All Languages

Mobile Apps

Tanong 7: Sabi mo, hindi dinakila o pinatotohanan ni Pablo ang Panginoong Jesus. Hindi ko tanggap ang sinasabi mo. Napakaraming isinulat ni Pablo. Hindi pa puro patotoo ang mga ’yon sa Panginoong Jesus?

Sagot: Kahit isinulat ni Pablo ang mga ’yon, hindi niya dinakila o pinatotohanan ang Panginoong Jesus kailanman. Kahit no’ng banggitin niya ang Panginoong Jesus, ginamit lang niya ang pangalan ni Jesucristo para patotohanan ang sarili niya. Halimbawa, sa mga sulat niya, madalas niyang sabihing, “Si Pablo, na Apostol ni Cristo Jesus sa kalooban ng Diyos.” Ang ibig sabihin ni Pablo ay naglilingkod siya bilang apostol ng Panginoong Jesus sa kalooban ng Diyos, hindi sa kalooban ng Panginoong Jesus. Tinawag ba siya ng Diyos sa langit? Hindi! Tinawag siya ng Panginoong Jesus. Hindi siya tinawag ng Panginoong Jesus bilang Diyos; tinawag Niya si Pablo bilang si Cristo. Pero sabi ni Pablo, “sa kalooban ng Diyos.” Hindi niya kinilala na ang Panginoong Jesucristo at ang Diyos ay iisa. Sa mga sulat ni Pablo, lagi niyang pinaghihiwalay ang Diyos, si Cristo, at ang Banal na Espiritu. Akala niya ang Diyos ay ang Diyos at si Cristo ay si Cristo, na ang Diyos ay mas mataas kay Cristo, at ang Ama sa langit ang pinakamataas. Nakikita namin na nanalig si Pablo sa Diyos ng langit, hindi sa Cristong nagkatawang-tao. Dahil hindi kilala ni Pablo ang Panginoong Jesus, hindi niya dinakila ang Panginoong Jesucristo bilang Diyos kailanman. Hindi niya dinakila kailanman ang mga salita ni Jesucristo o pinatotohanan na ang mga salita Niya ay mga salita ng Diyos, ni hindi niya hinikayat ang mga tao na purihin ang Panginoong Jesus. Kung gayon, talaga bang nanalig si Pablo kay Cristo? Sinunod ba niya at pinatotohanan si Cristo? Hindi! Malubha ang ginawa ni Pablo! Ayon sa mga salita ni apostol Juan, “Ang bawa’t espiritung nagpapahayag na si Jesucristo ay naparitong nasa laman ay sa Diyos: At ang bawa’t espiritung hindi ipinahahayag si Jesucristo, ay hindi sa Diyos: at ito ang sa anticristo” (1 Juan 4:2–3). Sabi sa atin sa siping ito, lahat ng hindi kumikilala sa pagkakatawang-tao ng Diyos ay mga anticristo. Dahil sa Diyos ng langit lang nanalig si Pablo, hindi siya talaga nanalig kay Cristo, pagdating sa gawain ni Jesucristo, walang pananalig si Pablo! Ibinanda ni Pablo sa publiko na siya’y “isang apostol ni Cristo Jesus sa kalooban ng Diyos,” at pinuri at itinanghal ang sarili niyang mga gawa. Gusto niya, lagi siyang kapantay ng Panginoong Jesucristo. Ipinapakita niyan na sobrang ambisyoso si Pablo. Hindi niya sinamba o sinunod ang Panginoong Jesus ni katiting. Hindi nagbago kailanman ang tunay niyang pagkatao, na magalit sa katotohanan at kalabanin ang Diyos. Mas pinatunayan niyan na talagang hindi nagsisi si Pablo kailanman.

Ipinangaral ni Pablo ang ebanghelyo nang maraming taon, pero hindi niya ipinangaral o pinatotohanan kailanman ang mga salita ni Jesucristo. Hindi rin natin nakita kailanman na binanggit ni Pablo ang mga katotohanang ipinahayag ng Panginoong Jesus, sa kabila ng maraming iglesiang pinuntahan niya. Duda kami talaga kung ilang salita ng Panginoong Jesus ang nasasapuso ni Pablo. Samakatwid, tiyak namin na hindi sinunod ni Pablo ang katotohanan dahil hindi siya nagtuon sa pagdanas ng mga salita ng Panginoong Jesucristo, ni hindi niya isinabuhay ang mga salita ng Panginoong Jesus. Sa halip, ipinangaral niya ang ebanghelyo batay sa kanyang mga likas na talino, pagsisikap, kaalaman at kakayahan bilang tao. Pa’no siya naging isang taong sumunod sa katotohanan? Kaya pala hindi niya talaga nakilala, minahal o sinunod ang Panginoong Jesus. Kahit matapos maglingkod nang maraming taon, hindi nagbago ang kanyang dating pagkatao. Sa halip, naging mas mayabang at mukhang pera siya. Pinatatag niya ang kanyang sarili sa paglilingkod para sundin at sambahin siya ng iba. Tapos sinubukan niyang puhunanin ’yon sa pakikitungo sa Diyos. Kagaya lang ’yon ng sinabi niyang minsan na, “Nakipagbaka ako ng mabuting pakikipagbaka, natapos ko na ang aking takbo, iningatan ko ang pananampalataya: Buhat ngayon ay natataan sa akin ang putong ng katuwiran” (2 Timoteo 4:7–8). Malinaw na ipinaliliwanag nito ang motibo ni Pablo sa paglilingkod nang maraming taon: mga gantimpala at putong. Mula simula hanggang wakas, hindi sinunod ni Pablo ang katotohanan; hindi niya hinangad na baguhin ang kanyang disposisyon. Ni hindi nagbago ang kanyang mga layunin at kademonyohan. Ginaya niya ang mga Fariseo. Patunay ang lahat ng ito na hindi siya talaga nagsisi. Tinawag ng Panginoong Jesus si Pablo para bigyan siya ng pagkakataong magsisi at gamitin siya sa pangangaral ng ebanghelyo. Ang katotohanan na nagapi ng Panginoong Jesus si Pablo, na may kademonyohan, ay patunay na Siya ay makapangyarihan at na mapaglilingkod Niya ang sinuman sa Kanyang gawain.

mula sa iskrip ng pelikulang Masasakit na Alaala

Sinundan:  Tanong 6: Lahat ng sinasabi n’yong ito ay mga kasalanan ni Pablo bago niya tinanggap ang tawag ng Panginoon. Pero matapos siyang liwanagan ng matinding liwanag, naglakbay siya sa lahat ng dako para ipangaral ang ebanghelyo ng Panginoon. Ni hindi natin alam kung ilang iglesia ang itinatag niya o kung ilang tao ang naakay niyang tanggapin ang pagliligtas ng Panginoong Jesus. Napakarami niyang isinulat para suportahan ang matatapat. Ipinapakita niyan na talagang nagsisi si Pablo. Hindi n’yo masasabi na isa siyang kaaway ng Panginoong Jesus batay sa kanyang isinagawa bago siya bumaling sa Panginoon.

Sumunod:  Tanong 8: Sabi mo, hindi talaga nagsisi si Pablo kailanman. Pero sabi ni Pablo, ang nabuhay siya na parang Cristo. Pa’no mo iinterpretahin ’yan?

Kaugnay na Nilalaman

Tanong 5: Nang malaman ng pastor at elder na tinanggap namin ang Makapangyarihang Diyos, walang-tigil ang panggugulo nila sa amin, walang-tigil ang paliwanag nila sa amin sa Biblia. Kahit pabulaanan namin sila, at tanggihan sila, ayaw nila kaming tantanan. Matinding panliligalig ’yan sa mga mamamayan. Noong araw, kapag nanghihina o negatibo kami, hindi sila ganito kasigasig. Pero ngayon, nang tanggapin na namin ang Makapangyarihang Diyos, galit na galit sila, sa pagbibigay ng pabuya at parusa, panay ang pang-iinis nila sa amin. Parang hindi sila titigil sa kasamaan nila hangga’t hindi nila kami naihuhulog sa impiyerno na kasama nila! Hindi ko lang maintindihan. Ang pastor at elder, bilang mga taong naglilingkod sa Panginoon, at madalas magsalita tungkol sa Biblia, dapat nilang makita na lahat ng salitang ipinahayag ng Makapangyarihang Diyos ay katotohanan. Bakit hindi nila hanapin ang katotohanan? Bakit hindi nila siyasatin ang gawain ng Makapangyarihang Diyos sa mga huling araw, sa halip na mabangis na tuligsain, kalabanin, at lapastanganin ang Makapangyarihang Diyos? Ginagawa ng pastor at elder ang lahat para hadlangan ang pagtanggap namin sa Makapangyarihang Diyos. Nahihirapan kaming makita ang likas na katangian ng bagay na ito. Pakipaliwanag ito nang kaunti sa amin.

Sagot: Puwede bang hindi mag-alala ang pastor at elder sa pagtanggap n’yo sa Makapangyarihang Diyos? Sa mga mata ng pastor at elder, kayo...

Tanong 13: Lahat kayo ay naniniwala sa Diyos; Ako naman ay kina Marx at Lenin. Dalubhasa ako sa pagsasaliksik ng iba’t ibang paniniwala sa relihiyon. Sa ilang taon ng pagsasaliksik ko, may nadiskubre akong isang problema. Ayon sa relihiyosong paniniwala ay mayroon talagang Diyos. Pero sa dami ng naniniwala sa Diyos, wala pa namang nakakakita sa Kanya. Ang paniniwala nila ay base sa sarili nilang nararamdaman. Kaya nga nakabuo ako ng konklusyon tungkol sa relihiyosong paniniwala: Purong imahinasyon lang ang relihiyosong paniniwala; yun ay isang pamahiin, at walang matibay na basehan sa syensya. Ang modernong lipunan, ay isang lipunan kung saan napakaunlad na ng syensya. Kailangang, nakabase ang lahat sa syensya, para hindi na magkaro’n ng kamalian. Kaming mga miyembro ng Partidong Komunista ay naniniwala sa Marxismo-Leninismo. Hindi kami naniniwalang may Diyos. Ano bang sabi sa The Internationale? “Kailanma’y di nagkaro’n ng Tagapagligtas ang mundo, o ng diyos at emperador na kailangang asahan. Upang magkaro’n ng kaligayahan ang tao, mga sarili lamang natin ang ating asahan!” Malinaw sa The Internationale na “Kailanma’y di nagkaro’n ng Tagapagligtas ang mundo.” Ang sangkatauhan ay naniwala noon sa Diyos at naging mapamahiin dahil ang sangkatauhan nung mga panahong iyon, ay humaharap sa kababalaghan ng natural na mundo na ang araw, buwan, mga bituin; hangin, ulan, kulog at kidlat, ay hindi makapagbibigay ng siyentipikong paliwanag. Samakatuwid, sumibol sa mga utak nila ang takot at pagtataka tungkol sa di-pangkaraniwang kapangyarihan. Kung kaya nabuo ang mga pinakaunang konsepto ng relihiyon. Bukod ditto, nung hindi malutas ng mga tao ang kahirapang dulot ng mga kalamidad at sakit, umasa silang makakuha ng ginhawang pangkaluluwa sa pamamagitan ng mataimtim na pagsunod sa Diyos. Ito ang dahilan kaya nabuhay ang relihiyon. Kitang-kita naman, Hindi ito makatwiran at hindi siyentipiko! Sa panahong ito, moderno na ang tao, at namamayagpag na ang siyensya. Sa mga larangang gaya ng aerospace industry, biotechnology, genetic engineering at medisina, mabilis na naging maunlad ang lahat ng tao. Noon hindi ito naintindihan ng sangkatauhan, at hindi nila kayang lutasin ang mga problema. Pero ngayon kaya ng ipaliwanag ng siyensya ang mga problemang ito, at pwede ng umasa sa siyensya para magbigay ng mga solusyon. Ngayong maunlad na ang agham at teknolohiya, kung naniniwala pa rin ang tao sa Diyos, at naging mapamahiin, hindi ba’t ito ay kabaliwan at kamangmangan? Hindi ba’t napag-iwanan na ang mga tao sa panahong ito? Ang pinakapraktikal na gawin ay ang maniwala tayo sa siyensya.

Sagot: Sabi n’yo ang relihiyosong paniniwala ay dahil sa napag-iwanan na ang tao sa siyentipikong kaalaman, at nabuo mula sa takot at...

Tanong 3: Sa ngayon, laganap ang mapapanglaw na simbahan sa lahat ng relihiyon, pero hindi pa namin lubos na nauunawaan ang pangunahing dahilan. Kaya nga masigasig naming binabasa ang Lumang Tipan at pinagtutuunan namin kung paano humantong sa kapanglawang iyon sa relihiyon ang mga ikinilos ng mga punong saserdote, eskriba at Fariseong Judio noong mga huling araw ng Kapanahunan ng Kautusan. Bagama’t may natuklasan na ang ilang problema, hindi naging malinaw ang kabuuan nito. Nagpunta na rin kami sa mga simbahan sa maraming iba’t ibang lugar at mula sa iba’t ibang sekta, pero hindi pa namin nakikita ang gawain ng Banal na Espiritu. Hindi gaanong malinaw sa amin kung bakit napakapanglaw ng lahat ng relihiyon. Ano ang tunay na dahilan nito?

Sagot: Ngayon, laganap ang kapanglawan sa lahat ng relihiyon, wala roon ang gawain ng Banal na Espiritu, at nanlamig na ang pananampalataya...

Ang Pagpapakita at Gawain ng Diyos Ukol sa Pagkakilala sa Diyos Ang mga Diskurso ni Cristo ng mga Huling Araw Paglalantad sa mga Anticristo Ang mga Responsabilidad ng mga Lider at Manggagawa Ukol sa Paghahangad sa Katotohanan Ukol sa Paghahangad sa Katotohanan Ang Paghatol ay Nagsisimula sa Tahanan ng Diyos Mahahalagang Salita Mula sa Makapangyarihang Diyos, ang Cristo ng mga Huling Araw Araw-araw na mga Salita ng Diyos Ang Mga Katotohanang Realidad na Dapat Pasukin ng mga Mananampalataya sa Diyos Sundan ang Kordero at Kumanta ng mga Bagong Awitin Mga Gabay para sa Pagpapalaganap ng Ebanghelyo ng Kaharian Naririnig ng mga Tupa ng Diyos ang Tinig ng Diyos Makinig sa Tinig ng Diyos Masdan ang Pagpapakita ng Diyos Mahahalagang Tanong at Sagot tungkol sa Ebanghelyo ng Kaharian Mga Patotoong Batay sa Karanasan sa Harap ng Luklukan ng Paghatol ni Cristo (Volume I) Mga Patotoong Batay sa Karanasan sa Harap ng Luklukan ng Paghatol ni Cristo (Volume II) Mga Patotoong Batay sa Karanasan sa Harap ng Luklukan ng Paghatol ni Cristo (Volume III) Mga Patotoong Batay sa Karanasan sa Harap ng Luklukan ng Paghatol ni Cristo (Volume IV) Mga Patotoong Batay sa Karanasan sa Harap ng Luklukan ng Paghatol ni Cristo (Volume V) Mga Patotoong Batay sa Karanasan sa Harap ng Luklukan ng Paghatol ni Cristo (Volume VI) Mga Patotoong Batay sa Karanasan sa Harap ng Luklukan ng Paghatol ni Cristo (Volume VII) Mga Patotoong Batay sa Karanasan sa Harap ng Luklukan ng Paghatol ni Cristo (Volume VIII) Mga Patotoong Batay sa Karanasan sa Harap ng Luklukan ng Paghatol ni Cristo (Volume IX) Paano Ako Bumalik sa Makapangyarihang Diyos

Mga Setting

  • Teksto
  • Mga Tema

Mga Solidong Kulay

Mga Tema

Font

Font Size

Espasyo ng Linya

Espasyo ng Linya

Lapad ng pahina

Mga Nilalaman

Hanapin

  • Saliksikin ang Tekstong Ito
  • Saliksikin ang Aklat na Ito

Connect with us on Messenger