Pini Arni Arnam Asai Kachini
Nonlom apor ahut Arnam asai aphan kachini puke, athe ake’ongpi along ke, kopima Arnam ok cheparje abang birta keme asai keklem akenangsot kachini ke kijut arni ahut an, lapen kopi si Alangli pirthe athak kevang pen keklempon loma. Ne lamthe along Ne aphrang tame ningjetanglo pima Arnam pirthe athak kevang (kijut arni ahut an) puke damde aphrang eson angthek kibi tekangji pulo. Koson si Arnam laso kapachini angthek kibilo? Alangli laso keklem ke lamthe kaningje penlo, lapen angton pirthe adangpi asai keklem lapen kaningje penpenlo. Lahenlo kijut arni ahut Arnam asai keklem; Alangli ningjechotji, pirthe aphan lamthe apirthe si selamlo, laso ajok anuttin abangphu aphan tame padorlo lapen Alangli lamthe pen si patheanglo, lapen laso ajok monit akarjong tame mekprangdakji lapen alang kelangdammek aphuthak klardak pen longpo. Kijut arni ahut, Arnam ok cheparje abang pirthe along kevang akenangsot ke lamthe kaningjeji aphan ajoinelo. Jisu kevang ahut, Alangli sining hemrengme arat aphuthak si birta keme pachethanglo, lapen Alangli thengparpan athak pran kachipi pen pap kepajok asai pachun pemelo. Alangli Aron Akai ke pajutkoklo lapen pima doan abarim anke pavetheilo. Jisu kevang pen ajok Aron Akai ke jutkoklo lapen Kanghon-Kangjinso Akai si pangchenglo; Arnam ok cheparje abang kijut arni ahut nangkele pen ajok Kanghon-Kangjinso Akai aphan pajutkoklo. Alangli lamthe kaningjeji aphan si jasemetpet Alangli vanglo, monit aphan kapachoklimji aphan si lamthe enponlo, monit aphan adak-atur pen kapathe’angji pulo, lapen monit aning arlo keklangrim Arnam adim kapavedetji pu aphanlo. Lake pima Jisu le Alangli kevang ahut asai keklempon angdeng kalilo. Jisu kevang ahut, Alangli penang an manghumeme ason klemponlo, Alangli keso pameponlo lapen hi’i tame plungplo, lapen Alangli thengparpan athak apran kachipi pen apot pap kadiya asai klemponlo. Laso angthek kelong ke, monit atum akamathadam along, latum kroilo pima lahenlo kosonma Arnam ke kedo nangji. Athe Jisu kevang ahut, Alangli monit aning arlo pen keklangrim a’Arnam amohor kapapreidetji asai ke klemkledetlo; Alangli kevang ahut, Alangliphan thengparpan athak saklo, Alangli keso pamelo lapen hi’i plunglo, lapen Alangli sining hemrengme arat alam birta keme pachethanglo. Ihin pen langdam lote, Arnam ok nangcheparje kijut arni ahut ke monit akamathadamthap along keklangrim a’Arnam kedo adim ke papreidetlo, laso ajok anpar ke monit aning arlo keklangrim a’Arnam amohor ke avedetlo. Alangli ahok alamthe lapen ahok asai pen ajok, Alangli kadokave adim angkangpi along sai keklempon amo, lapen monit anglum along Alangli pima ahokpet lapen kemesen asai keklempon apot, Alangli monit aphan Arnam ahokpet aphuthak pachini longlo, lapen monit aning arlo keklangrim a’Arnam adim ke papreidaklo. Kaprek ahin pen langdam lote, Arnam Alangli ok pen ajok lamthe ningjelo athe monit aphan kapaplenglimji aphan, lapen kadokave ason-amung doan kapachunji aphan. Lahenlo asai ke pima kijut arni ahut Arnam kapachunponji.
Kopilo nangtum kachinivek nangji:
1. Arnam asai keklem ke mekbin ason kali, lapen nang laso aphuthak kamathadamthap birtitedet nangji.
2. Nangtum pima Arnam ok cheparje abang laso apor ahut kevang pen keklempon kenangsot atiri asai chinivek nangji.
Alangli keso kapameji aphan le kevang kalilo, mate hi’i do’an kiplungji aphan ta kalilo, mate kemanghumeme asai keklemji kali, lapen Alangli pap kachekobir nangji abirta keme kapachetakji le kevang kali, mate monit aphan thedung pap kadiyaji aphan ta kalilo. Lake athema Jisu ke laso asai aphrang klemtang’etlo, lapen lasonthot asai Arnam puthot ruithuthelo. Pini arni, Arnam ke Kanghon-Kangjinso Akai kepajutji si vang tanglo lapen Kanghon-Kangjinso Akai along kedoan keklempon aron-atang an pavirponlo. Saiklem Arnam ke jasemetpet pima Alangli ke ahokpet pu chepaklangji aphan si vanglo. Jisu kevang ahut, Alangli eson-sonni alamthe si ningjelo; Alangli jasemetpet ke manghumeme asai si paklanglo, angthek lapen ahir-asang pen si klemponlo, lapen keso pamelo lapen hi’i plungponlo, mate Alangli monit atum aphan kebai’iji pu ra mohut keplangji alam heihui ningjeponlo lapen latum aphan patheklonglo pima Alangli henlo Arnam amatlo, lapen pima Alangli ke kemathadamkrang a’Arnam pulo. Kepadusi, thengparpan athak pran kachipi asai Alangli angton pajutdetlo. Pini arni a’Arnam ke angthek lapen ahir-asang chepaklang ponpelo, mate Alangli ke keso pamemelo lapen hi’i tame plungplelo. Jisu kevang ahut, Alangli keklempon asai ke Arnam ihin aphar apharman si cheklangponlo, bonta non aphong ke pima kapabenghoi asai angdeng si Arnam keklemji aphan vanglo, athe kedamtang isinat asai lethot ke Arnam klem ruithuthelo; Alangli ke pima kaiketa akimi lapen kebanbedet a’Arnam pinak, lapen lasi kadokave pima nang pini ketheklong anke saiklem a’Arnam alamthe lapen asai saidelo.
Arnam ok cheparje abang kijut arni kevang jasemetpet athe ke Alangli lamthe kaningjeji aphan, kadokave pima monit achethe along akenangsot aphuthak an kethan pajirmiji aphan, pima atheke monit kilutdun nangji athepi kejongdamji aphan, monit aphan Arnam asai amo patheklongji aphan, lapen monit aphan Arnam kethek-kere, jakong theparpik, lapen kemanghumemepik ason patheklongji pulo. Arnam atheke penang an ahin pen kaningjepon ajok, monit ke Arnam kachepahemphu kangtuiving, Arnam ke kethepik, lapen anpartame, Arnam kachepabihek lapen kachepatujoi patheklonglo. Monit theklonglo pima Arnam ke do’an pen ketheneilo, bonta pima Alangli ke chepabihek lapen chepatujoi abang, lapen ke kadokave pen anpar kibinei ta cheman unlo. Alangli kaningjepon alamthe ajahak anke Karjong ahin ateng kamatha pen si vanglo, ajahak ke monit ahin ateng kamatha penlo, lapen ajahak ke komatne banghini angbong pen kaprek inut ahin ateng kamatha penlo. Laso along, lake thekdamlongji pima Arnam asai keklem adichi ke kacheprek thedung, lapen lake pima lamthe pen ajok si Alangli monit aphan patheklonglo. Arnam asai kijut arni ahut ke pajoike lapen ahokpet sonni penlo, lapen lasi adilung isi amonit atum kijut arni ahut ke kadokave kethenei asat si phovekpo. Athema Arnam kapajoike lapen ahokpet ajoinelo, kadokave amonit atum lason asat kelang angbong si lut tanglo; pima monit ke Arnam asat kelang along klo tanglo puke athema Arnam kapajoike lapen ahokpet pu apotlo. Jisu akai ahut, kamathadamthap mate asat kelang puke avelo. Athema ake-ongpi asai ke Jisu si monit akamathadamthap pen pacherap si klem’etlo, Alangli phiphi kidun amonit atum an, lapen latum Alangli aphuthak thangnat ta mathadamthap avelo. Pini arni asat kelang anke monit aphan kethenei kachetongji asonlo, lapen lake ningjelo pima lahei amonit atum anke thedung asat kephotang pen vang’et tanglo pu ahut, laso asat kepho aphan si pima lake jongdamlo. Pini, Arnam kaningje ke lahei amonit atum along kekroi, kanghon, keso-kisung kachechak kedeng, lapen athikpet pen kedoji si ingthurlo. Kijut arni ahut Arnam ok cheparje abang kaningjepon alamthe anke monit asema atiri, monit aot-adur, lapen pima atheke monit pini arni kilutdun nangji atengthot pen si ningjedamlo. Alangli lamthe anke sonni ta ahok lapen pajoike: Alangli penap apharman apot ningjeje, mate Alangli ke patumi damtang apot ta chelangthuthelo; Alangli ke pima kilutdunvek nangji, asai ateng keklem nangji, lapen pini kachinidun nangji alam ansi ningjechotlo. Jongsi, pini nongjong arni ahut, komatma angthek lapen manghumeme adak-atur kapaklangthek abangphu nangbar lote, lapen penang an manghumeme asai klem lote, lapen jongsi laso abangphu pima latum anke komatma Jisu si vang tanglo pu hoklo pulote, lake Jisu asonthot karjong langno si charlidunvoi pen kapamanghudetji aphan klemponlo. Lale ningchibinon! Arnam ke aphrang asai asonthot ke ruithuthelo. Jisu asai angdeng ke pajut tang’etlo, lapen Arnam ke halasonthot asai angdeng ke puthot klemponthuthelo. Arnam asai ke monit akamathadamthap pen ke pachingbardam un’elo; athe langdam lonang, Aban aron along Messiah mate Khristo kevangji alamm thanmek’etlo, lapen laso kethanmek alamm angthek ke Jisu kevang henlo. Lake lason si cheman’et tanglo, lake anut kaprek abangphu puthot kevangthuji puke chokchedetpo. Jisu ke ephong vang’et tanglo, lapen lake jongsi Jisu le non aphong tame puthot kachevangthu puke chokchedetpo. Akaitin aphan tame isi amen si dolo, lapen la asontin amen along halaso akai ahut aot-adur ateng si dolo. Monit akamathathap along, Arnam ke kaiketa angthek lapen adak-atur si chepaklangverpo, kaiketa keso pameverpo lapen hi’i plungverpo pulo, lapen kaiketa Jisu asonthotverpo pulo. Tebonta non aphong, Arnam ke la kadokave aphrang ason kalilo. Jongsi, kijut arni ahut, Arnam nonpu ta angthek lapen adak-atur chepaklangbom, lapen hi’i ta plungbom lapen keso ta pamebom pulote – jongsi Alangli Jisu asonthot ateng si klemponlo tangte – Arnam ke aphrang ason asai si pachiruithu lethotlo, lapen Jisu asai keklempon ke thangnat ardi lapen ale avedetpo. Lasi, Arnam ke isi asai angdeng akaitin along tame klemponlo. Alangli sai angdengtin along ephong patangthei lote, lake prapjin pen karjong langno si lasonthot klemdunpo, lapen Sobar le Arnam akengkam along aphiphi kidun pangchengdet aphi lote, Arnam ke akaprek adichi si chelarthuvoipo. Alangli sai along Arnam le angdeng ephong patangdet lote, lake karjong langno si charlidun’etpo. Nangtum laso aphuthak klardakvek nangji. Kopi apot si pini arni Arnam asai ke Jisu asai pen kacheprekdaklo? Kopi apot si pini arni Arnam ke angthek lapen ahir-asang paklangkle, hi’i tame plungple, lapen keso aphan ta pamemedetlo? Jongsi Jisu asai anke Aron Akai ahut atengthot asai si klemponlo pulote, Alangli ke Kanghon-Kangjinso Akai ahut a’Arnam apharman si kacheklanglo kalima? Tangte Alangli thengparpan athak pran kachipi asai patang’etlo kalima? Jongsi, Aron Akai ahut asonthotlo, Jisu ke kardomhem along lutdamlo lapen Sabbath arni, Alangliphan ke inutnat ta aduk inghoihedetpo lapen kadokave ta dengduntheiji apotlo. Jongsi lasonlo pulote, Alangliphan ke thengparpan athak apran en’edetji kalima? Tangte Alangli ke pap kadiya asai patang’etlo kalima? Kopi athe do’ipo jongsi Arnam ok cheparje abang kijut arni ahut angthek lapen manghumeme asai paklanglo hala Jisu keklemtang ason pulote? Jongsi Arnam le Alangli sai kijut arni ahut akaprek aphar keklem pen anchot, pima Alangli kisik-kedang akemangdam ihin aphar kacheklang pen, ansi monit ke Arnam aphuthak kachinidam arnuk muchotpo, lapen lason pen ansi Arnam kisik-kedang akemang antame papleng unpo.
Kijut arni ahut, Arnam ke Alangli lamthe kaningjeji aphan si jasemetpet vanglo. Alangli Karjong ahin kamatha ateng pen si ningjeponlo, monit ahin kamatha ateng penlo, lapen banghini pen abat inut abang kamatha ahin penlo; Alangli prekjam akrong pen si ningjelo, isi apor ahut aphan isi akrong enponlo, lapen Alangli monit akamathathap kapachelarji lapen monit aning arlo pen keklangrim a’Arnam amohor kapapreiji aphan kaningjepon adichi enlo. Lahenlo kenangsotnei asai Arnam keklemponlo. Athema monit kroilo pima Arnam ke keso kapameji aphan si vanglo, hi’i kiplungji aphanlo, manghumeme asai kepaklangji aphan, lapen monit aphuthak pirthe ahormu-hortar kepajirji aphan pulo, Arnam laso asai angdeng keklempon – ado kipi lapen kangsaipon asai – atheke monit kamathadamthap pen lason ahormu an kapapreidetji aphanlo, laso ajok monit tame Arnam ahokpet lapen akemesen kejoike kachiniji aphanlo, lapen laso ajok Jisu amohor ke papreidet si alang aning arlo akimi a’Arnam amohor kethapthuji aphanlo. Monit along Arnam amohor keban penlo pulo tangte, lake isi akumlin ason mandetlo. Jisu kevang lapen asai angdeng keklempon ahut, Alangli ke angton Arnam arpum apharman cheklangklelo. Alangli ajahak angthek lapen ahir-asang ansi paklangchotlo, ajahak alamthe si ningjelo, lapen kapadu si ke thengparpan athak pran chipilo. Alangli ke Arnam ihin aphar apot ansi cheklangpilo. Alangli ke kadokave Arnam along kedo’an ke chepaklangpithei un’edetlo, bonta alar ke Alangli Arnam asai ihin aphar apot ansi Arnam apharman klem chepaklangponlo. Lake athema Arnam ke thepik khangjang, lapen puan si manghumemepik, lapen Alangliphan ke chinidamdak un’elo, lapen athema Arnam ke akaitin along tame Alangli sai isi aphar ansi klemchotlo. Laso akai along Arnam keklempontang asai ke jasemetpet monit achethe apharman ketoi ahukum kipi alammthe saidelo; monit kahenodak akun lapen monit asema, akedoivet lapen alang kahingnodak akun lapen dhorom akamatha kepavir, recho akeja ason akamatha, kelittang aban akamatha, lapen monit akethek-kere lapen ajutang-jubat doan kapavirpon henlo. Lahei ahormu anke kadokave ta cham’et nangvekpo Arnam alammthe kepangdak pen ajok. Kijut arni ahut, Arnam lammthe si enponlo, angthek lapen manghumeme kali, monit aphan pachoklimji pulo. Alangli Amethang alammthe enpon si monit aphan chepaklanglo, monit aphan ingsailo, monit aphan ado pilo, lapen monit aphan pachoklimlo, laso ajok Arnam alammthe along ke, monit atum Arnam akethek-kere lapen kanghonmeme kelangji si vanglo, lapen Arnam akun an kachinidamji si vanglo, lapen lasi pima Arnam alammthe pen ajok, Arnam asai amo monit thekdam longlo. Aron Akai ahut, Jehovah ke Moses aphan Alangli lamthe pen si Egypt pen chejaponlo, lapen Israel aso atum aphan ajahak alamthe ningjelo; halaso apor ahut, Arnam asai amo ephar anke pangdeiplanglo, bonta athema monit ajakong tame jumhek lapen alang akachinidam pen tame angton pachokplang un’edetlo, Arnam ke ningjebomlo lapen sai klembomlo. Kanghon-Kangjinso Akai ahut, monit ke puthot aphong Arnam asai amo ephar thekthu longlo. Jisu ke angthek lapen ahir-asang paklangtheklo, keso pame unlo lapen hi’i tame plunglo, lapen aphi ke thengparpan athak pran chipilo, nithom aphi atheke Alangli kithi pen thurthulo lapen monit angno ok pen cheklangthulo. Arnam aphuthak, laso pen anpar monit ke thangnat ta chininelo. Monit ke alangphan Arnam ko’an ma kepaklangpon ateng ansi chinidunchotlo, lapen jongsi Arnam le thangnat ta ansose chepaklangkle pu asonte, Arnam aphan kachinidam ahoi monit ke pu’anvet si dochotpo. Lasi, Arnam ke sai klembomlo, laso ajok monit Alangliphan kachinidam arnuk muchotji meme pulo, lapen laso ajok Arnam kenangsot atiri alam pajo-pajo pen kachinidamji aphan pulo. Kijut arni ahut, Arnam ke Alangli lamthe pen che’en si monit aphan pachoklimlo. Nang kahenodak akun ke Arnam alamthe pen ajok cheklang’aklo, lapen nang dhorom akamathadam anke Arnam ahokpet pen si lartheilo. Kijut arni ahut Arnam ok cheparje abang alamthe “Lamm si ok manlo, Lamm ok along vanglo, lapen Lamm ok along si cheklanglo” pu ateng kapaplengji si jasemetpet vanglo, lapen jongsi nang le laso alam aphuthak angton chinidamplirple pulote, nang ke karjap chepathirdunkluk un’edetpo. Kijut arni ahut an, Arnam aphrangsi akemang atheke Lam ok along kacheklang aphuthak asai angdeng kapaplengponji henlo, lapen lahenlo Arnam kisik-kedang akemang ihin apharlo. Lasi, nangtum akachinidam ke klardakvek nangji; koson si Arnam keklemponma langdamdepin pen, Arnam ke monit aphan Alangliphan ahoi kibikokji ke pekpelo. Jongsi Arnam le lason asai kijut arni ahut klemkledetlo pulote, monit Alangliphan kachinidam ke anpar abat damdedetpo. Nang kachinidam ke pima Arnam aphan ke thengparpan athak sak unlo lapen Sodom arongsopi pavir theklo, lapen pima Jisu ke kithi pen thurtheklo lapen Peter angno cheklanglo puchotpo…. Bonta nang ke ningje thekthelo pima Arnam alamthe pen si kadokave kapaplengponlo, lapen monit aphan chepahaidet’unlo. Lason alam aphuthak kethek kaningjeji aphan ke Arnam alamthe kachomatlong pen ajok anchotlo, lapen koanma Arnam alamthe pima nang kachomatlong, lapuan sose si Alangliphan nang akachinidam tame angton pen manpo. Lason pen anchot si nang mena akamathadamthap along Arnam aphan ahoi kibi pen che’opo. Monit ke Alangli sai kachomatlong pen si Arnam aphan chinidamlo; laso pen akaprek ke Arnam aphan kachini’iji akrong avedetlo. Pini arni, penang an amonit atum komatma thangnat ta klemklelo bonta angthek lapen manghumeme adak-atur lapen kethedung ahir-asang apor aphan ansi kelangji chonghongprong atum dolo. Nang Arnam aphan kroiloma, mate nang kethedung ahir-asang aphan si kroilo? Mo kethedung ahir-asang nangkele ahut anke derpik anpo, lapen jongsi Arnam le lason thedung ahir-asang nangtoitedet pulote, tangte Alangli ke Arnam kaliloma? Nang angthek lapen manghumeme adak-atur along kroidunma, mate nang Arnam Amethang aphan si kroidunlo? Jisu ke angthek lapen manghumeme adak-atur paklangklelo atheke Alangliphan anut kaprek atum kapatherak ahut, bonta Alangli ke Arnam kaliloma? Nang angthek lapen ahir-asang aphan si kroima, mate nang ke Arnam kenangsot atiri aphan si kroilo? Monit ateng pen Arnam aphan kekroi aphuthak anke chokche saidelo! Jehovah ke penang an alamthe Aron Akai ahut ningjeponlo, bonta pini arni antame lahei ajahak anke kapachunpon nangji dokoklang. Tangte nang ningjejima pima Jehovah ke Arnam kalilo?
Pini arni, lake kadokave nangtum doan aphan klardakvek nangji pima, kijut arni ahut, lake “Lam si ok chemanlo” puke kenangsotnei ahok alamlo pima Arnam si paplengponlo. Alangli ahok asai pirthe athak along pen ajok, Alangli monit aphan Alangliphan pachinitoilo lapen Alangli pen pajalangdunlo, lapen Alangli ahok asai amo palang longlo. Alangli monit aphan klardak pen patheklonglo pima Alangli ke angthek lapenmanghumeme ason chepaklang theklo lapen pima Alangli lason keklemji un’edet apor ahut tame dolo; lake akaitin ateng pen si langdamlo. Laso along pen, nang theklonglo pima Arnam ke angthek lapen ahir-asang kachepaklang un’edetji puke kali, bonta alar ke Alangli keklempon akrong ansi chelarponlo atheke keklem kapatang nangji ateng pen lapen akai ateng penlo. Nonjong kedobom asai angdeng along, Alangli angthek lapen manghumeme ason ke chepaklangklelo; pima Alangli ajahak angthek lapen manghumeme ason anke Jisu akai ahut si paklang’etlo athema halaso akai ahut Alangli sai ke cheprekdaklo. Arnam ke pini arni halason asai klem ruithuthelo, lapen ajahak amonit atum ke Alangliphan angthek lapenmanghumeme ason chepaklang thekthe pusi kroidamlo, mate latum kamatha ke pima jongsi Alangli le angthek lapen ahir-asang paklangkle pulote, Alangli ke Arnam kalilo. Lake tangte kekroidunthap kalilangma? Arnam ke angthek lapen manghumeme ason tame paklangtheklo, bonta Alangli ke akaprek akai along si sai keklem, lapen lasi Alangli lasonthot asai ke ruithuthelo. Athema lake akaprek akai pinaklo, lapen athema lake Arnam asai akaprek angdenglo apot si, Arnam asai amo kapangdeiplang antame cheprekjamlo. Monit Arnam aphan akekroi ke angthek lapen ahir-asang along akekroi kali, mate manghumeme ason along ta kalilo, bonta non akimi akai ahut Alangli ahok asai along akekroidun henlo. Monit Arnam aphan kachinidam ke Arnam asai keklem ateng pen ajoklo, lapen laso akachinidam si monit along Arnam aphan akekroi pinchong’ilo, lake pudamlo pulote, Arnam asai lapen keklem amo along kekroidunlo. Laso asai angdeng along, Arnam jasemetpet ke kaningje henlo. Angthek lapen manghumeme ason aphan ke kelangji chonghong nangnelo; nang ajat ta theklonglelo! Lake athema nang ke Kanghon-Kangjinso Akai ahut le mahang kethek kali. Jongsi nang laso ahut pu asonte, nang angthek lapen manghumeme ason tame thekdunlonglok tahaiji apotlo, bonta nang ke kijut arni ahut ansi mahang theklo, lapen lasi nang ke Arnam ahokpet lapen kemesen pajoike asai si theklongpo. Kijutsi arni ahut ke mekbin ason aJisu aphan kelangji puke ningthedam nangnelo. Nang ke saiklem a’Arnam ok cheparje abang aphan thekdamlong chotlo, komatma jongjong amonit abang pen thangnat ta kacheprek avelo. Akaitin along tame, Alangli ke Arnam asai amo pangdeiplang aphar si pemanlo, lapen akaitin ahut asai tame Arnam ihin aphar akun si paklang ponlo, lapen ihin aphar ke Arnam asai amo keklem apotlo. Laso asai amo pima Alangli kepangdeiplang kepaman ke Alangli keklem ahut akaitin ateng pen si kachepreklo, bonta lahei doan ke Arnam aphuthak monit aphan kapachini parnukkrunglo, pima ahok pen si Arnam aphan kroilo lapen ansose si pachepedukkruplo. Monit Arnam along kekroi ke athema Arnam kadokave asai amo keklem ajoinelo, athema Arnam ke manghumemepik, kethepik abang, athema Alangli ke jakong theparpik lapen chinidamdak un’elo. Jongsi nang Arnam aphan kroilo athema Alangli ke angthek lapen manghumeme ason paklang theklo lapen keso pame unlo lapen hi’i tame plungtheklo pulote, nang kelangdam ke chokchelo, lapen ajahak amonit atum ke nangphan ningjeji, “Karjong langno atum ta lason asai ke klemthekpet kalima?” Tangte lake Arnam amohor lapen Sobar amohor angbong kapamanghudet ason le kapeman kalilangma? Pini arni, monit Arnam aphan akekroi ke athema Alangli penang an asai amo lapen Alangli ke’ongdung asai keklem apot lapen atheke Alangli penang an akrong pen kaningje apotlo. Arnam Alangli kaningje ke’enpon ke monit aphan chepahemphuji lapen alangphan pachoklimji pulo. Monit Arnam aphan kekroi ke athema Alangli penang an asai amo apot, athema Alangli angthek lapen manghumeme ason chepaklang thekthedet apot kalilo; monit atum Alangli asai amo kethekdunlong pen ajok si Arnam aphan chinidun chotlo. Arnam asai amo ahokpet kachinidunchot ajoine, koson si Alangli keklempon, kopuson kereset abidi si Alangli ke’enpon, koson si Alangli kaningje, lapen koson si Alangli monit aphan kapachoklim loma pu pen – laheihui aphar do’an kachinidun pen ajok si – nang ahokpet Arnam aphan pangthekdun unji lapen Alangli akun anta chinidunji, kopima Alangli ningkehang kachinidun, kopi si Alangli kelangselet loma, lapen koson si Alangli monit aphuthak sai keklem loma pu antalo. Arnam aningkedok lapen aningkedokde do’an kachinidun pen, nang ke pima atheke keme lapen kaheno angbong thakvet theklo, lapen Arnam aphan kachinidun pen ajok nang chethe along kachingthur dolo. Thihek pen, nang Arnam asai aphuthak kachinidam longvek nangji, lapen nang Arnam aphan akekroidun aphuthak akachinidam pakengset pen si nang chibivek nangji.
