Kachepahai Asai Aklong Ahok Alam (4)

Kopi aphan si kechoklim pu kipudamlo? Kopi aphan si kachepahaidet pu kipudamlo? Kopipi ason-amung pen si monit atum aphan kachepahaidetji akenang dolo? Lapen kopipi ason-amung pen si latum aphan kepachoklimji akenang dolo? Kachepahai lapen kepachoklim sonni tame monit aphan kepaplenglimji akemang saidelo laso ajok alang abinong’et ateng pen kachelongthuji aphanlo, lapen alang kahenodak kapahi’ipik akun lapen Sobar kachomosoipondet pen kejokvan kelongji aphanlo. Laso kachepahai ke vang dapprang athe sai keklembom amonit along; chenam ta, lake sai keklem kechengsi akengkamlo. Kepachoklim ke adun akengkamlo, lapen lake kapajut asai keklemlo. Anuttin amonit aphan sitame kachepahaidet asai phoponvek nangji. Jongsi kalidet pulote, latum ke Arnam aphan kachiniji atovar amat si avelo, mate latum ke pima Arnam do pu tame chininelo, atheke pudam lote, lake latum Arnam aphan kepangthekdamji un’edet khangjangpo. Lapen jongsi komatne abangphu le Arnam aphan pangthek thekthelo pute, lake latum aphan Arnam ahin pen kepachoklimji tame un’edet khangjangpo, athe latum ke laso kepatang pemeji ason-amung plengpledetlo. Jongsi nang le Arnam aphan pangthek thekthedet pu tame, koson si nang Alangliphan kachinipo? Koson si nang Alangliphan kiri kelongpo? Nang ke Alangli pharman hakhi kachipiji chechak un’edetpo, lapen ke, Alangliphan ningkapangsamji akekroi tame nanglong durepik anpo. Lasi, anuttin aphan tame komatma keplenglimji ninghang atum anke, kechengsi akengkam ke kachepahaidet asai along phovek nangjilang. Lahenlo kechengsi athelo. Bonta kachepahai lapen kepachoklim anke monit atum aphan sai keklemji lapen latum aphan kelarji pulo, lapen asontin aphar tame monit aphan kisik-kedangpiji asai saidelo. Sonni akengkam tame komatne aphan kepaplenglimji akenang dolo, lapen lake langret-lang’ei un’elo. Lake ahoklo pima “keremdundet” puke karju mesen alam kalidet, bonta ahokpet ke, komatne aphan kachepahai asai ke latum aphan kelarpon asailo. Ephong le nangphan chepahaidetlo tangte, nang kahenodak akun doan angton pen pavethei un’edet tahai meme, bonta nang ke chichinidampo. Kachepahai asai pen ajok, nang ke nang kangdeivok monit atheng pen chenglok nang mena aot-adur kechokchedet doan tame chichinidampo. Nang ke lahei ahormu kachepahai asai thihek apor angbong pen chehekjok mate chelarplotji un’elo puvoiphit tame, nang lahei doan aphan chichinidampo, lapen lake nang kechoklimji aphan along’e chesompo. Lason si, kachepahai lapen kepachoklim sonni tame monit atum aphan kapachelarji si klemlo, latum aphan alangtum kahenodak kapahi’ipik akun doan pen kapaheloji pulo laso ajok pima latum amethang aphan Arnam along angton kachipidetji unlo. Keremdundet puke jasemet kechengsi akengkamlo monit atum akun kachelarji along, lason thakthak si kechengsi akengkamlo monit atum plenglim pen amethang aphan Arnam along kachipidetji, lapen lake kechoklim pen ingdeichet akengkamlo. Kachepahaidet abangphu achethe akun ke kepachoklim abangphu pen kachelar helopiklang. Keremdundet lapen kepachoklim anke athepi langdam lote lahinhin angbong cheprekjamlo athema lahei anke prekjam asai angdenglo lapen athema lahei anke monit atum aphan prekjam angdeng-anghoi si thiklo; kachepahaidet puke monit atum aphan akangdei angdeng-anghoilo, tebonta kechoklim puke latum aphan akangtuilo. Kechoklimtang anke kangthirpet amonit atumlo, monit atum aphan pangthirpetlo lapen ingsirplanlo; latum anke monit akhei aphan kisik-kedang asai kapachithinglorlo, mate selamthei aphi kijut ahormulo. Latum anke choklim amonit kalidetlo puvoiphit tame, latum anke komatma ajor kedo akai-achethe pen kedodunji kiri amonit atumlo. Kachepahaidet, lason si, Arnam kedo lamthe isi along si pangthek thekdetpo; latum chinidampo pima Arnam ke ok nangchepharlo tanglo, pima laso Lam ke ok along cheklang tanglo, lapen pima Arnam ke pirthe athak kangsaiji lapen ado kipi asai keklemji si vang tanglo. Latum ke pangthek theklo pima Arnam akangsai lapen ado kipi, lapen Alangli kapaklar lapen kapacharkle anke, kadokave ta monit aphan ale dolo. Latum ke nonhet si dolang monit atheng ateng kedo kechengdun. Latum along ajahak chethe akarsik alam dolo, bonta nonpu tame latum aphan lake keoplu ason si dolang. Akaprek alam pen, latum anke non si monit atheng kedoji kechengdunlang. Lason henlo kachepahaidet pu angthek pulo. Monit atum le kechoklim atovar ahin kengpak kachibidun lote, lake alangtum aban akun doan kachelarji aphan joikepo. Anpar sitame, alangtum akai-achethe kachingthurbomji aphan, lapen latum pajo pen ansose si ahok along aklong’et lutdunlo. Latum anke pirthe aphan lapen kadokave halahei komatma ahok aphan kirirdet atum an aphan hijim theklo. Latum ke jasemetpet amethang aphan chehijimlo, bonta laso pen anpar tame, latum ke amethang aphan klardak chichinilo. Latum anke ahok ateng pen kerengji ninghanglo lapen latum ke alangtum akemangdam si ahok aphan kiriji pemandetlo. Latum anke alangtum mena aphu tarlok pen kacheselamvoivoi akamunthi alam angbong kedoji ninghanghelo, lapen latum anke monit amena ane kachepathepik, kethek chekrongpik lapen kacheparokapik apot chelangseletlo. Latum ke aron-atang kepathiktang ateng pen kangtangrak akamatha si ningjelo, ingsai peme lapen gian pen si ajat ta asai klemponlo, lapen ke Arnam aphan chepabihek lapen athikpetlo. Jongsi latum ado kipi lapen kangsai kachomatdamlong lote, latum ke ainicho mate kelakhap kachemanme anchot kali, bonta latum anke laso ado kipi lapen akangsai Arnam pen kelong apot chorothulo. Latum kroilo pima latum ke Arnam ado kipi lapen akangsai penpe te chokchelo, pima lake latum aphan rai’ilo. Latum ke kekroi aningkangsam lapen ningkarong ridamdelo lapen kangchir kachepameji aphan him rirelo. Latum ke malomso ok aningkehang asai ke kiridun klemklelo. Lahenlo kopima halahei komatma kechoklim atum along keklangpon. Monit atum aphan chepahaidet aphi, latum chinidamlo pima Arnam dolo, bonta latum along kopima kacheklangpon ke isi ahoi dolo atheke latum Arnam kedo alam kachinidam ahut. Kopilo Lam ke ok along kacheklangpon chenam ta kipudam? Kopilo ok nangkacheparje pu kipudam? Kopilo Arnam ok nangcheparje abang keklem? Kopilo Alangli sai akemang lapen ardi kedo? Alangli sai koan lone chomatlongdet pen aphi, Alangli sai amo ok along keklem chomat longdet pen aphi, kopilo nang kelong? Lahei kadokave alam chinidamdet pen aphi anchot si nangphan chepahai unji. Jongsi nang ningje jongjonglo pima nang Arnam do pu chinilo tangte, bonta kopima nang kache’o nangji ke che’o thekthedet, lapen ok aningkarong kachipi pima nang kevarchor nangji si klemthu lemdet lepute, bonta alar ke nang kaike ason si ok aningchepangsam si ribomlo, lapen jongsi nang le ahokhe alam kortemar lapen ingjirmar abirudhe kethan che’o thekthelang, lapen penang an kejoike asai keklempon along thangnat anam chitutedetlo tangte, laso angthek kipudam ke nangphan non si chepahai nangji dolang. Lasonlo lepute, jongsi ongdung pima chinidamlo pu tame, lake thangnat ta kalidet si chemanpo. Chepahaidet amonit atum anke komatma ajahak kecheng kachelar lapen kecheng kilutdun kelong atumlo. Arnam akangsai lapen ado kipi kachomatlong ke monit atum aphan Arnam aphuthak kachinidam kecheng kipilo, lapen ahok alam kachinidam kechengsilo. Nang ahok ateng arlo kilutdunji aphan, ansose ahok alam kachiniplirji angton pen un’edetlo tahai meme, bonta nang kai-chethe binong along nang ke penang an ardi kavedet ahok alam asai keklempon theklo, lason si halahei nang ok aningkarong kachipi mate nang salajong aman-apeng apharmanlo. Lahei kadokave ke monit atum along chepahaidet asai keklembom ahut kelongpon angtheklo. Akun along kachelar tame kachepahai along thekpon longji; langdam sinang, latum kachingthang ateng lapen methang kacheparjanpon, lapen koson si latum kedo-kethak – lahei kadokave ta chelarthek. Alangtum Arnam aphan akekroi ahin tame chelarlo, latum anke alangtum keklem-kedam akemang aphuthak klardaklo, lapen latum ke ingtuiving akar’idam paplengji dolo. Kachepahai asai keklem ahut, alangtum akai akun along lahinhin kepangbarme kachelar ta klanglo. Kachelar ke dolo, bonta lahei doan arnukne, kepangcheng anchotlang, lapen akun kachelar along lapen keklem-kedam akemang halahei komatma kepachoklimtang atum along ardi kave helopiklang, Jongsi, kachepahaibom apor ahut, inut abangphu akun angton pen chelarlelo, lapen latum thangnat ta ahok longdundelo atheke laso abangphu ke kekoitanglo, lapen angton pen amat si akenang avelo! Monit atum komatma chepahaidet kalilang pulote kechoklim kalilang! Jongsi inut abangphu le chepahaidetji aphan ansi richotlo tangte, latum ke angton pen paplenglim un’elo, jongsi alangtum akun ajahak kachepahai asai keklembom ahut kachingbarchit kachelar chepaklanglo pu tame. Latum ke kecheng ahok alam latum kelongpon chepangbodetpo. Ajam kethepik akacheprek akun along kachelar aphant halahei komatma chepahaitang atum pen lapen halahei komatma kechoklimtang atum angbong dopiklang. Bonta kachepahaitang puke kachelarji kechengsi akengkamlo; lake isi anong’e kesomlo. Lason kecheng kachelar akadure ke pima laso abangphu ahokpet pen Arnam aphan chininepinlang pu angtheklo, atheke laso akethek-kere ke kangsai pen si vanglo, lapen lason akangsai ke kachepahai asai along akenangsot angdenglo. Lason si, kadokave komatma kepachoklimtang anke aphrangsi chepahaivek nangjilang; jongsi kalidet lote, latum aphan kepachoklimji thangnat akrong avelo.

Nang pulo pima nang Arnam ok nangcheparje aphan chinidamlo, lapen pima nang ok along kacheklangpon Lam aphan chinidamlo, tebonta nang ke Alangli anung ajahak asai klemponlo, pima Alangli akarju kopima abirudhe kedam asai, lapen nang ning along nang Alangliphan thangnat ta phererelo. Lake Arnam aphan kachinidam puloma? Nang kopima Alangli kaningje chinidunlo, bonta nang ke kopima nnag keklemthek asai ateng klemklelo, mate nang ke Alangli atovar ateng dodunthip avelo. Lake tangte Arnam aphan kachinidam puloma? Lapen nang le Alangliphan chinidamdet puvoiphit tame, nang akamathadam ke Alanglihin kisung-keboi anchotlo, man-peng chipi peme avelo. Jongsi nang le Alangli sai theklonglo lapen chinidamlo lapen pima Alangli ke Arnam pu chinilo tame, tebonta nang ke ningarongchenchelo lapen angton pen chelarlelo, anke nang komatma nangphan kachepahaitang abangphu ajat nonpu kalilang. Hala komatma chepahaitang atum anke latum kedoan kethek klemvek nangji, lapen latum le akangtui ahok along lutdun un’edetlang puvoiphit tame, lapen lahei ahok alam ke latum pen athak si do tame, lason amonit atum anke alangtum aning arlo lason kelongji si aninghanglo. Lake athema latum kedeng’un anke kopima ahoi dopet atheke kopi si latum asai ateng keklemthek an along angdeng-anghoi dolo. Akijumnei sita, bontame, latum ke kadokave latum keklem un’an klemvek nangpo, lapen jongsi nang la longdam theklo te, lason angthek ke pima kachepahai asai pen ajoine longdam tanglo. Nang pudamlo tahai, “pima Alangli ke penang an alamthe monit ki’un’edet anke menmen paklang thekdet tahailo jongsi Alangli ke Arnam kali, komatlo tangte?” Lason akamathadam ke nang Arnam aphuthak kachinidamlo pu aphan kali. Jongsi nang le Arnam aphan chinilo pute, nang ke nang abinong’et asai pen ajok chepaklangvek nangji. Jongso nang le mondolo chejaponlo, tebonta akangthirpet ke rimredet lote, jongsi nang le tangka lapen keplang-kephi aphan ridunlo, lapen kaiketa methang aphan si mondoli atangka chethaplo, lake tangte kachinidam loma pima Arnam do puke? Arnam ke jakong theparpik, lapen Alangli ke man-peng kelong nangji apun-achaklo. Koson si nang phereredetlo jongsi nang le ahokpet chinilo pima Arnam dak si dolo pulote? Jongsi nang le lason kapinrem asai keklembom thekbomlang lapute, nang ke ahokpet Alangliphan chiniloma? Lake tangte pima nang kekroidun a’Arnam loma? Kopima nang kekroi anke keklardakde a’Arnam pulo; pima laso apot si nang ke pherelo! Halahei komatma Arnam aphan ahokpet kepangthek lapen kachini anke Alangliphan kadokave ta pherelo lapen ke pima Alangli birudhe kithurji mate atheke alangtum keme-kahenono kethakthek kapatepek asai ke thangnat ta keklemji pherelo; latum anke jasemetpet pima latum chinilo atheke Arnam aningkehang pen abirudhe asai thangnat ta keklemji pherelo. Laso aphan anchot si Arnam do pu kachinidam kejonglo. Kopilo nang keklem nangji jongsi nangpi-nangpo atum nangphan Arnam aphan kekroi pen nangkhangdun lote? Koson si nang Arnam aphan kanghon nangji jongsi kekroikrelang nang penan le nangphan mesen lote? Lapen koson si nang Arnam aphan chinghonji jongsi nangphan kortemar lapen ingjirmar atum langselet lote? Jongsi nang Alangliphan chinilo te, lahei aphuthak along nang chokvet si klem nangpo lapen ahok asai ateng si do nangpo. Jongsi nang le thirklong asai keklempon un’edetlo bonta ningjechotlo pima nang Arnam kedo pu chinilo pulote, nang ke lam ningjechot abanglo! Nang ke pulo nang Alangliphan kroilo lapen Alangliphan chinilo, bonta kopuson ahin pen si nang Alangliphan kachinilo? Kopuson ahin pen si nang Alangliphan kekroilo? Nang Alangliphan pherema? Nang Alangliphan man-peng chipima? Nang Alangliphan ning aklong’et pen chinghonma? Nang le ningkiduk ahut lapen nahok ta charchungji athai kave ahut, nang Arnam akanghonparpik alam chemathalo, bonta laso aphi ke angton chetengnethailo. Lake Arnam aphan kachinghon kalilo, lapen mate lake Arnam aphan kekroi kalilo! Kopilo, kepadusi ke, monit aphan kelong nangji pu Arnam aningkehang? Kadokave athepi Ne pima kaningjetang an, lason si nang mena akenangsot pen apot kedomepik kachematha, nang ke menmen ta chiniduntongthek lapen akimi ahormu pangthekdunthek pu chematha, bang aphan kepangri, bang aphan kelangrop, alangtum amohor apot monit atum aphan kangsai, adai kave amonit atum aphan kapatherak, mondoli atangka kachonghu, lapen lason si dopiklang – lahei kedoan kahenodak akun le, angdengtin nanglong pen avedetlo puan si nang kachepahai ke cheklangponji.

Nangtum monit atum along kachepahai asai keklempon puke karnukkrung ajor dolo: Ihin pen ke, laso asai akemang ke isi adilung amonit atum aphan kepachoklimji pulo, atheke pudamlo te, latum aphan kepachoklim, pima latum isi kachepahai adilung atum chemanji meme pulo – kechengsi adilung amonit atum aphan le pachoklimlo tangte, pima kechengsi athelo. Ahin kaprek pen ke, lake kasorjontang api doan Arnam akanghon kelongji, Arnam keplengchen lapen kethedung pap pen kapajok kelongji aphan, monit atum kangjinso lapen kanghon theparpik anchot kali chehok longji bonta ansose akenangsotnei ke ado kipi lapen kangsai antalo. Pirthe kapinchong ahut pen pini arni an, kadokave pima Arnam Alangli sai keklempon anke kanghon henlo, monit aphan thangnat kelangselet avepinlo. Nang ketheklong ado kipi lapen akangsai antame kanghon saidelo, ahokpetnei lapen ansose binong’et akanghonlo, laso akanghon pima monit atum monit akai akechok akrong ahin si japonlo. Puthot akaprek ahin penke, lake Sobar athengno hakhi kachipi henlo. Lpaen akaprek ahin pen lote, lake mohut birta keme asai kapachethang along’e kesomponlo. Kadokave asai Alangli keklempon anke monit atum aphan akechok atovar monit akai along kachejaponji si akemanglo, laso ajok latum kemesen amonit atum ason kedo longji aphan, athe monit atum koson si kereng nangji chininelo, lapen laso kapinkhat ave te, nang ke kangthaidang akai si rengdunpo, lapen nang ke kemesen abangphu ason chenam si cheman un’edetpo. Lahenlo monit aphan kachepahai pu karnukkrung ajor kedo alamlo. Nangtum anke kadokave ta Moab aso-asulo; nangtum along le kachepahai asai klemponlo te, lake kethedung pap akejoklo. Nangtum kadokave tame pap lapen mek-no langno apirthe along si rengdunlo, lapen nang ke kadokave tame mek-no langno etlo lapen pappi saidelo. Pini arni nangtum anke Arnam aphan kelang nangji kethek anchot klailo, bonta ansose akenangsotnei, nangtum ke ado kipi lapen kangsai tame long’etlo, nang ke ahokpet kemepik pap kejok ta long’etlo, atheke pudam lote, nang ke Arnam kethedung akanghon ta longdun’etlo. Alangli kadokave pima keklempon an, Arnam ke nangtum ahin si ahokpet chinghonlo. Alangli ke kapahi’idet akemang avelo. Lake athema nangtum apap anke pima Alangli nangtum aphan ingsailo, laso ajok pima nangtum ke nangmethang aphan ingchaplo lapen laso akeongparpik pap pen kejok longlo. La kadokave keklempon ke monit aphan kepachoklimji pu akemang penlo. Ha kecheng ahut pen kijut an, Arnam ke Alangli monit aphan kepajokji si sai klembomlo, lapen ke Alangli mena arideng pen Alangli kasorjonvek amonit atum aphan angton pen kapavirdetji puke ar’idamdelo. Pini arni, Alangli ke nangtum anglum sai keklemji aphan vanglo, lapen lason pap kepajok ke kethedung anpar kopijilang? Jongsi Alangli le nangtum aphan langseletlo, tangte Alangli nonpu ta puan ajakong aboi pen sai klempon si nangtum aphan salajong pinkhat dunjima? Kopi athelo Alangli puson chepasungji? Arnam ke nnagtum aphan langseletle mate nangphan thangnat kapahi’idet akemang ta avelo. Nangtum chini nangji pima Arnam akanghon ke akechokpetnei akanghonlo. Lake athema monit atum athikpetpedet apot anchot si pima Alangli latum aphan kangsai pen ajok kepajokji pulo; jongsi laso aphan kalidet te, latum aphan kepajok ke chenam un’edet khangjangpo. Athema nangtum ke koson si kereng nangji chininelo lapen ke koson si kereng nangji alam ta mathathedetlo, lapen athema nangtum ke lapuson mek-no langno lapen pappi apirthe along si dolo lapen methang amat ta mek-no langno lapen kahenopik ahi’isarpo saidelo apot, Alangli nangtum ansose si kahenothupikji pu kapachemanji ke chechakchelo, Alangli ke nangtum keterpik apirthe along non ason kedobom si kerengdun nangketheklong ke chechakchelo, Sobar aninghang aling nangkivipon, lapen nangtum aphan Meherang along keklo nangji puke Alangli chechakchelo. Alangli laso adilung amonit atum aphan kelong nangji pulo lapen nangtum aphan angton pen pajokpo. Lahenlo akenangsotnei akemang laso nangtum along kachepahai asai keklempon – lake pap pen kapajokji aphan anchot. Jongsi nang le theklongle pima asontin nanglong keklempon an ke kanghon lapen kepajok henlo, jongsi nang kamatha lake isi abidi anchotlo, monit aphan kapasungji akronglo, lapen kopine kekroidun meme kalidetlo pulote, nang lethot sitame nang methang apirthe along chedamthu ra keso-kisung lapen duk kedo chechaknon! Jongsi nang le laso aroi along kedoji ninghanglo, lapen laso akangsai lapen laso akeongpik akejok chehokji ninghang, lahei doan ahirjume chehokji pulote, laso ahirjume pima monit atum apirthe along nahok ta kelongdam athai kavedet, lapen laso akanghon chomatji, tangte mesennon: Laso aroi along do ra kachepahai asai chodengdunnon laso ajok nangphan pachoklim mepo. Pini arni, nang ke masapso akeso lapen kapacharkle chechak nangkoklo tahai athema Arnam akangsai ajok, bonta laso along ale lapen laso akeso kachechak alamjor dolo. Monit atum anke Arnam ado kipi lapen akangsai pen ajok pacharkledangpo lapen ingjinsosepin pen paklangdakpo – latum aphan alangtum apap apot adai ke’en pu akemang, alangtum aok aphan areng kapaso – laso asai thangnat ta alangtum aok aphan kepavirdetji pu kapinrem akemang kalilo. Lamthe ahin pen arsikjik kapatutedet anke kadokave ta nangphan akechok atovar anat kejaponji pu akemang penlo. Nangtum ke salajong si puan laso asai akeongpi chomatlonglo lapen klardaklo, lake nangtum aphan kaheno atovar le kachejapon kali! Lake kadokave ta nangphan kemesen monit atheng pen kedo-kethak thekji aphanlo, lapen lake kadokave nang kemesen monit atheng pen longdam unlo. Arnam asai asontin akengkam tame nang akenangji ateng penlo, nang akeboidet doan ateng penlo, lapen nang abinong’et aman-apeng kedo ateng penlo, lapen nangtum aphuthak thangnat kachechak un’edet anghor batbelo. Pini arni lake nangphan klardak kalilang, lapen nang kamatha ke jongsi Ne le nangphan ingtang’oi ongchet pulo, lapen chenam ta nang ke kaike kroilo pima Ne ado kipi, kangsai lapen arnivang ta nanglong kachedondunde chepaklangverlo puke athema Ne nangphan kelangselet pulo. Bonta kopima nang ado kipi lapen kangsai kachechaknang puvoiphit tame, lake ahokpet ta nangphan akanghon apotlo, lapen lake kethenei akeraikomlo. Jongsi nang le laso asai aphuthak arnukkrung an alamjor longdamde pulote, lake kachomatdun longbomji pu nang un’edet khangjangpo. Laso akejok ke nangphan karengme si van nangji. Nang akamathadam along nang kevangji ninghangherinon. Lapuan kevang tangdet, kachepahai asai akenangsot alam nangphan klardakvek nangpo, lapen nang kamathadam alam isi pen isi akrong along ke chedothip nangnelo!