Adeng Ateng Amen Lapen Angthek Aphuthak Kematha’e

Nang jongsi Arnam ke’en’iji aphan atheng chemanji ninghang do, nang Arnam asai chinivek nangji, pima Alangli kedamtang ahut keklemtang (Kachejok Alo Aban lapen Akimi along) nang chinidunvek nangji, lapen, anpartame, pini arni Alangli sai ta nang chinivek nangji; atheke pudam lote, ningkan 6,000 abat Arnam asai keklempon kethom angdeng ta nang chinidamvek nangji. Jongsi nangphan birta keme kapachethang aphan nangtoilo pulote, nang Arnam asai thangnat ta chininepin pen ke klem thekthedetpo. Kopilo nangtum a’Arnam Baibel aphuthak, Aban aron, Jisu keklem asai lapen halaso apor ahut alam doan kaningje pu komatne ke nangphan arjuji tahai meme. Jongsi nang le Baibel arlo atomo alam ningje thekthedetlo, tangte latum aphan ke baipon un’edetpo. Laso apor ahut, Jisu Kachejok Alo Aban aphuthak Alangli risangho atum penpen penang chethanponlo. Asontin latum kaporhi ke Kachejok Alo Aban along penlo; Kachejok Alo Akimi ke Jisu aphan pathidet pen penang an aningkan aphi si tokponlo. Birta keme kapachethangji aphan, nangtum Baibel along arlo ahokpet alam arsikjik pen che’otthip nangji, lapen Israel along Arnam asai, atheke Jehovah keklemtang asailo, lapen nang Jisu keklemtang asai an chinidunvek nangji. Laheihui alam aphuthak henlo pima kadokave amonit atum ongdung kematha’e kedo, lapen halahei sonni asai angdeng along arlo atomo alam ta kopima latum karjulongledetlang. Birta keme kapachethang ahut, aphrangsi ke pini arni Karjong Kangthir asai kachethan aphuthak arei bikok. Laso angdeng asai ke alangtum keledam’un pen abat si dolang, athema kopima nangtum kiridam henlo pima lake kadokave pen akangtuineilo – Arnam aphan kachini, lapen Karjong Kangthir asai aphuthak kachini – lapen lahei sonni ahormu pen anpar ke thangnat ta akangtui avelo. Kechengsi nangtum jongsi pima kangtuinei aphuthak chethandamlo tangte, lake latum aphan ong’ongchetpo, athe inutnat tame lason Karjong Kangthir asai ke chomat longlepinlang; lake kedamtang ahut ason kali, lapen lake monit aphan kedengdunji kejoike kalilo. Alangtum keklemlong ke kedamtang ahut aban ahormu saidelo, Karjong Kangthir kapadakjai pen keklemon ajahak asai. Kopima latum chomatlong ke pini arni Karjong Kangthir keklem asai kali, mate pini arni Arnam akar’idam ta kalilo. Latum nonputa aban keklem-kedam ateng si cheparjanbomlang, akimi katheang atur ave, lapen akimi ason-amung ave.

Jisu akai along, Karjong Kangthir jasemetpet ke Jisu along si Alangli sai klemlo, lasonsi komatmatma Jehovah aphan kurusar apindeng kachingthang atum kardomhem along kachelarledet athikdut pen si ru-thailo. Latum tame Karjong Kangthir asai longdunlo, bonta Arnam nonjong akar’idam si nepdun thekthedetlo, lapen abarim akeklem-kedam ateng pen si Jehovah aphan kekroi thirklong dover puchotlo, lapen akimi kepare alam ke avepinlo. Jisu vanglo lapen akimi asai vanlo, tebonta komatmatma kardomhem along ru-thai atum anke akimi akepare alam longdundedetlo, mate latum akimi asai ta avelo. Kardomhem along kelame-kalahon pen, latum abarim keklem-kedam anke che’otthip unchotlo, latum ke thangnat akimi kilutdam ke chenam si long un’edetlo. Akimi asai ke Jisu si kevanlo, lapen Jisu ke kardomhem along Alangli sai keklemji aphan damde. Alangli ke kardomhem pen angtan si Alangli sai klemponlo, athe arjidingklui pen si Arnam asai akangdang ke chelar’et tanglo. Alangli kardomhem along amat sai klemklelo, lapen monit le Arnam aphan ru-thai lote lake kosonma latum kedotang atengthot kepadoji si ru-thai chotlo, lapen akimi asai aphuthak ke van thekthelo. Lasonthot si, dhoromipet amonit atum pini arni nonputa Baibel aphan si archolo. Jongsi nang latum aphan birta keme pachethang lote, latum ke Baibel alamthe masapsap akethan apot si nangphan ta pachinipo, lapen latum ke angthek penang an ripo, nangphan pamanghuhak lapen lam ningje movedet si pemanpo; tangte latum ke nangphan isi ason nanghokdetpo lapen nang akekroi along nangtum ke kilulo pusi mathapo. Latum ke pupo, “Nang ke Baibel aphan anta chinine, Arnam alam doan, lasi kosonsi nang ningje unpo pima nang Arnam aphan kekroi puke?” Anke latum nangphan langroppo, lapen ke puthupo, “Nangtum hala Inut aphan kekroi ke Arnam along si kedo tangdet ke, kopi apot si Alangli nangtum aphan kadokave Kachejok Alo Aban lapen Akimi aphuthak nangthanthedetlo? Alangli ke Alangli nongthe Israel along pen Nihang an van tangdet ke, kopi apot si Alangli Israel along keklemtang asai alam chininedetlo? Kopi apot si Alangli Jisu asai ta chininedetlo? Jongsi nangtum chinine, tangte pima klangdaklo lake nangtum aphan nangthanthepinlang; Alangli ke phongni abatai Jisu ok kachepharlo abanglo, kosonsi Alangli laheihui alam kachininedetpo? Jisu ke Jehovah keklemtang asai chinidun; kosonsi Alangli kachininedetlo?” Mo apor nangle lote, latum kadokave lason akarju alam arjupo. Alangtum aphu along ke lason ahormu si plengsetlo; kosonsi latum nangkarjujedetpo? Nangtum angbong komatmatma laso aroi along kedo atum anke Baibel aphan ardi pipelo, athe nangtum ke pini arni Arnam sai keklem angdeng pen angdeng apot arei si bikoklo, nangtum ke laso angdeng pen angdeng asai keklempon nang mena amek hini pen si thekdun longlo, lapen nang ke sonthom asai angdeng tame klardak pen theklonglo, lapen lasi nangphan ke Baibel arum bi nangkoklo lapen kacharli ta ington nangkoklo. Bonta latum la charliledetji thekthedetlo, athe latum ke laso angdeng pen angdeng asai apot thangnat chininelang. Ajahak amonit atum arjupo, “Kopilo Arnam ok kachepharlotang abang keklemtang asai lapen pima kedamtang apor ahut kethanmek lapen risangho atum asai angbong akacheprek kedo? David aphan sitame Hemphu pu hanglo, lapen lasonthot si Jisu aphan talo; latum keklem asai ke kacheprek do puvoiphit tame, latum aphan ke isinatlo pusi pudamlo. Nephan nangthantha, kopi apot si alangtum angthek ke chingbarbedetlo? Kopima John ketheklong ke kelangdammek alamlo, pima la Karjong Kangthir pen si kevanglo, lapen ke alang laso alam ningjetheklo pima Karjong Kangthir si paningjetoilo; kopi apot si John angthek ke pima Jisu pen chingbarbedetlo?” Jisu kaningjetang alamthe anke Arnam apharman angton cheklang pemelo, lapen latum ke Arnam asai apharman angton pen klangdaklo. Kopima John ketheklong ke kelangdammek alamlo, lapen alang ke Arnam asai apharman pacheklangdak angton pen un’edetlo. Kopi apot si pima John, Pitor, lapen Paul atum penang an alam ningjelo, Jisu asonthot si klemlo, lapen tebonta latum Jisu ason thakthak isinat angthek ke avedetlo? Lake jasemetpet athema latum keklem asai ke cheprekjam, Jisu ke Arnam aKarjong apharman si cheklanglo lapen Arnam aKarjong chenam si klemphitlo. Alangli akimi akai asai klemponlo, laso asai pima inutnat tame aphrang klem longlepinlang. Alangli akimi atovar ingpu tanglo, Alangli Jehovah apharman si cheklanglo, lapen Alangli Arnam Amethang amat si cheklanglo, tebontame Pitor, Paul, lapen David atum pen, latum aphan kopuson si hanglo puvoiphit tame, latum ke Arnam pinchongtang api angthek apharman si cheklanglo, lapen ke Jisu mate Jehovah si nangtoilo. Lasi koanma latum sai klemponlo pu sitame, latum koanma thedung manghumeme asai klemponlo pu sitame, latum ke nonpu ta Arnam pinchongtang api anchotlo, lapen Arnam aKarjong apharman ke cheklang un’elo. Latum Arnam amen pen si sai klemlo mate Arnam nangtoidet aphi pen si sai klemponlo; anpartame, latum ke Jisu mate Jehovah kapangcheng tekang akai along si klemponlo, lapen latum ke akaprek thangnat klemklelo. Latum anke, ajat punon ta, Arnam pinchongtang api anchotlo. Kachejok Alo Aban along, penang an kethanmek atum ephrang kevangji alam ningjeponlo, mate kethanmek alam aphuthak akitap si toklo. Inutnat ta ningjeje pima latum anke Arnam lo, bonta Jisu sai keklem kapangcheng pen aphi ke Arnam aKarjong Alangliphan Arnam lo pu ahakhi cheklangthiplo. Lake kopi apotlo? Laso alam along nang ke chini’et nangji apotlo! Aphrang ke, risangho lapen kethanmek atum ongdung alo tokponlo, lapen penang an kethanmek alam thanlo. Aphithu ke, monit atum lahei ajahak ingvaipon si Baibel along thap’ilo, lapen ajahak anke ingbo’etlo. Pima latum kaningjetang an asontin tame Karjong Kangthir pen si vanglo pu monit atum komatma kaningje kedo tangdet ke, kopi apot si ajahak atum lake mesen, lapen ajahak atum lake heno pu kehokdam dolang? Lapen kopi apot si anke ajahak atum ingvailo, lapen akaprek atum ke kali? Jongsi latum anke chenam si Karjong Kangthir kaningje alam saidelo pu tangte, tangte lake monit atum lahei kachongvaiji akenang dojima? Kopi apotlo Jisu kaningjetang alam aphuthak lapen Alangli alongtin Phli Birta Keme Alo along keklempon cheprekjamlo? Lake tangte komatmatma lahei kapangrum atum le kechokche kalima? Ajahak amonit atum ke arjupo, “Paul ketok alo lapen akaprek tokbang atum ketok Kachejok Alo Akimi lapen laso asai pima latum monit aninghang ateng pen ephar ke ketokpon, lapen monit kamunthidamthap alam pen kapaterbung tangdet ke, tangte pima Nangli (Arnam) pini arni kaningje alam along monit atum aketer avedetjilang puhe? Latum tangte monit kamunthidamthap alam thangnat ta ahokpet si avema?” Laso asai angdeng Arnam keklempon ke angton pen si pima Paul lapen penang an arisangho lapen kethanmek atum kethan ateng cheprekdak. Angthek along anchot le kacheprek kedo kali, bonta, keklem kekroi kachepathik along antalo, pima asai keklempon along antame kacheprek dolo. Paul aphan Hemphu angno aber parunhup lapen pachehodaidet aphi, alangphan Karjong Kangthir si sai keklem jadunlo, lapen alang ke komatma nangketoitang abang chemanlo. Alang laso apot si kitap toklo mondoli atum aphan, lapen laheihui akitap anke kadokave ta Jisu kethan alam si chekroidunlo. Paul aphan ke Hemphu Jisu amen pen sai paklemji si Hemphu nangtoilo, bonta Arnam Amethang kachevang ahut, Alangli ke madu amen pen le sai keklem kali, lapen apharman putame ave bonta Arnam aKarjong pen si Alangli klemlo. Arnam Alangli sai salajong keklemji si vanglo: Alangliphan ke monit le kapachoklim kali, lapen Alangli sai ke madu amonit akethan alam ateng pen le keklempon ta kali. Laso asai angdeng along Arnam ke Alangli jongjung kephotang alam apot pen le kethanpon keklem kali, bonta alar ke Alangli amat si sai klemlo, kopima Alanglilong kedo ateng penlo. Langdam sinang, sai keklem atum aphan asat kelang, ado kipipon apor ahut, kithi asat kelang, Arnam akanghon apor ahut…. Laso kadokave asai ke pima aphrang klemklepinlang, lapen laso asai pima nonjong kedobom akai apotlo, tebontame monit kachetong-kepho alam kalilo. Ne kaningjetang alam heihui along, kololo si monit kachetong-kepho alam kedolo? Latum kadokave tame Karjong pen le kevang kalima, lapen ke latum aphan Karjong si ketoi pangcheng kalima? Lake thangnat apot ta kali pima nang jakong keboidet apot pima nang laso ahok ateng pen langdam thekthedetlo! Keklem-kedam achethe akrong ke pima Ne ningjelo tovar kejaji aphan, lapen madu sitame laso alam aphrang ningjejepinlang, mate laso atovar aphrang ke chomat longlepinlang, mate laso ahok alam chininelang. Ne laheihui alam ningjeje aphrang, latum aphan inutnat ta than abang avelang. Lason kachetong-kepho alam inutnat tame chethanthepinlang, mate latum lason paklardak pen ningjejepinlang, lapen, anpartame, inutnat tame laheihui ason paklangji aphan lason angdeng jongdamdepinlang. Inutnat tame laso atovar japonpepinlang pima Ne pini arni kejapon, lapen jongsi lake monit si japonlo, tangte lake akimi akrong kalidetpo. Paul lapen Pitor aphan langtha, chiniji aphan. Latum tame alangtum mena salajong kachetong-kepho alam ke Jisu tovar chejaje aphrang ke avelo. Lake Jisu tovar chejapondet aphi si pima latum Jisu kethan alam chomatdun longlo, lapen Alangli keja aotvar dun longlo; laso pen si latum penang an ason chomatdun long’olo, lapen latum kitap anta tok’ilo. Lapen lasi, monit kachetong-kepho alam ke Arnam asai keklem pen isinat kali, lapen Arnam keklem asai ke monit kamunthidamthap lapen kachomatlong kachini alam kapajirmi pen ke isinat kali. Ne ningje’etlo, abatai batailo, pima pini arni Ne si akimi atovar chejaponlo, lapen akimi asai keklemlo, lapen Ne sai lapen kaningje alam anke komatmatma John lapen kadokave akaprek kethanmek atum pen cheprekdaklo. Ne kechengsi kachetong-kepho longlelang lapen ansi nangtum aphan lahei nangkethan lapu kali – pima lake alam amat ta kalilo. Jongsi lasonlo, tangte nangtum aphan arjidingklui pen si panglenledetji kalima? Kedamtang ahut, pima penang an atum kaningje kethek-kachini alam an chehok’ilo, bonta kadokave alangtum alamthe anke komatmatma hala karjong plengset abangphu pu kehok pen ateng si ningjedamlo. Latum ke tovar japonpelo, bonta alangtum kachetong-kepho pen si vanglo, kopima latum ketheklong pen si vanglo, lapen alangtum kachinidam penlo. Ajehak ke alangtum kamunthidamthap alam penlo, lapen ajahak ke pima latum kapajirmitang kachomatponlong alam si dolo. Pini arni, Ne sai keklem asema ke alangtum pen angton amat si cheprekdak. Ne ke bang nangkejapon pen kachetong-kepho ke chomat longle, mate Ne ke bang atum nangkepachoklimji pu tame dengde. Anpartame, kadokave pima Ne kaningjetang lapen kachingrumtang anke madu pen tame chingbarbelo lapen lake mudu tame aphrang ningje longlepinlang. Pini arni, komatma nangtum pu langdamdepin pen, nang sai ke Ne kaningje alam ateng pen si sai klembomlo. Laheihui alam kaningje lapen sai keklem avedet, komat si laheihui ahormu kachomatdunlongji aphan unpo (sai keklem atum aphan asat kelang, ado kipi apor ahut…), lapen komat si lason kachinidam alam kaningje thekpo? Tangte nang ke chenam si la ketheklongle loma? Ajat asai angdeng pu sitame, Ne lamthe le kaningjeponlo pulo tangte, nangtum ke Ne lamthe ateng pen si chingrumpi, lapen lahei atengthot si sai kemponpo, lapen lake pima nangtum angbong inutnat tame kamathadam ateng atovar kalilo. Lapuan akahelo vangdet pen, tangte nang lason keklardak lapen kejoike akarju theklonglelangma? Lake pima komatne kamathadam pen akrong kalidet, mate lake pima madu karjong plengset abangphu ateng pen ta kalidet. Lake akimi atovarlo, lapen Jisu le penang an alamthe hako ningjepiklo tame anpar ke chetondamdelo. Kopima Ne kaningje ke akimi aphurkimo apor asai si kangpulo, lapen laso asai ke pima salajong si arjapvet; Ne pima keklem asai ke, lapen Ne pima kaningje alam ke, kadokave ta akimilo. Tangte lake pini arni asai akimi kalilangma? Jisu keklem asai ta lason thakthaklo. Alangli sai tame pima kardomhem along amonit atum pen ke chingbarbelo, lapen lasonthot si Pharisi atum keklem asai pen tame chingbarbelo, mate kadokave hala Israel along amonit atum doan keklemtang pen tame thangnat kachinglit kacheton avelo. La theklonglok pen aphi, monit atum alangtum aphu matha thekthedetlo: “Tangte lake Arnam si keklem binong loma?” Jisu ke Jehovah aron ateng cheparidengdedetlo; Alangli monit aphan nangkethan kevang ahut, kadokave pima Alangli kaningje anke akimi lapen kopima hako ahut kurusar lapen kethanmek atum kaningjepontang Kachejok Alo Aban along pen ke cheprekdaklo, lapen athema laso apot si, monit atum ke jongdamvet thekthe si dolo. Laso ajoine monit aphan kopima keklem-kedamji pasungkrunglo. Laso akimi asai angdeng dengdunde aphrangjong, laso atovar pima nangtum ongdung atum ke asai keklem pen si damlo lapen komatmatma karjong plengchen abangphu atum kecheng anujok pen si lutdunlo. Bonta pini arni, laso asai pima Ne keklem ke thedung akacheprek do, lapen lasi nangtum doan lake kechok mate kechokche pu pangthek thekthedetlo. Nang kopi atovar si kedambom loma aphrang ahut la Ne langdamdelo, mate komat “choran” si nang kecho loma lake Ne ninghanghelo, mate komat aphan si nang “po” pu kehang loma langdamdelo. Ne kevang lapen akimi asai kevan ke monit aphan kejaponji pu tangdetlo apot, kadokave komatma Ne phiphi nangkidun atum anke Ne kopima kaningje atengthot si klem-dam nangvekpo. Koanma nang “don-rap” akangtang along si nang vanglo pu sitame, nang Ne phiphi si dunvek nangpo, nang aban akeklem-kedam atengthot ke klem nangnelo, nangphan “pathe-pading apo” along pen che’o nangpo, lapen nang kelongvek nangji akhi-adat kiriji aphan nang Arnam angno si nang vang nangpo. Ne rideng along si nang angton arpum ta dolo, lapen nangphan pathe-pading apo aphan ke mek kave pen akekroi abat ansose nang do nangnelo; alang ke nangphan angton pen chepahemphu un’elo. Pini arni asai ke salajong si karjap. Kadokave pima Ne pini arni kaningje ke kedamtang ahut kecheng anujok ateng pen chenam si kalilo; lake akimi kechenglo, lapen jongsi nang pulo pima lake monit arideng pen si kapinchong pulote, nang ke komatma puan si kachecharchelo kaningje pen abat ason pu abang inutlo!

Isaiah, Ezekiel, Moses, David, Abraham, lapen Daniel atum ke songja mate kethanmek atumlo Israel along kangvaitang amonit atum angbong pen. Kopi apot si latum aphan Arnam pu hokhedetlo? Kopi apot si latum along Karjong Kangthir ahakhi dodedetlo? Kopi apot si Jisu along Alangli sai Alangli pangchengdet lapen Alangli lamthe kaningje pangchengdet pen Karjong Kangthir ahakhi avedetlo? Lapen kopi apot si bang akaprek atum along Karjong Kangthir ahakhi avedetlo? Latum, monit atum ke komatma ok chotlo, kadokave aphan tame “Hemphu” pulo. Latum aphan ajat le hang pusitame, alangtum asai ke alangtum aok-abang lapen akenangsot apharman si cheklanglo, lapen alangtum abang arpum lapen akenangsot ke alangtum angthek apharman si klang’ilo. Alangtum akenangsot ke alangtum adeng ateng amen pen cherapre; lake kopima latum kachethanpon, lapen kopima latum kerengdam apharman si cheklanglo. Kachejok Alo Aban along, Hemphu pu kehang’iji aphan ke thangnat ta bang ateng ason ave, lapen ajat ahin pen le hang sitame chokji, bonta alang akenangsot lapen kedolorvek angthek ke chelar un’elo. Halahei kapachobei aKhristo, kapachobei kethanmek, lapen kachongthuithek atum angbong pen, komatmatma “Arnam” pu amen kachelong abang ta avedetji puhe? Lapen kopi apot si latum Arnam kalidetlo? Athema latum doan ke Arnam keklem asai klem thekthelo. Angkurpi ke latum doan monit puchot, monit atum aphan kachongthuithek atum, Arnam kali, lapen lasi latum along ke Arnam angthek avedetlo. David aphan tame tangte khei krehini angbong pen Hemphu pule kehang kalima? Jisu aphan tame Hemphu pusi hanglo; kopi apot si Jisu aphan inutvet le Arnam ok kachepharlotang abang pu kehanglo? Jeremiah aphan ke tangte monit aSopo pu kalilangma? Lapen Jisu aphan tame monit aSopo pule kehok kalilangma? Kopi apot si Jisu aphan Arnam adular apran endetlo? Lake tangte athema Alangli akenangsot ke cheprekjam apot kalima? Lake tangte athema laso asai pima Alangli keklem ke prekdak apot kalima? Tangte amen angthek pu alam doma? Jisu aphan tame monit aSopo pusi hoklo puvoiphit tame, Alangli ke Arnam ok kachepharlotang kechengsi abanglo, Alangli jakong cheharjakji si vang tanglo, lapen pap kepajok asai kepachunji aphanlo. Laso kacheklang ke pima Jisu angthek lapen akenangsot ke bang akaprek komatma monit aSopo pu kehok atum pen cheprekjeklo. Pini arni, komatlo nangtum angbong kaningjehai abang kedo pima kadokave Karjong Kangthir asai ke’en pen komatmatma kaningjetang alam anke Karjong Kangthir along pen si vanglo? Madu tame lason alam kaningjehai abang dojima? Jongsi nang lason alam ningjelo, tangte kopi apot si Ezra ketok kethanmek alo ke varchorlo, lapen kopi apot si halahei hakoko kurusar lapen kethanmek atum ketok alo doan aphan ta lasonthot klemlo? Jongsi latum kadokave ta Karjong Kangthir pen si vanglo, tangte kopi apot si nangtum lason lakha un’edet aot-adur akachelar kachongvaihailo? Tangte nang ke Karjong Kangthir asai kachongvaiji aphan aptheng kalilangma? Penang an atomo Israel along pen tame varchorlo. Lapen jongsi nang kroilo pima laheihui kedamtang arni ketok alam anke Karjong Kangthir pen si vanglo, tangte kopi apot si tangte ajahak alo ke varchorlo? Jongsi latum kadokave ta Karjong Kangthir pen si vanglo, latum aphan kadokave tame bipet nangji, lapen ke mondoli along kortemar lapen ingjirmar atum kaporhiji aphan pithei nangji. Lahei doan ke monit akar’idam ateng pen si chongvaiji mate kevarchorji puke longledet nangji; lason keklem ke pima chokchelo. Paul lapen John atum kephotang alam anke pima alangtum methang aklong alam kachinidam ateng pen si chingvuikunglo pu kipudam ke pima alangtum kachetong lapen kachinidam ke Sobar pen si kevanglo pu aphan kali, bonta latum along alangtum methang kephopontang lapen aklong alam kachinidam pen si ason-amung kedochot pu anvet. Alangtum kachinidam ke alangtum ahokpet kachetong kephotang halaso apor ahut ateng pen si dolo, lapen komat si ningtheklong pen ningjeji pima la kadokave ke Karjong Kangthir pen si vanglo pu? Jongsi Sonphli Birta Keme alo kadokave ta Karjong Kangthir pen si vanglo, tangte kopi apot si pima Matthew, Mark, Luke lapen John alongtin ta Jisu asai keklem aphuthak kaningje paprekjamlo? La jongsi nangtum chekroikre, tangte kosonsi Pitor le Hemphu aphan batai kethom an kapatepek pu alam Baibel along langdam sinang: La kadokave tame cheprekjam, lapen alangtum mena aot-adur alongtin tame dokok. Penang an komatma kachininedet atum pulo, “Arnam ok kachepharlotang abang tame monitlo, lasi Alangli kaningje alam antame Karjong Kangthir pen si vanglo? Jongsi Paul lapen John atum alamthe doan monit akar’idam ateng pen si pangvuikunglo, tangte lahei alamthe pima Alangli kaningje ke chenam ta monit akar’idam ateng penle chingvuikung kalilangma?” Monit atum komatma lason alam kipu anke mek checharchedetlo lapen chinidundedetlo! Sonphli Birta Keme alo porhi pemenon; kopima latum ketokpon loma asontin Jisu keklempon asai, lapen Alangli kaningje alam aphuthak porhinon. Asontin aphuthak tame chenam si cheprekjamlo, lapen asontin tame mena mena keklem kachisik dopet. Jongsi kopima tokbang atum laheihui alo kadokave ketok anke Karjong Kangthir along pen si vanglo, tangte lake kadokave tame isinatpo lapen chingbarpetpo. Kopi apot si tangte ladak lahinhin kachingbarbe dokoklo? Tangte monit ke lu’ongchet loma, lasi theklongledet pulo? Jongsi nangphan le Arnam ahakhi karjapji aphan nangpulo te, kopuson ahakhi si nang kipidun thekpo? Lason akrong pen Arnam aphan kachini ke Alangliphan hakhi pithekjima? Jongsi bang atum nangphan arjulo, “Jongsi John lapen Luke atum ketok alam anke monit akar’idam ateng pen si chingvuikunglo, tangte nangtum a’Arnam kaningje alam anta monit akar’idam ateng pen le chingvuikung kalilangma?” Nang klardak akethak alam chipipon thekjima? Luke lapen Matthew atum Jisu alam arjulongdet lapen Jisu asai theklongdet pen aphi, latum alangtum mena akachinidam alam ningjelo, ajahak Jisu keklemkang ahokpet alam heihui sengkimodam ason pen si pajirmidamlo. Nang tangte ningje thekjima athe alangtum kachinidam ke angton pen Karjong Kangthir pangdak tanglo? Baibel pen angtan, penang an latum pen anpar kangtuiving kachinidam karjong plengset abangphu atum penang an do, lasi kopi apot alangtum alamthe ke non aphithu aove atum an dengponpedetlo? Latum aphan tangte Karjong Kangthir asai en’edetma? Pini arni asai anke pima chininon, Ne kaningjedam ke Ne mena aklong alam kachini Jisu asai kecheng anujok pen kiripdam ateng kali, mate Ne kaningjedam ke Ne mena kachini pen Jisu asai keklem abirudhe putame kalilo. Kopi asai si Jisu halaso apor ahut keklemlo? Lapen kopi asai si pini arni Ne keklemlo? Kopima Ne keklem lapen kaningje ke angthun kejongdam pu ave. Laso atovar pima Ne pini arni kedam ke aphrang damdepinlang, lake kedamtang ahut akaitin lapen aovetin amonit atum tame dam longlepinlang. Pini arni, lake ingpu tanglo, lapen lake tangte Karjong asai kalima? Lake Karjong Kangthir asai kalanglo puvoiphit tame, kedamtang arni asongja atum doan ke bang kaprek atum kecheng anujok aphuthak pen si alangtum asai klemponlo; tebontame, Arnam Amethang asai ke cheprekdak. Jisu keklem angdeng ke isinat: Alangli akimi atovar si ingpulo. Alangli kevang pen, Alangli sining arat alongri abirta keme si pachethanglo, lapen pulo pima monit ke ningchirui nangji lapen chekobir nangji. Jisu Alangli sai patangdet pen aphi, Pitor lapen Paul lapen kaprek atum Jisu asai si klempon pangchengdunlo. Jisu aphan thengparpan athak sakdet lapen sining angsong ingjardet pen aphi, latum aphan anke Karjong si thengparpan kejapon atovar pachethangji aphan toilo. Paul alam anke thedung saide puvoiphit tame, lahei doan tame kopima Jisu kaningjetang kecheng anujok ke’e ateng pen saidelo, lason si ningkiding, kanghon, kachechak’un, phu kachikurki, lang kaparbip, mate akaprek kekroi kethan alam doan kroidunpetlo. Kadokave la kaningjetang ke Jisu alamthe kecheng anujok pen si ripdamlo. Latum doan ke akimi atovar kangpuji un’elo, athe latum doan ke kadokave ta Arnam ke’enpon amonit saidelo.

Jisu kaningje alam lapen asai laso apor ahut ke kekroi kethan alam thangnat ta ot’e, lapen Alangli ke Kachejok Alo Aban ahut aron keklem atengthot pen ke Alangli sai klemponpe. Lake pima Kanghon-Kangjinso Akai along keklem nangji asai ateng pen si klemponlo. Alangli ke pima Alangliphan kevan pen sai paklemji atengthot si chepedukkruplo, Alangli mena akemangdam ateng penlo, lapen Alangli birta keme pachethang asai ateng penlo; Alangli ke Kachejok Alo Aban aron atengthot pu klemklelo. Ajat tame pima Alangli keklem anke Kachejok Alo Aban aron ateng pen kalilo, lapen Alangli kevang pen sai keklem ke kethanmek atum alam kapachekokji aphan kali. Alongtin Arnam asai angdeng keklempon kethan ke hakoko kethanmek atum mohut aphan kelangdammek kapachekokji pu ajoine kali, lapen Alangli kekroi kethan aron alam otthipji mate hakoko kethanmek atum mohut aphan kelangdam alam chinilor si keklemji pule kevang kali. Tebontame Alangli keklem-kedam ke hakoko kethanmek atum mohut aphan kelangdammek alam phangnodundelo, mate latum pima Alangli keklemtang asai along pasiksakdundelo. Alangli sai kenangsot alam ke thangnat kekroi aron kethan alam ke’otthipji aphan kali, lapen alar ke Alangli Methang keklem nangji asai si klemponlo. Alangli ke inut kethanmek abang mate mohut alam mekbin pen kachini abang ta kali, bonta inut sai klembang, komatma chenam si Alangli keklem nangji asai keklemji si vanglo, lapen Alangli kevang ke Alangli akimi akai lapen Alangli akimi asai keklemji pangchenglo. Ahoklo, Jisu Alangli sai keklemji kevang pen, Alangli hakoko kethanmek atum Kachejok Alo Aban along kaningjetang alam penang an paplengponlo. Lasonsi pini arni asai tame hakoko kethanmek atum Kachejok Alo Aban along kelangdammek ateng si pachekokponlo. Lake pima Alangli “kikritang aban phurkimo” ke pima otthipthelo, jasemet lahenlo. Athe pima Ne keklem nangji asai ansose si keonglang, Ne nangtum aphan kaningje nangji alam ansose si keonglang, lapen laso asai lapen laheihui alam anke Baibel along pen angdengpi-angdengso kethanpon pen anpar ardi thedung ongmulang, athema lason asai ke nangtum aphan thedung akenangsot mate ale avedet, lapen nangtum aphan nangrapre, mate nangtum aphan pachelarle. Ne akimi asai keklemji pu ninghang ke Baibel along angdengtin ateng kapapleng’iji pu aphan ajoine kali. Jongsi Arnam le Baibel along hakoko kethanmek atum kaningje alam kapaplengji aphan si pirthe vangchotlo pulote, komat si kethenei, Arnam ok kachepharlotang abang loma mate komatmat ma hakoko kethanmek atumlo? Ajat punon, kethanmek atum ke Arnam arideng loma, mate Arnam ke kethanmek atum arideng si dolo? Kosonsi nang laheihui alamthe kapajirmipo?

Kecheng ahut, Jisu Alangli birta keme kapachethang asai ahokpet keklem kechengpo pulo, pima Alanglilong aphiphi kidun arisangho atum ason, ahut pen ke Alangli tame mei along chetongdunlo, lapen lun lunlo, anong pathelo, lapen kardomhem along Kachejok Alo Aban porhilo. Alangliphan lang parbiplo lapen thurthudet aphi, Alanglilong Karjong chenam si nangsun binonglo lapen sai klem pangchenglo, Alangli angthek lapen birta keme pachethang asai pangdaklo pima Alangli keklemji apotlo. Laso aphrang, madu tame Alangli angthek chinine, lapen Mary pen anpar ke, John amat ta chininelo. Jisu arta 29 ahutlo Alangliphan lang kaparbip. Alangliphan lang parbip patangdet aphi, siningrengme tame chingpudanglo, lapen ase nangdolo: “Lahenlo Ne kachinghonei aSopo, Ne Alanglilong si ningkangsam do pemelo.” Jisu aphan lang parbipdet pen aphi ke, lason ateng pen si Karjong Kangthir Alangliphan hakhi kachipi chengponlo. Arta 29 ahut lang parbipbe aphrang ke, Alangli jongjung abangphu ason si akai achethe si dolo, Alangli kecho nangji ahut cholo, mekjanglo lapen pe-ri chepindeng pemelo, lapen Alangli phuthak thangnat ta bang atum pen kacheprek avelo, ahoklo puvoiphit tame, lake monit atum ok amek pen ketheklong atengchot. Ahut pen ke Alangli tame boipik dolo, lapen ahut pen ke Alangli ason-amung lang peme thekthedet dolo, lapen lake Baibel along kosonma ketokpon atenglo: Alangli kethek-kere Alangli arta ateng pen si chingthurlo. Laheihui alamthe kacheklang ke pima Alangli tame jongjung lapen kemesen amonit atheng si dolo, lapen pima Alangli bang kaprek jongjung amonit atum ason pen keprekdunjek puke avelo. Alangli tame kemesen abangphu ason si the-ding dunlo, lapen Alangliphan phuthak thangnat keprekjek ason avelo. Tebontame Alangli ke Arnam kelana lapen kerai angbong si dolo. Lang parbipdet pen aphi, Alangliphan tame asat langlo, laso pen aphi si Alangli birta keme pachethang asai lapen keklemji doan Alangli pangchengponlo, lapen jakong, kethek-kere, lapen kachepahemphulong cheparideng longlo. Laso kaningjedam ke pima Karjong Kangthir Alangli lang parbipbe aphrang ke Alanglilong sai klemkledet, mate Alanglilong aklong an avedet pu kali. Alangliphan lang parbipbe aphrang pen tame Alanglilong si Karjong Kangthir arlo dolo bonta sai keklem kapangchengji ahokpet klemklelang, athe Arnam Alangli sai keklempon ahut tame ahoi dokok, anpartame, jongjung amonit atum ke kethe-keding tame jongjung ateng pen si dolo. Alanglilong aklong’et si kaiketa Karjong Kangthir ke dolo. Jisu mahang thekdet pen, Alangli ke bang atum pen prekjeklo, lapen isi klirdap si nangklanglo; Alangli mahang thekthe aphrang, Joseph amang along tekela nangcheklanglo lapen alangphan pulo pima Mary inut pinso oso amahang pathekji, lapen pima laso oso ke Karjong Kangthir si plengsetji. Jisu aphan lang parbipdet aphi, Karjong Kangthir Alangli sai klem pangchenglo, bonta lake pima Karjong Kangthir nonhet si Jisu along nangkanghu pu aphan le kipudam kalilo. Karjong Kangthir vothung ason Alangli phuthak nangkanghu pu pima kipudam alam ke hala Alangli birta keme kapachethang asai ahokpet kapangcheng ahut apot si kejongdam. Arnam aKarjong ke Alanglilong aphrang pen ta dolo, bonta Alangli sai keklem pangchengchedetlang, athe laso apor nangleledetlang, lapen tongsekot pen Karjong sai keklem pangchengchelang. Lang kaparbip pen ajok si Karjong Alanglilong hakhi do’ilo. Alangli lang along pen thurdet aphi, ahokpet si Karjong Alanglilong sai klem chengponlo, atheke pima Arnam ok kachepharlotang abang Alangli birta keme pachethang asai kapachunji pangchenglo pusi jongdamlo, lapen pap kadiya asai tame pangchengponlo, lake pima, Kanghon-Kangjinso Akai ahokpet kechenglo. Lapen lasi, Arnam asai keklem ke isi apor do, kopima ajat asai le Alangli klem pu sitame. Alangliphan lang parbipdet aphi, Jisu along jongdamvet ason ke ajat ta kacherlar ave; Alangli ke nonpu ta Alangli abinong’et ok ateng si dolo. Lake pima Alangli sai keklem Alangli pangchengdet lapen Alangli angthek pangdakdet pen ansi, lapen Alangli plenglim kachepahemphu lapen jakong long pemelo. Laso ateng pen pulote Alangli ta aphrang penke cheprekchetlo. Alangli angthek ke chepreklo, atheke pudamlo te pima Alangli man-peng angdeng along kenangsot kachelar dolo; lake Karjong Kangthir ahakhi lapen monit le keklem asai kalidetlo. Kecheng ahut, monit atum jat ta chinine, lapen latum masapso kachinidam ta Karjong Kangthir Jisu along lason ateng pen hakhi dolo pu pen chotlo. Jongsi Jisu le thedung asai Karjong Kangthir Alanglilong hakhi kave aphrang pen klem’etlo pu asonte, bonta Arnam Amethang ahakhi kavepin pen, tangte koanma Alangli sai kethe sitame, monit atum Alangli angthek chinidamdedetji, athe monit amek pen ke la ketheklongji pu un’edetji. Karjong Kangthir ahakhi akengkam avepin pen, inutnat tame Alangliphan Arnam ok kachepharlotang abanglo pu pangthek thekthedetji. Jongsi, Alangliphan Karjong Kangthir hakhi do’etlo pu aphi, Jisu lason ateng pen si sai cheklem ponbomlo, thangnat akacheprek avepin pen, tangte lake puan angthek avedetji apotlo, lapen laso along si Karjong Kangthir asai lethot tame jasemetpet chepaklangponlo. Karjong Kangthir hakhi dodet pen aphi, Amethang aphan Karjong Kangthir cheklang nanglo, lasi pima nang tame Alangli henlo Arnam pu klardak theklonglo, pima Alanglilong Arnam aKarjong dolo; Arnam ahakhi ke kechokche kali, lapen lake pima Alangli ahakhi ke choklo pu cheklangdam’ilo. Jongsi Alangli sai Karjong Kangthir ahakhi kipi isinat pu aphrang lapen aphi pu asonte, Alangli ok kachepharlotang asai keklem lapen Karjong Kangthir asai ke puan cheklangdakdedetji apotlo, lapen lasi monit ke Karjong Kangthir asai kapangthekdunji un’edetji apotlo, atheke klardak akacheprek thangnat ta avedetji apotlo. Hakhi chipidet pen aphi, Karjong Kangthir laso ahakhi cheotthip nangkoklo, lapen lasi Alangli kethek-kere lapen kachepahemphu Jisu along apot chethan nangkoklo, atheke kedamtang ahut apor pen ke cheprekdaklo. Ahoklo, lake lang kaparbip pen angthek apot lapu kali – lang kaparbip ke isi amei puchot – lake pima lang kaparbip ke Alangli birta keme pachethang asai keklemji aporlo pu pima isi kepaklang akrong chotlo. Lason asai pen ajok Arnam ajakong kethedung kapajoikeji aphanlo, Karjong Kangthir kipi ahakhi kapangdeiplangji aphanlo, lapen Karjong Kangthir si mo kijut ahut antame laso ahakhi arpu che’envetpo. Alangli birta keme pachethang asai klemkle aphrang, Jisu tame lam kethan arjudunlo, lam thandamlo lapen birta keme pachethangponlo prekjam adim along. Alangli thangnat thedung asai klemkle athema Alangliphan tebonta apor nangleledetlang Alangli birta keme pachethang asai keklemji aphan, lapen ke athema Arnam Amethang si ok along chepabihek pen chepatujoilo, lapen apor chokchetik anke thangnat asai ta klemponpedetlo. Alangli athema lang parbipbe aphrang sai keklemkledet ke pasonni athe do: Isi, athema Karjong Kangthir chenam si Alangli phuthak inghuhelang sai keklemji aphan (lake pudamlo te, Karjong Kangthir Jisu aphuthak jakong lapen lason asai keklem kachepahemphulong apor pipedetlang), lapen jongsi Alangli mena le Alangli angthek chichinidet asonte, Jisu mo aphi anke Alangli keklemji ninghang asai doan klempon thekthedetpo, lapen ke Alangliphan lang kaparbip arni ansi chonghong nangkokpo. Lake Arnam aporlo, lapen inutnat tame la kapatepekdunji puke un’edetlo, Jisu Amethang amat tamelo; Jisu Amethang tame Alangli mena asai along chejokdun un’elo. Ahoklo, lake Arnam kachepabihekthek apotlo, lapen ke Arnam asai aron apot pulo; jongsi Arnam aKarjong le sai klemkledet, inutnat tame Alangli sai klem un’elo. Hini, Alangliphan lang parbipbe aphrang, Alangli tame inut jongjung lapen bang ateng amonit atum asonlo, lapen jongjung lapen bang ateng amonit atum ason pen jat ta kacheprekdun avelo; lahenlo kosonma Arnam ok kachepharlotang abang ke kapachobeibei amekbin ason kali pu isi amunglo. Arnam ok kachepharlotang abang ke Arnam aKarjong kisik-kedangpon doan patepekdundelo; Alangli keklem anke klemvetvetlo lapen Alangli pajoike pen si klemponlo. Lake lang parbipdet pen aphi si pima Alangli sai kachepahemphu lapen jakong longlo. Atheke pudamlo te, Alangli ke Arnam ok kachepharlotang abanglo puvoiphit tame, Alangli thangnat ta kapachobeibei mekbin amo klemponpelo, lapen Alangli bang anut kaprek jongjung amonit atum ason si the-dingdunlo. Jongsi Jisu le Alangli mena angthek chichini’etlo pu asonte, Alangliphan lang parbipbe aphrangjong pen si kadokave alongle along thedung asai klem’etpo, lapen jongjung amonit atum ason penke cheprekdakpo, Amethang aphan kethekpik pusi chepaklangpo, anke John alang sai keklemji kechokchedetji anchot kalidet si, bonta Arnam amat tame Alangli sai kaprek angdeng kepangchengji aphan akrong avedetpo. Lake pulote lasi klangdakpo kopima Arnam keklempon chokchedetlo, lapen monit aphan, lake pima Arnam aKarjong lapen Arnam ok kachepharlotang abang isipet atiri pen le kevang kalidet pusi cheklangpo. Lasi, Jisu keklempon asai ke Baibel along ketokpontang asai henlo pima Alangliphan lang parbipdet aphi si klemponlo, ningkan kethom pardunron si laso asai keklemponlo. Baibel ke Alangli kopima Alangliphan lang parbipbe aphrang keklem apot ke toktedetlo athema Alangli laso asai klemklelo Alangliphan lang parbipbe aphrang anke. Alangli ke inut jongjung amonit chotlo lapen jongjung amonit apharman si cheklangdunlo; Jisu Alangli birta keme pachethang asai klem chengche aphrang, Alangli ke jongjung amonit atum pen jat ta kacheprek avelo, lapen bang atum tame Alanglilong thangnat akacheprek thekdam longlelo. Lake Alangli arta 29 ledet pen aphi ansi pima Jisu chinilo Alangli Arnam asai angdeng kapachunji aphan si vanglo; aphrang ke, Alangli Methang amat ta laso alam chinine, athe Arnam keklempon asai anke kapachobeibei amekbin ason kalidet. Alangli synagogue along isi amek chetongdunlo arta ningkan krehini ahut, Mary ke Alangliphan kiriloklo, lapen Alangli isi alamseng si puchotlo, anut kaprek aosomar atum ason thakthak ateng si: “Pei! Nang chininema pima Ne ke Ne Po akar’idam si kadokave aphan pen abat chibi nangji?” Ahoklo, Alanglilong ke Karjong Kangthir plengsetlo putangdet apot, Jisu ke tangte kopine ajahak akrong pen cheprekjek kalidetjima? Bonta Alangli kacheprekjek pu kipudam ke pima Alangli ke kapachibeibei amekbin asonlo pu kali, bonta Alangli Arnam aphan akanghon ke anut kaprek aosomar atum pen abatpik anlang. Alangli ke monit asonthotlo abang arpum puvoiphit tame, Alangli akenangsot ke nonpu ta prekjek lapen bang atum pen cheprekdaklo. Lake lang parbipdet pen aphi ansi, tebontame, pima Alangli chichinilo Alanglilong Karjong Kangthir sai klembomlo puke, chemathalo pima Alangli henlo Arnam Amethang. Lake Alangli arta ningkan 33 lerok pen anchot si pima Alangli ahokpet chichinilo pima Alangli pen ajok Karjong Kangthir ke thengparpan along pran kachipinang asai keklemji pu ningkehang. Arta ningkan 32 ahut, Alangli ajahak aklong’et ahok alam chinidam longlo, lasonsi lake kopima Birta Keme alo Matthew along toklo: “Lapen Sinom Pitor chethakdunlo lapen ningjelo, Nangli ke Khristolo, kerengver Arnam aSopo. … Halaso apor ahut pen anke Jisu Alangli risangho atum aphan chepaklanglo, kosonsi pima Alangli Jerusalem along kedamvek nangji, lapen penang an ason akesar atum lapen kurusar akehoi atum lapen phurkimo alam kabirtidun atum akesung chechaknangji, lapen ke pathilotji, lapen nithom aphi puthot thurthuji.” Alangli kopi asai si Alangli keklempon nangjima aphrang ke chininelo, bonta isi kapathik apor ansi chinilo. Alangli angton pen chininelo pima Alangli mahangthekdet pen; Karjong Kangthir pajo pen Alanglilong sai klemlo, lapen sai keklem adichi ladak dolo. Jongsi, ha kecheng ahut, Alangli chinidetlo pima Alangli henlo Arnam, lapen Khristo, lapen ok kachepharlotang abang monit aSopo, pima Alangli ke thengparpan along vi kachepabuji asai kapaplengji aphanlo, tangte kopi apot si Alangli aphrang pen klemkledetlo? Kopi apot si Alangli risangho atum aphan Alangli birta keme pachethang asai aphuthak thandet pen aphi pima Jisu aningdukdet asonlo, lapen laso apot ardomkruplo? Kopi apot si John Alangliphan tovar thopilo lapen Alangliphan lang parbiplo Alangli penang ason pima Alangli kachinine doan kachini aphrang? Kopilo la kipudam ke pima lake ok along Arnam ok kachepharlotang abang asailo, lapen lasi Alangli kachinidamji aphan, lapen kelongdamji, laso aphan ke angdeng dolo, athe Alangli ke ok kachepharlotang abang Arnam lo, atheke hala Karjong keklemvek asai ason pen ke pima cheprekdaklo.

Asontin Arnam asai angdeng ke isinat lapen kacheprekpre atengthot si dolo, lapen lasi Arnam ningkan suri throk kisik-kedang kemangdam along, asontin angdeng tame angthun cheraphet si dolo, pirthe kecheng anujok ke’e pen pini arni antame lasonlo. Jongsi madu tame atovar pangthei abang avedet pu asonte, laso aphi madu tame kevangji abang avedetpo; komatmatma laso aphi kevang atum kedo tangdetlo apot, komatma laso atovar kepangthei atum tame dolo. Laso ateng pen si bangso asai angthun vangbonlo, angdeng pen angdeng. Isi angdeng aphi puthot angdeng dolo, lapen komatne laso atovar ingpupepin pen, lake laso asai kapangchengji aphan un’edetji, lapen Arnam tame Alangli sai aphrang keponbomji athe avedetpo. Angdengtin tame chepatepek seroirelo, lapen asontin tame angthun do si aphar-aphar ateng pen klemlo; lake kadokave isinat aKarjong si klempetlo. Bonta komatne le tovar ingpulo mate anut kaprek asai angthun klemponlo puvoiphit sitame, lake alangtum angtheklo pu hok un’e? Lake tangte ahok kalima? John tovar ingpukanglo, lapen Jisu alang asai angthun klemlo, lasi lake pima Jisu angthek ke hala John pen aberlang pusi cheklangloma? Jehovah ke Jisu aphrang si Alangli sai klemponlo, lasi nang ningjeji pima Jehovah ke Jisu pen anpar themulo? Latum laso atovar pangtheilo mate anut kaprek asai si angthun klemponloma pule akenangsotlo; kopima akenangsotnei ke alangtum asai akenangsot abang henlo, lapen laso angthek pima kacheklang’idam henlo. Lake tangte kechok kalima? Arnam monit anglum sai klemji si ninghang tangdetlo apot, Alangli halahei komatma tovar kapangthei asai keklemthek atum aphan ke ingthur nangkoklo. John birta keme pachethang kecheng pen ke, alang pulo, “Hemphu atovar nangphan sikpilo, Alangli tovar pakengpilo.” “Nangtum ningchiruinon: athe siningrengme arat ke tebokhetlo.” Alangli lason si ha kecheng ahut pen ningjelo, lapen koson si alang laheihui alam kaningjedam theklo? Laheihui alam kaningjedam an pen angthun langdam lote, lake John henlo komatma siningrengme Khristo arat abirta keme kaningje paphrang, lapen Jisu ke komatma aphithu ningjedunlo. Monit kamunthidamthap alam ateng pen pulote, lake John henlo komatma akimi atovar kangpu abang, lapen lasi Jisu anpar mute John themulo. Bonta John ke alang Khristolo pu chipupe, lapen Arnam alanglong ke Arnam kachinghonei aSopo lo pu hakhi chipipe, bonta alangphan ke akimi atovar kangpuji lapen Hemphu kedamji atovar kisikpi aphan anchot si paklemlo. Alang ke Jisu aphan tovar pangtheipilo, bonta alang ke Jisu adular sai klempidet un’elo. Kadokave monit asai doan tame Karjong Kangthir si langcharipetlo.

Kachejok Alo Aban akai along, lake Jehovah si komatma tovar chejaponlo, lapen Jehovah asai ke Kachejok Alo Aban akai angton lapen kadokave Israel along keklem asai doan apharman cheklanglo. Moses pirthe along laso asai otthip chotlo, lapen alang kachepeduk anke monit kacherapdunpet pen ajoine pusi hokponlo. Laso apor ahut, lake Jehovah si komatma ningjelo, Moses aphan hanglo, lapen Alangli Moses aphan Israel amonit atum angbong ingthurlo, lapen alangphan kajejangtang ajo lapen Canaan an latum aphan kapachejaponji si pemanlo. Lake Moses amethang amat asai kalilo, bonta pima atheke Jehovah ahin pen si salajong jadunlo, lapen lasi Moses aphan ke Arnam pu hok un’elo. Moses tame aron ke selamlo, bonta laso aron ke Jehovah salajong ahin pen le kepek kali. Lake pima Alanglilong dolo athe Moses si ningjelo pu aphanchot. Jisu tame hokum pinchonglo, lapen Alangli Kachejok Alo Aban aron doan ke pavirtheilo lapen akimi akai aphan hokum kimi si pinchonglo. Kopi apot si Jisu Arnam Amethang amatol? Athema ladak ke kacheprek dolo. Laso apor ahut, Moses keklemkang asai anke akai ateng pen apharman kalilo, mate la akimi atovar le kangpu ta kalilo; alangphan aphrang pen Jehovah si chotoilo lapen ke Arnam ke’enpon abang pen inut pu anchotlo. Jisu kevang ahut, John ke tovar kepangtheipon asai angdeng ke cheklem etlo lapen ke siningrengme arat abirta keme alam pachethang chengponlo (Karjong Kangthir si la pangchengponlo). Jisu kevang ahut pen, Alangli mena asai Alangli chenam si chengphitlo, bonta Alangli sai lapen Moses asai angbong ke thedung akacheprek dolo. Isaiah tame penang an kethenmek alam thanlo, tebonta kopi apot si alang ke Arnam Amethang amat kalilo? Jisu ke lapuan kethanmek alam ningjeje, tebonta kopi apot si Alangli ke Arnam Amethanglo? Madu tame ningjehaihelo pima Jisu keklem asai ke laso apor ahut kadokave tame Karjong Kangthir pen si vanglo, mate latum ningjejihai loma lake kadokave ta monit akar’idam pen si vanglo puke, mate pima lake angton pen ta Arnam Amethang keklem asailo. Monit ke lason alam kangsirdunji thangnat akrong avelo. Lake pudam melo pima Isaiah si lason asai klemlo, lapen lason kethanmek alam thanlo, lapen lahei kadokave kevang ke Karjong Kangthir penlo; lahei doan kevang ke Isaiah amethang pen amat puhe, bonta lake Jehovah kepaklang pen apotlo. Jisu ke thedung akeongpi asai klemponpe, lapen penang an alamthe tame ningjeje, mate Alangli penang an kethanmek alam ta thanponpe. Monit aphan, Alangli kethan alam anke jongdamvet pen ingtuiving ason kali, tebonta Alangli ke Arnam Amethang amatlo, lapen lake monit atum than pajirmi thekthelo. Madu tame John, mate Isaiah, mate David atum aphan kroidundepinlang, mate inutnat ta latum aphan Arnam lo pu hanghe, mate David Arnam lo, mate John Arnam lo; inutnat tame lason ningjejepinlang, lapen Jisu aphan anchot si Khristo pu hanglo. Laso kethakpon kedo ke Arnam ahakhi kipipon atengthotlo, Alangli keklempon asai, lapen Alangli keklempon birta keme pachethang along. Baibel along thedung amonit atum aphan langdamlo pulote – Abraham, David, Joshua, Daniel, Isaiah, John lapen Jisu – latum keklem asai pen ajok, nang ningjethekji komat si Arnam Amethang loma, lapen koson amonit atum si kethanmek atum pulo, lapen kolo si arisangho atum puloma. Komat aphan si Arnam ke’enponlo, lapen komat si Arnam Amethang amatlo, lake latum keklem akenangsot lapen abidi ateng pen si thakponvetlo lapen pathikdamvetlo. Jongsi nang le laso kacheprek alam than thekthedet, tangte laso angthek ke pima nang la Arnam aphan kekroi pu kopima chininelang. Jisu henlo Arnam lo athema Alangli penang an alamthe ningjelo, lapen ongdung asai klemponlo, jongdamvet pen Alangli penang an manghumeme asai chepaklangpon henlo. Lasonthot si, John, lethot tame, ongdung asai klemlo, lapen penang an alam ningjelo, Moses lethot ta lapu si klemlo; kopi apot si latum aphan ke Arnam pu hanghedetlo? Adam aphan Arnam amat si pinchonglo; kopi apot si alangphan Arnam pupedetlo, alar ke kapinchongtang eson api pu ansi puchot athelo? Jongsi komatne nangphan pulo, “Pini arni, Arnam penang an asai klemlo, lapen penang an alam ta ningjelo; Alangli ke Arnam Amethanglo. Tangte, Moses ta penang an alam ke ningjelo, alangphan lethot tame Arnam Amethanglo pumelo!” Nang latum aphan arjudunthu nangji, “Halaso apor ahut, kopi apot si Jisu along le Arnam hakhi cheklanglo, lapen John along kali, Arnam Amethang amat ason? John tangte Jisu angno vangvedetma? Kolo si ketheneilo, John asai mate Jisu asailo? Monit aphan, John asai si Jisu pen ansose kethenei pu patheklonglo, bonta kopi apot si Jisu along le Karjong Kangthir hakhi arjap ronglo, John along kalidet?” Pini arni tame lasonthot si cheplanglo! Laso apor ahut, Moses le Israel amonit atum aphan kachejapon, alangphan Jehovah pulo sining angsong anghun angbong pen. Moses ke methang amat ningjejelo, bonta alar ke Jehovah ahin pen si chenam chejaponlo. Lake Kachejok Alo Aban ahut Israel along asai pulo. Moses along ke Karjong pu kalilo, mate Arnam abang arpum ta kalilo. Alang lapuson asai klem un’elo, lapen laso alang keklem asai lapen Jisu keklem asai angbong ke thedung akacheprek dolo. Lapen pima la atheke latum keklem asai ke cheprekdak! Komatne aphan Arnam le enponlo pu tame, mate lake kethanmek abanglo tame, risangho atum, mate Arnam Amethang amat pu sita, alang sai asema ateng si lake pangthekdam longji, lapen lake nang ningkibidam ason doan pajuttheipo. Baibel along lason si tokponlo pima Meresak aso si bangso sap throksi ingpu unchotji. Akaitin along tame, penang an abidi kethan atum hala Baibel along komatmatma thedung abangphu atum angbong dopik, lapen lasi nang ningje thekma atheke latum doan kadokave ta Meresak asolo? Tangte nang ningje thekjima atheke alangtum kapajirmi alam anke kadokave ta Arnam along pen si vanglo? Latum doan ke bidi alam kethan atum anchot; latum ke Meresak aso angthek puke avelo. Kosonsi latum ke sap throksi kangpuji atheng kemanpo? Lake ahoklo pima “Meresak aso anchot si sap throksi ingpu unji,” bonta Alangli ke la sap throksi kangpuji aphan anchot le kevangji kali; laso asai aphan ke akenang amat si ave; lake chenam si klemvekpo. Alangli ke choklim pen Alangli mena asai aphuthak klardaklo; lake Alangliphan akenang dojima ongdung apor Baibel alam kethan-kemumji along kapadam? Tangte “Meresak aso Akai Baibel alam Kethan-Kemum” tame ningkan suri throk asai keklem along bidunkok nangjima? Alangli ke akimi asai keklemji si vanglo, bonta Alangli ajahak kedamtang arni asai aphuthak tame kepaklangpon pajirlo, monit atum aphan ahokpet ningkan suri throk asai keklem alam pachinidamlo. Baibel along pen penang an angdengpi-angdengso kethan kapajirmi aretji akenang avelo; lake pini arni asailo pima kangpu ason henlo, pima akenangsotnei. Nang chini nangji pima Arnam ke sap throksi kebengji aphan anchot si kevanglo lapu kali, bonta pap pen kepajok asai keklemji si vanglo.

Nang kachinidam ke pima Jisu kijut arni ahut ansi nangsunpo, bonta koan akechok’lo Alangli kevangji? Nangtum ason apappi ke, komatma nonhetlang kadiya kelongtang, lapen kachelar avedetlang, mate Arnam nangpachoklim kalidetlang, nang ke tangte Arnam aning aphi dun unjima? Athe nangphan, nang ke komatma nonputa nang aban arpum atenglang, lake ahoklo pima nangphan ke Jisu si pajoklo, lapen pima nangphan ke pappi pu lakhakhedetlo athema Arnam pajok tanglo, bonta lake lasonlo pu angthek kali pima nang ke pap plengset, lapen ke ingthirthedetlo pu kalilo. Kosonsi nang ke ingthir’etpo jongsi nang ke chelarledetlang pulote? Aklong’et ke, nang kangthirthe, mena ale aphan lapen amo vangve pen si plangsetlang, tebonta nang nonputa Jisu pen nangsun rappetji si ninghanglang – nang ke puan kopai kemelo! Nang ke nang Arnam aphan akekroi along isi angdeng paplutdetlo: Nangphan ke masap si diya chotlo, bonta nang ke chelarledetlang. Athe nang Arnam aning aphi kidunji puke, Arnam amethang amat si nangphan kelar lapen kecham pangthir asai klemponji; jongsi nangphan ke kadiya chotlo, nang ke kangthirtang puke longdun un’edetji. Lason pen si nang ke Arnam keme ahirjume doan aphar kelongji atheng kalidetpo, athe nang ke Arnam monit aphan kisik-kedang asai isi angdeng paplutdundetlo, atheke lahenlo kachelar lapen kechoklimji aphan kangpu angdenglo. Nang ke, inut pappi komatma nonhet si kadiya kelong, laso apot si Arnam akhi-adat kelongdunji aphan menmen ke un’edetlo.

Labangso akimi asai angdeng kapangcheng pen, komat si chini kopuan akehelo si nangtum birta keme pachethang atum, lam kethanthek atum, bidi kepachoithek atum lapen thedung karjong plengset amonit pupu atum kedam thekji! Laso akimi asai angdeng chengchetik ke, kopima nangtum kaningje anke aban ale kave saidelo! Lake anghoi along kachebatji aphuthaklo, mate recho kemanji pu aman angdeng kachisik pu aphanlo; mena aphan kapatepekpon mate inut abang aphan kachepahaiponlo; mena kachepabiheklo mate kadokave ahormu doan pen kacharliponlo; athikpetlo mate kanghon pulo. Lake tangte aban ate’ot alun le kilun kalilangma? Lake aban ahormu apot si akaprek amen pen kehang pu asonlo! Phu kachekurkilo lapen him kebenglo pulo, mate rijak chehodailo lapen kardomlo pulo, lapen keso kepamelo lapen hi’isarpo keplunglo pulo. Tangte ladak esonbak akimi asai doma? Tangte ladak esonbak kachingthurji pu ningkethe doma? Jongsi nang le laso ateng si chejaponbom pulote, nang ke checharchepin pen si kekroi kethan aron alam aphiphi dunbompo, mate kachingrum along aron-atang si kroidunpo. Nangtum kekroi ke nangtum asai ke ingtuiving nangji pulo, bonta nang chininema pima lake kadokave nangkepachoi lapen halahei hakoko ahut “akesar amonit atum” si nangkethanpon? Tangte kadokave pima nangtum kaningje lapen keklem ke halahei akesar amonit atum kapadusi alam doan kalima? Tangte lake laheihui akesar amonit atum damde aphrangjong kopima kepek tekang adeng apot kalima? Nang mathaloma pima nangtum keklem-kedam ke halahei risangho lapen kethenmek thek atum kedamtang aove ahut aphan litplotlo, lapen ke kadokave ason-amung aphan antame palitplotlo. Laso asai angdeng kecheng pen ke nangtum hala Witness Lee le recho kemanji lapen anghoi along kangniji pu kiri asai keklem aningkedokdun nangpajuttheilo, lapen lake nang ane chepathe lapen kasedengkak anta nangnep’etlo, laso pen pima nang laso asai angdeng along chejokdunthap un’edetji aphanlo. Laso asai angdeng kalipin pen, nangtum aphan kapajok un’edet anke ansose akarnuk si janglutbompo. Nangtum along pima aban si abat ong’ongchotlo! Kopai keme pen, pini arni asai nangtum aphan puthot vanthulo; kali asonte, komat si chiniji kopi akrong nangtum aphan nangkepondetji! Arnam henlo komatma kaiketa akimi lapen kebanbedet a’Arnam tangdetlo apot, kopi si nang akimi ason-amung ridundedetlang? Kopi apot si nang kaiketa aban atengthot le cheraphet doverlang? Lapen lasi, pini arni Karjong Kangthir keklem asai kachinidun henlo athaksi akenangsotneilo.