855 Зөвхөн Бүтээгч энэ хүн төрөлxтнийг өрөвддөг
I
Зөвхөн Бүтээгч энэ хүн төрөлxтнийг өрөвддөг. Зөвхөн Бүтээгч энэ хүн төрөлхтнийг энэрч, хайрладаг. Зөвхөн Бүтээгч л энэ хүн төрөлхтнийг салахын аргагүй жинхэнэ хайраар хайрладаг. Түүнчлэн зөвхөн Бүтээгч л хүн төрөлхтөнд өршөөлөө хайрлаж, Өөрийн бүтээсэн зүйлсийг нандигнаж чадна. Хүний үйлдэл нэг бүрд Түүний зүрх сэтгэл татагддаг: хүний хорон муу, завхралд Тэрээр уурсаж, бухимдаж, гашууддаг;
II
харин хүний гэмшил, итгэл, дуулгавартай байдлыг Тэр таашааж, хөөрөн баясаж, зүрх сэтгэл нь өөрчлөгдөж, үүнийг баярлан тэмдэглэдэг. Түүний бодол, санаа болгон хүн төрөлхтний төлөө оршиж, хүн төрөлхтнийг тойрон эргэлддэг; Тэр юу болох, Түүнд юу байгаа нь бүхэлдээ хүн төрөлхтний төлөө илэрхийлэгддэг; Түүний сэтгэл хөдлөл бүхэлдээ хүн төрөлхтний оршин тогтнолтой нягт холбогдож байдаг.
III
Хүн төрөлхтний төлөө Тэр аялж, яардаг; Тэр амийнхаа хэсэг бүрийг чимээгүйхэн өгч байдаг; Тэр амийнхаа минут, секунд бүрийг зориулж байдаг… Тэр Өөрийн амийг эрхэмлэхээ огт мэддэггүй мөртөө Өөрийнхөө бүтээсэн хүн төрөлхтнийг үргэлж нандигнаж ирсэн… Тэр Өөрт байгаа бүхнээ энэ хүн төрөлхтөнд өгдөг… Тэрээр өршөөл, хүлээцтэй байдлаа болзолгүйгээр хариу нэхэхгүйгээр үзүүлдэг. Хүн төрөлхтөн нүднийх нь өмнө, амийн хангалтынх нь дор үргэлжлүүлэн амьдраасай гэсэндээ л Тэр ингэдэг. Хүн төрөлхтөн нэг л өдөр Өөрийнх нь өмнө бууж өгч, Тэр бол хүний оршин тогтнолыг тэжээн тэтгэдэг, бүх бүтээлийн амийг хангадаг Нэгэн гэдгийг мэдээсэй гэсэндээ л Тэр ингэдэг.
“Үг. II Боть: Бурханыг мэдэх тухай. Цор ганц Бурхан Өөрөө II”-оос
