dolo. Laso asai ketang pen ke, atheke pulote, kadokave Arnam kisik-kedang kijut an ledamlo tangte, monit ke kangtuiving ahakhi si kipi nangji akenang dolo, lapen Arnam asai le kijut an ledamlo tangte, monit akeklem-kedam lapen kilitdun tame alangtum kangtuinei adim kelelo. Kedamtang ahut, monit ke aron lapen hukum ateng pen si keklem akenang dolo, lapen alang ke ningkiding lapen angthikdut si akenang dolo. Pini arni, monit akenangji ke kadokave Arnam kisik-kedangdam doan kroidun nangpo lapen kethenei Arnam akanghon cheparideng nangpo, lapen alang kapadusi kea sat akesungpik angbong tame Arnam aphan kanghon nangji si kenanglo. Laheihui sonthom akisik-kedang angdeng pima Arnam monit aphan kapainchongpon, angdeng pen angdeng, Alangli kisik-kedang angton penlo. Arnam asai angdengtin tame kedamtang pen arnukchetlo, lapen angdengtin along tame monit akenangji doan ke ansose si kedamtang ahut pen themulo, lapen lason pen si, Arnam angton pen kisik-kedang ke pajo pen chemanlo. Lake klardaklo athema monit aphan akenangji anke ansose si ingtuilo pima monit akun ke Arnam akenangji ateng pen ansose chetebokdamlo, lapen lason pen anchot si angton monit akhei ke Sobar akaebaipon pen kachepajokji pajo pen chengpo, Arnam asai le kijut kapatang nangle lote, angton monit akhei ke Sobar akebaipon along pen jokvan tanglo. Halaso apor ke nangkelelo, Arnam asai tame kijut adim an keledamlo, lapen monit Arnam pen kajalang rappet si alang akun kachelar kelongji aphan pu tame anpar avedetpo, lapen angton monit akhei tame Arnam katheang atur along si rengdunpo, lapen laso arni pen ke, thangnat ta Arnam aphan kachedandong lapen kekhamkhe avelo. Arnam tame monit aphan thangnat kehangdam pavedetpo, lapen ningkangsam kajanglang rappet monit lapen Arnam angbong si ansose dopo, laso achethe pima Arnam kisik-kedang aphi kevang apot ke angton pen patangtheipo, lapen monit aphan angton pen Sobar kebengthip along pen pajokthei aphipo. Komatmatma Arnam akengbot aphiphi kidun patebokdun thekthedet atum anke lason achethe kelongdunji aphan apun kalilo. Latum ke kangting along si amethang aphan chepasunchokpo, atheke latum chirupo lapen alangtum aso chongkritpo; latum doan komatma Arnam along kekroidun amonit atumlo bonta Alangli phiphi dundelo, komatma Arnam along kroidunlo bonta kadokave Alangli sai chekroidundelo. Monit Arnam aphan kekroi tangdetlo apot, alang ke Arnam akengbot aphiphi patebokdunvek nangpo, akengkamtin; alang ke “Meresak Aso konatma Alangli kedam aphiphi” dunvek nangpo. Laheihui amonit atum anchot si komatma ahok atovar ridunlo, latum doan anchot si komatma Karjong Kangthir asai kachinidunlo. Monit atum komatma ahi pen ketok lapen kekroi kethan aron alam si chepidundet pen aphiphi kidun atum anke komatmatma Karjong Kangthir asai kache’otang atum saidelo. Asontin apor ahut along, Arnam ke akimi asai pangchengpo, lapen alongtin akai ahut tame, monit angbong akimi kecheng si dothupo. Jongsi monit le ahok ansi cheotthip chotlo pima “Jehovah henlo Arnam” lapen “Jisu henlo Khristo”, atheke lahei ahok anke pima alangtum kejongvet akai ahut si klangchotlo, tangte monit ke Karjong Kangthir asai pen do rappet un’edetpo, lapen ke Karjong Kangthir asai kelongdunji kaiketame un’edetpo. Arnam asai kosonma keklem tame, monit ke masap ta ningbibepin pen si abe dunlo, lapen alang aphiphi kidun pateboklo. Lason pen si, koson pen monit aphan Karjong Kangthir kache’odundetpo? Kopima Arnam ajat le keklem tame, monit le pima lake Karjong Kangthir asailo pu hokthip dotik anke, lapen Karjong Kangthir asai along jalangdun rappetlo thangnat ningkibi avepin pen, lapen Arnam akenangji doan kelongji kabor’idamlo, tangte kosonsi alang le ado kephopo? Arnam asai ke chingtontepinlang, Alangli kengbot ke chingtontelang, lapen Alangli kisik-kedang asai patangte aphrangjong, Alangli ke kaiketa sai chingkhanpiklo, alpen ingtontedetlo. Bonta monit ke cheprekdak: Bonta Karjong Kangthir asai masapso ale kedo anke longduntang si, alang chemathalo lake chelarlelo pulo; masapso kachinidam kelong pen si, alang Arnam akiminei asai akengbot along aphiphi paphrang dundedetlo; theklonglo bonta Arnam asai masapsonat anchot, alang ke Arnam aphan isi kejongvet thenglong arpum asonsi menmen pajirmidamlo, lapen kroilo pima Arnam ke kaiketa lason ateng si doverpo pima alang thengno alang ketheklong ke, pima lake kedamtang ahut asonlo lapen ke kaiketa lasi mohut anta doverpo; long ke longdunlo bonta mekbin kapahancha akachinidamlo, monit ke ane chepathe’ilo pima alang amethang aphan chetengnelo lapen sangsepin si akun apot chepangdakpo lapen Arnam pinchong abanglo pu pima chenam si kavedet abanglo; lapen Karjong Kangthir asai isi angdeng aphuthak ke chinidamlor si chemanlo pulo, kopi-koson amonit pu sitame lake pima Arnam akimi asai kepangdaklo, monit la dengdedetlo. Laheihui doan amonit atum komatma Karjong kangthir akimi asai kedengdedet atum anke mena adim along ansi chedovetchotlo, lapen ke akimi ason kedengdunji thekthelo. Lason amonit atum ke komatmatma Arnam along kroilo bonta Arnam aphan dengdelo. Monit kroilo pima Israel aso atum kechokche ke “Jehovah aphan anchot si kroilo lapen Jisu aphan ke kroikredetlo,” tebonta ongdung amonit atum ke lason si cheparjanlo latum ke “Jehovah aphan anchot si kroilo lapen Jisu aphan ke dengdelo” lapen “Messiah kevangthuji aphan ke kar’idam dolo, bonta Messaih ke komatma Jisu henlo puke khamkhelo.” Manghumeme kalilo, tangte, pima monit atum nonputa Sobar arideng arum si donanglo Karjong Kangthir asai isi angdeng dengdundet aphi tame, lapen nonputa Arnam ahirjume longdundedetlo. Lake tangte monit kachedandong titi aot angthek kalima? Pirthe adang Christian atum kedoan komatma pini arni akimi asai ateng kachibibedet atum anke kadokave ta laso akekroi si otthiplo pima latum doan ke kopai kemelo, pima alangtum aninghang ason anta asontin Arnam si paplengpipo. Tebonta latum ke ningjedak haihe kopi apot si Arnam latum aphan sining kethom along an keponjima, mate latum doan ke chinidakde kosonsi Jisu latum aphan nangkangthum inghun kelok aphar athak an kevangjima, latum ke chenam si ningjedak thekthelo Jisu ahokpet inghun aphar athak an pima latum kemathadam arni vangpo puke. Latum kadokave ta mathajinverlo, lapen ingbodet asonlo; latum amethang ke Arnam latum aphan angsong ponjima ponpe loma puanta chichininelo, prekjam masapso kachikipchom amonit atum, komatma asontin kekroi asong along pen si vanglo. Laso asai pima Arnam non keklem ke, nonjong akai ahut, Arnam akar’idam – latum along ke laheihui ahormu thangnat ta avelo, lapen latum ke jat ta klem thekthelo bonta alangtum ari chimum kachingdi pen apor lakhachot anvetlo. Komatmatma Meresak Aso akengbot aphiphi kidun atum anchot si mo kijut ahut antame kijutsi ahirjume ta longpo, tebonta komatmatma “reset amonit atum,” anke kijut an aphiphi dun thekthelo tebonta latum kadokave ta long’etlo pusi kroilo, Arnam abang kacheklang tame thekdun longledetpo. Latum anuttin ta kroilo latum doan ke pirthe athak pen kerenei atum pulo, lapen latum ke Arnam asai kedobom kachingthurbom aphan thangnat athe avepin pen si kadokave kangtha n pathiheklo, lapen sining angsong latum aphan Arnam ponvekpo pusi pima thirklong pen theklor asonlo kekroidam, latum komatma “Arnam aphan aphrangsi kachingkimenei dolo, Arnam abe dunlo, lapen Arnam alamthe anta dengpetlo.” Latum le “chingkimepiklo” Arnam kaningjetang an alamthe ahin puvoiphit sitame, alangtum alamthe lapen keklem amo doan ke nonputa henopin athema latum Karjong Kangthir asai aphan si khamkhelo, lapen pachobailo lapen kaheno klemlo. Komatmatma kijut ahut anta aphiphi kidundedet, komatma Karjong Kangthir asai ateng pen kedodedet, lapen komatma abarim asai aphan si otthipverchot atum anke Arnam along kachingkime kelongdunji ke remdet anchot kali, bonta adular anat ke, komatmat Arnam aphan kekhamkhe atum si chemanlo, komatmat akimi akai along kevartang atum si chemanlo, lapen komatma ado kephovekji saidelo. Tangte latum aphan anpar kangjinsomemenei dojilangma? Penang an atum kroilo pima kadokave komatmatma abarim aron an kedengde lapen akimi asai si dengdunlo pu anke keme-kaheno kethakvet thekthe kavelo. Laheihui amonit atum, komatma “keme-kaheno kethakvet” alam an kaningjechot atum, lapen Karjong Kangthir asai ke chininedet, alangtum mena keme-kaheno kethakvet alam pen alangtum mohut kephodamji kepadusi ke kangthan pathiheklo. Arnam asai ke kekroi kethan aron alam cheotthipthelo, lapen Alangli mena asailo meme puvoiphit ta, nonpu Arnam ke laso along otthipvervelo. Pima atheke kedeng nangne anke deng nangnelo, pima atheke kevar nangji anke var’et nangpo. Tebonta monit ke amethang si Arnam ahotur ason chibikoklo Arnam kisik-kedang asai masapso aphar ke’otthipver pen ajok. Lake tangte monit atum kamathakrang apotlo kalima? Tangte lake monit atum kachininedet apot kalima? Koanma monit atum angthin kethethe lapen kapherephon kilitchetlo athema latum anke Arnam ahirjume kelongledet apot pherelo, lapuan sose si latum anke thedung ahirjume kelongji un’edetpo, lapen kepadusi ahirjume longlelo. Komatmatma monit atum aron aphan kachehodaidet atum kedoan ke aron aphuthak aphrangsi kachingkimenei si chepaklangponlo, lapen koanma latum lason kachingkime aron aphuthak kachepaklang, lapuan sose si latum doan ke Arnam aphan chedandong atumlo. Athe non ke Khristo Kepangri Arat Akailo lapen Aron Akai kalilo, lapen pini arni asai lapen kedamtang ahut asai ke isinat avar pen thandam chokchedetpo, mate kedamtang ahut asai ke pini arni pini arni asai pen pachingbarnolo. Arnam asai tame chelar tanglo, lapen monit akeklem-kedam lethot tame chelar tanglo; lake aron along keotthipji kalilo mate thengparpan kaparphangji kalilo, laso apot si monit atum kachingkime aron lapen thengparpan aphuthak puke Arnam akedengpon longdundedetpo.

Monit aphan ke Khristo Kepangri Arat Akai along angton pachoklim pemanpo, Kachepahemphu asai aphi ke, monit aphan kapacharkle lapen asat kelang along si phovekpo, Komatmatma laso asat kelang ahut chechak undetlo lapen hakhi arjappi theklo pu atum anke komatma kepadusi kechoklim pemanpo; latum doan ke kehaidong atumlo. Laso thedung asat kelang ahut, monit ke laso kepacharklepon dengdun akenang dolo, lapen laso kepacharkle ke Arnam asai kepajut angtheklo. Lahenlo kepajutsilo pima monit aphan ke pacharkle’etpo Arnam kisik-kedang asai kadokave patangte aphrangjonglo, lapen kadokave komatmatma Arnam aphiphi kidun atum anke laso kijutsi asatlang dengvek nangpo, lapen latum ke laso kepajutsi kapacharkle dengvek nangpo. Komatmatma la thedung asat kelang plengset atum anke Karjong Kangthir asai lapen Arnam akethan-kemum avedetlo, bonta komatmatma ahokpet chepahai tanglo lapen komatma ahokpet Arnam aphan ridunlo pu atum anke kepadusi ke karjap thirkluklo; latum doan henlo monit apun-achak cheparidengpon atumlo, lapen komatma Arnam aphan hokpet inghonlo. Arnam le kopima klem sitame, laheihui kehaidong atum anke kelangdammek pen angtan dodelo lapen ke ahok ateng si klem-dambompo alangtum hakhi kipi patikukkepin penlo. Latum doan ke komatma kijut ahut ke thedung asat kelang pen haidongji atumlo. Komatmatma kisungkrung alang along lang’ok kiri atum puvoiphit tame pini arni chepajokvanme, inutnat tame kijutsi thedung akesung pen ke chepajok un’edetji, lapen inutnat tame kijutsi asatlang pen ke chepajok un’elo. Athe komatmatma kehaidong atum an, lason thedung akesung puke kapacharkle mepiklo; bonta komatmatma kisungkrung alang along lang’ok kiri atum anke, laso asai ke angton pen kapavir henlo. Kosonsi latum doan bor’ilo pu sitame, laso athikpet komatmatma alangtum aning arlo Arnam kedo atum anke chelarledet si doji; bonta komatmatma alangtum aning along Arnam kavedet atum anke, alangtum a’ok aphan Arnam asai le ephongbak ale kavedetlo tangte, latum ke alangtum Arnam aphan kelang chelarphitpo, lapen Arnam pen amat si chehelopo. Lason ke komatmatma kijut ahut an karjap thiklukji atum kalilo, komatma Arnam ahirjume si kirichot lapen Arnam apharman amethang aphan kachipidetji ninghang kave atum saidelo lapen Alangliphan amethang amat chehodaidelo, lason amo vangvedet amonit atum anke Arnam asai mo kijut an nangkele lote angtan varlappo, lapen latum doan ke thangnat kangjinso kelongji atheng kalilo. Komatmatma monit apun-achak kalidet atum anke ahokpet Arnam aphan kanghonji ta thekthelo. Jongsi avarmon le mesen lapen jokvan lote, mate ale kapinchongji aphan doko, latum doan ke angton pen si Arnam ahin chepabihekpo, bonta pima latum akar’idam le che’onangkok lapen akechokchelo padusi ke pulote, latum ke menmen si chesongdutpo. Ejovet angbong pen putame, latum ke kangnek, “aning kemesen” abangphu alar ke kelangnodak lapen ahir dosak pran ke’en abang chemanpo, menmen amat si alangtum aphan kedamtang ahut kerap abang aphan ke alangtum kereng’ak ahotur asonsi pemanlo, thangnat ajir mate athe avepin penlo. Jongsi laheihui ahi’isarpo atum an aphan le pavirvedet, laheihui ahi-isarpo atum ke pima mekliplap pen le kepathilotthek tangte, latum ke chepatujoi akapherememe ason le cheman kalilangma? Monit aphan kepajok asai ke kachepahai asai patangdet pen adun si dolo. Kachepahai asai ke kijut nangle tanglo puvoiphit tame, monit aphan kecham kapacharkle asai ke jutjelang; lason asai ke monit aphan angton pen pacharkle tang’et aphi ansi tang unchotji, komatmatma Arnam aphan kachipidundet atum an aphan pachoklim pemanlo, lapen komatmatma kacheparjanchot atum an alangtum aning along Arnam kavedet aphan pavirdet aphi anlo. Komatmatma Arnam aphan Alangli sai kijutsi angdeng along anta ningpangsam thekthedet atum an aphan ke angton pen si pavirtheipo, lapen komatmatma pavirtheitang atum anke hi-isarpo saidelo. Latum doan ke Arnam aphan ningpangsam thekthedetlo apot, latum doan ke Arnam abirudhe keklem chedandonglo, lapen laheihui amonit atum le pini arni Arnam aphiphi dunlo puvoiphit tame, laso angthek ke pima latum ke komatmatma kijut anta kedodunji atum kalilo. Laso alamthe along pima “komatmatma Arnam aphiphi kidun mo kijut ahut anta pu atum ke kejok longdunpo,” “aphiphi kidun” pu kipudam ke thedung asat kelang angbong ta karjap pathirklukthek pu aphanlo. Pini arni, penang an atum kroilo pima Arnam aphiphi kidun ke joipik, bonta Arnam asai kepajutpo pu ahut ke, nang chinidampo “aphiphi kidun” pu ahokpet ajar alam. Lake athema nang nonputa pini arni an Arnam aphiphi kidun theklo athe nangchepahemphudet aphi, laso angthek puke pima nang ke komatma kechoklim kepaman abanglo pu aphan kali. Komatmatma asat kelang kachechak un’edet atum anke, komatma thedung kesung angbong pen tame kachepahaidong un’edet atum anke, kepadusi, karjap pathirkluk thekthelo, lapen lasi mo kijut ahut antame Arnam aphiphi kidun ta thekthelo. Komatmatma ahokpet pen Arnam aphiphi kidunthek atum anke alangtum asai apot asat kelang charchak’ilunthek, tebontame komatmatma Arnam aphan ahokpet aphiphi kidun thekthedet atum anke Arnam asat kelang thangnat ta chechaklunji un’elo. Keder-keprap pu tame latum aphan ke angtan si bikokpo, tebonta kehaidong atum an aphan ke Khristo arat alongri si padopo. Monit le ahokpet Arnam aphan ri tame rire tame pu kelangdamji ke alang sai pen asatlang penji, lake pima, Arnam asat kelang penlo, lapen ke monit amethang aningkehang pen thangnat ta kacherap ave. Arnam ke madu amonit aphan tame menmen ke padarchorche; kadokave pima Alangli keklem anke monit aphan baipon’unlo. Alangli ke thangnat ta pima monit aphan kapatheklongledet anke klemkle, mate ajat asai ta pima monit aphan baipon un’edet anke. Monit akekroi le ahok kali mate kalang pu sitame angthek kelangdamji ke ahok penlo lapen monit le kangvaiji kali. Pima ningbibepin penlo “him ke nonpelar pacheman un’elo, lapen nonpelar ke him pacheman un’elo.” Kadokave komatmatma Arnam aphan ahokpet kanghon atum anke mo kepadusi ke Khristo kepangri alongri along si dodunpo, lapen Arnam ke Alangliphan kanghon anuttin aphan ta kelang pachingbarlo. Alangtum keklempon ason lapen hakhi doan ateng langdam pen, Khristo kepangri alongri arlo kedo kehaidong atum anke kurusar kalite abe kidun atum si chemanpo, lapen kadokave komatmatma kesung asat kelang angbong ta kehaidong atum anke Khristo kepangri alongri arlo kurusar asanchom si chemanpo. Kurusar asanchom kemanji ke birta keme asai somindar adangpi kijut nangledet aphi nanglang. Halaso apor nangle lote, pima atheke monit keklempon ke Arnam kepangri arat alongri along alang deng ateng kacheklem ponpo, lapen alang Arnam pen bangso arat angbong ke do rappetpo. Kurusar asanchom along ke kurusar kethe lapen kurusar adun atum dopo, lapen ahin dothulang anke Arnam asomar lapen amonit atum saidepo. Lake kadokave alangtum Arnam aphan ahakhi kipi thedung kesung asat kelang ahut pen si jongdamlo; latum doan aphan ke amen pima menmen kipipon pu kali. Monit aman angdeng le chepinchong tanglo pulote, Arnam asai ke ingtonpo, athe asontin tame kopi-kosonma thakvetpo lapen alangtum abinong’et adim along chedamthutheipo, lapen lahenlo Arnam asai kepangchunlo pu angtheklo, lake Arnam asai lapen monit akeklem-kedam kepajutsi ahut angthek keklanglo, lapen lake Arnam asai kelangdammek kepangthir-kepacharkleponlo lapen monit akajalangdun rappetlo. Mo kijut ahut, monit ke Arnam kepangri arat alongri along monsam longpo, lapen Arnam, lethot tame, Alangli kedo adim along chedam si sangpo. Lake ningkan 6,000 Arnam lapen monit angbong kajalang rappet kepadusi ahut angthekpo.