Kachepahai Asai Aklong Ahok Alam (3)

Kachepahai asai kejongdam angthek ke, doan pen, athe monit aok anpar ke chedandong un’elo; pima lake, athe monit aphu Arnam aphuthak akimi kachinidam kelongji aphanlo, athe monit aning angton pen Arnam abe kidunji aphan, lapen athe monit ke Arnam apharman si kedoji akar’idamlo. Monit atum alangtum asema lapen aok kachelarlo pulote kachepahai asai klem tanglo pu chalakha; monit akamathadam, monit keme-kaheno kachongvai, lapen monit aning chelarlo tangte, atheke pudamlo te, nang angton phu tarlok pen akamatha kachelar ahut – pima lake nangphan Arnam nangchepahai tangdet ahutlo. Nang le akimi akamathadam abe kidunji cheparailo lapen kedeng ahut, nang le anpar ke nang mena kapahanchathap mate akemangdam Arnam alamthe lapen asai aphan kachevanve ahut, lapen nang phu tarlok pen mesen akamathadam’un ahut – atheke pudamlo te, nang ning doan pen nangmethang si Arnam aphan nang keklempithek ahutlo – anke nang ke komatma angton pen chepahaitang asai abangphu ajatlo. Dhorom along, penang an amonit atum alangtum akai dingpi along thedung kephonang chetonglo: Latum alangtum abang arpum cheparemdet si alangtum athengparpan charchaklo, lapen latum ke kithiji dokdok ahut antame sunglo lapen chechak ponbomlo! Ajahak atum ke nonpu ta alangtum kithi apot adapprang choche-junje pen dobomlo. Kadokave alangtum akai latum amethang aphan chomesen aan lapen apindeng pen chepahelodetlo, kisung kachechak ansi do khangjanglo. Latum anke alangtum abang arpum aphan paremdetlo lapen alangtum aok aphan che’obup ta unlo. Alangtum kisung kachechak undet ajakong apot ke chorore ta un’e. Bonta alangtum akamatha, alangtum kapahancha, alangtum phu tarlok along kabirti, lapen chenam ta alangtum abarim asema, masapsovet tame lahei thangnat ta paphopepinlang. Latum amethang aphuthak ahok kachichinidam thangnat avelo. Alangtum Arnam aphan aphu along arjan ke pima hakoko aban kamathadam along anchotlang, keklardakde a’Arnam lo. Alangtum ke Arnam apharman kisung kachechakji pu kacheparai ke alangtum ningkirungphom lapen alangtum akeme asema pen si vanglo. Latum le Arnam aphan kroilo pu sitame, latum ke Alangliphan chininelang mate Alangli akar’idam longlelang. Latum ke Arnam apharman thangbakbe ason si klempilo lapen mekve pen chechaklo. Latum ke keme-kaheno kangsaithek peme pen si cheparjanlo pu ajat tame ale pavelo, koson si pima alangtum keklem anke chokvet si Arnam akar’idam papleng-paplengple pu masapso mathachotlo, lapen koson si Arnam aphuthak kachinidam kelongji pu alam kacheroktok latum jum muchotlang. Latum kiru-kethai a’Arnam ke Alangli abinong’et arje along Arnam kali, bonta thansere along katelomvet a’Arnam, alangtum mena kahemandam ajatonlo, latum karjulong anvetlang a’Arnam, mate ketok along si longdam chotlo. Latum anke alangtum aho’or kedopik kahemandam lapen dhoromipet akerap pen Arnam apharman chepasunglo lapen Arnam asai pima Arnam keklemji aningkehang klempidunlo. Alangtum asai keklem ke ahokhe ongchotlo, lason asai keklem-kedam ke latum inutnat tame ahokpet Arnam akar’idam ateng pen ru-thei thekthelo. Latum koan ningarongchen pen sungnanglo pu langdamdepin pen, alangtum abinong’et akemathadam sai keklem aphuthak lapen alangtum aphu along Arnam amohor anke chelarle si dolo, athema latum anke Arnam akangsai, ado kipi, kepacharkle lapen kepachoklim chetongtedetlang, lapen mate inutnat ta latum aphan ahok akerap pen chejaponpelang. Jongsi latum Jisu Kapejok Abang along kroidunlo pu tame, latum inutnat ta Kapejok Abang aphan theklonglelang. Latum ke thansera lapen dengrong alam pen ajok si Alangliphan chinidam chotlo. Laso ajok si, alangtum asai keklempi aphant anke mek kaselokhet, hala mekve amonit alang mena apo aphan kachelanapon ason si thangbakbe pen kiru-kethai pen anpar ke thangnat ta kalilo. Kopilo, kepadusi ahut, lason asai keklempi pen ke ale kelongdam unpo? Lapen komat si la kedengponpo? Ha kecheng pen kijut an, alangtum asai keklempi ke angton pen ta ephong ateng si doverlang; alangtum ke monit kaselamchot angkung si longchotlang lapen alangtum asai keklempi ke alangtum jongjung lapen alangtum mena aninghang aling ateng penlo. Kopi anong’e si lake kevanpo? Pitor amat sitame, komatma Jisu aphan ketheklongtang, Arnam akar’idam ateng pen koson si sai keklem nangji kethek abang; alang sitame ha kijut ahut ansi laso alam chinidamlo, alang kesar arta ahut an. Kopilo laso kipudam ke pima hala mek kavedet amonit atum atheke kachomat longlelang lapen masapso anbak ta kepaphophepinlang mate kangchaichepinlang, lapen komatma latum aphan kejapon abang inutnat ta kavedet atum an aphan? Tangte pini arni nangtum angbong penang an ke pima lahei mek kavedet amonit atum ason si sai klempilo kalima? Kadokave hala komatma kangsai kelonglelang, kangchei lapen kepapho longlelang, lapen komatma kachelar thekthedetlang anke – latum aphan ke tangte plenglimle pen kachepahai kalima? Kopiching ale si lason amonit atum kedopo? Jongsi nang akamathadam, nang chethe aphuthak kachinidam, lapen nang Arnam aphuthak kethek-kere ke thangnat akimi kachelar paklang thekthe lapen nang ahokpet ajat tame longdamdedet pulote, nang ke thangnat ta nang asai keklempi along anongkethepik ason longledetpo! Kelangdammek lapen Arnam asai aphuthak kachinidam avete, nangphan ke kachepahaiji un’elang. Nang Arnam aphiphi kidun adichi ke tangte hala komatma kisungbom lapen am kihumbom atum asonlo: ale masapsonatlo! Lake pachinidaklo athema kopima latum keklem along ke hakhi masapsovetlo pima Ne pulo alangtum asai keklempi ke alamjor avelo! Latum alangtum akai kisung kachechak lapen pahtek along kangni ansi apor padamlo; latum anke kaiketa chechak unpiklo, kanghon dolo, lapen latum ke thengparpan anta charchaklo, latum aphan ke pirthe along ingnekchoilo lapen varchorlo, latum ke asontin akiduk-kisung tame chomattheilo, lapen latum anke kijut ahut antame athikpetlo pu sitame, latum aphan anke nonpu ta chepahai un’elang, lapen kachepahai asai kichun thangnat ahakhi chipi movelang. Latum ke thedung akisung chechakpiklo, bonta latum ke Arnam aphan chininepinlang. Alangtum aban akamatha, aban kapahancha, dhorom aron-atang keklem, monit kaselamchot akethek-kere, lapen monit atum abidi doan aphan tame esonnat ta paphophepinlang. Latum along akimi akethek-kere puke masapsonat tame angring avepinlang. Alangtum Arnam aphuthak kachinidam ke ahok lapen chokvetlo pu esonnat ta avelang. Latum ke Arnam akar’idam aphuthak avive si chinidamronglo. Lake Arnam aphan kiru-kethai puloma? Arnam aphuthak ajat tame nang kachinidam doan kedamtang ahut, jongsi pini arni anta laso ateng doverlang lapen nang nonpu antame nang mena kapahancha lapen abidi heihui pen si ajat tame kopima Arnam keklem an Arnam aphuthak kachinidam atiri pemanbomlang pulote, atheke pudammelo pima jongsi nang akimi cheparidengdedet, Arnam aphuthak ahok kachinidam lapen jongsi nang le Arnam ahok arje lapen akun chinidam thekthedetlo pulote, jongsi nang Arnam aphuthak kachinidam ke nonpu ta hakoko aron ateng si chejabom, mekbin ason akamathadam lapen ke nonpu ta monit kahemandam lapen kapahancha alam pen si mahang pathekbomlang pulote, nangphan ke kachepahai asai chunchelang. Ne lahei kadokave pini arni nangphan kethan ke pima nang chiniji mene pulo, laso ajok laso akachinidam pen nangphan akimi ahin, akechokvet kachinidam palong thekji mene pulo; Ne lahei alamthe kaningjepon ke abarim kapahanchathap alam lapen nanglong abarim akrong pen kachinidam an kapapreiji pu aphanlo, laso ajok nang tame akimi kachinidam si cheparidengji mene pulo. Jongsi nang le ahokpet Ne lamthe cholo lapen junlo tangte, nang akachinidam ke dengmeme si chelar’etpo. Nang Arnam alamthe athikpet aning-angthin pen chotik lapen juntik anke, nang akamathadam sitame nangchelarthupo. Nang ke kapachiruilemdet ado kipi dengdun thektik anke, nang aban akamathadam anke pajo pen chelarpo. Nang aban akamathadam le angton akimi pen chepanglartheitik anke, nang keklem-kedam tame laso atengthot si chelardunpo. Lason pen si, nang asai keklempi tame kejongdam ateng pen kichundam batchetpo, Arnam akar’idam kapaplengpipon tame batchet si dopo. Jongsi nang le nang chethe, nang monit achethe aphuthak kachinidam, lapen nang penang kapahanchadam Arnam aphuthak doan chelar theklo te, nang amethang amat kachemandet titi ta pajo pen avebompo. Lake, akaprek thangnat ta kalilo, monit atum aphan Arnam kachepahai angtheklo, laso akachelar ke pima monit atum along si nangdolo. Jongsi, nang Arnam aphan akekroi along, kadokave nang kachinidam ke nang bang arpum aphan aduk kanghoi lapen kachechak lapen kachepasung henlo, lapen nang ke pima akechok mate kechokche ke chinidamdelo, komat apharman si keklempi puke chinine ongchotlo pulote, koson si lason asai keklem-kedam le kachelar kevanthekpo?

Chininon pima atheke Ne nangtum aphan karju ke nangtum aphan nang ok ban ason kedothip mate nangtum aphu tarlok pen ninghang aling kamatha ingtonkoknon pu aphan kalilo. Lake asai akemangdam pu tame kalilo, mate laso asai ke pima non amat keklem kapatang akenang do pu kali. Non amat ke, nangtum akeme aphar pen chinidamvek nangji laso ajok nang methang chelar thekji mene. Akenangsotnei keklem-kedam ke pima nang plenglim pen nangmethang ahok pen lapen nang thengno kedo kelangdammek doan cheotthip henlo, lapen anke laso ateng klempon ra lahei doan asai ateng kapachunpon henlo. Lahenlo nangtum arpulo. Ne ke nangtum aphan ansose thedung katheang atur kiriji lapen kelongji pule nangkipu kali. Nonjong amat ke, nangtum halaso aman angdeng aphan atheng chokchelang. Nangtum kopima akenangji ke Arnam alamthe kecho lapen kijunji aphan kedoan nang keklempon henlo. Nangtum doan Arnam asai aphuthak chinidun nangji lapen nangtum asema antalo, nangtum atiri lapen pima nangtum aban akai achethe jokjaklo. Jongdamvet pen, nang halahei kedamtang kechokchepik akeklem-kedam doan lapen hala monit atum akeklem along nang kajalangdun doan chinidamvek akenang dolo. Kachelarji aphan, nang kecheng ke nang akamatha pen si chelarvek nangpo. Kechengsi, nangtum abarim akamatha doan akimi pen chepanglartheinon, lapen nangtum akimi akamatha le nangtum alamthe lapen keklem-kedam lapen nangtum achethe pangritoinon. Pini arni lahenlo kopima nangtum anuttin aphan akehang. Mekve ason mate mekve pen abe kidun ke klemdetrinon. Nang isi kacharchak adim lapen kejongdam dovek nangji. Nang methang aphan chechongthuirinon. Nangtum chinidam nangji kopi si chenam ta nangtum Arnam aphan akekroi athe, kopi si laso along pen ale chepalong nangji, lapen nonjong ahut kopi si nang kilutdun nangji. Lake arsikjik kenangsot angdenglo pima nang lahei doan kachinidam.

Kopima nangtum non ahut kilutdun nangji ke nangtum akai kepangtui lapen nangtum aboi kangthur henlo. Laso along kebatdunthu ke, nang halahei aban akachinidam doan nangtum kedamtang ahut apot chelarthei nangpo, nangtum kamunthidam chelar nangpo lapen nangtum kapahanchathap chelar nangpo. Nangtum akai dingpi amat si chepamithu nangpo. Nang Arnam asai amo aphuthak kachinidam kachelar lote, nang Arnam kaningje angton ahok aphuthak akimi kachinidam dolo te, lapen nanglong amat kethek-kere rungpangtui tanglo pulote, nang kai ke akemepikji aphan si chetevarpo. Asontin pima monit atum keklem lapen kaningje an nonke asai ateng penlo. Lahei doan ke aron kepathik kethan alam kalilo, bonta alar ke lahei doan pima monit atum alangtum akai aphan akenangji ahormu saidelo, lapen lahei anke kopima latum cheparidengvek nangpo. Kachepahai asai ahut laso akachelar henlo pima monit atum along kedo nangji, laso akachelar ke pima monit atum chomatdamvek nangji, lapen lake latum doan aphan chepahaidet aphi angtheklo. Nang le nang akamathadam chelar’etlo, akimi akamatha aning si cheparai tanglo, nang kapahancha lapen akemangdam doan ta chepharlep tanglo lapen kedamtang ahut chok-chokche kematha peme doan, hala nanglong kepaklongtang ahormu an kachevarpon, lapen Arnam aphan akekroi akimi kachinipon long’etlo tangte, nang kachipipon ahakhi anke rungpangtuidetpo, lapen nang angton abang arpum tame ahokpet chelardetpo. Lahei kadokave anke asai ateng penveklo, ahok atengveklo, lapen akenangsotnei ahormulo – pima lahei ahormu anke kedamtang ahut monit atum cheparidengthipji sungkrunglo, lapen latum kajalangdun rappetji tame ki’un’edet asonlo. Lahei henlo Karjong ahokpet asai keklemlo. Koson si nang kedamtang ahut Baibel aphan choklim pen kachinidamlo? Pini arni pen kepangbardam lote nangphan thanpo. Kedamtang ahut ke nang phu tarlok along Moses, Pitor, Paul mate hala Baibel along ketokpon alamjir lapen kejongdam alam an pen si rungpangtuilo, lapen lahei doan aphan archak selam’ilo. Nonke, jongsi nangphan le Baibel aphan archak athak batnon pu nangpulo pulote, nang la klemjima? Nang thekdam longji pima Baibel along ke penang an akeongpi monit ketokpon alam saidelo, lapen pima Baibel ke bonta Arnam asai sonni angdeng along monit alammo saidelo. Lake isi phurkimo alo. Tangte laso kejongdam pen ke pima nang akachinidam chelar’et tangloma? Jongsi nang Jisu aphurun angthun Birta keme Matthew along pini arni langdamlo pulote, nang ningjepo, “Jisu aphurun angthun? Amo kevangvelo! Lake Joseph aphurun angthunlo, Jisu kali. Jisu lapen Joseph angbong thangnat ta kachepho avelo.” Non le nang Baibel along langdam lote, nang laso aphuthak kachinidam ke prekdaklo, nang kemathadam tame chelarphitlo, lapen nang laso along kangtuiving angdeng kachinidam si vanlo atheke kedamtang ahut dhorom alam kamontri thekser atum anpar. Komatne atum ke ningjepo pima ladak kopine laso aphurun angthun along dolo, nang kethakdunji ke, “kopilo ladak kedo? Toh tangte than pajirminon. Jisu lapen Joseph ke chephophelo. Laso alam nang chinidundelangma? Jisu ke tangte aphurun angthun doji puhe? Koson si Jisu le aphusar-phisar kedopo? Koson si Alangli le monit atum aso-asu kachemanpo? Alangli ok ke Mary along pen si nangplanglo; Alangli Karjong ke Arnam Akarjonglo, monit akarjong kalidet. Jisu ke Arnam Asopo kachinghonnei abanglo, lasi koson pen Alangli le aphurun angthun kedopo? Lason si pirthe along tame Alangli ke monit akhei abangphu ta kali, lasi koson pen Alangli le aphurun angthun kedopoma?” Nang le laso aphurun angthun aphuthak ingsirdamlo lapen ahok alam klardak pen kethan kapajirmi ahut, nang komat aphan si kethan abangphu ke lam ningje thekthedet si dopo. Ajahak amonit atum Baibel aphan kejongdam dopo lapen nangphan arjupo, “Jisu tame aphurun angthun dolo. Tangte pini arni nang Arnam ke aphurun angthun doma?” Nang anke thanpo latum aphan nang kachinidam alam, atheke kadokave pen akechokneilo, lapen lason pen si, nang kachinidam doan tame angthek pen longpo. Ahokpet alam ke, Jisu ke Joseph pen thangnat kachepho ave, Abraham pen ke avethu ongchotlo; Alangli ke Israel along lapu mahang nangtheklo. Arnam, tebontame, Israel asor mate Israel asor aso-asu lapu ta kalilo. Jisu ke Israel along si amahang kethek apot anchotlo, pima laso alamjor ke Arnam henlo Israel a’Arnam anchotlo puke kali. Alangli sai aphan ajoine pen si pima Alangli ok nangcheparje asai cheklempon nangkoklo. Arnam ke somindar adangpi along kadokave kasorjonpon a’Arnam lo. Alangli sai Israel along si aphrangsi Alangli sai angdeng klemponlo, laso aphi atheke Alanglo Gentile adet angkang an tame sai klem pangchenglo. Monit atum, tebontame, Jisu aphan ke Israel asor a’Arnam pusi hokdamlo, lapen anpar sitame Alangliphan ke Israel asor anglum lapen David aso-asu angbong si bikoklo. Baibel along pulo pima kijut arni ahut ke, Jehovah amen Gentile adet angbong anong thedungpo, alamjor ke athema Gentile adet angbong kijutsi arni ahut ke Arnam asai cheklemponpo. Pima Arnam ke Judea along ok nangcheparje pen atheke Jihudi akhei aphan ansi Arnam ke chinghon chotlo pule kejongdam kali. Alangli hadak amahang kethekpon ke athema asai ateng akenang dokok apotlo; lake pima Arnam Israel along anchot si monit nangcheparje nangji pu alam kalipinlo (athema Israel asor anke Alangli kangvaitang amonit atumlo). Tangte Gentile adet along anta Arnam kangvaitang amonit atum aphan longdamdeloma? Lake Judea along Jisu sai keklem patangdet aphi pima Gentile adet along anta asai pangdangponlo. (Israel asor atum kadokave adet aphan Israel pen abat anke “Gentile adet” pusi hoklo.) Ahokpet alam ke, halahei Gentile adet anta Arnam kangvaitang amonit atum saide si dolo; lake pima halaso apor ahut thangnat asai ta hadak klemkledetlang pu anchotlo. Monit atum lason si Israel aphan ardi kipichet atheke Israel along si kechengsi hini angdeng asai ke klemponlo tebonta Gentile adet along anke thangnat asai ta klemponpelang. Gentile adet angbong asai keklem ke pini arni si kecheng anchotlang, atheke laso apot si monit atum kedengdunji aphan puan si akisung dokoklo. Jongsi nang le lahei alam doan ta klardak pen chinidamlo, jongsi nang dengdun theklo lapen choklim si hokdunlo tangte, nang ke pini arni lapen kedamtang ahut Arnam aphuthak chokvet pen si chinidampo, lapen laso akimi akachinidam ke kadokave kangthirjir amonit atum phurkimo along Arnam aphuthak kachinidam pen anpar akangtui si longpo. Jongsi nang pini arni asai chomatlonglo lapen Arnam salajong pini arni kaningjepon alam arjudunlo, tebonta nang angton pen Arnam aphuthak chinidamdelang; jongsi nang keklem-kedam anke hako ateng si chodothotlo lapen non akimi ason pen chelarlelang; lapen jasemetpet jongsi nang le laso kachepahai asai chomatdun longlo, tebonta kapadusi ke ajat punon nanglong kachelar theklongledet pulote, nang akekroi ke halahei komatma alangtum kangchir ahut chepangkrangji aphan him kirivungchot atum pen si chingbarchitlo kalima? Lasonlo pulote, kachepahai asai ke nanglong thangnat angthek ta klangkledetpo. Tangte nang anke komatma hala kivirdet nangji atum pen inut chemandundetpo kalima?

Kachepahai asai kadokave kepajutdam ahutlo te, lake akenangsotneilo pima nangtum kadokave Arnam ke Israel asor a’Arnam anchot kali bonta kadokave sorjontang amung anlo pu chinidam tanglo. Jongsi nang pulo pima Arnam ke Israel asor a’Arnam anchotlo mate pima lake Israel pen akaprek angtan adet along nahok tame Arnam ok nangcheparje un’elo pulote, nang ke tebonta kachepahai asai keklemponbom ahut thangnat kachinidam tame longdundelang, lapen nang ke pima Arnam ke nang Arnam lo pu alam masapsonat ta chinidamdelo; nang ke pima Arnam ke Israel pen China along an cheterek tanglo pu pangthekdun jongjong chotlo lapen ke nang Arnam kepamantoi bor’idet pulo. Jongsi lason si nonpu ta koson si nang kethekdamlong tangte, Ne sai ke nanglong athe pathethelo, lapen nang ke esonnat alam Ne kaningjetang doan chinidamdepinlo. Jongsi, kepadusi, nang akaprek Nepharman aphurun angthun hala Matthew ketok si tokdunlo, Ne “kechok peme” aphusar kiridam – lason pulote Arnam ke hini aphusar angthun dokoklo atheke Alangli batai hini ok nangchepharlo apot – tangte lake pirthe adang along kethenei kapachelai mandetji kalima? Nang ke tangte, laso “kemangdam peme abangphu” komatma Nephan nangkelong aphusar angthun ke, komatne Arnam aphan kethakdak abang chemandet kalima? Tangte nang ke laso apap anghor charchakpon unjima? Kachepahai asai ke ajat punon, jongsi nang nonpu ta kroikrelang pima Arnam ke kadokave sorjontang an a’Arnam lo; jongsi nang nonpu ta mathalo pima Arnam ke Israel asor aphan anchotlo pulote, nang ke komatne Arnam aphan cheklangsak pen kekhang abang kalilangma? Pini arni nangphan kachepahai akenang ke pima Arnam ke nang Arnam lo lapen akaprek atum a’Arnam antalo, lapen akenangsotnei ke Alangli henlo komatma Alangliphan kanghon atum doan a’Arnam lo lapen kadokave kasorjontang an a’Arnam lo pu kapachini thekji aphanlo. Alangli ke Israel asor a’Arnam lo lapen Egypt along amonit atum a’Arnam lo. Alangli ke British asor a’Arnam lo lapen America asor atum a’Arnam lo. Alangli ke Adam lapen Eve a’Arnam anchot kalilo, bonta kadokave alangtum aso-asu doan a’Arnam lo. Alangli ke sining along asontin lapen pirthe athak asontin ahormu a’Arnam lo. Kadokave ahemtun, Israel mate Gentile asor sitame, doan tame Arnam inutpet arideng si dolo. Israel apharman le penang an aningkan suri Alangli ke sai keklemchot lapen Judea along le amahang kethekchot pu kalilo, bonta pini arni Alangli ke China along ta nangsunlo, laso adim thedung dragon ke’er si kephankling adimlo. Jongsi Judea along amahang kethek pen Alangliphan Jihudi aRecho pu hokdetlo tangte, pini arni nangtum kadokave angbong kevang ke nangtum kadokave aphan Alangli ke Arnam lo pu kalima? Alangli Israel asor aphan chejaponlo lapen ke Judea along si amahang theklo, lapen Alangli ke Gentile adet along antame amahang nangtheklo. Tangte lake kadokave Alangli sai pima Alangli kasorjontang monit akhei angton aphan le keklempi kalima? Alangli Israel asor aphan si phant pharo akangho pulo lapen Gentile asor aphan anke phant pharo lengseletlo puloma? Tangte lake nang kapahanchathap kalima? Lake lason kalilo pima Arnam ke nangtum a’Arnam kali, bonta alar ke pima nangtum si Alangliphan kachinidamdet apot anchotlo; pima Arnam ke nangtum a’Arnam kachemanji aphan aninghanghe pu alam kalipinlo, bonta alar ke nangtum si Alangliphan dengdedet apot chotlo. Komatlo kasorjontang angbong pen Jakongtheparpik arideng kalidet kedo? Pini arni nangtum aphan kachepahai along, tangte Arnam ke madu ta kalilo nangtum a’Arnam lo pu nangtum kachinidam thekji aphan pu akemang kalilangma? Jongsi nangtum nonpu ta pima Arnam ke Israel asor a’Arnam anchot pusi hokbomlang, lapen nonpu ta pima Israel along David ahem henlo Arnam amahang kethek keplang adimlo pu hokbomlang, lapen pima nahok adet ta Israel pen akaprek anke Arnam “keplangji” atheng chokchelo, mate Gentile ahemtun along ke salajong Jehovah asai longdunde ongchotlo pulote – jongsi nang nonpu ta laso ateng si mathabom lote, nang ke elepvet kamatha kachelar un’edet keotthip abang chemandetlo kalima? Israel aphan le kaike amat chinirhet nangnelo. Pini arni Arnam ke ladak nangtum angbong si dolo. Mate nang sining angsong angdeng along lang aret nangnelo. Sining angsong along nang Arnam aphan choridam aret ingtonnon! Arnam ke nangtum angbong si vangtanglo, koson si Alangli le sining angsong kedojilangma? Nang arjidingklui pen Arnam aphan kroidundelo, tebonta nang ke Alangli aphuthak ongdung kapahanchathap dopiklo, puan si pulo pima nang ke Israel asor a’Arnam ke Alangli kedobom pen nangtum aphan akangjinso piponji puan rame adunthu akamathadam haihedet si pemanlo. Anpar tame nangtum ke kopuson si Arnam aphan salajong kacheklangpon kethekdun longjima atheke nangtum anke koan kachechak un’edet aketerbung atum saidelo apot pusi mathadam haihedetlo. Koson si Arnam amethang amat Gentile adet along nangkisunjima pu aphuthak nangtum inutnat ta mathadamdedetlo. Alangli Sinai anglong mate Olive anglong along si nangkisunji pathiklo lapen Israel asor atum along nangcheklanglo. Tangte Gentile aso atum (lake pima, Israel pen angtan kedo amonit atum an) ke Alangli kelangselet ajaton saide kalima? Koson si latum angbong Alangli methang amat sai keklempo? Lahei kadokave anke nangtum along pima kepaklongtang akamathadam penang an aningkan palitbom si padolo. Pini arni nangtum aphan kachepahai ke lahei kamathadamthap nangtum along kedoan ta phangnotheiji aphanlo. Laso ajok nangtum Arnam amethang kacheklang nangtum angbong theklongpo – Sinai anglong mate Olive anglong along kalilo, bonta aphrang pen Alangli kejaponpepinlang amonit atum angbonglo. Israel along Arnam Alangli sonni asai angdeng klem patangdet aphi, Israel asor lapen Gentile asor doan ta kamathadam birti rappetlo pima lake ahoklo atheke Arnam si angton ahormu sorjonlo, Alangli ke Israel asor atum aphan ansi Arnam kemanji ninghanglo, Gentile asor atum a’Arnam kalilo. Israel asor atum akekroidam lason henlo: Arnam ke itum a’Arnam anchot tamelo, nangtum Gentile asor a’Arnam kalilo, lapen athema nangtum Jehovah aphan man-peng pipedetlo, laso apot si Jehovah – netum a’Arnam – nangtum aphan langseletlo. Hala Jihudi amonit atum tame lason si akekroi dolo: Hemphu Jisu araje Jihudi amonit atum kachinidam ta alangtum asonthot pulo lapen lake Jihudi amonit atum angthek kedo a’Arnam pulo. Lake netum angbong si dolo pima Arnam sai klemlo. Arnam araje lapen netum araje anke isinatlo; netum araje ke Arnam pen chetebokhetlo. Hemphu Jisu ke Jihudi aRecho lo; Gentile asor anke puson thedung akejok kelongdunji atheng kalilo. Hemphu Jisu ke netum Jihudi atum aphan si pap athok-ajir pilo. Lake hala sonni asai angdeng pima Israel asor lapen Jihudi amonit atum lahei kadokave kamathadam kaselam ateng pen puchotlo. Latum ke cheraithip pen Arnam aphan amethang cheraiponlo, pima Arnam ke Gentile asor a’Arnam kalilo pusi pekpedetlo. Laso pen si, Arnam ke Gentile asor atum aning arlo kangthaidang adim chemandetlo. Lake athema anuttin tame kroilo pima Arnam ke Gentile asor a’Arnam kemanji ninghanghelo lapen pima Alangli ke Israel asor aphan si ningdoklo – Alangli kangvaitang amonit atum – lapen Jihudi amonit atum aphan, jasemetpet komatma Alangli phiphi kidun arisangho atum. Nang chininema pima Jehovah lapen Jisu asai keklempon ke kadokave monit akhei kerengji aphanlo? Nang chinidundema pima Arnam ke Israel pen angtan amahang kethek nangtum kadokave a’Arnam saidelo? Tangte Arnam pini arni nangtum angbong si kedolo kalilangma? Lake mangmun kahemandam kalilo, mate kalangma? Laso ahok alam nangtum dengdun thekthema? Nangtum kekroiji mate laso aphuthak mathaji haihedetlo. Koson si nangtum ketheklong langdamdepin pen, tangte Arnam ke nangtum angbong non ladak le kedo kalilangma? Tangte nangtum nonpu ta lahei alamthe kekroidunji pherebom langma? Pini pen anpar ke, tangte kadokave kachepahaitang amonit atum doan lapen kadokave komatma Arnam aphiphi kidunji ninghang atum anke Arnam kangvaitang amonit kaliloma? Tangte nangtum kadokave tame, komatma pini arni aphiphi kidun an, Israel pen angtan kangvaitang amonit kalima? Tangte nangtum aman angdeng ke Israel asor pen isinat kalilangma? Tangte lahei kadokave henlo kopima nangtum kepangthekdam nangji kalima? Tangte nangtum aphan kachepahai asai kemangdam kalilangma? Nangtum doan ke Arnam aphan theklonglo apot, Alangli ke nangtum a’Arnam kaiketa doverpo, ha kecheng pen mohut antamelo. Alangli ke nangtum aphan che’o’elo, kadokave nangtum Alangli phiphi kidun ninghangtik an lapen Alangliphan chingkimesen, athikpet api chemanverbom anlo.

Koanma monit atum Arnam aphan kanghonji pu aninghang sitame, latum pini arni antame Alangli phiphi kidun chenam ta athikpet pen saidelo. Kijut ahut an kali, laso asai angdeng kepajut ahut an, latum angton pen ningchiruipo. Lahenlo monit atum aphan ahokpet kachepahaipon ahutlo. Nonjong amat, latum aphan kachepahaibom asai keklem ahut anchotlang. Asai kepatang pen lote, latum aphan anke plenglim pen chepahaidetpo, bonta lake nonjong amat asai kalidetlang! Anuttin amat le aningdokkhaklo pu sitame, laso kipudam ke latum aphan angton pen chepahailap kalilang. Lake athema, non amat, monit atum lamthe si theklongchotlang lapen asai ahok kepho ason avelang, lapen latum chipu thekthepinlang si dolang, latum jonghe le akekroi arnukkrung dolo pu tame. Laso apot si lake pima hala asai ahok ateng kepho kepadusi pen anchotlo, lamthe doan asai ahok ateng kemanji, pima monit atum aphan angton pen chepahaidetpo. Non amat, lahei amonit atum aphan anke chepahaipetlo athema latum penang an kachepatujoi alam arjulonglo pima latum aphrang ahut karjulongledet doan. Bonta latum anuttin-abangphutin aklong’et, latum doan ke nonpu ta ajahak asai ateng kepho ason keman aphan si ribomlo lapen chonghongbomlo pima Arnam asontin alamthe tame ahokpet pu patheklongpo. Laso aphi ansi latum plenglim pen kroidunpo. Kepajut ahut anchotlo, lahei ahok asai ateng kepho ason keman kadokave ta theklongpo lapen lahei ahok kepho ason anke latum aphan chenam-chenumlo pu pachemathapo, alangtum aning arlo latum cheparai peme chepaklangpo, alangtum alam kaningje, lapen alangtum amek, lapen alangtum aning aklong’et pen antame chekroidun pemepo. Lason henlo monit asemalo: Nang la kadokave alamthe kevang ahokpet pu langdunvek nangji, nang ajahak asai ateng pen ahok kephobom lapen ajahak amonit atum along kisung kevang langdunvek nangji, lapen anke nangtum angton plenglim aklong’et pen chekroidun pemepo. Jihudi atum ason, nangtum tame angthek lapen kemanghumeme ason ketheklong pen si cheraithippo. Tebonta nangtum pima angthek lapen kemanghumeme ason doan ke thekdam longledet si doverlo pima lahei asai ateng ahok kephobom an atheke nangtum amek pachingpudangji aphan pulo. Lake komatne sining angsong pen nangkisun tahai, mate inghun athak along’e nangtum aphan kaningjebom, mate Ne nangtum angbong inutbak along kapahi’ipik asai keklem tame, mate Ne se le nangtum angbong cheter ason kangbop tame, nangtum ke kaiketa lason kepho ason kelangji si ninghang lapen kaiketa ninghangverpo. Madu ta ningjemelo pima Arnam aphan kekroi along, nang kethenei aningkehang ke Arnam vang si amethang amat nangtum aphan angthek kepaklangpon henlo. Anke nangtum aning ingsamjinpo. Nangtum monit atum aphan kachepahai ke, Ne pirthe kapinchong ahut asai pen chingbarkri si klem nangpo, lapen anke laso along, nangphan ajahak ajat angthek paklang nangpo. Ansi, nangtum aning arlo aphan angton plenglim pen chepahai unpo.