19. Би яагаад сэтгэлээ нээж зүрхлээгүй вэ
2021 оны тавдугаар сарын дундуур манай удирдагч Жен надаар Лаурагийн үнэлгээг бичүүлсэн юм. Тэрээр Лаураг биеэ тоосон, өөрийгөө зөвтгөдөг, удирдагчид болон ажилчдыг үргэлж шүүмжилдэг, зөв хүн биш гэж хэлсэн. Лаурагийн талаарх Жений үнэлгээ минийхээс өөр байсан юм. Урьд нь намайг Лауратай харилцаж байхад тэр Жений хэлсэн шиг байгаагүй. Гэхдээ үнэнийг хэлчихвэл Жен намайг ялган таних чадваргүй гээд, миний талаар тааруу сэтгэгдэлтэй болж, ирээдүйд надад чухал төслүүд даалгахгүй байх вий гэж би санаа зовсон. Тиймээс Жений хүсэлд найр тавьж, түүний үнэлгээг дагаж, Лаура бусдыг зоргоороо шүүдэг гэсэн юм. Удсан ч үгүй, Лаураг сольсон. Хожим нь би, Лаура Женийг бодитой ажил хийгээгүй, хуурамч удирдагч гэж мэдээлснээс болоод Жен түүнийг удирдагчид болон ажилчдыг шүүмжилдэг гэсэн үндэслэлээр дарангуйлж, шийтгэснийг мэдсэн юм. Жен эцэстээ хуурамч удирдагч болох нь илчлэгдэж, солигдсон. Энэ талаар сонссоныхоо дараа би үнэлгээ бичиж байсан зан авираа эргэн санаад, харамссан. Бурханы үгийг уншиж, өөрийгөө эргэцүүлээд би удирдагчид сайхан сэтгэгдэл төрүүлэхийн тулд худал хэлж, удирдагчтай хамт Лаураг яллахад бэлэн байснаа ухаарсан. Би үнэхээр хүн чанаргүй байжээ. Эргэцүүлэх тусам би өөрийгөө улам жигшиж, үзэн ядаж, энэ бүтэлгүйтлийнхээ талаар нийтлэл бичиж, сануулга болгох үүднээс ах эгч нартай хуваалцах талаар бодсон юм. Гэхдээ би санаа зовж байлаа. “Хэрвээ би үнэлгээний үеэрх завхрал, буруу сэдлийнхээ талаар бүгдийг бичвэл ах эгч нар намайг юу гэж бодох бол? Тэд намайг дорд үзэж, жигшин голбол миний нэр хүнд унаж, би дахин тэдэнтэй уулзах нүүргүй болно шүү дээ” гэж бодсон. Бас Лаура надтай нэлээд дотно байж, асуудал гарвал надад байнга итгэж ярьдаг байсныг ч бодсон. Завхарсан зан чанараар ингэж үнэлснийг минь мэдвэл Лаура юу гэж бодох бол? Надад урам хугарч, холбоогоо таслах болов уу? Хэрэв дээд түвшний удирдагч олж мэдвэл намайг ёс жудаг муутай гээд, өөр үүрэг даалгах болов уу? Энэ бүгдийг бодоход надад муухай санагдсан. Би үнэхээр ичгэвтэр зүйл хийчихсэн, энэ талаар ярихад хэцүү байлаа. Би хийсэн зүйлтэйгээ нүүр тулахыг хүсээгүй; зүгээр л цааш явахыг хүсэж, энэ талаар бичихийг хүсээгүй.
Дараа нь, би энэ явдлыг тунгаан бодож эхэлсэн юм. Яагаад би энэ бүтэлгүйтлийг дурдахыг хүсэхгүй байсан бэ? Яагаад би сэтгэлээ нээж, өөрийгөө илчлэхийг хүсэхгүй байсан бэ? Ямар завхарсан зан чанар надад саад болж байсан бэ? Нэг өдөр гэрчлэлийн видео үзэж байгаад би Бурханы үгийн нэг хэсгийг харсан юм. “Нөхцөл байдлыг үл харгалзан, ямар ч үүрэг гүйцэтгэж байсан, антихрист өөрийгөө сул дорой биш, үргэлж хүч чадалтай, итгэл дүүрэн, хэзээ ч сөрөг биш байдаг гэх сэтгэгдэл төрүүлэхээр хичээнэ. Тэгээд өөрсдийн жинхэнэ биеийн хэмжээ, Бурханд хандах бодит хандлагаа хэзээ ч илчилдэггүй. Үнэн хэрэгтээ тэд өөрсдөд нь хийж чадахгүй зүйл гэж үгүй хэмээн зүрх сэтгэлийнхээ гүнд үнэхээр боддог гэж үү? Сул тал, сөрөг байдалгүй, завхрал ундруулдаггүй гэж чин үнэнээсээ боддог гэж үү? Яавч үгүй. Тэд дүр эсгэхдээ сайн, аливааг нуухдаа гаргууд. Хүч чадалтай, нэр төртэй талаа хүмүүст харуулах дуртай; харин сул дорой, жинхэнэ бодит талаа харуулахыг хүсдэггүй. Тэдний зорилго илэрхий байдаг: Ердөө л нэр нүүрээ хадгалж, хүмүүсийн зүрх сэтгэл дэх орон зайгаа хамгаалах. Тэд өөрсдийн сөрөг байдал, сул талын тухай бусдын өмнө сэтгэлээ нээж, тэрслүү, завхарсан талаа илчлэх юм бол байр суурь, нэр төрийг нь ноцтой сэвтүүлж, дэмий төвөг удна гэж боддог. Иймээс сул дорой, тэрслүү, сөрөг байдлаа чанд нууцлахыг илүүд үздэг. Бүх хүн өөрсдийнх нь сул дорой, тэрслүү талыг олж харах өдөр ирвэл, завхарсан, огт өөрчлөгдөөгүй гэдгийг нь олж харвал тэд дүр эсгэсээр байх ёстой болдог. Тэд завхарсан зан чанартай, эгэл хүн, өчүүхэн, шалихгүй нэгэн гэдгээ хүлээн зөвшөөрөх юм бол хүмүүсийн зүрх сэтгэл дэх орон зайгаа алдаж, хүн бүрийн хүндлэл, бишрэлийг алдаж, улмаар бүрмөсөн бүтэлгүйтсэн байх болно гэж боддог. Иймээс юу ч боллоо гэсэн тэд хүмүүст сэтгэлээ ер нээхгүй; юу ч боллоо гэсэн өөрсдийн эрх дарх, байр суурийг өөр хэнд ч өгөхгүй. Оронд нь тэд өрсөлдөхийн тулд чадах чинээгээрээ хичээдэг бөгөөд хэзээ ч бууж өгөхгүй” (Үг. IV Боть: Антихристүүдийг илчлэх нь. 9-р зүйл: Тэд өөрсдөө ялгарч, хувийн ашиг сонирхол, амбицаа хангахын тулд л үүргээ биелүүлдэг; тэд Бурханы гэрийн ашиг сонирхлыг хэзээ ч бодолцон үздэггүй, харин ч бүр хувийн алдрын хариуд тэдгээр ашиг сонирхлоос урвадаг (X хэсэг)). Бурханы үгээс би антихристүүд дүр үзүүлэхдээ сайн гэдгийг мэдсэн юм. Тэд өөрсдийнхөө харанхуй талыг хэнд ч харуулахыг хүсдэггүй, өөрсдийн завхрал болон тэрслүү байдлын талаар ил болгодоггүй. Мөн тэд бүтэлгүйтэл, алдааныхаа талаар ярихаас үргэлж зайлсхийж, үүний оронд хүмүүсийн зүрх сэтгэлд хүндэтгэл хүлээж, орон зай эзлэхийн тулд эерэг, тууштай, гүн сэтгэгдэл төрүүлэхүйц царай гаргадаг. Миний хийсэн, харуулсан зүйл антихристээс ялгаагүй байсныг би ухаарсан. Хуурамч удирдагчийг дагаж Лаураг яллаж байхдаа би завхарсан зан чанараа таньж авсан, гэвч энэ нь бүтэлгүйтэл байсан учраас би бүх хүнд ил болгохыг хүсээгүй юм. Хэрэв тэр үед би өөрийн сэдэл, завхралаа илчилсэн бол хүн бүхэн намайг ямар ялган таних чадваргүй, амархан хүчинд автдагийг харах байсан. Бүгд намайг дорд үзэж, жигшин голж, би үүргээ хүртэл алдах вий гэхээс айж байсан. Би өөрийгөө үнэнийг хэрэгжүүлж, үнэнч шударга байхаас илүүтэйгээр хэрхэн нэр хүнд, байр суурийг үнэлдэг болохоо харсан. Би ердөө л үнэнийг юм уу эерэг зүйлийг хайрлаагүй. Харин ч нэр хүнд, байр суурийг хайрлаж, дүр үзүүлэхдээ яг л антихрист шиг сурамгай байсан юм. Би ов мэхтэй хүн байсан.
Дараа нь, би Бурханы үгээс ахиад хоёр мөрийг олж уншлаа: “Хүн болгон алдаа гаргадаг. Хүн болгон алдаа, дутагдалтай. Үнэндээ, хүн болгон ижилхэн завхарсан зан чанартай. Өөрийгөө бусдаас илүү эрхэмсэг, төгс, сайхан сэтгэлтэй гэж бүү бод; тэгэх нь ямар ч эрүүл ухаангүй байгаа хэрэг. Хүмүүсийн завхарсан зан чанар, хүний завхралын мөн чанар, үнэн төрх чамд тодорхой болмогц чи алдаагаа нуун далдлах гэж оролдохгүй, бусад хүн алдаа гаргавал тэдэнд ч бас шахалт үзүүлэхгүй, харин аль алинтай нь зөвөөр нүүр тулна. Тэр үед л чи гярхай болж, тэнэг зүйл хийхгүй бөгөөд энэ нь чамайг ухаалаг хүн болгоно. Ухаалаг биш хүмүүс бол мунхаг хүмүүс бөгөөд багахан алдаагаа үргэлж бодсоор байхын зэрэгцээ нүднээс далдуур өөдгүй загнадаг. Үүнийг харахад жигшмээр байдаг” (Үг. III Боть: Эцсийн өдрүүдийн Христийн яриа. Биеэ авч явахдаа хүний баримталбал зохих зарчим). “Хүмүүс үргэлж дүр үзүүлж, өөрсдийгөө аятайхан харагдуулж, бусдад өндрөөр үнэлэгдэхийн тулд байнга дүр эсгэж, өөрсдийн алдаа, дутагдлыг олж харж чадалгүй, хүмүүст хамгийн сайн талаа харуулах гэж үргэлж хичээх нь ямар зан чанар вэ? Энэ нь биеэ тоосон, хуурмаг, хоёр нүүртэй байдал, Сатаны зан чанар, ёрын муу зүйл юм. Сатанлаг дэглэмийн гишүүдийг аваад үз: Тэд хөшигний цаана хэчнээн их тэмцэлдэж, дайсагнаж, алж хядлаа ч үүнийг хэн ч мэдээлж, илчлэх эрхгүй байдаг. Хүмүүс чөтгөрлөг царайг нь харна гэхээс айгаад тэд үүнийг нуун дарагдуулахын тулд чадах бүхнээ хийдэг. Олны нүдэн дээр тэд аятайхан харагдахын тулд чадах бүхнээ хийн, ард түмэнд хэчнээн хайртайгаа хэлж, хэчнээн агуу, алдар суутай, зөв зүйтэй болохоо ярьдаг. Энэ бол Сатаны уг чанар. Сатаны уг чанарын өвөрмөц онцлог нь заль, ов мэх юм. Тэгвэл энэхүү заль, ов мэхийн зорилго юу вэ? Хүмүүсийг хуурч, өөрсдийнх нь мөн чанар, үнэн төрхийг харахад саад хийж, улмаар өөрсдийн засаглалыг уртасгах зорилгод хүрэх явдал. Эгэл хүмүүс тийм эрх мэдэл, байр суурьгүй байж болно, гэвч тэд ч бас хүмүүс өөрсдийг нь сайнаар бодоосой, өндрөөр үнэлээсэй, зүрх сэтгэлдээ өндөр байр сууринд тавиасай гэж хүсдэг. Энэ бол завхарсан зан чанар бөгөөд хэрэв хүмүүс үнэнийг ойлгодоггүй бол үүнийг таньж чадахгүй” (Үг. III Боть: Эцсийн өдрүүдийн Христийн яриа. Биеэ авч явахдаа хүний баримталбал зохих зарчим). Бурханы үгээс би хэн ч төгс биш; бид бүгдээрээ дутагдалтай, алдаа гаргаж, завхарсан зан чанараа харуулах боломжтой гэдгийг ухаарсан. Үнэхээр хүн чанартай, ухаалаг хүмүүс өөрсдийн дутагдал, асуудалтай зүй ёсоор нүүр тулж чаддаг. Буруу зүйл хийснийхээ дараа тэд алдаагаа ухаарч, завхралаа шийдвэрлэхийн тулд үнэнийг эрэлхийлдэг. Шударга бус, зальжин хүмүүс бол алдаа гаргаж, завхралаа харуулсныхаа дараа асуудалтайгаа нүүр тулах юм уу алдаагаа хүлээн зөвшөөрч чаддаггүй, зан аашаа өө сэвгүй харагдуулж, өөрсдийн жинхэнэ төрхөө далдлахын тулд үргэлж дүр үзүүлж байдаг хүмүүс юм. Сатан намайг гүнээ завхруулсан байсан ба би бүх төрлийн завхарсан зан чанарт автсан байсан юм. Алдаа эндэл гаргаж, завхралаа харуулах бол хэвийн үзэгдэл. Хэдий би ил болгоогүй боловч тэдгээр завхарсан зан чанар миний дотор нуугдсаар байвал би завхарсан хүн хэвээр байх бус уу? Би Лаурагийн үнэлгээг хийж байхдаа удирдагчийн нүдэнд дүр төрхөө хадгалахын тулд хуурамч удирдагчийг дагаж Лаураг шүүж, ялласан; үүнийг үгүйсгэхийн аргагүй байсан. Хэрэв би хүн чанартай, эрүүл ухаантай хүн байсан бол энэ асуудалтай нүүр тулж, яаж завхрал гаргаснаа, Бурханы үг намайг яаж илчилж, шүүсэн, завхарсан зан чанараасаа юу олж мэдсэнээ бусдад ил болгож, тэгснээр бүгд жинхэнэ намайг харж чадах байсан. Гэвч би завхрал гаргасныхаа дараа бусдын санаан дахь нэр хүнд, дүр төрхөө хамгаалах гэсэндээ, үргэлж хуурамч дүр эсгэж байсан. Би ямар ичгүүргүй, жигшүүртэй байсан юм бэ! Хэрвээ миний харуулсан завхрал ердөө жижиг асуудал, олон хүмүүсийн дунд түгээмэл байдаг илт завхарсан зан чанар байвал би хэдий ил болголоо ч энэ нь миний нэр хүндийг тэгтлээ их сэвтээхгүй нь лавтай учраас хүмүүсийн өмнө өөрийгөө илчилж чадна гэж би үргэлж боддог байлаа. Гэвч энэ удаад, би хуурамч удирдагчийг дагаж хэн нэгнийг ялласан. Энэ бол ноцтой гэм буруу—сөхөж ярихад амар зүйл биш. Энэ нь жудаг муутай, нэр хүндгүй болохыг минь хүмүүст харуулж, нэр төрийг маань ноцтой сэвтээх байлаа. Тиймээс би ил болгохыг хүсээгүй юм. Оронд нь, би бусдын толгойг эргүүлж, энэ талаар чимээгүй байсан—Би үнэхээр зальжин байсан! Зөвхөн тэр үед л би завхралаа ил болгохыг хүсэхгүй байгаа минь миний нэрэлхүү зан, нэр нүүрийн шинж тэмдэг төдийгүй, Энэ нь миний зальжин, хорон муу сатанлаг нуугдмал зан чанарыг харуулсныг ухаарсан юм.
Дараа нь би энэ асуудлын талаар үргэлжлүүлэн эргэцүүлж, Бурханы үгийн энэ хэсгийг уншсан: “Ямар нэгэн зүйл тохиолдоход хүн юм хэлдэггүй, аливаа үзэл бодлоо амархан илэрхийлэхгүй, харин үргэлж дуугүй байж магад. Энэ нь тэр хүн ухаалаг хүн гэсэн үг биш, эсрэгээрээ, нэлээд сайн дүр эсгэдэг, юм нуудаг, арга заль нь илүү гүнзгий болохыг харуулдаг. Чи өөр хэнд ч сэтгэлээ нээдэггүй бол Бурханд сэтгэлээ нээж чадна гэж үү? Бурханд ч чин сэтгэлээсээ хандаж, сэтгэлээ нээж чаддаггүй бол зүрх сэтгэлээ чи Бурханд өгч чадна гэж үү? Мэдээж чадахгүй. Чи зүрх сэтгэлээрээ Бурхантай нэг байж чадахгүй, харин ч зүрх сэтгэлээ Түүнийхээс салангид байлгадаг! Та нар бусадтай нөхөрлөхдөө сэтгэлээ уудалж, зүрх сэтгэлд чинь үнэндээ юу байгааг хэлж чаддаг уу? Хүн зүрх сэтгэлдээ үнэхээр байгаа зүйлийг үргэлж хэлдэг бол, хэзээ ч худал хэлж, дэгсдүүлдэггүй бол, чин сэтгэлээсээ байж, үүргээ гүйцэтгэж байхдаа огт хайхрамжгүй, хааш яаш биш бол, ойлгодог үнэнээ хэрэгжүүлж чаддаг бол энэ хүнд үнэнийг олж авах найдвар бий. Хэрвээ хүн үргэлж өөрийгөө нуун далдалж, хүмүүст өөрийгөө тодорхой харуулахгүйн тулд зүрх сэтгэлээ нуудаг бол, бусдыг хуурахын тулд хуурамч сэтгэгдэл төрүүлдэг бол ноцтой аюулд, асар төвөгтэй байдалд орсон бөгөөд тэдний хувьд үнэнийг олж авахад маш хэцүү байх болно. Хүний өдөр тутмын амьдрал, үг, үйлдлээс хэтийн ирээдүйг нь харж болно. Хэрвээ энэ хүн үргэлж дүр үзүүлж, үргэлж өөрийгөө дөвийлгөж байгаа бол үнэнийг хүлээн авдаг хүн биш бөгөөд эрт орой хэзээ нэгэн цагт илчлэгдэж, таягдан хаягдана” (Үг. III Боть: Эцсийн өдрүүдийн Христийн яриа. Бурханд чин сэтгэлээ өгснөөр л үнэнийг олж авч чадна). Хуурамч дүр эсгэдэг хүмүүс өөрсдийн асуудалтай нүүр тулж чаддаггүй, алдаа гаргах үедээ сэтгэлээ нээдэггүй, бусдыг мэхлэх замаар үргэлж өөрсдийгөө нуун далдалдгийг Бурхан илчилжээ. Тэдний зүрх сэтгэл хаалттай байдаг. Ийм хүмүүс тун ёрын муу—тэд туйлын зальжин. Бурхан үнэнч шударга хүмүүст дуртай, харин зальжин хүмүүсийг жигшдэг. Зальжин хүмүүс эцэстээ илчлэгдэж, таягдан хаягдана. Хуурамч дүр эсгэх нь ердөө л нэр хүнд, байр сууринд шунаж байгаагийн шинж болохоос муу үйл үйлдэж, чуулганы ажилд саад хийж, бусдыг хорлодог муу хүн юм уу антихристтэй адил гэсэн үг биш гэж би боддог байлаа. Үүнээс болж таягдан хаягдана гэж би бодоогүй. Гэвч Бурханы үгээс би энэ бол ердөө л миний үзэл, төсөөлөл бөгөөд аливааг харах өнцөг миньташаа байсныг ухаарсан. Би мөс чанараа үл тоож, хуурамч удирдагчийг даган Лаураг яллаж, ингэснээрээ мууг үйлдэгчийн хамсаатан болжээ. Бурхан миний гэм бурууг аль хэдийн маш сайн мэдэж байсан боловч энэявдлын дараа би үүнийг сөхөж ярихыг хүсээгүй, бусдаар бишрүүлэхийн тулд дүр эсгэсээр байсан. Энэ нь үнэнийг хайрладаггүй, үнэн сэтгэлээсээ гэмшээгүйг минь харуулсан юм. Би үнэнийг хэрэгжүүлээгүй, тэр ч байтугай заль гаргаж, хууран мэхэлсэн: Бурхан намайг жигшихгүй яах юм бэ? Хэрэв би энэ хэвээрээ байсан бол гарцаагүй илчлэгдэж, таягдан хаягдана. Ингэж эргэцүүлээд би үнэнч шударга занг хэрэгжүүлж чадахгүй, сэтгэлээ нээхгүй байх нь ноцтой үр дагавартайг харсан юм. Би нэлээд айсан учраас хурдхан өөрчлөхийг хүссэн.
Сүүлд нь би Бурханы үгээс илүү ихийг уншсан юм: “Чи өөрийгөө эргэцүүлж, мэдэж чаддаг байх ёстой. Ах эгч нарын өмнө сэтгэлээ нээж, өөрийгөө илчилж, жинхэнэ байдлаа нөхөрлөх зоригтой байх ёстой. Хэрвээ завхарсан зан чанараа илчилж, задлан шинжилж, эсвэл алдаагаа хүлээж зүрхэлдэггүй бол чи үнэнийг эрэлхийлэгч биш, өөрийгөө мэддэг хүн бүр ч биш” (Үг. III Боть: Эцсийн өдрүүдийн Христийн яриа. Үнэнч хүн байх хамгийн үндсэн хэрэгжүүлэлт). “Хүмүүс ямар үүрэг гүйцэтгэж, юу хийх нь хамаагүй, нэрэлхүү зан, нэр нүүр нь чухал уу, Бурханы алдар суу чухал уу? Хүмүүс алийг нь сонгох ёстой вэ? (Бурханы алдар суу.) Хариуцлага чинь чухал уу, ашиг сонирхол чинь чухал уу? Хариуцлагаа биелүүлнэ гэдэг хамгийн чухал зүйл бөгөөд чи үүнийг гүйцэтгэх үүрэгтэй… Үнэний зарчмын дагуу хэрэгжүүлэх үед эерэг үр нөлөө гарч, чи Бурханд гэрчлэл хийх бөгөөд энэ нь Сатаныг шившиглэж, Бурханыг гэрчлэх нэг арга зам юм. Янз бүрийн арга хэрэглэн Бурханыг гэрчилж, Сатаныг хаяж, голохоор шийдсэнээ Сатанд харуулах нь Сатаныг шившиглэж, Бурханыг гэрчилж байгаа хэрэг. Энэ бол Бурханы хүсэлд нийцсэн, эерэг зүйл” (Үг. III Боть: Эцсийн өдрүүдийн Христийн яриа. Гуравдугаар хэсэг). Бурханы үгээс би хэрэгжүүлэлтийн замыг олсон юм. Бид ямар ч завхрал харуулж, ямар ч алдаа гаргалаа гэсэн үүнийгээ хүлээн зөвшөөрөх зоригтой байж, сэтгэлээ нээж, бусадтай нөхөрлөхдөө завхарсан зан чанараа задлан шинжлэх ёстой. Энэ бол Сатанаас холбоогоо тасалж, бодитой үйлдлээр Сатаныг шившиглэж, Бурханд гэрчлэл хийх зам юм. Энэ нь жинхэнэ гэмшлийг илтгэдэг. Сэтгэлээ нээсний дараа бидний нэрэлхүү, бардам зан, нэр хүнд, байр сууринд хохирол учрахаас үл хамааран бид үнэнийг хэрэгжүүлж, Бурханд гэрчлэл хийхээ урьтал болгохын тулд өөрсдийгөө хаях ёстой. Лаураг үнэлэхдээ би бодит баримтуудыг сөргөж, хуурамч удирдагчийг даган Лаураг ялласан. Энэ туршлагаар дамжуулан би завхарсан зан чанараа бага зэрэг ойлгосон. Сэтгэлээ нээж, ах эгч нарын өмнө өөрийгөө ил болгох ёстойгоо би мэдэж авсан. Миний хийх ёстой зүйл энэ байсан юм. Би нэрэлхүү зан, нэр хүндээ хамгаалахын тулд бусдын өмнө сэтгэлээ нээж чадахгүй, Бурханы үгийг уншаад олж авсан сургамжаа гэрчилж чадахгүй бол Сатаны явуулгад автаж, гэрчлэлээ алдах байлаа. Бас өмнө нь би, өөрийнхөө бүтэлгүйтлийг ярих нь ичгэвтэр хэрэг, энэ бол гэрчлэл биш гэсэн хөгийн үзэлтэй байсан юм. Дараа нь би ойлгосон, нэрэлхүү, бардам зангаа орхиж, завхарсан зан чанартаа хүлэгдэлгүй, бүтэлгүйтлийнхээ талаар нөхөрлөлдөө сэтгэлээ нээж, жинхэнээсээ гэмшиж байгаа л бол үнэндээ энэ нь нэг төрлийн гэрчлэл юм. Үүнийг ухаармагц бүх санаа зовнил минь алга боллоо.
Үүний дараа, би ах эгч нартайгаа нөхөрлөхдөө өөрийнхөө туршлагын талаар сэтгэлээ нээсэн, гайхмаар нь, ах эгч нар: “Туршлагын чинь талаар сонссон нь их тус боллоо. Тэр дор нь анзааралгүй, мэдэлгүй өнгөрдөг л болохоос бид ч бас дандаа ийм завхарсан зан чанар харуулдаг. Бурханы үгийн шүүлт, илчлэлээр дамжуулан завхралаа яаж таньж, мөн чанарыг нь ойлгож авсан талаарх таны нөхөрлөл бидэнд үнэхээр сургамжтай байлаа” гэж хэлсэн. Сүүлд нь ах эгч нар Бурханы үгийн хоёр хэсгийг надтай нөхөрлөж, хүмүүсийг бодитоор үнэлээгүйнхээ мөн чанар, үр дагаврыг улам гүн ойлгож авахад минь тусалсан юм. Хүмүүсийг бодитоор үнэлж чадахгүй байх нь тэднийг хилсээр буруутгаж, зохиомол хэрэг тулгахтай адил; энэ нь нэг ёсондоо гадуурхаж, дарлаж байгаа хэрэг. Хэрэв би хэн нэгнийг дур зоргоороо яллаж, сэтгэлээр унагавал, эсвэл хуурамч удирдагч хэн нэгнийг шийтгэх үндэслэл болгон тэр яллалтыг ашиглаж, үүргээ үргэлжлүүлэн гүйцэтгэхэд нь саад болж, амийн оролтыг нь саатуулбал би мууг үйлдсэн хэрэг. Бас би бусдыг үнэлэхдээ хүн ямар зарчмыг хэрэгжүүлэх ёстойг илүү тодорхой ойлгож авсан. Хожим нь, Лаура энэ бүхнийг олж мэдэх үедээ намайг муугаар бодоогүй; намайг юм асуухаар очиход Лаура надад яг л өмнөх шигээ чин сэтгэлээсээ хариулж байсан. Чуулган ч намайг өөр үүрэгт хуваарилаагүй, халаагүй. Эдгээр үр дүн миний анхны үзэл, төсөөллийг орвонгоор нь эргүүлж, би маш их ичсэн. Энэ бүхэн надад Бурханы итгэмжит, зөвт байдлыг улам ухааруулсан юм. Бид Бурханы үгийн дагуу хэрэгжүүлж л байгаа бол замтай байх болно. Бурханд талархъя!
