Laso Akrong… (3)

Ne kai along, Ne ke kaiketa Arnam aphan angton si ne ning lapen nebang ningarongchen pen chipilo. Lason pen anchot si Ne me-heno mathathek ajakong along kechokche avelo lapen kedo masap ingsamjinpo. Komatmat ma chethe aphan kiri atum ke alangtum aning Arnam aphan si angton pen kechengsi chipi nangji; lake akaprek ajat ason chemanme aphrang pachun nangpo. Ne korte lapen ingjir atum doan aphan Nelong Arnam aphan pachardomdun rappetji ninghang: “Oh Arnam! Nang Karjong sining angsong pen kangjinso paklotha bangso apirthe along monit aphuthak, lason pen ajok Ne ning Nanglong angton pen chehodaiji aphan, laso pen ajok Ne Karjong Nang si pacheja longji aphan, laso pen ajok Ne ning lapen Ne Karjong along Nang akanghon meme aot Ne ketheklongji aphan, lapen laso pen si pirthe along kedo komatmat ma Nang akelangme ason ketheklong ahirjume dopo. Arnam! Nang Karjong puthot ephong netum akarjong pachejanang, laso pen ajok netum akanghon tame kijut un’epinji lapen kachelar un’edetji!” La kadokave netum along, itum aning si Arnam ke sat kelang paphrang – lapen ephong le Alangliphan itum aning chipi tanglo pulote, itum akarjong aphan Alangli keja pangchengpo. Lake itum akarjong along anvet kedo pima itum Arnam kanghonmeme aot, kachepahemphu, lapen jakong kethe theklonglo. Lahenlo monit atum along Karjong Kangthir akronglo. Nang lason akai doloma? Nang tangte Karjong Kangthir keplengchen akai chomat longloma? Tangte nang karjong Arnam si chejapontang loma? Tangte nang theklongloma koson si monit atum along Karjong Kangthir sai keklem? Tangte nang angton pen nang ning Arnam aphan pidet loma? Nang le angton pen nang ning Arnam aphan kipipon lote, Karjong Kangthir keplengchen akai chenam si nang ke chomat longphitpo, lapen Alangli sai ke kaiketa nanglong cheklangponverpo. Lason apor ahut, nang ke pima Karjong Kangthir si ke’enbom abang chemandetpo. Tangte nang lason abang kachemanji ninghang do ma? Ne ningdolang kosonsi, Karjong Kangthir nephan kejapon ahut lapen Ne ning kechengsi aphong Arnam aphan kachipi ahut, Alangli thengno Ne patongruilo lapen chirulo: “Oh Arnam! Nang Ne mek pachingpudanglo lapen Nang akejok Nephan pachini longlo. Nangphan si Ne ning kedoan kachipidetji ninghanglo, lapen Ne chohanglo pima Nang ninghang ateng le paplengnang, Ne lason si ar’ilo pima Nang kedo along Ne ning Nang akedeng kelongji aphan, lapen Ne chohanglo Nang ninghang ateng aphiphi kidunverji aphan.” Ne halabangso akardom chetengnenelo; Ne ke keongdung pen nangchejalo, lapen Ne ke kesopik akachiru pen si Arnam angno domkruplo. Athe lake Ne kechengsi kichun akardomlo Arnam angno komatne kejoktang abang asonlo, lapen lake Ne ning kechengsi akar’ilo. Laso pen aphi, Karjong Kangthir si Nephan aphongphong ta chejaponlo. Tangte nang lapuson chomat longloma? Kopuson si Karjong Kangthir nanglong sai keklemlo? Ne mathadamlo pima, keongdung mate kijumhek angdeng tame, lason akepho ke Arnam akanghon kiri kadokave atum ta chethanthan – lake pima latum chetengnedet puchot. Jongsi komatne ningjelo latum ke lason akepho longlepinlang, lake cheklangdaklo pima latum akejok longledetlang, lapen athe latum Sobar kacheparideng along si dolang. Karjong Kangthir keklem asai ke pima itum kadokave along ta isinat athe lake Karjong Kangthir akronglo, lapen la anchot ta kali lake komat ma Arnam aphan kekroi lapen kiri atum akronglo. Kechengsi angdeng Karjong Kangthir asai keklempon monit atum along lake alangtum akarjong kacheja, laso pen aphi ke latum Arnam aphan chinghon chengpo, lapen chethe ridunpo, lapen kadokave mat ma laso akrong along kedam atum anke Karjong Kangthir akrong along si dolo. Laheihui doan ke China ahavarpi along Arnam asai keklem adichi saide anchot ta kali, bonta somindar adangpilo. Alangli anuttin along si sai klemlo. Jongsi komatne le kacheja longlepinlang, lake cheklangdaklo athe latum doan ke kemethuji akrong pen angtan si dolo. Ne ning along, Ne Arnam aphan ardomlo sangsepin si, chohanglo athe Alangli si kadokave amonit aphan ta cheja, pima anuttin tame Alangli kachejapon arni aber si dolo lapen laso akrong along si dunlo. Laso pen ke Arnam aphan ne ale kavepik kachoningri tahailo meme, bonta Ne kroilo pima Alangli laso asai klempo. Ne ningthelo pima kadokave Ne korte lapen ingjir doan atum laso apot ardompo, athe ke Arnam sai keklemji aphan, lapen athe Alangli sai prapjin pen kijutji aphan, laso pen ajok sining angsong Alangli Karjong kesang longji aphan. Lake Ne methang masapso aningkethelo.

Ne kroilo athema Arnam Alangli sai hi-i atum kachingvai ahem along pangcheng longtanglo, Alangli lasonthot si somindar adang atok-ano tame lakha un’epin pen kaprek along klempon unpo. Itum kijut akai along kedo atum anke Arnam anongthe arni thekdunlongvekpo, lake kaningjetang alamlo athe “komatma mo kijut antame kedothipver abang ke jokpo.” Madu tame Arnam aphan laso angdeng along Alangli sai keklem palar un’elo – lake Arnam Amethang anchot si laso sai klempo, pima laso angdeng asai ke prekjek, laso angdeng henlo kachepahaiji asailo, lapen monit atum anut kaprek amonit aphan chepahai un’elo. Monit atum doan aphan kechariji ke Arnam Alangli methang angho pen ningje lote lapen Alangli methang ari pen klem lote. La kadokave somindar adang angbong pen, kethedung ake’er dragon adet si Arnam kea sat kelang aklam selamponpo, laso pen aphi si Alangli laso asai somindar adangpi keklemji pangdangpo. Lahenlo Alangli somindar adangpi along kethedung asai ansose kelmponthupo, lapen somindar adang kadokave amonit tame Arnam kachepahai asai longdunpo. Asontin adhorom amonit atum lapen asontin kekroi asong atum tame laso angdeng asai keklem kroivek nangji. Laso akrong henlo athe ke’enponvek nangji – madu tame chepajok un’elo. Tangte nang ke laso Arnam pen nangphan kepekpontang kedengji chisikding loma? Ne kaiketa chematha pima Karjong Kangthir ketoi ahukum kedengdun ke kopine anongthedung asailo. Ne laso kelangdam ke, lahenlo kethenei Arnam nangketoilo monit akhei aphan kipi. Ne ningthelo pima Ne korte lapen ingjir atum doan Ne asonthot klem chepadukpo lapen Arnam pen laso aketoi ahukum dengdunpo, laso pen ajok somindar adangpi ta Arnam anongthe’iji aphan lapen athak ahavar along tame, lapen itum akai tame kivir kavedetji aphanlo. Arnam aphan itum kopine eson klempi nangji, mate itum seme dengpon nangji. Jongsi monit atum le latum Arnam aphan kekroi along thangnat akemang ta riredet, tangte latum akai ke jat ta avelo, lapen latum mo kithi apor nangkele ahut anke, latum ke kilirseng asining lapen panghunlo apirthe anchot si theklongpo. Lake tangte ajor kedo akai loma? Nang jongsi Arnam akenangji ateng paplengpidunthek nang kerengbom ahut, lake tangte kemepik ason kalima? Kopi apot si nang kaiketa lason kasiksak methang aphuthak chevanverlo lapen kopi apot si kaiketa ningkethe avedet titilo? Nang Arnam pen ajat ta longlelang ma, lason le cheparjan ke? Lapen nanglong pen Arnam ajat ta longlema? Ne Arnam aphan aseme along, Ne ning along lamchak anchot si dolo; Ne Alangliphan lamthe heihui pen kachongthui le klemji pu kali. Lason ke chenam si klemkleveklo – Ne ning pen Ne kanghon Arnam aphan ningpangsamji si Ne ke kar’i anchot, laso pen ajok Alangli Karjong sining angsong along ingsamjin pen kedoji aphan. Laso aning ke ale do’o tahailo, bonta kanghon ke ansose si ador sodak. Ne ning along Arnam aphan Ne ke kemenei ador keso akanghon si kachipiji laso pen ajok Alangli Nelong pen kemenei ason chehok longji aphan, lapen pima lake Ne Alangliphan kipi akanghon pen Alangli kedor thekji aphan. Tangte nang Arnam aphan nang kanghon kachipiji ninghang loma athe Alangli kachehok longji aphan? Tangte nang kereng along laso arongsopi si kapamanji si ninghang doma? Ne kephopontang along pulote, Ne thekponlonglo pima koan ma Ne kanghon Arnam aphan kipi, lapuan si Ne kereng along ningkarong kelongpon; lapu anchot ta kalilang, Ne jakong akijutdam amat si ave, lapen ningarongchen pen si Ne bang lapen ning doan tame Ne angton kachipi, lapen kaiketa Ne kachemathadam dolo pima Ne ke Arnam aphan dorplup an chinghon thekthedetji. Lasi tangte nnag kanghon ke kelangselet akanghon ma, mate lake akijutdam ave, lakha un’epin loma? Jongsi nang le ahokpet Arnam aphan kanghonji ninghang, nanglong kaiketa Alangliphan ansose kanghon kachipithuji dopo – lapen jongsi lahenlo alam ke pulote, kopi abangphu mate ahormu si nang Arnam aphan kachinghon along nangkarjapdun ason kedoji?

Arnam ke anuttin amonit akanghon ta ningarongchipi. Kadokave mat si Alangliphan kanghon, Alangli hirjume doan ke paongthu muchotlo, athe monit akanghon ke kelongdam sungkrung, lapen lake masapso si dochot, lake ketheklongledetji ason ansi dolo. Somindar adangpi tame, Arnam ke monit atum aphan Alangliphan kapanghonji si choningri bor’ibomlo, bonta akai koan lone pen pini arni antame, ajahak atum anvetlang – chikip isi anbak – latum ansi Alangliphan kanghon kipi thekchotlang. Ne ningkedo an ateng langdam lote, Pitor ke inutlo, bonta alangphan ke Jisu amethang si kejapon lapen lake alang kithi ahut anchot athe ke alang Arnam aphan angton pen akanghon chipilo, lapen aphi alang chethe jutlo. Lapen lasi, laheihui kechokchepik apor ahut tame, Arnam ke Alangli sai ahor adang pabiponhek si klemponlo, lapen thedung ake’er dragon kedo adet aphan enpon si kachepaklang adim pemanlo, Alangli jakong lapen Alangli kachepeduk doan tame elong adim si chitikruplo, laso pen ajok Alangli sai ansose kemeponji aphan, lapen Alangli hakhi thedung ale kedoji aphanlo. Lake laheihui hini ahukum ateng pen si pima Arnam tame Alangli sai somindar adangpi along keklem nangji apot China ahavarpi amonit atum along si pondetlo, athema kadokave latum jakong kavenei atumlo, lapen Alangli kanghon asai pen kachepahaiji si klem pangchenglo. Lapen Alangliphan latum kadokave aphan Alangli panghondet aphi, Alangli sai adunthu angdeng Alangli pangchengthulipo, lake athe Arnam akemanglo. Laso apot si Alangli sai ke thedung angthek longponlo. Alangli keklempon asai angkang along ke akenang lapen akadure antame dopetlo. Lake klardaklo kopuson si Arnam thedung anam kituloma lapen koan ajakong si Alangli itum along sai keklempon ahut Alangli kachepadam loma, itum arni kevangji aphan ajoinelo. Lahenlo itum ahirjumelo. Monit atum kamunthidam along kopisi kamanghudam dolang, laso apot si, pima areng kelok atum ke itum aphan ningkedokde dokoklo athe itum ke kemesen adim along mahang kahachelong apot, bonta itum kadokave ta kachepabi lapen man-peng kangdei mena aphan chetheklonglo. Tangte la Arnam itum aphan ingthurthe loma? Kethedung ake’er dragon api aso-asumar atum doan, kaiketa keboidet atum aphan ke, areng kelok atum nangkelang pangtuilo – lake itum aphan ahok hirjumelo. Ne lason alam mathadam lote, Arnam aningkeme si Nephan nanghaidetlo, lapen Alangli akanghon lapen akatebok penlo. Lake cheklanglo pima monit atum akamunthidam pen asontin ta Arnam keklem ke pacheprekjamlo. Laheihui amonit atum kadokave ta hirjuno phopetlo puvoiphit tame, Alangli ke aron kipi ateng angdeng anghoi anle kedochot lapu kali lapen Alangli ke chinilor pen si Alangli sai keklemji atiri labangso apirthe achet along si vandetlo. Lahenlo kopima Ne kachehok, kopi Ne lakha un’epin ningkarong aret ke athe lahenlo. Komatne laso asai kejapon aphrangsi kedo abang ke, Israel aso atum angbong kethenei akurusar asonthotlo, Ne chenam si Karjong asai klempon longlo lapen Arnam aKarjong aphan lanapon longlo; lahenlo Ne hirjumelo. Komat si lason kamathadamhai abang doji? Bonta pini, lake itum along chichininepin pen si vang tanglo. Lake ahokpet si akeongpik ningkaronglo atheke itum ningkarong kachipi nangji athenglo. Ne ningthelo pima Arnam itum aphan hirjume pibomji, lapen itum aphan ingthurbomji, laso pen ajok komatmat ma bangso hi angsom along kedo atum an aphan Arnam thedung asai klem’ipo, lapen ke lasi Alangli kanghon aphan chituthupo.

Laso akrong Ne non kedambom ke pima Arnam akanghon apot kachitulo, tebonta ne kaiketa kachemathadam dokoklang athe lake Arnam aninghang ateng kalidet, mate laso akrong ke pima Ne kedamvek nangji kalidet. Arnam thedung asai ke’enji aphan pulo tangte – lake Arnam aninghang atenglo, lapen lake Karjong Kangthir kedam akronglo. Bonta Ne chokchedetlo, tame Ne mathalo lake Ne tovarlo, pima kedamtang ahut Ne Arnam aphan seme chipilo athe nephan kejaponji aphan Ne Alangliphan chohanglo, pima Ne laso akrong along kengpak chibidun si kadokave kepaprap pen Ne kengkam chejordunji aphan, lapen un’an akeprap pen Arnam aninghang ateng ningkapangsamji aphanlo. Bang le ajat tame nangmatha sita, Ne kroilo pima Arnam aninghang ateng aphiphi kidun henlo kadokave pen kenangsotneilo. Ne kai along ke akaprek thangnat ta akenang avelo, lapen laso ajakong madu tame Nephan nangpave un’elo. Lake Ne salajong ninghanglo, lapen ajahak atum ke pima chinidamdedet doji, bonta Ne laso aphuthak madu aphan tame than paklar nangji puke Ne mathadamde. Ne laso akrong ke Ne ke’envek nangji apot ponpo – ephong le Ne laso akrong kapangthek lote Ne ladak si dunvek nangpo Ne ponvek nangpo lapen chiruirelo. Lasi, laheihui alamthe along Ne chevangthulo: Arnam aninghang ateng keklemji si Ne ning Ne chithik tanglo. Ne chini peme pima Ne korte lapen ingjir atum doan ta Nephan nangjongdundelo! Kadokave ke, Ne salajong pen kethekdamlong ateng, kaprek amonit atum ningje tahai latum aninghang ateng pen, bonta Ne mathalo pima Arnam aninghang ateng aphiphi kidun henlo kenangsotneilo, lapen laso along Nephan ajat tame aphi nangvungdunpring kalidet nangji. Arnam aninghang ateng aphiphi kidun ke kechokche amat si ave! Lapen lake inut mena jongjung ninghang ateng pen le keklem kalilo! Ne kroilo pima Arnam Ne ning arlo nanglang’et tanglo! Lasi kopuson pen nang chini unji? Tangte nang Arnam apharman mena aphan kachipiji ninghang loma? Tangte nang Arnam si kapaklemtoiji ninghang loma? Arnam aninghang ateng nang aphiphi kidunji aseme enloma? Ne ningthelo pima Ne lamthe heihui pen Ne kortemar lapen ingjirmar doan aphan masap akerap kipidun asonlo. Ne kamathadam aklong aphuthak karnukpik kalidet tahai puvoiphit tame, Ne latum aphan aphan nonpu nangpulo, laso pen ajok itum mena aklong’et kamatha alam chepachoiji aphanlo, itum angbong adui-ahoi avepin pen, lapen lasi pima itum angbong kaike aphan Arnam nangdodunpo. Laheihui doan ke Ne ning pen alamthe saidelo. Toh choklo! Lake puan chotlo pini arni Ne ning pen kaningjeji alam. Ne ningthelo pima Ne kortemar lapen ingjirmar atum doan keklem chepedukbompo, lapen Ne ningthelo pima Arnam aKarjong kaiketa itum aphan nanglanadunbompo!