383 Ako ay Simpleng Susunod sa Diyos
I
Sumusunod ako kay Cristo sa isang magaspang na landas.
Sa pagdurusa at pagpipino, nalalasap ko ang pagmamahal ng Diyos.
Sa pagkamit sa katotohanan, nagbabago ang disposisyon ko,
at sa paghatol, naliligtas ako.
Ang mga salita ng Diyos
ay matalim na espadang naglalantad sa katiwalian ko;
hinahatulan at dinadalisay ako, binabago ang buhay ko.
Sa pagkakita ko sa pagiging kaibig-ibig ng Diyos, hinahangad kong mahalin Siya,
ipinapangako ko ang buhay ko na susunod sa Diyos habang nabubuhay ako.
Buhay o patay man ako bukas, bumagsak man ang langit o bumiyak ang lupa,
simple akong susunod sa Diyos at tutupad sa tungkulin ko,
isinasagawa ang katotohanan para patotohanan ang Diyos.
Sa paglalakad ko, lalong lumiliwanag ang landas ng buhay ko.
II
Sumusunod ako kay Cristo sa isang magaspang na landas.
Nakilala ko na si Cristo ang praktikal na Diyos.
Sa gitna ng mga pagsubok at kapighatian, ginagabayan ako ng Diyos,
at nakakahanap ako ng lakas sa salita Niya.
Ang mga salita ng Diyos ay tunay na liwanag, tinatanglawan ang daan.
Puno ako ng pananalig,
at ganap akong determinadong sumunod sa Diyos.
Ang Diyos ang aking suporta, at hawak Niya ang buhay at kamatayan ko.
Paanong susuko ako sa mga diyablo at kay Satanas?
Buhay o patay man ako bukas, bumagsak man ang langit o bumiyak ang lupa,
simple akong susunod sa Diyos at tutupad sa tungkulin ko,
isinasagawa ang katotohanan para patotohanan ang Diyos.
Sa paglalakad ko, lalong lumiliwanag ang landas ng buhay ko.
