Kecheng ahut Khristo pen Kethanpon Alammthe – Ingkung 1

Zion aphan kero kepajir nangle tanglo lapen Arnam kedo adim nangcheklang tanglo. Anong theklong kangthir amen, kadokave amonit tame kero pipetlo. Ah, Jakongtheparpik Arnam! Somindar adang aHemphu abang, kijutsi arni aKhristo – Alangli henlo kitur’ang aSamphri pima Zion Anglong athak thur tanglo, atheke adak-atur pen arjaplo lapen kadokave somindar adang ahir-asang cheklangpetlo …

Jakongtheparpik Arnam! Netum Nangliphan kachehok pen si nanghanglo; netum kanlo lapen lunlo. Nangli ke ahokpet netum aphan Kepajok Abanglo, somindar adang kethedung aRecho lo! Nangli si kehaidong adilung selamlo lapen Arnam kisik-kedang akemang pachunlo. Kadokave amonit tame laso anglong ahin si chingbedunpo. Kadokave amonit tame inghoi athengno patongruipo. Nangli henlo inutpet ahok Arnam lapen Nangli si anong-athang lapen man-peng kelong atheng. Kadokave anong, akero lapen kachepahemphu ta inghoi along si dopetlo! Inghoi along pen si chethe alang nangkililo, Arnam amonit suri-suri amuluk aphan pilo lapen pangkranglo. Arnivang tame chethe chekirladunbom; akimi katheang lapen kepaklang netum aphi dunkrilo, kaiketa Arnam aphuthak akimi aklong alam nangpadorbom. Kachomatbom angbong, netum Arnam aphuthak plenglim ahokpet alam along ledamlo. Alangli lamthe anke kaiketa pacheklangdaklo, hala komatma akechok atum angbong pacheklangdaklo. Netum chenam ta hirjume plengsetlo! Arnivang Arnam pen chepathengnono kachetonglong, kadokave ahormu along Arnam pen chingki-chethanlong, lapen asontin aphuthak kepangripon Arnam arideng pilo. Netum Arnam alam arsikjik pen mathapemelo, netum aning Arnam along chepangsamrilo, lapen lasi netum Arnam adung pateboklo, Alangli akatheang netum longdunlo. Arnivang ta, netum akai, kekelm-kedam, lamthe, kamunthi, lapen bidi doan along, netum Arnam alam angbong si renglo, ajat apor sitame kethakvetvet theklo. Arnam alam ke ingprim angkok along ahon kekroi ason chejalo; chichininepin pen, netum along kachepatujoi ason patheangdanglo, isi pen isi. Arnam pen akachingrum kapader chechakchelo; netum akamunthi lapen abidi doan Arnam ahin pen jaidaklo. Aportin ahut sitame netum doan Khristo angho angno si dolo atheke netum kangsai phonanglo. Netum abang arjon doan tame Sobar si nangcheraidetlo. Pini arni, Arnam kepangripon kelongthuji aphan, Alangli kardomhem cham pangthirvek nangpo. Arnam cheparidenglong pemeji aphan, netum kithi-kereng akisung along chetongvek nangpo. Netum abarim aot-adur doan thengparpan along sakdet pen anchot si Khristo kithurthu achethe kehaidong charipon longpo.

Karjong Kangthir nonke itum atok-ano tame kehang ingthurlo atheke ron chedan si itum kachepangbotang ason kachepalongthuji aphan! Koanma arjikiding itum methang aphan patepekji kachisikpon lapen Arnam pen kajalang rappetji akar’idam, Arnam ke chenam si patheangpo lapen ajat apor along tame itum aphan pangthir’etpo, lapen akimi pachelongthupo pima atheke Sobar si cheraikrimlo, laso ajok itum un’an akeprap pen Arnam nangkepachoklimji mene pu aphanlo. Apor phangno nangnelo – Arnam alam angbong le ajat tame rengdunnon. Kangthirjir asangho pen le cheselamnon, Khristo arat kepangri arlo chevangnon, lapen Arnam penpen anong arlo lutdunnon.

Aphrang Apot:  Lammphrang

Puthot:  Kecheng ahut Khristo pen Kethanpon Alammthe – Ingkung 2

Thikbomlang

  • Ketok
  • Themes

Solid Colors

Themes

Fonts

Font Size

Ari Kapadak

Ari Kapadak

Aphar Adang

Angkung aphar

Rinon

  • Laso Amek Rinon
  • Laso Akitap Rinon

Connect with us on Messenger