Hirjume aphan nangtum kachinidam kopi lo?

Labangso a’ove mahang kethek arat aphan ke Sobar lapen kahijim’meme hi’i si paheno’et lo puvoiphit sita, lason kahenotang pen ajok si alangtum aphn thedung kejokvan along vanlo, kethedung Job akhi lapen marat kapangreng alongle ajam lapen inglong heihei pen anparta kethemu lang kejokvan, lapen Job alang asatlang phodet aphi Jehova aphan kelanglong ahirjume pen anparta themu lang. Job kithi asat phopondet aphi ansi Jehova kaningje alang karjulong lapen tomon karting along Jehova ase karjulong. Sita alang Jehova amahang thek longle, lapen Alangli a’ot-adur alang chinine. Kopima Job kelong lake mek pen kethek long akhi-adat anchot lake ok aphansi ning pangsamchot, lapen rongsopi angkang angbong pen bolon kedonei a’klimsomar, lapen anpar sining a’pherangke keraikom longlo. Alang Jehova aphan thek longle pin lang, lapen sita alangphan ahokpet pusi kehang, Jehovah a’ot-adur alang chinine’pin lang. Lapen ok aphansi ning keplengchot pini lahei arat atum ke, lason ta ningje’un, malomso aphan chot, kalite angtan apirthe atomon ke henodak, Ne ot-adur Ne paklanglo lake abarim akai penta monit aphan Ne paklangkle’pin lang lapen lake kaiketa dipjoi, lason thakthak si ajak dinglen ahut pen sitame monit aphan lake kachini dam un’e asonsi planglo, latum ke kado’kave penta kangdeinei bonta latum aphansi Ne kethenei kejokvan ke non kechengsi lo; kedamtang ahut ne lason klemkle lang. Job aphan nangtum kepho dunji heloving lang pusitame, kopima nangtum kelong lapen kopima nangtum ketheklong ke alangphan lit’mu lang, do’an akesung nangtum chechak nang lo lapen kelak ason do’an pho nanglo pusitame, lahei kesung ke Job kepho asat ason kali’pin lang, lahei ke, monit alangtum kachedan ajoine si alar kangsai lapen kapinrem kelong, alangtum kedaithip ajoine, lapen Ne ahokpet a’ot-adur ajoine; lake ahokpet akangsai, kapinrem lapen ahirjuno lo. Job ihin ke Israel aso atum angbong pen inut ahokpet abangphu, kethedung Jehova akanghon lapen kangjinso deng longlo. Kaheno akam alang klemkle, lapen Jehova aphan alang hili’le: Jehova aphan kroithip pen kachehodai abangsi keklemthu. Alang ahokpet ajoine si, asat heihei alang phuthak klo lo, lapen kachikithip Jehova a’ban ajoine penang an asatlang alangli chetong nanglo. Pini amonit atumke Ne kangsai lapen hirjuno kepho nangji a’ot do athe lake alangtum ahokpetpe lapen kaheno ajoine. Alangtum akesung kachechak nang lake Job le kapangreng api, akhi-adat, alangli ban atum, alangli somar, lapen alangli aphan kachinghon atum an aphan kachepangbo nang a’kesung kachechak nang ason kali pusitame, alangtum kachechak ke meh akar kapangthir lapen kechobom henlo. Lapen Job kopima kephotang pen anpar ansose karsik thulang lake lason asat heihei ke pajumje kalite terek’re athe monit atum ke ajakong ave; laso alar ke, latum ke keni ajak dinglen, lapen monit atum akai kejutsi arni anta dobomji. Lake ado kepi, kangsai, lapen ahirjuno lo; lake kangjinso kave pensi chobom, lapen ansose monit akhei atum kepho nangji, lapen la henlo kopima rat ketheklongji Ne ahokpet a’ot-adur kachepaklang adim lo. Lake kachinitang ahokpet alam lo. Lason pusitame, monit atum kopima kelong lake pini alangtum kesung kachechak nang ajok thedung kelit do. Nangtum kachechak labangso kesung ke nangtum kejoklu apot kaheno angthek anchot, halapu kopima nangtum kelong lake nangtum kesung kephobom pen batai pharo the muchot’lang. Israel atum aron ateng pen hala abarim abirta along ke, komane Ne phan kepatepek abang aling, komatne Ne phan klangdak pen kangsai abang aling, lapen komatne Ne Tovar kedunde abang aling lapen la alar tengkaijai pen Ne ning kedokde a’karkli pen Ne phan karkli kardom ahem along ke meh pen pachodetji kalite arlong pen arbubup nangji komatne kangvai tang abang pen lapen la aparta halatum a’poton pen kachetebok’het abang ta Ne haujuno pho ji. Kevangji akai along la kejokvan longle, bonta Ne ban atum aban paplangji, lapen la tum aphan Ne kangvai tang kalidet atum angbong phlungphit ji, lapen amethang adet pachevoithu longle det ji. Latum akam lapen abe kachinghoi ateng pen latum kesung pini ning kachepeding ke hala Israel atum aphan akesung kapepho anke kalilang, hala Ne kepubom ke nangtum non kesung kepho ke choklim kalipin penle alar kehui kali, athe la nangtum chenam si ang’ang karkan ajok lo. Jongsi nangtum ne kangvaitang Israel alongsi dotanglo pulote, nangtum jutjepin aphan papi plang tanglo, lapen nangtum aphan ke Israel akhei atum pen ingthan ni si Jehovah a’kardom ahem ha sining ame pen pachodet tanglo ajak dingklui aphrang pen. Kopilo non nangtum ale kelong ke? Kopi si non nangtum kelong ma, kopisi nangtum ning cheparong loma? Ne dhoromi a’ot-adur si nangtum along paklang tanglo, bonta kenangsot’nei lake, Ne ning keding pen monit akhei aphan kepajokji aphansi paklang tanglo. Komatne ke lason puta thek Ne nangtum along keklemtang asai ke ning kachepading asai: La keklem atheke Ne kapachokji lapen anparta, monit akhei ning karongji aphan lo.

Job ke hala Jehova pen asat ke’en bom angbong sitame, alangli ke ajongjong dhoromi amonit Jehova aphan si ingduk bom. Halahei asat kepho angbong ta, alangli Jehova aphan thangnat ta Jehova kepu patinte, lapen alangli akhi pensi Alangli pen chetong lo. Pini amonit atum le keklem chot kali, Jehovah puta ning cheparongre ke, bonta latum dengde, kakhinde kepasimu lapen Alangli arje aphan kapinrem. Namgtum asap ale kelong ongmuchot kalilang ma? Nangtum lason thedung akesung ahok pholong lo ma? Nangtum Mary lapen James kopai keme phophe pin lang ma? Lapen nangtum kachetebin ke ahokpet si pu’an akenangsot kali det lo ma? Tangte lake kopima Ne nangtum aphan akenang ji lapen kopima nangtum pen kehang ke the’o lapen ongpik pu ma? Ne ning kithi kepale hala Israel akhei Ne phan kepatepek atum ajoine pen chot, nangtum aphan jongklok pen kali. Kopima nangtum ale kelong halake Ne kangjinso kave kangsai lapen kepaklang chot, son thakthak si kemepme’pin akar pen kepangthirji aphan. Lapuson pen kalite, monit Ne phan patepek thubom lapen Ne khinde bom, lapen latum keklem an asap ta chepidet’de. Ladak halatum ansose amethang si Ne pen chepahelo lapen Ne phan deng’mo lo: Lason arat atum ke hala Korah pen Dathan kejapon abutung atum hala Moses aphan kekhamkhe atum pen me muchot kali. Rat atum aning pu’an kangtang, lapen latum a’ot-adur lapu’an kelu. Latum mentune ta latum abarim atovar pen chelarle. Ne pulo latum ke kachejor abang le anerlo angbong ta reng’angjang pen somlun asonthot lo, lapen Ne lam heihei ke athetin ta arju ingtungte hala “ano amat’ta chingthinthip” tahai lo: Hala rat a’ot-adur arni kathe’angdang along paklang – seta latum a’jongjong anta aphu pejuk’je, mekri emu ta bube, lapen latum methang si asapta ning ke’oi’e detji si chepangthip lo. Ephong la pardet lote, latum ke hala inglong athak kedo marat api atum a Recho ason si tangnak po, lapen latum asapnat’ta cheroktok ave lo. Kosonsi lapuson a’ot-adur arat atum le Job apar phant pharo kopai keme kelong pu kachini po? Kosonsi si hala kopima latum ning kacheparong lake, ahirjume halake sungpik pensi kai arjon along kethek ponlong pu lapen baduta lason longle’pin lang pu chini po? Kosonsi rat lahei a’hirjume aphan chini thek a’boron kedo thekpo, a’hirjume alongta kesung do pu? La do’an anpar Ne nangtum aphan Ne kenangji lake Ne sai along pen nanglong kacharli dun meme arjan, Ne’ot Ne dur an a’hakhi lapen Ne sai do’an lapen hala hei pen apot nangtum Sobar kaphangno dun heihei pen jokvan ta thek. Sitame rat atum ke kaiketa Ne sai aphan patepek bom lapen chenamnam si aning hanghe. Kosonsi lason arat aphan Israel aron vanthuthe’pin unji lapen hala Israel atum aphuthak ason latum aphan Ne ning kithi ave’pin unji? Bonsitame ladak nangtum angbong penang’an atum ke “lam arju lapen chepabihek” Ne phan, ladak ongdung atum ke Korah keja pon abutung amonit ason ta do. Mo eboi Ne hir asang kepaklang ahut, Ne sining ame pen latum aphan pasekhok si theklo paman detji. Nangtum chini nangji Ne lam pen si latum aphan ingchekchot’che lo: Seta, Israel atum asai klemkle aphrang, Ne angton pen “Korah abutung” pavir lo, hala Ne lam kepatepek lapen hala Ne ajak dingklui pen kepavirtang atum aphan. Monit akhei non penke lason akopai Ne pen ning cheparong longle lo; alar ke halatum kethek longji do’an ta Ne ning kithi lapen Sining ame ade pen. Ne monit atum prekjam kachomatha pen keklem athe an kepaklangji, lapen latum aphan angdeng thak’etji. Ne latum kaphirno akam an pangthek etji lapen ansi Ne sai patangji, lasi rat keklemtang athe anta Ne kethantang kepachini’tang ateng pen pirthe athak kedo esek son thakthak si Ne phan latum kamatha heihei alam ateng pen lamrai en pame po. Mo apor nang kele ahut anke haladak thangnat ason ta latum keklemtang athe’ke lar un’e. La rat atum amethang si keklemtang athe chepaklang rinti ji? Laso aphi si Ne rat keklem tang athe an sining athak Po arideng hodai ji.