Koson si Nonjong Arni an Angton Monit Akhei Aphan Kapachingthurlo Nang Chinidun Nangji

Ove kevang lapen kedam kachelar ason si ningkan suri throk angbong angton pen asai keklem sitame pajo pen nangchelarlo. Laso asai along kacheprekdam athe ke pirthe along angton akephopon ateng lapen monit akhei atum kachingthurpon ason angton pen kedobom ajoklo; kisik-kedang asai ke laso ateng si pajo pen kachelardunlo. Lake ha kapinchong kecheng ahut pen le kithikponmek kalilo. Pirthe pinchongche aphrang, mate pinchongdet pen tongsekot aphi, Jehovah tame kechengsi asai angdeng thikponpelang, pima aron aphuthak; adunthu asai angdeng, pima lake kangjinso; mate kethom asai angdeng, pima lake kachepahai, laso pen Alangli Moab aso-asu ajahak atum pen si kapangcheng paphrangji pulo lapen laso pen ajok somindar adangpi chepahemphu’etpo. Pirthe pinchong patangdet aphi, laheihui alamthe Alangli ningjejepinlang, mate Moab aphi tame lahei Alangli ningjejelo; chenam si, Lot aphrangjong tame, Alangli lahei alam ningjejelo. Kadokave Arnam asai ke amethang ateng si klemponbomlo. Lake chenam ta kosonsi Alangli angton ningkan suri throk kisik-kedang asai kachingthur apotlo; Alangli aling pen sitame, pirthe pinchongche aphrang ke, lason akemangdam alam “Monit akhei kapachingthur aphan thanprui” pu ason ketokmek alo tame ave. Arnam asai along, Alangli kopisi keklemvekjima lason si Alangli ningjelo; Alangli aphu tarlok pangrumvet si kemangdam kapachunji pu Alangli klemkle. Ahoklo, ajahak kethanmek atum penang an thedung kephoji meme alam thanmek dolo, bonta nonpu tame lake pima Arnam asai ke kaiketa kemangdammek laso ateng si keklemlo pu kali, halahei kethanmek alam ke halaso apor ahut Arnam asai ateng pen si pemanlo. Kadokave Alangli keklem asai anke akechokpetnei asai saidelo. Alangli keklempon ke aovetin ahut kachingthurpon ateng pen si pachetondunlo, lapen kosonsi laso ahut akachelar kedo ateng penlo. Alangliphan ke, sai keklempon puke kesodet aphan kelana le dovai kelangchari peme asonthotlo; Alangli sai keklembom ahut, Alangli lang pangchinglo, lapen Alangli ketheklong ateng pen si Alangli sai klemponlo. Alangli keklem asai angdengtin along, Arnam ke Alangli akeongpi gian lapen kethek-kere chepaklangponthek pemelo; Alangli keongpik gian lapen kachepahemphu alam Alangli sai keklempon akaitin ahut ateng pen si chepaklangponlo, lapen kadokave komatmatma labangso akai ahut Alangli angton akun Alangli kechevanthu doan amonit atum aphan patheklonglo. Alangli monit atum akenang tame pima akaitin ahut keklemponvek nangji asai ateng pen si pador ponlo, Alangli keklem nangji ajat asai tame klemlo. Alangli monit atum akenang tame kopima latum aphan Sobar koan angdeng si kephangnoma laso ateng pen pajir ponlo. Lake kosonma pulote, Jehovah le kecheng ahut Adam lapen Eve kapinchong, Alangli la keklem ke latum aphan pirthe along Arnam apharman patheklongji pulo lapen laso pen ajok latum Arnam kapinchongtang ateng hakhi arjap kethekji aphanlo. Tebonta, Eve ke phirui kachomosoi pen aphi pap klemdetlo, lapen Adam tame lasonthot klemlo; biri along, latum banghini ta keme lapen kaheno gian athengpi athe chodetlo. Lasi, Jehovah latum aphan akaprek asai keklemji dokoklo. Alangtum abang areng angse theklong pen, Alangli alangtum abang arpum aphan marat api areng pen si telom’ilo. Laso aphi ke, Alangli Adam aphan pulo, “Pima nang nangpiso alam karju apot, lapen nang la chori pu ne nangphan hokum nangkepi athengpi chodet apot, nang pen apot longle pahirjunolo … ha longle along nang chevoivetik, athema nangphan la pen si nangke’enlo; nang longle aduklo, lapen longle aduk along si nang chevoi nangji.” Hala arloso aphan Alangli pulo, “Oso mahang kepathek ahut nang keso jasemet si paongpo; sopik pen si nang oso chopathe nangji, sita nangpenan aphan si nangning do’eji, lapen la nangphuthak pangripo.” Laso arni pen, Alangli latum aphan Eden Abiri along pen plungphitlo lapen latum aphan hong angtan si kepado nanglo, non lirmi amonit atum le pirthe athak kedonang asonthotlo. Arnam monit aphan kechengsi kapinchong ahut, monit aphan pinchongdet aphi phirui vang si pap paklemdetji lapen laso aphi monit lapen laso aphirui aphan hirjuno piji puke Alangli kemangdam kali. Alangli chenam ta lason akemangdam amat si ave; lake lason si akrong nangchemandet pen ajoine pima Alangliphan akimi asai Alangli kapinchongtang angbong paklem nangkoklo. Jehovah laso asai pirthe athak Adam lapen Eve banghini along klemdet pen aphi, ningkan suri suri si monit akhei atum nangchingthurlo, ansi “Pirthe athak monit akun langnopiklo, Arnam la theklonglo, lapen latum aning kematha asontin ta kaheno saide. Lapen pirthe athak Hemphu monit kepinchong apot Alangli ningche’oilo, lapen la Alangliphan aning paduklo. … Bonta Hemphu angno Noah abang kangjinso longlo.” Laso apor ahut Jehovah along ansose akimi asai keklem nangji dolang, athe Alangli pinchongtang amonit akhei ke phirui chomosoidet pen aphi anke pap pen si plengsetlo. Laheihui kepho nangji pidet pen, kadokave monit akhei angbong, Jehovah kangvaipon ke Noah ahemtun isi aphan si pajok chotlo, lapen ke Alangli pirthe adang langkethe pen kapavirdetji asai Alangli klemponlo. Monit akhei ke lason ateng pen si pini arni anta nangchingthurbom vangbomlo, kebatbom kaheno si chanlo, lapen anke apor nangkele ahut pima monit akachingthur keledam isi akangtui angdeng anlo pute, lake monit akhei akejutdam pu aphanlo. Ha kechengsi pen mo pirthe kejutdam antame, Alangli sai arlo ahok keklem alam ke kaiketa lapen kaike sitame laso akrong ateng si dopo. Lake koson amonit atum loma alangtum keklem ateng pen si kethakvetji pu isinatlo; lake pima anuttin lapen abangphutin abangphu aphan tame ha kecheng ahut pen si kopi-koson ateng si kethakvet ke kapathikpontanglo pu alam ke helopiklang; alar ke, anuttin aphan tame kachingthur asai klempondet aphi si pajo pen thekponvetvetpo. Kepajut ahut, anuttin tame komatma choklim kejok along vanvedet atum anke alangtum “phusar-phisar” along pacheledamthupo. Arnam asai monit akhei angbong asontin tame pirthe kapinchong pen si kepathikpon pu kali; bontame, lake ahormu si kachingthurdam pen ajok pima Arnam aphan ansose ahok lapen asai ateng pen angdeng angdeng monit akhei angbong Alangli sai pacheklem nanglo. Athe langdam sinang, Jehovah Arnam ke arloso aphan kapachomosoidamdetji le phirui kapinchong kali; pima lake Alangli kisikvet akemang ta kali, mate lake kopine pima Alangli chinilor si pachetongvek nangpo pule thikmek kali. Lason kachemandet ke pima chinilorlelo pusi madu tame ningjeji. Lasi, laso ateng pen athema Jehovah tame Adam lapen Eve aphan Eden Abiri pen plungphitlo lapen monit ke anpar pinchongchelo pu seme dengdetlo. Tebontame, monit atum Arnam kethek-kere laso kecheng anujok longdun puchotlo. Lake Ne kedamtang ahut kaningjetang asonthotlo: “Ne kethek-kere apot ale ke’en’i ke Sobar abidi ateng pensi pachetondunlo.” Monit akhei atum koanma jonghele heno trame mate koanma latum aphan phirui chomosoi sita, Jehovah ke nonpu ta Alangli akethek-kere do; lasonsi, Alangli pirthe pinchong patengdet arni pen amat si Alangli ke akimi asai keklem along si dolo, lapen laso asai asontin angdeng tame pachiruithuthe detlo. Sobar ke pardunron si ninghang ateng abidi klemlo, monit akhei aphan Sobar phangno lemdetlo, lapen Jehovah Arnam ke sangkokke si Alangli kereset asai cheklemlo. Alangli remrepinlang, mate Alangli sai keklem ingtontepinlang, pirthe kapinchong arni pen. Monit atum aphan Sobar phangnodet aphi, Alangli latum anglum sai cheklembomlo kehaidetji aphan, hotur atum ke pima alangtum aphan kaphangno atirilo. Laso aron kachedan ke kecheng ahut pen si thurlo, lapen pirthe kijut anta lake dovekpo. Laso asai kadokave keklem along, Jehovah Arnam ke monit atum aphan kepekchot kali, komatma Sobar kaphangnotang atum, Alangli thedung akejok kelongji aphan, bonta Alangli kethek-kere, jakong ketheparpik, lapen kachepahemphupon tame Alangli latum aphan patheklonglo. Anpartame, kepajut ahut, Alangli latum aphan Alangli kangthirpet akun ta pathelongpo – kehonodak atum aphan ado kipi lapen akeme an aphan nong’e pipo. Pini arni an Alangli Sobar pen chedanlo lapen ephongnat ta remrepinlang. Lake athema Alangli ke kereset a’Arnam pinak, lapen Alangli kethek-kere pen Alangli keklem ke Sobar abidi ateng pen si pachetonlo. Laso apot si, Arnam ke siningrengme along asontin tame Alangli kachepahemphu along kachohaidet anchot le keklem kali, bonta Alangli ke pirthe along kedoan ason ta Alangli kengpak kachibi aber si pado’etlo lapen, akejumnei ta, Alangli ke komatma kehenodak abang monit akhei aphan chepahemphudam pen kapasung atum anke Alangli ado kipi phovekpo. Kadokave laso asai angthek keklangdam doan ke athema Alangli kethek-kere pen si planglo. Alangli kethek-kere ke monit akhei nangdode aphrang pen Alangli chepaklangkle, athe Alangli sining angsong along hotur inutnat ave, pirthe athak, mate somindar adang si nahok ta ave, lapen varmon along thangnat ta kangting ason kachepahemphuji atum avedet. Alangliphan tekala akehoi abang chongthuidet pen aphi, Alangli pirthe along monit akhei pinchonglo, lapen lake athema Alangli kapinchong amonit akhei atum pen ajok Alangli ningkan suri aphan Sobar, tekala akehoi pen ron kachedan nangji ahokpet Alangli kapangchenglo – laso aron ke pima angdengtin pachardunron si thurbompo. Alangli jakong ketheparpik lapen kethek-kere doan ke laheihui angdengtin along tame dolo. Laso pen ajok si sining angsong lapen pirthe athak tame Arnam akethek-kere, jakongtheparpik, lapen, jongdamvet pen, Arnam ahokpet ketheklong’ilo. Alangli nonputa Alangli sai pini arni an lason ahokpet ateng pen si klembomlang; laso along batdun pen, Alangli sai Alangli keklembom along, Alangli kethek-kere lapen jakongtheparpik ason Alangli chepaklangponlo. Alangli nangtum aphan angdengtin asai keklem arlo ahok alam patheklonglo, kosonsi Arnam jakongtheparpik chenam ta nangkethanpon theklongji aphan, lapen anpartame, Arnam kedover ahokpet alam kethandak theklongji aphanlo.

Judas le Jisu aphan kachongthuidet aphuthak ke, ajahak amonit atum mathadamlo: Lake tangte pirthe pinchongche aphrangjong pen le kepathikmek’et kalima? Chenam ta, Karjong Kangthir laheihui kisikdam ke aportin ahut akephopon ateng pen si pamanlo. Lake chemandetlo pima komatne inut Judas pu amen abang kaiketa tangka kacho’enji mon’e dokok, lasi laso amonit aphan ke lason kacheman nangji pekdetlo lapen laso akrong along cheparjandun nangkoklo. Lake ahokpet kejong’idamlo hadak amat kelonglok ason-amung pen ale ke’enpon. Jisu ke kecheng ahut laso aphuthak chinine; Alangli laso apot kachini ke aphi anlo, Judas komatma pu klangdet aphi an. Komatne lason ateng kacheplangdun kethek dojima, do tangte pima halaso amonit si Judas alar ke klempo. Lake pima aphrang pen si kithiktang kalidet, ahokpet ta, Karjong Kangthir si apor pachetondun pen keklem’ilo. Karjong Kangthir asai ke kaiketa amethang ateng si klemlo; Alangli ke ajat apor ahut tame Alangli sai sikdam theklo, lapen ajat apor ahut tame cheklem theklo. Kopi apot si Ne kaiketa pulo pima Karjong Kangthir asai ke ahokpet, lapen pima lake kaiketa akimiver, ban un’edet, lapen kaiketa akangtui angdeng an akimitetverlo? Alangli sai ke pirthe pinchongtangdet pen le kemangdam kalilo; kopima la kacheplang ke laso apot kalipin! Asontin asai angdeng sitame halaso apor ahut ateng pen si ajat tame planglo, lapen asontin angdeng along latum chejokdunde. Penang an apor ahut ke, nang phu along kedo akemangdam doan ke Karjong Kangthir nonhetjong keklem asai pen chetondundedet tahai. Alangli sai ke monit atum aphu pen akamathadam an akejoi kalidet, mate lake monit atum kahemandam akisung ason anta kalidet – ladak kedo ke monit atum aphan ajat apor ahut lapen ajat adim along tame alangtum nonjong akenang ateng pen si padordunlo. Alangli pen anpar ke madu tame monit atum akenangsot alam aphuthak ke klardakdelo, lapen lake klardaklo athe laso ajoine si pima Alangli sai keklem penpen monit atum ahokpet akenang ke cheton un’elo. Laso apot si, monit ahin pen langdamlo pulote, Alangli sai ke ningkan suri aphrangjong pen si kisikmeklo pu meme. Alangli nangtum angbong non sai klemlo, kadokave keklempon lapen kaningje antame Alangli nangtum aphan koloso along si kedoma pu kelangdam penlo, Alangli asontin angdeng kachetongpon ateng pen si akechok alam ningjeponlo, kopima monit atum akenangji ateng pen si lamthe klardak ningjelo. Alangli sai kechengsi angdeng le langdam sinang: ado kipipon apor ahut. Laso aphi ke, monit atum kadokave ason aot-adur dopetlo lapen keprekjek ahin pen kachedandong si do’ilo; prekjam kemesen angdeng dolo, lasonthot si akeheno angdeng ta dodunlo. Latum keklobup nangji an alangtum akaheno angdeng chepaledamroklo lapen abernei an si latum chepaklanglo. Arnam ke Alangli sai laheihui kadokave ahormu ateng pen si klmeponlo, lasi Alangli sai along pen kemesen angthek kelongji aphan pu latum aphan pachinilo. Lake pima, Alangli monit atum angbong alangtum nonjong angdeng ahut ajat apor sitame kipipon ateng pen si kerengdun’iji aphan asai si klemponlo; Alangli asontin asai angdeng keklempon tame monit atum ahokpet angdeng ateng pen si Alang klemlo. Alangli rideng si kadokave ason kapinchong anta dopetlo, Alangli le koson si latum aphan kachininedetji? Arnam ke pima keklemvek nangji apot adunthu asai angdeng ta klemlo, ajat apor lapen nahok sitame, monit atum kedo akephodam ateng penlo. Aling pen tame laso asai ke ningkan suri aphrangjong pen kapathikmek’et pu kalilo; lake pima monit akamunthidam alamlo! Alangli keklem ke Alangli kethekdamlong angthek pen Alangli sailo, lapen Alangli sai sangsepin si arnukbom lapen chingthurbom; aportin tame, ALangli sai angthek theklongdet pen aphi, Alangli sai adunthu angdeng tame chengphitlo. Alangli ke penang an ahormu enponlo pajo pen kachelarponbomji aphan lapen Alangli keklem akimi asai apor ahut monit atum patheklongji si pemanlo. Lason pen keklem asai ke monit atum akenangji ateng padorlo, athe kadokave amonit atum aphan Arnam chini pemelo. Lason henlo kosonma Alangli sai sining angsong pen Alangli nangkeklempon. Lasonthot si, Arnam ok kachepharlotang abang tame Alangli sai laso ateng klemdunlo, monit atum angbong keklem lapen ahokpet akephodam ateng pen si sik-dangponlo. Alangli sai asontin sitame pirthe pinchongche aphrang pen le kisikmek’et pu kalilo, mate arsikjik pen kemangdammek pu tame kalipinlo. Pirthe pinchongdet pen ningkan suri hini aphi si, Jehovah theklonglo pima monit akhei atum ke puan si kahenolo athe ke Alangli kethanmek abang Isaiah angho akerap enpon si kevangji alam pathanmeklo, pima Aron Akai jutdet pen aphi ke, Jehovah Alangli sai monit akhei aphan pap pen kapajokji ke Kanghon-Kangjinso Akai ahut si klemponpo. Lake Jehovah akemangdamlo, ahoklo, bonta laso akemangdam lethot tame apor ahut kephodam Alangli kelangdam ateng pen si pemanlo; Alangli chenam si menmen mathadamphitphe Adam aphan pinchongdet pen aphi. Isaiah ke kevangji alam thanchotlo, bonta Jehovah ke laso asai Aron Akai ahut kisik-kedangdammek pu kecheng pen ave; alar ke, Alangli ke Kanghon-Kangjinso Akai kechengpon ahut si laso asai klemdunlo, Joseph amang along pherangke nangcheklang si alangphan patheanglo birta keme pen pima Arnam ke ok nangcheplangpo, lapen laso aphi si Alangli ok kachepharlo asai doan pangchengponpo. Arnam ke kali, monit atum kahemandam ateng pen, pirthe pinchong ketang pen lote Alangli ok kachepharlotang asai aphan sik-dangji puke; lake monit akhei atum koloso angdeng an si kachingthurloma lapen Alangli Sobar abirudhe ron kachedanji angdeng ateng pen si pathikponlo.

Arnam ok chemandet pen, Alangli Karjong monit along nangsunlo; akaprek alam pen ke, Arnam aKarjong Amethang ok abang arpum pen si chingthanglo. Alangli kevang ke pirthe along Alangli sai keklemji aphan tebonta Alanglilong ajahak kedorvet angdeng heihui le kevanji pu aphan kali; Alangli sai keklem ke akijutdam ave chenam. Laso asai pima Karjong Kangthir ok along keklem ke nonpu ta Alangli sai angthek ateng pen si langdamlo, lapen Alangli lason ahormu pen enpon si Alangli ok dotik ahut keklemponji asai apor koan ding loma laso ateng si langdampo. Karjong Kangthir asontin Alangli keklem asai pangdakdetpo, Alangli kedambom ahut Alangli sai langchari pemepo; laso asai ke monit atum kahemandam akejutdam koan loma pu kejongdamji aphan thangnat ta kapahanchathap kalilo. Lake Jehovah asai asonthotlo sining lapen pirthe lapen kadokave ason kapinchongpon ahut keklempon; Alangli kemang dolo lapen laso ateng pen si pardunron klemponlo. Alangli kangting pen katheang thakdundaklo, lapen kea dap lapen arnikangsam chemanlo – lake arnisi an enlo. Adunthu arni ke, Alangli sining pinchonglo, lapen pima la arnisi enlo; Alangli anke pirthe, talo, lapen kadokave api kedoan aphan kapachanpon pinchonglo, laso kapachunpon tebonta arnisi an puthot enlo. Laso dambom si ni throk kechok arni, Arnam monit pinchonglo lapen ke alangphan pirthe along kedoan ason-amung palangtoilo. Anke, ni throksi kechok arni, Alangli kadokave ahormu pinchong patangthei aphi, Alangli sanglo. Arnam la ni throksi arni ke ahirjume pilo lapen laso arni ke kangthir arni pusi hokponlo. Alangli anchot si laso kangthir arni pu pemanponlo Alangli kadokave ahormu pinchong patangpondet aphi anlo, lahei aphan pinchongche aphrang kali. Laso asai keklempon sitame amethang ateng pen si manlo; kadokave ahormu pinchongche aphrang, Alangli ni throk angbong si pirthe pinchongtheipo lapen ke ni throksi arni ke sangpo pu chepathikthe; lason ke ahokpet ateng pen thangnat ta kachephodam ave. Lason alam ke Alangli ningje longle, mate Alangli kemangdam pu ave. Aling pen sitame Alangli ke la kadokave ahormu kapinchong ni throk kechok arni patangdetji lapen ke pima Alangli ni throksi arni sangpo puke ningjeje; alar ke, Alangli kapinchong ke kopima Alangliphan laso apor ahut keme ateng pen si klemponlo. Alangli asontin tame pinchong patangdet pen, lake ni throk kechok arnilo. Jongsi ni pho angbong si Alangli asontin tame kapinchong patangdet pulote, Alangli chenam si ni throk kechok arni ke kangthir arni pu hokpondetpo. Tebontame, Alangli ahokpet ta ni throk kechok arni ansi asontin tame pinchong patangponlo, lapen lasi ni throksi arni ke kangthir arni pemanlo, lake pini arni anta laso atengthot vangbomlo. Laso apot si, Alangli nonjong keklembom asai ke lasonthot ateng pen si klemponbomlo. Nangtum akenangji koloso ahut si nangtum kephodam loma laso ateng pen si Alangli ningjelo lapen padordunlo. Lake pima, monit atum kachetongpon ahut ateng pen si Karjong ningjelo lapen asai klemponlo; Alangli kadokave ason tame langcharilo lapen ajat apor lapen nahok adim tame sai klemlo. Lake pima Ne klemlo, lason si, nangtum kedo adim, lapen nangtum aphan kipipon, aron pen angtan kalilo, pima nangtum akenangji ateng penlo. Lasi, Ne sai ke asontin tame ahokpet kacheklang pen cheprekdak; lake kadokave tame akechok, athe nangtum kadokave chini pima “Arnam aKarjong ke kadokave ason tame langcharilo.” Jongsi la kadokave ason le apor aphrangjong pathikmek’et pute, tangte lake kechundam kithikmek chinilor ongchotlo kalidetjima? Lake lason si nang mathalo pima Arnam keklempon ningkan suri throk angton pen akemangdam lapen ke monit akhei atum kachedandong, kachekhangpon, kahenodak lapen kachongthuidet, lapen ke ok kahenodak kacheparidengpon, kapahi’i akun, mek keplengple lapen salajong akerengme aphan pu asonlo. Lahei esonnat ta Arnam kapathikponmek pu kalipin, bonta kadokave la kemandet ke Sobar kaphangnodak pen ajoklo. Ajahak atum ningje tahai, “Sobar ke tangte Arnam ke’otthip along le kedo kalima? Arnam le thikmek’et kalilangma Sobar ke lason ateng pen monit aphan phangnoji pu, lapen laso aphi, monit angbong Arnam Alangli sai klemponji pulo.” Arnam tangte ahokpet ta Sobar aphan pathikmek’etma monit akhei aphan kaphangno? Arnam ke monit akhei aphan kerengmesen pen kapadolongji aphan kar’i sikpik puanchot, lasi tangte Alangli chenam ta alangtum akai along chejokdunjilang puhe? Jongsi lason, tangte Sobar aphan kachepahai lapen monit akhei kapajok ke chepaduknakji puhe? Kopuson si monit akhei atum kachedandonghai aot le kapathikmek’etpo? Lake kopine pima Sobar kachejokdun pen si nangmanlo, lasi tangte koson si Arnam le kapathikponmek’et pupo? Arnam keotthip along kedo aSobar nangtum ketheklong pen Ne kaningje ateng Arnam arideng keotthip aSobar ke kacheprek do. Nangtum alam kaningjedam ateng pen ke pima “Arnam ke jakongtheparpik, lapen Sobar ke Alangli rideng si dolo,” Sobar ke Alangliphan chongthuidet un’elo. Tangte nang ningjejelangma pima Arnam ke jakongtheparpiklo? Nangtum akachinidam ke chokdakde ongchotlo, lapen lake ahokpet along pen thangnat ta kachepho ave; monit ke Arnam kamathadam chinidunpet un’eveklo, mate Alangli kethek-kere aphuthak thandak thekthelo! Arnam ke jakongtheparpik; lake thangnat ta kapachobei ke kalipinlo. Arnam aphan tekela akehoi kachongthuidet ke athema Arnam kecheng ahut masapso aphar kachepahemphulong ajakong pipondet. Ahoklo, lake munthidam un’epin akepholo, Eve le phirui kachomosoi along kiludundet ahut asonthotlo. Tebonta, koanma Sobar le kachongthui asai klembom pu sitame, nonputa lake Arnam si ajakongtheparpiklang. Nangtum tame ningje tanglo, Sobar ke masap ansi ingtangchot; kopima la ajat le klem tame, Arnam kachepahemphupon si kaiketa ta haidetjilang. Lake akechokpet ajorlo laso alam kaningjedam, “Arnam ke jakongtheparpik, lapen Sobar ke Alangli rideng along si dolo.” Laso apot si, Sobar pen kachedan aron ke ephongvet angdeng pen isi apor ahut si klemdet nangvekpo. Anpar sitame, Arnam kemangdam Alangli sai ke Sobar abidi kanglim kethakdun alamvoilo – pima lake, Alangli monit akhei aphan kejok vanpilo lapen Alangli jakongtheparpik lapen kethek-kere kacheparidengbom akai ahut kechokdunvet ateng pen chepaklangponlo. Lasonthot si, kepajutsi arni ahut asai ke tongsekot pen kepathikmek ave, Kanghon-Kangjinso Akai aphrang; lason kepathikmek kijut keledamji heihui puke laso ateng pen kali: kechengsi, monit atum athak akun kapachelar keklem; adunthu, monit aphan Alangli ado kipi lapen asat kelang along kepaphodun; kethom, kithi asat kelang along monit aphan kapachetongpon; phli, Arnam aphan kanghon apor ahut monit aphan kapachomatlong lapen pinchongtang api ateng kachepathikponthek; pho, Arnam akar’idam monit aphan kapatheklong lapen Alangliphan angton pen kapachinilong; lapen kejutsi, monit aphan kapachoklim henlo. Alangli laheihui kadokave ahormu Kanghon-Kangjinso Akai ahut le kemangdam lapu kali; bontame, Alangli lahei kemangdam ke nonjong kedobom akai ahut. Sobar sai cheklem bomlo, lasonsi Arnam tamelo. Sobar kahenodak akun chethanlo, tebontame Arnam ke jongdamvet pen si ningjelo lapen ajahak ardi kedo ahormu si pangdaklo. Lake pini arni keklempon asailo, lapen ke pima hako ahut pen ke’enver sai keklem’i akekroidam atengthotlo, pirthe kapinchong patangdet aphilo.

Kechengsi ke Adam lapen Eve aphan Arnam pinchonglo, lapen Alangli phirui aphan tame pinchonglo. Kadokave ahormu angbong pen, la phirui henlo abi keongnei; abang along ke bikar si plengsetlo, laso pen si Sobar amethang aphan ale cho’en’idetlo. Laso aphirui henlo pima Eve aphan pap kapaklem chomosoidet. Adam tame pap klemdetlo Eve aphi ke, lapen latum banghini tame aphi ke keme lapen kaheno angbong kethak thekdetlo. Jongsi Jehovah le pima laso aphirui ke Eve aphan chomosoi detji pu chinilor lapen ke pima Eve ta Adam aphan baidetji, tangte kopi athe si Alangli latum kadokave aphan biri arlo kepado’etlo? Jongsi Alangli le laheihui kephoji pu chinidammek’et pu asonte, kopi athe si Alangli phirui kapinchong nangpo lapen Eden Abiri arlo angbong kopilo kibidamkok nangji? Kopi apot si Eden Abiri arlo keme lapen kaheno kachini gian athengpi athe kapado nangpo? Alangli kipudam ke latum laso athe kapachoji pu aphan loma? Jehovah kevang ahut, Adam lapen Eve banghini tame Alangliphan chetong haihedetlo, lapen Jehovah pima latum keme lapen kaheno kachini gian athangpi athe chodet pu chinidet aphi an lapen phirui akebai alam along ludundetlo pu aphi anlo. Kepajut ahut ke, Alangli phirui aphan ahirjuno pilo, lapen Alangli Adam lapen Eve aphan lethot ta pilo. Latum banghini tame laso athengpi athe chodet pen aphi, Jehovah ke pima latum lason choklemdetlo puke masap ta chininepin. Monit akhei ke henodak khangjanglo laso kapahi’i ahut pen lapen beisa kachoklem tame cheklangdaklo, lapuan si akahelo damlo pima asontin le latum birti tame alangtum aning along ke kaheno lapen ingthirthedetlo; lake kadokave ta terbunglo. Jehovah laso apot si monit akhei aphan kapinchong ke aning cheoidetlo. Laso aphi pima, Alangli sai pirthe adang langthepi pen kapavirdetji si Alangli klemlo, laso along Noah lapen alang somar pinso bangphli aphan pajoklo. Ajahak ahormu ke monit atum kahemandam alam pen lapuan kepaphrangji lapen kemanghumemeji pu kalidet. Ajehak arjulo, “Arnam chinilo tekela akehoi ke Alangliphan chongthuidetpo pulote, kopi apot si Alangli kapinchong thelo?” Laheihui do’an ke ahok’lo: Pirthe nangplangple aphrang pen, tekela akehoi ke sining angsong along kethenei atekela si dolo. Siningrengme along kadokave atekela aphan lake kapangripon’un ajakong dolo; laso ajakong ke Arnam pen si pipondetlo. Arnam adun pulote, siningrengme along ke tekela do’an angbong ketheneilo. Aphithu, Arnam monit pinchong tangdet pen ke, pirthe along bangso tekela akehoi Arnam abirudhe thedung abidi kanglim klemdetlo. Ne lake Arnam aphan chongthuidet pu kipudam ke athema la monit akhei aphan kapangriji lapen Arnam kachepahemphu ajakong aphan palitplotji pu si kar’idam pinak. Lake tekela akehoi pima Eve aphan pap kapaklem baidetlo, lapen laso keklemdet ke athema pirthe along methang kapangri arat alongri chikimji pu ninghanglo lapen monit do’an aphan chevan si Arnam abirudhe kapaklemji lapen alar ke tekela akehoi alamm si kapakroiji pulo. Laso tekela akehoi abang thek’longlo pima penang an ahormu do’an abe chepon’unji – tekela atum klemdet unlo, pirthe along le monit atum keklem undet asonlo. Votek-voso lapen api kethe doan, thengpi, ingnam, inglong, langroi, lapen kadokave pirthe along ason-amung kedoan tame monit kelanabom arum si dolo – lake pima, Adam lapen Eve – lasonsi Adam lapen Eve tame tekela akehoi alamm arjulo. Laso tekela akehoi abang lasi Arnam kachepahemphu aphanpalitplotji lapen Arnam aphan kachongthuidetji pu ninghanglo. Laso aphi ke pima, penang an tekela atum Arnam pen si kachedan nangplanglo, aphithu anke kangthirthedet akarjong ason nangchemantheilo. Tangte pini arni an monit akhei kachingthurdam athe ke tekela akehoi kaphangnodak apot kalima? Monit atum pini arni an lapuson kemandet ke athema tekela akehoi Arnam aphan chongthuidetlo lapen monit akhei aphan phangnodaklo. Labangso angdeng pen angdeng asai ke monit atum kamathadam pen arsikjik lapen akejoike pu along patebok un’epinlang. Sobar lason kachongthui keklem ke kopine athe do, tebonta monit atum laso kejoike ahok ke chinidam un’edet. Kopi apot si Arnam, komatma sining lapen pirthe lapen kadokave ahormu doan kapinchong abang tame, Sobar aphan kapinchonglo? Arnam aphan ke Sobar pachobaipiklo pu tangdet ke, lapen Sobar ke Alangli ahoturlo pulo, kopi apot si Alangli Sobar kapinchonglo? Sobar aphan kapinchong pen, tangte Alangli hotur tame kapinchong kalilangma? Arnam ke ahokpet si hotur kapinchong kali; alar ke, Alangli tekela si pinchonglo, lapen aphithu pima Alangliphan tekela si chongthuidetlo. Laso aman angdeng puan si kangtuilo pima lake Arnam aphan kachongthuiji si ar’ironglo. Ningjemelo pima lake chinilorle si kepho, bonta lake kepho kachetongvek nangji apotlo. Lake inut abangphu le kosonsi elong akesar angdeng an lelo pulote kithivek nangji ason pen isinatlo; laso angdeng along si asontin tame nangcheplanglo. Ajahak matha thekthe kiludet atum ningjelo, “Sobar ke Nangli hotur putangdetlo, kopi apot si Nangli la kapinchong nangjilang? Nangli ke tangte chinine pima Nangphan la tekela akehoi chongthuidetji pu? Nangli lang pangchingchema kerengver pen kai apar akai aphan? Nangli tekela akehoi asema chininedet puhe? Nangli chinilorlo pima lake Nangphan chongthuidetji putangdet ke, kopi apot si Nangli laphan tekela akehoi pu kapinchong nangpo? Nangphan anchot le lake kachongthui kali, tame penang an akaprek atekela atum aphan cheponlo lapen kereng’et apirthe along monit akhei aphan kaphangnoji si nangsunlo, tebonta pini arni an, Nangli nonputa Nangli ningkan suri throk kisik-kedang kemangdam apot papleng un’epinlang.” Laheihui alamthe akechok kalima? Nang lason ateng le mathadamlo, tangte nang ke methang aphan akenang ateng pen anpar kesung along chejoklo kalilangma? Akaprek atum komatma kaningje atum dolo, “Sobar le pini arni an monit akhei aphan phangnonedet asonte, Arnam ke lason si monit akhei aphan pap kapajok vanvedetji apotlo. Lasonthot si, Arnam akethek-kere lapen jakongtheparpik ke cheklangkledetpo; konat si Alangli kethek-kere ke kacheklang athai kedopo? Arnam laso apot si monit akhei Sobar apharman pinchonglo laso pen ajok Alangli jakongtheparpik mo aphi ke chepaklangji aphanlo – kalite, kosonsi monit le Arnam akethek-kere kelongdun kethekpo? Jongsi monit le Arnam aphan khangkhedet mate Alangli pen chedandongdedet pulote, lake Alangli keklem asai kachepaklangpon ke thangnat ale kave si mandetpo. Jongsi kadokave pinchongtang ason doan ke Alangliphan kaparchoji lapen Alanglilong si kachipidet nangji pulote, Arnam ke thangnat asai ta klem movedetpo.” Lake ahokpet pen anpar kahelolang, athe Arnam aphuthak ke thangnat ta aketer ave, lasi Alangli ke aketer pinchongchelo. Alangli keklempon Alangli kapangdak ke non ansi Alangli hotur aphan kachepahaiji pulo, Alangli kapinchongtang amonit doan aphan kapajokji, lapen hi-isarpo lapen Sobar doan aphan kaparemdetji pulo, lake kelangselet, kachongthui, lapen Arnam aphan kekhang, lapen lake Alangli kachepahemphu arum si dolo lapen ha kecheng pen ta Alangli pharman saidelo. Arnam laheihui ahi-isarpo doan aphan paremdetji si ninghanglo lapen, laso keklem along, Alangli jakongtheparpik kadokave ahormu along cheklang’ilo. Monit akhei lapen kadokave pirthe along doan ason tame nonke Sobar chepahemphupon arum si dopetlo lapen kahenodak atum arideng si dopet saidelo. Arnam ninghang ke Alangli sai amo kadokave ahormu along pacheklang’etji pulo pima lason pen ajok monit atum Alangliphan chiniji meme, lapen lason pen si Sobar aphan parempo lapen ke Alangli hotur doan aphan angton pen kaparem papar’epratpo pulo. Laso asai keklem angton pen kichundam ke Alangli sai keklem kachepaklang pen ajoklo. Kadokave Alangli kapinchong an ta Sobar arideng si dopetlo, lasi Arnam ninghang ke Alangli jakongtheparpik latum patheklongji pulo, lason pen si Sobar aphan chepahaidetpo. Jongsi Sobar le avedet pu asonte, Alangli sai amok e Alangli chepaklangkledet ta chokpo. Jongsi Sobar aphan adai-areng ke’enji aphan kali pulote, Arnam ke monit akhei aphan pinchongchedet ta choklo lapen latum aphan Eden Abiri along padodedet ta melo. Kopi apot, Sobar chongthuithe aphrangjong, Arnam kadokave Alangli sai amo doan tekela lapen tekela akehoi aphan pangdakdedetlo? Jongsi, ha kecheng ahut, kadokave atekela atum lapen tekela akehoi Arnam aphan chini lapen Alanglilong si chehodaipetlo, tangte Arnam ke halahei ajor kavedet asai ke klemkledet ta chokji apotlo. Athema Sobar lapen hi-isarpo atum kedokok pen ajoine, monit atum, lethot tame, Arnam aphan khangdunlo, lapen ke kachedandong akun si keplengchen pen dokoklo. Arnam laso apot si ninghanglo Alangli keklem chepaklangji aphan. Athema Alangli ninghang ke Sobar pen ron kachedanji, Alangli chenam si Alangli mena kachepahemphupon aboi envek nangji lapen kadokave Alangli keklem pen chepahai unpo; lason pen si, kepajok asai pima Alangli keklempon monit atum angbong tame latum aphan Alangli kethek-kere lapen jakongtheparpik patheklongpo. Arnam asai ke pini arni keklem ta ardi dojotlo, lapen ajahak amonit atum latum kaningje pen kejongdam alam ateng pen nahok pen sitame kachetondam avepin, “Tangte laso asai Nangli keklem ke kithirthip kali puhe? Tangte laso kachepahaipon asai keklem ke Nangli Methang aphan kachepasungchot ason kali puhe? Nangli Sobar aphan pinchonglo, lapen ke Nangphan pachongthui lapen pakhangdun pekplotlo. Nangli monit aphan pinchonglo, lapen ke Sobar arideng si latum aphan hodaithudetlo, Adam lapen Eve aphan pachomosoi pekplotlo. Nangli kadokave laheihui ahormu akenang do si keklem pulo tangte, kopi apot si Nangli nonpu monit akhei aphan ningdokdedetlo? Kopi apot si Sobar aphan langseletlo? Tangte laheihui kadokave ta Nangli mena kaselam ahormu kalilangma? Kopi si kedolang Nangli kelangselet athe?” Kamathakrang amonit atum lason alam ajahak kaningje dolo. Latum Arnam aphan chinghon ingtunglo, bonta ningarlo ke, latum Arnam aphuthak jongdunlo. Kopuson kachetonteloma! Nang ahok alam chininedetlo, nanglong penang an kapahanchathap kamunthidam dopiklo, lapen nang ke pima Arnam chokchedetlo puan ta jongdamlo – kopuan kamathakrang abang loma nang! Lake nang henlo komatma ahok alam pen thangbakbe apor kapadamthap; lake lapuson kalidet pima Arnam ke kechokche keklemdet puke! Ajahak amonit atum ke aphong aphong lamhoi pilo, “Lake Nangli henlo komatma Sobar aphan kapinchong, lapen Nangli henlo komatma monit atum along Sobar aphan nangketoi lapen latum aphan arideng pidun’et. Ephong monit atum Sobar akun cheparideng longlo, Nangli latum aphan diya un’edetlo; laso adular abang ke, Nangli latum aphan langseletlo isi angdeng an. Kecheng ahut ke Nangli latum aphan inghonlo isi angdeng an, bonta nonke Nangli latum aphan ningdokdelo. Lake Nangli henlo komatma monit akhei aphan langselet abang, tebonta Nangli henlo komatma monit akhei aphan kanghontang abang. Kopilo chenam ta ladak chemanbom? Lake tangte kachetontedet kalilangma?” Koson si nangtum ketheklongloma pu langdamdepin pen, lake kopima siningrengme along kacheplang henlo; laso ateng pen henlo kopima tekela akehoi Arnam aphan kachongthuilo lapen monit akhei aphan phangnodetlo, lapen lason pen si monit atum pini arni an vangbomlo. Koan ma nangtum lamseng pu sitame, pima lahenlo angton pen atomo. Tebonta, nangtum ke chinivek nangji pima angton pen akenang ta laso asai pini arni Arnam keklempon ke nangtum aphan kapajokji pulo lapen Sobar aphan kaparemji aphan.

Athema tekela atum salajong ke boidet saide lapen kaningeji aphan thangnat ta cheparideng move, latum ane kethe kedo ke latum aphan chepahemphu ajakong pidet pen aphilo. Lake chenam si tekela akehoi aphan ke ahokpetlo, komatma akaprek atekela doan pen aman akangtui muchot abanglo. Tekela angbong ke arecholo, latum suri suri aphan chejaponlo, lapen Jehovah aber si dolo, laso kachepahemphu ajakong ke pima akaprek atekela doan atum aphan ke palitplotlo. Lason si lake ninghang aling keklemji pulo, lapen tekela doan aphan chepon si monit atum angbong cheja pen pirthe si chepahemphuji pulo. Arnam pulo pima Alangli henlo Inut komatma somindar adangpi ahemphu; bonta tekela akehoi abang kachipudam ke pima somindar adang aphan palangtoilo pulo – laso pen ajok, tekela akehoi abang Arnam aphan chongthuidetlo. Arnam ke sining angsong akaprek apirthe pinchongthu’etlo, lapen tekela akehoi kar’idam ke laso apirthe langchariji lapen kereng’et atum alongri kisundunji pulo. Arnam tangte lason kapaklem longji puhe? Lasi, Alangli tekela akehoi aphan pasunglo lapen sining pen longle adak an si pasunlo. Monit atum aphan kaphangno arni pen, Arnam ke tekela akehoi pen latum aphan kapajokji pu ron chedanbomlo; Alangli lehihui ningkan suri throk akemangdam apot enlo chepahaiji aphan. Nangtum jakongthepar Arnam aphuthak kamathadam alam ke nonjong keklembom Arnam asai pen pachingbardun un’elo; lake chenam ta keklem un’edet asai pinak, lapen ke akechokche dopik khangjang! Chenam ta, lake pima Arnam aphan tekela akehoi abang chongthuidet aphi ke Alangli hotur pusi pangdakdetlo. Lake pima lason kachongthui pen anchot si tekela akehoi abang monit akhei aphan phangnolo kereng’et atum alongri nangsundet aphi ke, lapen laso ajoine apot si pima monit akhei ke laso angdeng an chingthurlo. Lason cheplangdet pen aphi, Arnam Sobar aphan seme pilo, “Ne nangphan paremvekji lapen kadokave Ne kapinchongtang amonit doan aphan kejok vanpivekpo.” Kecheng ahut ke kroimoremlang, Sobar thakdunlo, “Kopilo Nangli ahokpet ta nephan kivithekpo? Nangli tangte nephan sining pen longle adak nangpasuntuk unjivekma? Nangli tangte nephan ahokpet pen nanghai unjima?” Arnam sining pen longle adak paklodet pen aphi ke, Alangli laso tekela akehoi aphan anpar ke langlepinlo, lapen aphithu ke monit akhei aphan kapajok si pangchenglo lapen Alangli mena asai cheklemlo Sobar lapuan kapasiksakdunvoi angbong sitame. Sobar le lapu-laben ajat tame klemthek, bonta lake kodokave Arnam ajakong kedamtang ahut kipi pen ajok si unlo pu choro nangji, laheihui ahormu sining pen longle adak along cheponlo, lapen pini arni anta lahei chibiverlo. Sining pen longle adak along tekela akehoi aphan kapasunpon ahut, Arnam laso kachepahemphu ajakong che’endunthuthedet, lapen lasi Sobar sangsepin pen monit akhei aphan phangno’ilo. Arnam, kaprek ahin pen langlo te, monit akhei aphan kapajok si chengponlo, komatma alangtum aphan pinchongdet pen Sobar phangnodundetlo. Arnam Alangli keklem amo sining angsong kedo ahut chepklangkle; tebontame, pirthe kapinchong aphrangjong pen, Alangli monit atum aphan pirthe along Alangli sining angsong along kapinchong doan Alangli keklempon patheklonglo, lasi halahei amonit atum aphan sining angsong japonlo. Alangli latum aphan kethek-kere lapen kachini ajakong pilo, lapen halahei amonit atum aphan laso apirthe along pado longlo. Ahokpet ke, nangtum inutnat tame laso alam aphrang pen arju longlepinlang. Aphithu, Arnam monit aphan pinchongdet pen, tekela akehoi abang latum aphan kaphangno pangchenglo; pirthe along, kadokave monit akhei doan kahurisei along klorutlo. Lason pen anchot si pima Arnam Alangli Sobar pen ron kachedan pangchenglo, lapen lason pen anchot si laso apor ahut pima monit atum Alangli sai amo thekpon long pangchenglo. Sobar aphan sining pen longle adak pasuntuk aphi pen, lake methang si cheklemponlo lapen Arnam mena asai Alangli sangsepin cheklemponlo, Sobar pen ron kachedanpon chingtontepinlo, kejut arni an ta dolo. Nonke aporlo Sobar aphan kapavirdet nangji. Ha kecheng ahut ke, Arnam kachepahemphu ajakong pidetlo, lapen Alangli aphithu ke sining pen longle adak along pasuntuklo, tebonta lake chekhangthip si dolo. Laso aphi ke pima, monit akhei aphan pirthe along phangnodetlo, bonta Arnam dolo monit akhei aphan kelangdunchari. Arnam Alangli monit aphan kisik-kedang ke’enpon ke Sobar aphan kaparemji pulo. Monit atum aphan kaphangno pen, Sobar alangtum ang’ang kepajut vanlo lapen Arnam asai tengkhengdunlo. Akaprek ahin pen ke, Arnam asai henlo monit akhei aphan kapajokji. Kopi asai angdeng si Arnam monit akhei aphan kapajok kali kedolo? Kopi angdeng si monit atum aphan cham pangthirji kali kedolo, lapen latum aphan kangthirjir kapachemanji lapen komatma kanghon kelongji arje pen kerengdun thekji aphanlo? Sobar, tebontame, lason klemkle. Lake monit akhei aphan phangnolo; lake somindar adangpi si monit akhei aphan kaphangno asai si sangsepin pen klembomlo. Ahoklo, Arnam tame Alangli mena asai cheklembomlo, Sobar aphan langplot si dolo. Koanma Sobar le chepahemphuji aboi do sitame, pima Arnam si laso ajakong kipiponchot; Arnam tame Alangli laso kachepahemphu longji ajakong ke thangbakbe le kipi kali, lapen lasi Sobar le kopima ajat le klem tame, lake Arnam aphan palit un’e lapen ke kaiketa Arnam keotthip angbong si donangji. Arnam sining dotik ke Alangli keklem alam thangnat ta chepangdakde. Alangli Sobar aphan masapso aphar ajakong si pichotlo lapen akaprek atekela doan aphan kachepahemphuji aphan ansi pekponlo. Laso apot si, Sobar kopima ajat le klem tame, Arnam ajakong aphan lake palit un’e, athema laso ajakong ke pima Arnam abinong’et ta dorchit ansi piponchotlo. Arnam sai klembomlo, Sobar khamkhedunlo. Mo kijut arni an, lason kapasiksakdun tame jutkokpo; lasonthot si, Arnam asai tame jutkokpo, lapen Arnam akar’idam amonit atum aphan akijut sitame pajutkokpo. Arnam monit atum aphan mesen pen si chejalo; Alangli achethe ke kereng alanglo, lakha un’edet lapen pangpram un’edet. Monit aphan Sobar kaphangno ke elong angdeng anchot; mo kijut ahut, monit aphan laso kereng alang achethe pen si pachoklimpo, lapen laso along Sobar kachejokdunji lapen asai kacheklemdunji avarsai si avedetpo. Lasi, Arnam laheihui amonit atum aphan choklim pen long peme unpo. Pini antame, Sobar nonpu laso alam dengdelo; Arnam abirudhe si sangsepin pen chedanbomlo, bonta Alangli ke langletlelo. Arnam pulo, “Ne ke kadokave Sobar kangting ajakong lapen kadokave kangting akebaipon doan aphan chepahaidongpo.” Laso asai henlo pima non ok ahut keklempon nangji, lapen lahenlo kopima ok akenangsot pu kapamanponlo: lake pima, kijut arni ahut Sobar aphan kaparemji asai angdeng kapatanglo, lapen pima Sobar apharman an kadokave ahormu kapavirji aphanlo. Arnam Sobar aphan kaparempon ke chekokvekpo! Chenam ta, Sobar ke hako pen si rem’etlo. Birta keme le kethedung dragon ake’er alongri adangpi kapachethang kecheng ahut pen – lake pima, Arnam ok kachepharlotang abang Alangli sai kapangcheng lapen laso asai angthun kibi pen ke – Sobar ke ahokpet ta rem’etlo, athe laso ok kachepharlo akemangdam ta Sobar aphan kaparemji pu henlo. Sobar theklonglok pen pima Arnam ke puthot ok chepharlothu tanglo lapen Alangli sai keklem chepangchengthulo, laso along ajat ajakong tame khangdun un’e, laso apot si lake laso asai along ke kamanghuvong chemandet si dolo, lapen anpar ke ajat ta ot chepalangnodunji haihedetlo. Kechengsi ke Sobar mathalo pima lake, la lethot ta, kethek-kere keplengchen pen si plangpo, lapen lake Arnam asai kekhamkhedun lapen kapasungdun si dopo; tebonta, mathathelo pima Arnam puthot ok nangchepharlothuji puke, mate Alangli asai along pima, Arnam ke Sobar akachedandong pen akerap enpon si monit akhei aphan kepaklangji lapen kangsai vanji, lason pen si monit aphan chepahemphupo lapen Sobar aphan paremdetpo. Arnam ke Sobar aphan remulo, lapen Alangli sai ke helopiklang kilit. Laso apot si, Ne aphrang tame ningje’etlo, “Ne keklem asai pima doan ke Sobar abidi alamvoilo; mo kijut ahut ke, Ne jakongtheparpik lapen Sobar ajakong akaduredet paklangdakpo.” Arnam ke Alangli sai aphrangsi athengno si klempo, tebonta Sobar ke ha aphi anung si dopo, mo kijut ahut anta, lake padusi pavirkok ahut anlo – lake chininedetji kopi pentong tengkheng lone! Laso ahut kachichiniji ke kedamtang ahut ketengkheng lapen kaphangnodak tangdet laso ahok alam anchotpo, lapen anke, me atalo along pavir’et ahut ansi nangchemanpo. Tangte lapuan alam tangdet ta kroikrejilangma? Athe Sobar ke tangte thangnat abidi ta avedetpo keklem kapachunji aphan.

Laso angdeng angdeng pen henlo, Arnam aning monit akehi aphan aningkidukdam dokok titilo lason ahokpet asai keklem ahut, lasi Alangli Sobar pen ron kachedan ke ningkan suri throk apor endetlo, lapen Arnam ningjelo, “Ne anpar ke monit akhei pinchongchelo, mate Ne puthot ke tekela aphan chepahemphu aboi pipelo.” Laso ahut pen, tekela atum pirthe along asai nangkeklem pen, latum Arnam aphiphi kidun ke ajahak asai keklemji aphanchotlo; Alangli puthot anpar ke latum aphan laso chepahemphuthek ajakong pipedetlo. Kosonsi tekela atum pima Israel aso tum alangtum asai keklem ketheklonglo? Latum methang aphan chepangdaklo amang along lapen Jehovah aphan bangso alam paledamlo. Jisu aphan thengparpan athak pathidet pen nithom aphi kithur ahut, tekela atum henlo komatma arlong arep anatthu kangdoi atumlo; Arnam aKarjong salajong le keklem asai kalilo. Tekela atum anchot si lapuson asai ke klemlo; latum kacherapdunthek si cheparjanlo, bonta chepahemphu ajakong ke avelo, athe Arnam latum aphan anpar ke puthot lason ajakong pipelo. Malomso apor aphan an klemdet aphi, monit atum komatma Arnam pirthe along enpon si Arnam adim kapachini lapen kaningje ke, “Ne la somindar adang kapalitplotji si ninghanglo! Ne ke kethom asiningrengme along si karjapdam kangtunglo! Netum kehaidaong ajakong pen kachariji si cheparideng kangtunglo!” Latum ane chepathe si manlo penang an arni asai klemdet aphi; latum pirthe along kachepahemphudetji ajakong aphan si ar’idunlo, akaprek alongri kapinchongji aphan, kadokave ahormu doan alangtum akengpak arum kibipo pulo, lapen kethom asiningrengme along karjapdamji aphan. Nang chininema pima nang ke inut Arnam asai ke’enpon amonit puchot? Kosonsi nang le kethom asiningrengme along an kidun thekpo? Arnam pirthe along sai keklem si vanglo, joijoi pen lapen ase chepavepin pen, lapen ke Alangli sai patangdet aphi kanghu ason si chedamthujuilo. Alangli monit atum ason ase chepadokongkelo, bonta alar ke Alangli asai ateng si klem-damlo. Mate Alangli kardomhem lutdamdepinlo lapen chirurelo, “Ne nangtum kadokave aphan nangpavir’etpo! Ne nangtum kadokave aphan hirjuno pipo lapen nangtum aphan ado pipo!” Alangli mena asai sangsepin si cheklembomlo, lapen Alangli la patangdet pen ke chedamthujuilo. Komatmatma dhorom kirim akehoi atum keso kapame lapen hi-isarpo kiphlung, pulpit along pen lam kethanpon, kidinglen lapen mena aphan cheparokapon alam kaningje, lapen ahokhehe alam heihui kachethan-chemumpon doan kadokave ta ane kachepathe atiri saidelo! Latum doan ke bonta tekela akehoi aso-asu atum saidelo!

Alangli ningkan suri throk asai nonjong arni pen ajok keklem patangdet aphi, Arnam penang an Alangli keklempon apot chepangdak’etlo, akenangsotnei ke Sobar aphan kaparem henlo lapen kadokave monit akhei doan aphan kejok kevanpilo. Laso avarsai pen Alangli enpon si siningrengme along asontin, pirthe athak asontin, talo angbong kedo asontin, lapen asontin kopima Arnam pirthe along kapinchong ahormu kedoan tame Alangli jakongtheparpik lapen kadokave Alangli sai amo doan kapatheklong pen pachini longlo. Alangli ke kelongpon avarsai doan cheotthiplo Alangli Sobar aphan kaparem aphuthak kadokave Alangli asai amo pen monit aphan pangdakponlo, lapen latum aphan Alangliphan parcho longlo lapen Alangli kethek-kere pen Sobar aphan kehaidet apot pachehok longlo. Asontin tame pirthe along, sining angsong, lapen talo angbong kedoan tame Arnam anong si vanlo, Alangli jakongtheparpik apot si pachorolo, Alangli asai amo asontin tame pachorolo, lapen Alangli men kangthir si pahanglo. Lake angtheklo Alangli Sobar aphan kaparem; lake Alangli Sobar aphan kapavir pu angtheklo. Anparta kenangsotnei, lake ALangli monit akhei aphan pap pen kapajok pu angtheklo. Arnam kapinchong angton amung ta Alangli nongthe si vanlo, Alangli athe Alangli hotur aphan kaparem pusi pachorolo lapen kehaidong pen si chevangthulo, lapen Alangliphan ke kethedung kehaidong arecho pusi pachehoklo. Alangli akemang ke Sobar aphan kaparemdet anchot kali, laso apot si Alangli sai ke ningkan suri throk apor an endetlo. Alangli Sobar aphan kaparemdet pen si monit akhei aphan pajoklo; Alangli Sobar aphan kaparem pen si kadokave Alangli keklem asai lapen Alangli anongthe doan pangdakponlo. Alangli ke anongtheklong si dopo, lapen kadokave akeongpi atekela atum tame Alangli anongthe si thekdunlongpo. Sining angsong apherangke atum, pirthe athak amonit atum, lapen kadokave pinchongtang ahormu doan pirthe along tame Kapinchong abang anongthe si theklongpo. Lahenlo pima Alangli keklempon asailo. Alangli sining angsong lapen pirthe athak kapinchong anke kadokave tame Alangli anongthe si chinipo, lapen Alangli Sobar aphan chenam si paremdet aphi ke chehangjo pen si chevangthupo, lapen monit akhei atum Alangliphan pachoro longpo, lasi Alangli la henlo pasonni kehaidong kelongdam. Mo kijut ahut, kadokave monit akhei tame Alangli si chepahemphu’etpo, lapen Alangliphan kekhangdun lapen kachedandun atum doan anuttin aphan ta pavirtheipo; ahin kaprek pen ke, Alangli kadokave komatmatma Sobar apharman atum aphan anke pavir’etpo. Nang ke nonjong penang an Arnam keklem asai chinidun longbomlo, tebonta nonpu nang khangdunbomlang, kachedandong si dolang, lapen chehodaidundelang; nang ke penang an methang along amat birithuplo, lapen nang ninghang aling si asontin klemlo. Nang ke nang mena akar’ipik lapen akenangji ateng si aphiphi dunlo; lake kadokave kachedandong lapen kekhangdun saidelo. Arnam aphan ajat akekroi tame ok lapen salajong mek keplengple aphan ajoinechot, lason thakthak si mena salajong ninghangdam, pirthe, lapen Sobar aphan puchotlo, lake keterbunglo; lake kekhangdun lapen kachedandong asemalo. Non malom ahut, kadokave prekjam ahin akekroidam dolo: Ajahak atum kesung-keboi pen kejokji si chorilo, lapen hirjume kelongji si kaprek atum ke ridamlo, ajahak atum kemanghumeme alam kachiniji si ninghanglo, lapen nonpu ajahak atum ke tangka si ridunlo. Laheihui doan ke kadokave kekhangdun amung saidelo lapen latum doan ke kadokave nongno kejothaplo! Inut abang le kahnglo lapen chedandonglo pulo tangte – pima lake lason aot-adur aphan le kipudam kalilangma? Penang an amonit atum nonlom ke sedengkak pen lamhoilo, jongdunlo, mate kangsaidunji si klemlo. Halahei dona kadokave ahormu keklem ke kahenodak atumlo; latum doan ke kekhangdun lapen kachedandong amonit atum saidelo. Lason amonit atum anke Sobar si cheparidenglo lapen pangrompon’etlo. Komatma Arnam kapangrompon atum anke komatmatma Alanglilong angton pen chehodaidet atumlo; latum doan ke Sobar kaphangnotang amonit atum saidelo bonta Arnam nonjong asai pen ajok pajokplotlo lapen chepahemphudetlo, komatma kesung-keboi kachechakdet, lapen komatma, mo kijut anta, chenam si Arnam kelongtang, komatma anopar ke Sobar arideng arum kedodedetlo, komatma kangthirthedet pen chepajok’etlo, lapen komatma kangthirjir akai si kerengji ningkehang dolo – lason atum anke kangthirnei amonit atumlo; latum doan ke ahokpet ta kangthirpet atum saidelo. Jongsi nang nonjong keklem-kedam doan ke Arnam akenangji ateng pen masapsonat ta aren kachingbardun avedet, tangte nangphan ke pavirdetpo. Lake kapatepekji un’edet alamlo. Asontin tame kopima non kacheman ateng penlo; nangphan le kecheng pen pathikmek’etlo lapen ingvai’etlo puvoiphit tame, nang keklem-kedam pini arni pen si nang kijut kephodamji kopima pangthekji. Jongsi nang non anta la chibi thekthelang, koson si nang mo aphi anta kachibi kethekpo? Lason kethedung kemanghumeme ke nang thengno cheklang tanglo, tebonta nang si nonputa kroidundelang. Kosonsi, tangte, nang ke mo aphi anta Arnam aphan kekroiji, Alangli sai Alangli patangthei ahut lapen lason asai anpar ke keklem movedet ahut an? Laso ahut anke, lake nangphan ansose si akisung plangpo Alangli phiphi kidunji aphan! Aphithu ke, Arnam nang kemathadam aphuthak si langdampo, nang Arnam ok kachepharlotang abang keklem asai alam kachinidun, lapen nang ke pappi mate ingthirpet abang pu nang kachetongponlong ateng pen si langdampo, mate nang ke inut kechoklimtang mate kevirdet nangji abang loma pusi langdampo. Nang ke non klardak pen langvek nangpo. Karjong Kangthir asai ke sonsi klmelo: Alangli nang kijut ahut kelongadamji kopima ke pini arni nang ot-dur pen atenglo. Komat si pini arni alam kaningjelo? Komat si pini arni asai keklemlo? Komat si nang ke virdetpo pini arni pu kangsailo? Komat si nangphan pachoklimji pu pathiklo? Lake tangte Ne Methang le kopima keklem kalima? Ne ke laheihui alam kaningjedam hala komatma Inut abang kali; Ne ke lason asai keklemdet komatma Inut abanglo. Ahirjuno kipi, ado kipi, lapen monit atum doan aphan kangsaipon ke kadokave Alangli sai along aphar saidelo. Mo kijut ahut, lake Ne rideng si dolo nangphan kapavirji tame. Kadokave laheihui ahormu doan Ne si keklemponlo! Nangphan kapachoklimji tame Ne si klempo, lapen nang ahirjume kedenglong aningkarong tame Ne si klemponlo. Lahenlo kadokave Ne keklem asai. Nang kijut ahut kelongji ke Jehovah le pathikmek’et kalidet; lake pini arni a’Arnam si langdamji. Lake nonjong amat si pangthekpo; lake hako ahut pirthe pinchongche aphrang pen le kapathik kalidet. Ajahak mathakrang amonit atum pulo, “Chenam si Nangli mek along kopine akechokche dolo, lapen Nangli nephan Nangli ketheklong nangji ateng pen theklonglelo. Mo kijut ahut, Nangli ke kopima Karjong kepaklang ateng anchot si theklongpo!” Jisu abinong’et ke Judas aphan si Alangli risangho ingvailo. Monit atum arjulo: “Kosonsi Alangli le Alangliphan kachongthuidetji abang aphan arisangho kangvaidetlo?” Kecheng ahut, Judas tame Jisu aphan kachongthuidetji puke mathaletle; lake aphi si cheplangdetlo. Laso apor ahut, Jisu tame Judas aphan kemesenji ason si theklonglo; Alangli phiphi kapadunji aphan Alangli laphan pemanlo, lapen alangphan si alangtum atangka doan aphuthak arpu ke pekpondetlo. Jisu le Judas ke tangka chonghudetji pu pima kachinilor asonte, Alangli lason arpu ke alangphan asonson aphan ke pekpedetji apotlo. Lake lapu ta pume pima Jisu abinong’et ke laso amonit ke henodak lapen chobaidet, mate pima alang ke alang akortemar lapen ingjirmar aphan chobeidetji pu chininelo. Aphi ansi, Judas ke Jisu aphiphi kidun penang an apor litdet ke, Jisu alangphan akortemar lapen angjirmar atum aphan lapen Arnam aphan kachomosoiji thekdunlonglo. Monit atum tame pangthek longlo pima Judas ke tangka athija pen tangka ke’endet titi abe dolo, lapen latum anke Jisu aphan laso alam pachinilo. Laso aphi ansi pima Jisu ke asontin kopima kachemanbom alam chinidunlo. Athema Jisu ke thengparpan athak kithi nangji asai lapen komatne ke Alangliphan kachongthuidet nangji ansi cheklembom, lapen athema Judas ke lasonthotlo chemandun apot lason keklemji abang kechoklim abang longloklo, Jisu pulo, “Kadokave itum angbong pen inut ke Nephan kachongthuidetji abang dopo. Monit atum Sopo aphan laso kachongthui pen ajok si thengparpan along pathipo, lapen nithom aphi kithi pen thurthupo.” Halaso apor ahut, Jisu ke chenam tame Judas aphanvek le kangvai kali pima lasi Alangliphan kapachongthuidetji puke; alar ke bontame, Alangli ningthelo pima Judas ke athikpet arisanghoji pulo. Mathadamdepin pen, Judas ke tangka kihungpik kahenodak abang komatma Hemphu aphan kachongthuidet si nangchemanlo, lasi Jisu ke laso ateng pen enpon si Judas aphan laso asai ingvaiponlo. Jongsi kadokave Jisu arisangho bang krehini atum le athikpet saide lapen inutnat tame Judas ason latum angbong avedet, tangte Jisu aphan kachongthuidetji abang ke komatma la arisangho angbong pen akaprek amonit si plangpo. Tebontame, laso apor ahut, lake lasonsi chemandetlo pima arisangho angbong pen inut ke tangka pen kachopalardet ninghanglo: Judas. Jisu laso apot si laso amonit aphan Alangli sai kapachun’iji aphan enponlo. Kopuan akejoiloma lake! Jisu ke Alangli sai keklem kecheng ahut pen le kapathikmek’et kalilo, Alangli laso kachepathik ke penang an ahormu elong angdeng an ledamdet aphi si klemlo. Lake Jisu si kachepathiklo, lake pima pulote Arnam aKarjong Amethang si kapathikpon atenglo pule pudet ta choklo. Abinong’et ke, Jisu amat si kopima Judas aphan ingvailo; aphithu Judas le Jisu aphan chongthuidet pen, lake kopine Karjong Kangthir si Alangli mena kijutdam aphan kapapleng’idamlo. Lake Karjong Kangthir si halaso apor ahut asai klemdamlo. Jisu le Judas aphan kangvai ahut, Alangli pima Judas ke Alangliphan chongthuidetji pu masap ta chininepinlo. Alangli kachini ke pima laso amonit ke Judas Iscariot pu anchotlo. Nangtum kijut kephodamji, lasonsi, nangtum pini arni kopuan angdeng si kachehodaidam ateng pen si langpo lapen nangtum akai kopuan angdeng ansi kachingthurloma laso ateng penlo, monit atum kamunthidam alam pima nang kijut kelongdamji ke pirthe kapinchong ahut pen si pathikmek’etlo pu ateng pen kalidetji. Nang laheihui alam klardak pen langdam pemevek nangji. Laso asai asontin sitame nang kahemandam ateng pen le kapachunpon kalidet.