Koson si Ahokpet Aphan Kachinipo?
Arnam ke keklem-kedamver a’Arnam: Kadokave Alangli asontin asai tame keklem-kedam saide, kadokave Alangli kaningje alam ateng si akeklem-kedam saide, lapen kadokave ahok alam Alangli kaningje anta laso atenglo. Asontin pima Alangli lamthe kalidet anke kethanthaplo, kaveve ason saidelo, lapen ardi avepinlo. Pini arni, Karjong Kangthir henlo monit atum aphan Arnam alamthe along kejapon. Jongsi monit atum le ahokpet along kilutdunji ridunlo, tangte latum ahokpet ridunvek nangji, lapen laso ahokpet chinidun nangji, laso aphi si latum laso ahokpet chomatvek nangji, lapen laso ahokpet along si rengdun nangji. Pima monit atum koanma ahokpet aphan kachini, lapuan si latum doan laso alamthe ahok kalima-kalangma pu chinidam thekpo; koanma monit atum ahokpet aphan kachini, latum along kamunthidamthap alam ansose jumpo; koanma monit atum ahokpet aphan kachomatlong, lapuan si latum Arnam ahokpet asai keklem amo chinidunpo, lapen lake latum aphan alangtum akahenodak, Sobar akun kedo pen chepajokplotji akejoike dopo; monit atum along koanma ahokpet kedo, lapuan si latum Arnam aphan chinipo lapen ansose si latum ok pen chekakpo lapen ahok aphan inghonpo; lapen koanma monit atum along ahokpet kedo, latum Arnam akenangji angdeng doan tame tebokhet pen chinidunpo. Monit atum komatma Arnam kelongtang anke halatum komatma ahokpet kachomatdunlong pen ajok Arnam ahok asai amo chinidun longlo. Koanma nang Arnam akeklem-kedam ateng pen kajalangdun rappet kethek lapen nang bang arpum aphan athikpet kibithek, lapuan si nang Karjong Kangthir asai ke longdunpo, lapuan si nang ahokpet longdunpo, lapen lapuan si nang Arnam pen akatheang longpo, lapen lasi lapuan sose nang Arnam ahok asai amo akachinidam thedung dopo. Jongsi nang le Karjong Kangthir non kedobom akatheang atur along rengdun theklo, lapen nang ke nangmethang aphan dhorom kamunthidamthap alam lapen kedamtang arni abarim aron-atang doan pen chehekplot tame ansose si thekpo. Pini arni ahokpet ke kelangdam pangching henlo: Koanma monit atum ahokpet kedo, puan si alangtum laso ahok aphan kachinidam klardakpo, lapen alangtum Arnam akar’idam aphuthak kachinidam thedungpo. Ahokpet alam ke kadokave ahi pen ketok lapen kekroidam kepathik aron alam aphan anta haidet unlo, lake kadokave kapinchong alam lapen akethek-kerepik aphan tame haidet unlo, lapen koanma monit atum ahokpet kelang kapangchingdamthek, lapuan si latum Arnam aphan ahok inghonpo, lapen Alangli lamthe aphan kangchir lapen kang’it dopo. Jongsi nang le kaiketa ahokpet aphan si kelang pangchinglo, tangte nang kerengdun kachepathik alam, dhorom kamunthidamthap alam, lapen plangmena aot-adur anke Arnam asai keklem pendet lote amethang amat si angton pen avetheipo. Komatmatma ahokpet aphan kiridundedet, lapen ahokpet aphuthak thangnat ta kachinidun avedet atum anke, pima atheke mekbin ason-amung alam aphan si ridunronglo, lapen latum aphan ke joike pen chongthui unlo. Karjong Kangthir ke lason amonit atum along thangnat asai tame keklemji akrong avelo, lapen lasi latum ke adim ingthaivang ason, lapen pima alangtum akai achethe kedodun ke ajor avedetlo.
Karjong Kangthir nanglong sai keklem unji ke nang chenam si kacharlidun, chenam si nang kiridun, chenam si kardomdun, lapen ke ahok kiridun apharman kisung kachechakji ningkehang pen aphi henlo. Komatmatma ahok aphan kiriredet atum anke thangnat ta avelo bonta ahi pen ketok lapen kekroi kethan aron alam, lapen kapinchongchot kangthaidang alam ansi dopo, lapen komatmatma ahok kavedet atum anke methang amat si penang an Arnam aphuthak kamunthidamthap alam dokokji. Monit atum lason anke alangtum ok abang arpum pen karjong plengset abang chelardet si pima latum kethom asiningrengme along kidunlongji meme pusi Arnam aphan laso kiridun chotlo. Kopuan akilu loma lahei amonit atum doan! Kadokave komatma lason alam kaningje atum anke Arnam aphuthak jat ta chininelo, mate ahokpet alam chininelo; lason amonit atum anke Arnam pen chelangrappet un’eveklo, lapen thangta klemkle chonghonglun chotpo. Jongsi monit atum an ahok alam chinidamji, lapen klardak pen ahok kelangji aphan, lapen jongsi, anpar sitame, latum doan ke ahok along lutdun nangji lapen asai ateng klem-dam nangji, anke latum chenam si charlivek nangji, chenam si ridunvek nangji, lapen chenam si ingchir lapen ing’itvek nangji. Nang le kangchir lapen kang’it dolo, lapen nang le chenam ta Arnam pen chelang rappet unlo, Arnam aKarjong ke nangphan chenam-chenum si paphopo lapen nanglong sai klempo, atheke nangphan ansose katheang adak-atur vanpo, lapen nangphan ansose ahokpet aphuthak kachinidam pipo, lapen ke nang kai aphan thedung akerap dopo.
Jongsi monit atum an Arnam aphan chiniji, latum aphrangsi pima Arnam ke keklem-kedamvoi a’Arnam pu chinidet nangjilang, lapen latum Arnam alamthe chinivek nangji, Arnam akeklem-kedam kacheklang ok along, lapen Arnam keklem-kedam asai doan chinivek nangji. Lahei chinidet aphi ansi pima kadokave Arnam asai ateng akeklem-kedam alam nang chenam si Arnam pen chelangdun rappet thekponpo, lapen laso akrong pen anchot si nang kai along nang kachingthur longdun unpo. Kadokave komatmatma ahokpet aphuthak kachinidam kave atum anke Arnam alamthe kachomatdun longji anta athe avelo, alangtum kamunthidamthap alam along si chingnanghetlo, alangtum amang along si renglo, lapen lasi latum ke Arnam alamthe aphuthak kachinidam thangnat ta avelo. Koanma akethe nang ahokpet aphuthak kachinidam kedo, lapuan si nang Arnam pen chetebokhetpo, lapen lapuan si nang Alangli pen adung dodunpo; koanma nang keklardakde ason, bidi aphan kachikidam lapen kekroi kethan aron alam aphan kiridam, lapuan sose si nang Arnam pen ke chehelovingpo, lapen lasi koanma nang mathalo pima Arnam alamthe kachomatdun puke chepeduk nangkok lapen sungkrunglo pulote, lapen pima nang ke kilutdunji aphan apun chokchelo. Jongsi nang le Arnam alamthe ahokpet along lutdunji ninghanglo lapen nang karjong plengset akai akechok akrong along dunji pulote, nang aphrangsi ahokpet alam chinidet nangjilang lapen nangmethang aphan keklardakde lapen mekbin ason-amung alam pen chepajokplot nangjilang, atheke pudammelo pima aphrangsi nang kosonsi Karjong Kangthir chenam ta nangphan patheang adak-atur pilo lapen aklong pen kachejapon loma chinidamvek nangjilang. Lason pen si, jongsi nang le Karjong Kangthir ahok asai monit along choklim pen longdun peme theklo pulote, nang ke Arnam pen kapachoklimtang akechok akrong along si lutdun longpo.
Pini arni, asontin tame ahokpet pen si pangchenglo. Arnam asai henlo akechoknei pulo, lapen ke monit atum la paphodet unlo; lake kopima monit atum kachetonglong, lapen kelong asonlo. Monit atum along pima keklardakdedet lapen mekbin ason-amung akeongpi dolo, athek latum aphan nonjong Arnam keklem asai kachinidunji khangdetlo. Lasi, alangtum kachomatdam along latum kaiketa suiphitlo, lapen kaiketa mathalo pima lahei alam ke sungkrung, lapen lake kadokave ta alangtum kamunthidamthap alam pen si manlo. Monit atum anke Karjong Kangthir asai keklem aron-atang kepathik alam chinidun thekthedetlo, latum ke ahokpet aphan ta chininedetlo, lapen latum anke kaiketa alangtum kilutdun akrong along akechokche si manlo. Latum ke Arnam akenangji ason aphan akahelo pen si langlo, lahei kelong un’edetlo; latum ke pima Arnam alamthe heihui anke akemelo pu lang jongjonglo, bonta kilutdunji aphan akrong ridun thekthedetlo. Karjong Kangthir asai laso keklem aron-atang kepathik ateng: Monit atum kajalangdun rappet pen ajok, latum sangsepin pen akardom, kiridun lapen Arnam adung kapatebok pen ajok, angthek ke longdamlo lapen latum aphan ke Karjong Kangthir katheang lapen adak-atur palonglo. Lake pima Karjong Kangthir tame lamdon avepin pen si keklemdetlo lapu alam kalilo, mate pima monit si lamdon avepin pen keklemdetlo lapu kalilo. Pasonni tame akenangsot saidelo, lapen koanma monit atum kachelangdun rappet, lapen koanma latum Arnam akenangji ateng angdeng kepalongdunji aphan kiri chepeduk, lapuan si thedung Karjong Kangthir asai dopo. Monit atum ahok kajalangdun rappet pen anchot si, Karjong Kangthir asai along kipidun pen, ahok kachomatdunlong dopo lapen Arnam alamthe ajor kedo aphuthak chinidampo. Pajo pajo pen, lason ahin kachomatdamlong ateng, inut choklim abangphu kapadusi ke cheklangpo. Arnam ke manghumeme mekbin ason-amung klemponpe; monit atum kamunthidamthap alam along, Arnam ke jakongtheparpik, lapen asontin tame Arnam si klempetlo – laso angthek pen pima monit atum monthing si chonghonglo, Arnam alamthe porhihedetlo mate ardomdedetlo, lapen Karjong Kangthir kepaphoji aphan si chonghong jongjong puchotlo. Komatma akechokpet akachinidam kedo atum, bontame, la kroilo: Arnam asai amo keklem ke ne kajalangdun rappet koan ma akahelo kedam’un ateng anchotlo, lapen laso angthek ke pima Arnam asai nelong kedoji ke ne kopuson si kachelangdun kedo pen atenglo. Arnam ningje lote, Ne kadokave Arnam alamthe aphuthak kiri lapen kachepeduk’un an klem nangpo; lahenlo kopima Ne kelongdam nangji.
Pitor lapen Paul aphan kelangdam pen ajok nangtum klardak pen theklonglo pima lake Pitor henlo komatma ahokpet aphan ardi kipinei abanglo. Kopi pen si Pitor keklempon loma, laso ketheklongji ke pima alang kachomatdamlong an henlo komatmatma kedamtang ahut keremdet atum doan aphan pathihek pen kethan pajirmiponlo, lapen pima alang kangthirpet abang pu kedamtang ahut ajakong cheparideng longlo. Laso pen lake thekdamlongji koan si Pitor kachetongponlong anke ahok loma, pima monit atum anke lahei kachetonglong alam paledam unlo lapen paphodam unlo, lapen latum palongdam unlo. Paul, bontame, prekchetlang: Kadokave pima alang kaningje anke klardakde lapen thekdam longle, lasonsi kethom asiningrengme along kedam pu alam, anghoi along kachingnidamthu alam, lapen kangthirpet akechok aphutup alam. Alang ke pima atheke angtan alam si lang parsikdamlo: aman angdeng lapen monit atum aphan lam kethanthek, alang akesar arlenglo pu ane chepaklang, Karjong Kangthir kepaphotang abang pulo, lapen dopiklang. Alangli kiridam kelong anke thangnat ta ahok ave, lapen akeongpi ke mangmun alam saidelo, lapen lasi lake thekdam longji pima kadokave manghumeme mekbin ason-amung anke, lason si koanlo Karjong Kangthir monit atum aphan kapaphodam, pima monit atum kethenei akachehok kelongdamlo, kethom asiningrengme along kidun, mate atheke latum alangtum kedover aseke kopuan ahin si lelo, kopuan ahin si atheke latum Arnam alam kaporhi chehok’ilo – lahei doan isinat ta ahok ave. Kadokave Karjong Kangthir asai anke mesen, lapen ahokpet. Nang le Arnam alam porhilo lapen ardomlo, nanglong aklong’et ke theangdang lapen athikpetlo, athak apirthe nangphan masap ta nangchejokdun un’elo; aklong’et, nang ke Arnam aphan kanghonji ninghanglo, akeme ahormu along kachetoji ninghanglo, lapen nang kaheno apirthe anke chepahelovingpo. Lahenlo Arnam along kerengdun. Lake kali, monit atum kaningjedam, thedung akachehok kachomatlong puke – lason akethan alam ke asai ateng klem-dam kalilo. Pini arni, asontin tame ahokpet pen si pangcheng nangji. Asontin tame pima Arnam keklem anke ahoklo, lapen nang kachomatdam along nang Arnam aphan kachinidam pemeji le ardi chipidunnon, lapen Arnam asai akengbot kiridun klemnon lapen atheke Karjong Kangthir kepapho lapen monit atum aphan kapatheang pen ajoklo. Jongsi nang le Arnam alam cholo lapen junlo, lapen ardomlo, lapen pima ansose ahok ateng pen jalangdun rappetlo, kopima akeme kedamtang apor ahut pen dengdun peme theklo, lapen kopima Pitor along ason akechokche anke kapadarthek, jongsi nang le nang no pen arjudunlo lapen nang mek pen langdunlo, lapen kadokave nang Arnam asai pen kachelangdun rappetji aphan anke klemnon, anke Arnam nangphan chenam-chenum si chejadunpo.
